استفسار .. بخصوص محل فول وفلافل او اكسيسوارات

[solyahmed]

اهل نايل موتورز الاعزاء .. السلام عليكم ورحمه الله

اريد ان استفسر منكم وخاصه اللي ليه خبره في الموضوع ده قدامي محل للايجار وبفكر اعمله اما محل فول وفلافل او محل اكسيسوارات حريمي وايشاربات اسبراي ممكن كمان شويه لعب اطفال سلاسل حاجات من الرفيعه دي

ايه اقتراحاتكم ... اولا مشروع الفول والفلافل تكلفته قد ايه ؟؟ والعده الازمه قد ايه تمنها يعني انا ما عنديش خبره في الموضوع ده حد عنده اي معلومات عن الموضوع ده اكيد اي محال لو سألته مش حيقول لي حاجه مش حيقول لي علي الاسرار يعني ..

تاني حاجه موضوع الاكسيسوارات ده ماشي ومربح ولا ربحه قليل

من نظرتكم ايهما افضل ؟؟ كمان الاكسيسوارات دي ممكن براس مال صغير يعني بضاعه ب عشره الاف ممكن يكونوا كويسين كبدايه اما الفول والفلالفل مش عارف يتكلف كام

ياريت تنورني باراءاكم واقتراحاتكم

[abou_ruqi]

امال ايه اللي انت قولتهولي ده في الموضوع التاني ؟

[solyahmed]

خالد باشا .. مساء الفل ان استفسرت منك علي موضوع ماليزيا ومازال الموضوع في دماغي بس من كلام حضرتك ماليزيا محتاجه مبلغ زي ما حضرتك قولت مش اقل من 200 الف جنيه ده ومش لاقي من خلال كلام حضرتك مشروع بأقل من المبلغ ده .. وانا خارج من جواز ومش معايا المبلغ ده . ثانيا انا لسه بدور في في موضوع هجرة ماليزيا وبسأل بس مش ناس كتير بلاقي عندها معلومات عن ماليزيا تاني حاجه موضوع المحل لسه ظاهر قدامي واحد صحبي قايل لي عليه وعايز اننا نتشارك ولسه بفكر مش عارف الموضوع ماشي ولا لا وهل الفكرتين الي طرحتهم للمناقشه كويسين ولا لا علشان كده باخد الاراء .... ولكن ماليزيا لسه في القلب ......

[abou_ruqi]

ربنا يقدر لك الخير في اي مكان تكون فيه ، ان شاء الله

[solyahmed]

كل الناس اللي دخلت الموضوع ده .. معندهاش فكره خالص ؟؟ ولا راي حتي تشاركنا بيه ؟؟

[BRAZILI]

بص يا اخى

الفول و الفلافل ده محتاج صنايعية و خبرة ....... و دول ح يخلوك تلف حوالين نفسك
و حتصرف كتير على بال ما تشتغل ....... ده على اساس انك لقيت ناس كويسة تشتغل معاك

انا شايف بصراحة ان موضوع الاكسسوارات ده احسن بكتير
يعنى حاجاته فى منها رخيص بالمجملة
و متشعب
و ممكن تبدع فيه زى مثلا طريقة العرض و الدعاية بتاعته و الديكور بتاع المحل
يعنى ممكن لما تصرف عليه تلاقى ده غير ان مكسبه حلو
اهم حاجة انه مش محتاج خبرة ولا صنايعية
لو حضرتك فتحت دماغك مع السوق ح تفهمه بسهولة
هو بس محتاج معاملة زبون كويسة .... و يكون عندك امانة فى الشغل بس مش اكتر
لكن اهم حاجة لكل ده .......... الموقع او المكان اللى ناويين تفتحوا فه ان شاء الله

عارف انا عندى محل كماليات و استيكرات سيارات ........ ساعات بنزل محلات الجملة بتاعت الموسكى او النزهة الجديدة عشان اجيب منها ميداليات او عليقات لمرايات العربيات و دباديب و حاجات زى دى

لما بشوف اسعار لعب الاطفال و الاكسسوارات التانية الحريمى و مستلزمات المدارس بيبقى نفسى افتح على طول محل اكسسوارات زى اللى حضرتك قلت عليه

أهم حاجة فى الموضوع ده انه عندك فى البلد دى مواسم كتير زى

عيد الام + موسمين للمدارس + عيد الحب + العيد الصغير و الكبير + راس السنة

و بضاعته مش ح تخسر يعنى لا بتاكل و لا بتشرب زى الناس ما بتقول

ده رايى

و ربنا يوفقك و يرزقك

احمد برازيلى

[MaZaGAngeE]

الفكرتين حلوين
الفول و الطعمية دول الوجبة الاساسية للشعب المصري و لو كانوا 5 محلات جنب بعض كلهم بيرزقوا و بيشتغلوا .
الاكسسوار حلو برضه و مكسبه كويس و مش محتاج صنعة قد ما هوه محتاج تغيير ديكور و عمل دعاية و هروض و حركات كل فترة
عيب شغل الفول و الطعمية انه محتاج صنايعية أو بمعنى آخر عدد عمال مش اقل من 5 و لازم تكون عينيك في وسط راسك و تعد عليهم انفاسهم عشان السرقة و كمان فيه محلات بتجيب العيش الناشف من الافران و تطحنه و تضيفه على عجينة الطعمية عشان تزود مكسبها .....
عيب الاكسسوار انه شغله موسمي و معتمد تماما على المناسبات و كمان على زوق اللي بيشتري البضاعة لو زوقه عالي هيعمل زبون كويس و لو زوقه مضروب هياخد وقت طويل على ما يعرف زبونه محتاج ايه .

ربنا يوفقك .... لو عندك وقت و طولة بال أرشحلك الفول و الطعمية لأن شغلهم مربح جدا .

[love7amada]

الفول و الطعميه محتاج صنيعيه يكونوا شغالينها قبل كده و ايديهم ماشيه ف الشغلانه و دول ممكن تجيبها باعلان صغير
و مظنش انه محتاج رأس مال كبير
الاكسسوارات برده كويس بس ع حسب بضاعتك اللي هتجيبها
يعني ممكن تعمل حاجه زي محلات 2 و نص كده و تكون ف مكان شعبي و زحمه هيكون عليك ضغط محترم و ممكن تعمل محل اكسسوارات شيك و حاجته محترمه بس ف مكان رارقي ف كل زباينه هتكون من النوع الراقي
الاكسسوارات مش اساسيات بيوت ف مش كل يوم البيت عايزها لكن المصري عمره ما هيفتح عينه ف يوم و يقول مش عايز لا فول و لا طعميه
ف انت شوف المكان اللي هتفتح فيه ايه ظروفه
و بعدين فكر ف انهي واحد
لو انت و شريكك عن طريق المعارف عرفتم تجيبوا ناس امينه صنايعيه يبقي شد ف الفول و الطعميه
لو معرفتوش يبقي اكسسوارات
تعرف ايه كمان بيعجبني
صالون حلاقه
بحسه بيكسب حلو و من غير بضاعه تعتبر
تخش تقعد ع الكرسي 5 دقايق تطلع دافع 10 15 جنيه

[A.Saad]

الحلاقة لو مش صنايعى صح هيعمله مشاكل
مين شاط ومين اتقصر زيادة

[solyahmed]

الفكرتين حلوين
الفول و الطعمية دول الوجبة الاساسية للشعب المصري و لو كانوا 5 محلات جنب بعض كلهم بيرزقوا و بيشتغلوا .
الاكسسوار حلو برضه و مكسبه كويس و مش محتاج صنعة قد ما هوه محتاج تغيير ديكور و عمل دعاية و هروض و حركات كل فترة
عيب شغل الفول و الطعمية انه محتاج صنايعية أو بمعنى آخر عدد عمال مش اقل من 5 و لازم تكون عينيك في وسط راسك و تعد عليهم انفاسهم عشان السرقة و كمان فيه محلات بتجيب العيش الناشف من الافران و تطحنه و تضيفه على عجينة الطعمية عشان تزود مكسبها .....
عيب الاكسسوار انه شغله موسمي و معتمد تماما على المناسبات و كمان على زوق اللي بيشتري البضاعة لو زوقه عالي هيعمل زبون كويس و لو زوقه مضروب هياخد وقت طويل على ما يعرف زبونه محتاج ايه .

ربنا يوفقك .... لو عندك وقت و طولة بال أرشحلك الفول و الطعمية لأن شغلهم مربح جدا .

شكرااا لردك الكريم انا اول مره اسمع عن موضوع العيش الناشف .. انا قلقان من الحركات دي علشان كده قولت استفسر يمكن اخوتنا هنا ينورونا

[solyahmed]

الفول و الطعميه محتاج صنيعيه يكونوا شغالينها قبل كده و ايديهم ماشيه ف الشغلانه و دول ممكن تجيبها باعلان صغير
و مظنش انه محتاج رأس مال كبير
الاكسسوارات برده كويس بس ع حسب بضاعتك اللي هتجيبها
يعني ممكن تعمل حاجه زي محلات 2 و نص كده و تكون ف مكان شعبي و زحمه هيكون عليك ضغط محترم و ممكن تعمل محل اكسسوارات شيك و حاجته محترمه بس ف مكان رارقي ف كل زباينه هتكون من النوع الراقي
الاكسسوارات مش اساسيات بيوت ف مش كل يوم البيت عايزها لكن المصري عمره ما هيفتح عينه ف يوم و يقول مش عايز لا فول و لا طعميه
ف انت شوف المكان اللي هتفتح فيه ايه ظروفه
و بعدين فكر ف انهي واحد
لو انت و شريكك عن طريق المعارف عرفتم تجيبوا ناس امينه صنايعيه يبقي شد ف الفول و الطعميه
لو معرفتوش يبقي اكسسوارات
تعرف ايه كمان بيعجبني
صالون حلاقه
بحسه بيكسب حلو و من غير بضاعه تعتبر
تخش تقعد ع الكرسي 5 دقايق تطلع دافع 10 15 جنيه

كلامك مظبوط طبعاا وموضوع الصنايعيه ده ناس قالتلي ده اعلام في الوسيط وحتلاقي بالهبل وناس قالتلي مش اي صانيعي ممكن يشتغل في صنايعي شغلوا حلو في الخلطه سواء في الفول او الفلافل وفي واحد يطفش الناس اكله مش حلو يعني

[solyahmed]

بص يا اخى

الفول و الفلافل ده محتاج صنايعية و خبرة ....... و دول ح يخلوك تلف حوالين نفسك
و حتصرف كتير على بال ما تشتغل ....... ده على اساس انك لقيت ناس كويسة تشتغل معاك

انا شايف بصراحة ان موضوع الاكسسوارات ده احسن بكتير
يعنى حاجاته فى منها رخيص بالمجملة
و متشعب
و ممكن تبدع فيه زى مثلا طريقة العرض و الدعاية بتاعته و الديكور بتاع المحل
يعنى ممكن لما تصرف عليه تلاقى ده غير ان مكسبه حلو
اهم حاجة انه مش محتاج خبرة ولا صنايعية
لو حضرتك فتحت دماغك مع السوق ح تفهمه بسهولة
هو بس محتاج معاملة زبون كويسة .... و يكون عندك امانة فى الشغل بس مش اكتر
لكن اهم حاجة لكل ده .......... الموقع او المكان اللى ناويين تفتحوا فه ان شاء الله

عارف انا عندى محل كماليات و استيكرات سيارات ........ ساعات بنزل محلات الجملة بتاعت الموسكى او النزهة الجديدة عشان اجيب منها ميداليات او عليقات لمرايات العربيات و دباديب و حاجات زى دى

لما بشوف اسعار لعب الاطفال و الاكسسوارات التانية الحريمى و مستلزمات المدارس بيبقى نفسى افتح على طول محل اكسسوارات زى اللى حضرتك قلت عليه

أهم حاجة فى الموضوع ده انه عندك فى البلد دى مواسم كتير زى

عيد الام + موسمين للمدارس + عيد الحب + العيد الصغير و الكبير + راس السنة

و بضاعته مش ح تخسر يعنى لا بتاكل و لا بتشرب زى الناس ما بتقول

ده رايى

و ربنا يوفقك و يرزقك

احمد برازيلى

يا سلااااام ... مستنيك من زمان بص يا باشا بما ان حضرتك بتنزل تجيب حاجات من الموسكي وبتشوف الحاجات اللي بقول عليها ممكن اعرف من خلال راي حضرتك يعني البضاعه تتكلف كام يعني تشكيله حلوه كده تعمل كام او يبقى معايا كام ؟ طبعا انا سامع ان افضل مكان نشتري من الاكسيسوارات الحريمي والاشرابات ولعب الاطفال هو الموسكي صح كده ؟؟ ده ده يشمل العتبه ودرب البرابره وناس بتقول درب سعاده هي بيقي المناطق دي في مكان واحد مش كده ؟؟ معلش انا من اسكندريه فمش عارف القاهره كويس


تاني سؤال بما ان حضرتك عندك محل هي الرخصه بتتكلف كام وبتاخد وقت قد ايه ؟؟

[love7amada]

ما انت مش هتجيب صنايعي تجربه ف الناس انت هتمتحنه الاول و تدوق و اللي يعمل الاكل يكيفك هوا اللي يشتغل و تفضل تتابع شغله ع طول يوم ما يعك تنبهه ان الاداء قل

[mahfouz1983]

نصيحه من المحله بلد البغل اساس الفول والطعميه لو مبتفهمش في الشغلانه دي متخشهاش لانه هتخسر هتخسر وبعدين مشاكلها كتير مع الصحه والتموين دا غير مشاكل الصنيعيه الي هيقرفوك لانك بالنسبه للصنايعي مش فاهم شغله يعني مش هتكون معلم فش الشغلانه دي وخلي بالك ان اجر الصنيعي كبير مش صغير والفترة دي متدخلش مشاريع متفهمش فيها حاحجة اعتقد مشروع الاكسسوار الحريمي نضيف جدآآ ومكسبه حلو جدآآآآآآآآآآآآ

[BRAZILI]

يا سلااااام ... مستنيك من زمان بص يا باشا بما ان حضرتك بتنزل تجيب حاجات من الموسكي وبتشوف الحاجات اللي بقول عليها ممكن اعرف من خلال راي حضرتك يعني البضاعه تتكلف كام يعني تشكيله حلوه كده تعمل كام او يبقى معايا كام ؟ طبعا انا سامع ان افضل مكان نشتري من الاكسيسوارات الحريمي والاشرابات ولعب الاطفال هو الموسكي صح كده ؟؟ ده ده يشمل العتبه ودرب البرابره وناس بتقول درب سعاده هي بيقي المناطق دي في مكان واحد مش كده ؟؟ معلش انا من اسكندريه فمش عارف القاهره كويس


تاني سؤال بما ان حضرتك عندك محل هي الرخصه بتتكلف كام وبتاخد وقت قد ايه ؟؟

بصراحة انا مبروحش كتير ....... بس هو معروف ان كل الاماكن دى جنب بعضها و داخلة فى بعضها و مشبكة فى بعضها ......... انا بروح لواحد فى حارة اليهود ....... و كل مرة انسى هو كان فين ؟؟؟؟

و انا كمان معرفش تتكلف كام التشكيلة المناسبة للمحل ؟؟؟

بس عايز اقول ليك و للاخوة الاعضاء على حكايتى اول ما ابتديت انزل التوفيقية اجيب بضاعة :::

كنت باخد 200 جنيه بس فى كل مرة ....... و افضل رايح جاى فى التوفيقية ..... و اقعد ارغى مع كل و احد صاحب محل و اعمل فيها غلبان مش فاهم حاجة ........ طبعا اتنصب عليا كتير ....... بس مش مهم ده انا كل اللى معايا 200 جنيه .... بس اهم حاجة انى كنت بشغل مخى و ادرس السوق كويس و كنت بوقف الناس اللى بتشيل بضاعة على الحمالة اللى بعجلتين دى ....... و احط فى ايده من جنيه لخمسة حسب سنه و اسأله عن احسن الاماكن لبيع الجملة ......... دول مفيدين جدا ....... طبعا كان فيهم ناس بتشتغلنى و بتعتنى على ناس تبعهم ........ ده سوق يا اخى الكريم لازم تكون حاطط عينيك وسط راسك و مركز قوى لان تركيزك ده اللى ح يكسبك فلوس

مرة دخلت على محل فيه واحدة ست ( الله يهديها ) اشتريت منها شوية حاجات و عرفتها انى بشترى جملة قالتلى و اكدتلى انها بتبيع جملة ..... المهم خدت حاجات بخمسة جنيه الواحدة
كل ده عشان اشوف اسم المستورد المكتوب فى الضهر ......... لما رحت للمستورد ( مسافة حوالى 20 - 30 متر ) جبت الحاجات دى بـ 130 قرش أو 170 قرش مش فاكر ....!!!!!!!!!!!

قصدى بقى انك بتشترى فى الاول اعداد قليلة و بمبالغ بسيطة عشان تعمل تشكيلة و بعد كده لما تفهم السوق شوف المكان عندك بيطلب ايه و ركز عليه .......... بس ده لازم يتم بسرعة عشان محدش ييجى المحل و يسأل على حاجة و ما يلاقيهاش

بالنسبة للرخصة مش عارف بصراحة لانى مش عامل رخصة فى المحل لحد دلوقتى ... لأن المحل إيجار جديد !!!

تحياتى