هى الطيارة بتطير ازاى ؟؟؟؟؟؟!!!!!!

[midoabdeen]

ازيكم يا جماعة عاملين اية
كنا قاعدين امبراح بنتخانق فى موضوع الطيارة دا


كل اللى اعرفة ازاى بتتحرك عن طريق شفط الهوا دا



بس مش عارف ازاى بتطير من الارض وكمان بتنزل تانى على الارض

[TheUnknown]

How do Airplanes Fly? - YouTube

How Airplanes Work - YouTube


كل اللعب فى مادة تكون الDensity قليل الAeroDynamics عشان تقدر تطير

HowStuffWorks "How Airplanes Work"

[Dr_Mido]

وعلى ماتذكر ولو ان ام ش متاكد مرة شفت فى ناشيونال جيوجرافك تحقيق عن وقوع طيارة وكانو بيشرحو ازاى هى بتطير عن طريق موازنه بين سرعتها اللى بتاخدها من موتور الطيارة لحد متوصل لان ثقوة دفع الموتور اقوى من مقاومه الهوا تبداء تطير وبرضه ان حمل الطيران كله بيبقى على الجناحين يعنى زى ماتقول الطيارة بتتعلق من جناحتها اكبر ضغط بيبقى فى المنطقه دى اكتر من كدة موعدكش بصراحه

[maskeen]

بص ياسيدى...الموضوع نظريا بسيط.
القانون يقول ان الماده لها 3 انواع من الطاقه, طاقة الوضع, وطاقه الحركه, وطاقه الحراره..مجموعهم دائما ثابت لا يتغير ابدا...فاذا واحده منهم زادت,,لابد ان تقل الاخريين
وعلى هذا فعمل الطائره يعتمد على صناعة جناح الطائره بحيث يكون مسطحأ من اسفل ومقبب من اعلى..وعندما تنطلق الطائره الى الامام بقوة دفع المحرك النفاث فأن الجناح "يشق" الهواء, جزء منه يجرى اعلى الجناح وجزء يجرى اسفل الجناح...ولان الهواء الذى تم شقه لابد وان يلتقى ثانية خلف الجناح فلابد ان الهواء الذى يجرى اعلى الجناح ان تكون سرعته اعلى من الهواء اسف الجناح (لانه سيمر على مسافه اطول وهى طول السطح المقبب)..وبما ان هذا الهواء سرعته اعلى (طاقة حركته يعنى) اكبر, فلابد ان تكون طاقه وضعه (ضغطه) اقل وذلك حتى تكون مجموع الطاقات ثابت....وبما ان ضغط الهواء اعلى الجناح اقل من ضغطه اسفله..يتسبب فارق الضغط فى دفع الجناح وبالتالى الطائره لآعلى!

فهمت حاجه؟؟؟

[م/مصطفى محمود]

ببساطة خرج ايدك من شباك العربية وخليها مايلة ، هتلاقي أيدك بتطلع لفوق وترجع للخلف ، زود سرعة العربية هتلاقي أيدك بتطلع أكتر وترجع أكتر ، قلل السرعة هتلاقي أيدك بتنزل تاني (لو ملقيتشي أيدك دي بقى قصة أخرى :d )

فقوة الدفع بتأثر بشكل كبير فى التحليق

بالإضافة لميل أيدك ، ده برضوا بيأثر (جرب تخلي كفك أفقي مش هتحس بحاجة ، جرب تخلي كفك رأسي (فى مواجهة الريح) هتلاقي أيدك بترجع للخلف ومبتطلعشي لفوق)

فاللى بيتحكم فى الموضوع قوة الدفع الخاصة بالمحرك (تعتبر سرعة الهواء) وزاوية ميل الجناح ، بالإضافة للمساحة (مساحة الجناح)

هو بقى بيتحكم فى العوامل دي حسب الرغبة

[hugan]

السؤال اللي عايز اجابه ليه
هو ان العربيات او الاتوبيسات مثلا الحركه بتخرج من الفتيس الي العجلات مما يجعل العربيه تتحرك
ماشي
الطياره الدفع بتاعها بيجي منين
وكذلك القطار

[A.Saad]

القطار زى العربيات
من دفع المحرك لعجلات القاطرة - الجرار -

الطائرة
من دفع المحرك النفاث للهوا فى الخلف
او لو محرك ريش
من حركة الريش اللى تدفع الهواء

[yousef1978]

الطيارة بتتحرك في الأول على عجلات زي العربية

مع زيادة السرعة وزن الطيارة النسبي بيقل لأن الهواء بيبقى في إتجاه يدفع الطيارة لأعلى خصوصا مع ميل ريش الجناح للخلف

بعد أن تصل الطائرة في وقت قليل إلى سرعة معينة مثلا خمسمائة كيلو متر في الساعة بيصبح وزنها النسبي زيرو

ثم بتعديل ميل ريش الجناح - المثبته أسفل وأعلى الجناح - يصبح الوزن النسبي بالسالب أي أن الطائرة تتجه عكس إتجاه الجاذبية

بعد وصول الطائرة لمستوى معين واندفعها لأعلى بواسطة كمية الحركة - التي اكتسبتها وهي تمشي على الأرض بسرعة كبيرة جدا - تبدأ الطائرة التحرك للأمام عن طريق شفط الهواء الكثيف للخلف داخل مراوح الشفط العملاقة المثبته على جناح الطائرة

يتحكم الطيارة في إتجاه الطائرة وسرعتها عن طريق التحكم بإتجاه الريش والأجزاء الصغيرة المتحركة في الجناحين حيث أن الأجنحة ثابته لا تتحرك ولكن بها اجزاء متحركة، وكذلك عن طريق سرعة المواتير التي تحرك مراوح الشفط

عند النزول يبدأ في عمل عكس الخطوات السابقة وذلك بتقليل حركة مواتير مراوح الشفط وبعكس إتجاه الأجزاء المتحركة بالجناح كي تمثل مقاومة تقلل تقدم الطائرة للأمام

وعند الوصول لسرعة معينة يبدأ في إنزال العجلات مرة أخرى لكي يصطدم بهما بأرض المطار

كمية الإصطدام تختلف حسب مهارات الطيار

وآخر مرحلة يقوم الطيار بالتسليم عليك ويقولك عبر السماعات الداخلية يمكنكم فك الأحزمة

وحمد لله على سلامة الوصول ورحلة سعيدة إن شاء الله


أخوك م. يوسف

[hugan]

القطار زى العربيات
من دفع المحرك لعجلات القاطرة - الجرار -

الطائرة
من دفع المحرك النفاث للهوا فى الخلف
او لو محرك ريش
من حركة الريش اللى تدفع الهواء

اظن صعبه ان المحرك متصل بالعجلات في القطار
يعني حاجه زي الكبالن او كارونه

[windofchange]

ببساطة خرج ايدك من شباك العربية وخليها مايلة ، هتلاقي أيدك بتطلع لفوق وترجع للخلف ، زود سرعة العربية هتلاقي أيدك بتطلع أكتر وترجع أكتر ، قلل السرعة هتلاقي أيدك بتنزل تاني (لو ملقيتشي أيدك دي بقى قصة أخرى :d )

فقوة الدفع بتأثر بشكل كبير فى التحليق

بالإضافة لميل أيدك ، ده برضوا بيأثر (جرب تخلي كفك أفقي مش هتحس بحاجة ، جرب تخلي كفك رأسي (فى مواجهة الريح) هتلاقي أيدك بترجع للخلف ومبتطلعشي لفوق)

فاللى بيتحكم فى الموضوع قوة الدفع الخاصة بالمحرك (تعتبر سرعة الهواء) وزاوية ميل الجناح ، بالإضافة للمساحة (مساحة الجناح)

هو بقى بيتحكم فى العوامل دي حسب الرغبة

فعلا عملتها وعملت كف ايدي زي الطيارة وصباعين منه زي الجناحات وتلاقي لما تنزل او تميل صوابعك لأسفل ايدك اللي هي الطيارة ترتفع لأعلي والعكس صحيح وطبعا ده مع زيادة سرعة العربية بس خد باللك من ايدك xd

[walidmhafeez]

بص بقي يا باشا وخد الكلام من واحد مهندس طيران ( ميكانيكا باور دارس طيران بعد الكلية )

اولا بالنسبة للطيارة ففي اربع قوي رئيسية الوزن ومقاومة الهواء( ودول القوي الطبيعية) و قوة الرفع و الدفع ودي القوي اللي احنا بنولدها علشان نقدر نتغلب علي القوي الاساسية ونطير

اولا قوة الرفع ودي بتبقي علشان نتغلب علي الوزن, ودي بنولدها عن طريق الجناح, شكل الجناح هو ايروفايل ومن خصاص الشكل دة انه بزود سرعة الهواء في اتجاه ويقللها في الاتجاة التاني, و مع معادلة بيرنوللي ان الضغط والسرعة متناسبين ما لم يؤثر مؤثر خارجي ( صورة من صور قانون بقاء الطاقة) , فكل ما ازود السرعة الضغط فو الجناح يقل ( نتيجة زيادة سرعة الهواء فيه عن سرعة الطيارة) و الضغط تحت الجناح بيزيد ( نتيجة بطئ السرعة فية عن سرعة الطيارة) فبيتولد فؤق ضغط بيؤدي لرفع الطيارة الي فوق ( طبعا الكلام دة في حالة الاقلاع وعكسة في الهبوط)

طيب ازاي بقي بنولد السعة اللي تدي عندها قوة رفع كفاية اني اطير بالطيارة, هي دي بقي قوة الدفع اللي باخدها من مكن الطيارة سواء كانت نفاثة او مراوح

قوة الدفع اساسا علشان تديني سرعة اقدر ارفع بيها الطيارة و من تاثيرات السرعة دي هي مقاومة الهتوء الناشئ عنها, علشان كدة قوة الدفع لازم تتغلب علي المعوقين دول

الفع من المكن بيعتمد علي قوانين نيوتن ,اولا الدفع هو نتيجة رد فعل الهواء علي الطيارة من قوة بتخرج من المكن في اتجاه الخلف, يعني تاثيره بتزق الطيارة للامام) ( قانون نيوتن التالت)
طيب القوة دي يتيجي ازاي, قانون نيوتن التاني بيقول ان القوة هي معدل تغير السرعة مع الزمن( اللي هي الكتلة في العجلة, او بمعني تاني معدل سريان الكتلة في السرعة)

يعني من الاخ الدفع عن طريق زيادة سرعة الهواء الخارج من المكن عن دخوله, في المحركات النفاثة بتبقي زيادة السرعة كبيرة اوى وكتلة الهواء صغير لكن في المكن المراوح بتبقي زيادة سرهة الهواء صغيرة بس الكتلة كبيرة

في بس تعليق صغير, الطيارة عل الارض عمرها ما بتوصل اسرعة 500 كم/ساعة زي ما اتقال في تعليق سابق, الطيارة ببتبدي تترفع عن الارض بسرعة من 18 الي 200 ميل جوي/ ساعة ( الميل الجوي تقريبا زي الميل الري)