استشارة في المطابخ

[islamnabil]

وعليكم السلام ورحمة الله وبركاتة ..

الالومنيوم افضل طبعا من خشب (بس كل حاجة زى ماليها مميزات ليها عيوب) ,, ووبالنسبة لقبنورى فدة موضوع تانى خلاص لانو بيحتاج عميل سبيشيل احنا ايام ماكنا بنعمل مقايسة لمطبخنا كان عامل 65000 من غير رخاااااام وفى حاجات بتعدى 100000 كمااااان ,, حاجة تنقط بس اتعاملنا مع واااحد كويس وشغلوا تماااام لو عايز رقم ممكن ابعتوا على خاص .

اكون شاكر جدا ليك لو تقدر تبعتلي الرقم
شكرا على المشاركة و فعلا قبنوري اسعاره خرافية
تقريبا 5 اضعاف اغلى من اي حد تاني

[islamnabil]

المطابخ الخشمونيوم
هيا الومنيوم بس بتتعمل شكل الخشب
كل اللي عملها مبسوط منها وشكلها جميل
زي مطابخ قبنوري كدة بس بلاش قبنوري
غالي جدا ومش حلو بيعتمد على الصيت بتاعه
في اماكن كتير متخصصين في الخشمونيوم
المتر اعتقد بيبتدي من 800 جنيه على حسب الشغل
وطبعا من غير الاكسسوارات والرخام
يعني مطبخك ممكن يكلفك من 10 ل 15 الف

عارفها طبعا و شوفتها
لكن سعر المتر اقل حاجة لقيتها 1250 من غير اكسسوار ولا رخام
لو حضرتك متأكدة من السعر ده ياريت تدليني على المعرض
و شكرا جزيلا

[نور القمر]

انا معايا رقم المهندس الي عملي بتاعي
هو كان عاجبني موت وهو لسه جديد
بس بعد كدة شوفته عمل لقرايبي حاجات احلى بس كان في فرق سنين على ماطور نفسه في التصميمات
بس هو بيستخدم قطاع المونيوم بتاع الالوميتال مسمينه قطاع الفتارين مش قطاع مطابخ

[islamnabil]

انا معايا رقم المهندس الي عملي بتاعي
هو كان عاجبني موت وهو لسه جديد
بس بعد كدة شوفته عمل لقرايبي حاجات احلى بس كان في فرق سنين على ماطور نفسه في التصميمات
بس هو بيستخدم قطاع المونيوم بتاع الالوميتال مسمينه قطاع الفتارين مش قطاع مطابخ

طيب تمام
ياريت تبعتبيلي الرقم
واضح ان في اجماع على الالوميتال
ربنا يوفقني لحد كويس يارب
و جزاك الله خيرا

[نور القمر]

بعت لحضرتك الرقم
اهم حاجة اللي هايعمل مطبخ الوميتال بلاش موضوع القطع المثبتة في الارض لانها كانت عندي في شقة تانية ومكنتش بعرف انضف وبتربي حشرات تحتها
وااهم حاجة كمان تطلب قاعدة للمطبخ زي بتاع التلاجة تكون بعجل لتسهيل عملية التنضيف تحت المطبخ
كمان التقفيل تحت الحوض الافضل يكون ضرف بلاش موضوع الجرار لانه بيتملي بواقي ميه واكل من الحوض وتنضيف الجرار رخم

[homme49]

بعت لحضرتك الرقم
اهم حاجة اللي هايعمل مطبخ الوميتال بلاش موضوع القطع المثبتة في الارض لانها كانت عندي في شقة تانية ومكنتش بعرف انضف وبتربي حشرات تحتها
وااهم حاجة كمان تطلب قاعدة للمطبخ زي بتاع التلاجة تكون بعجل لتسهيل عملية التنضيف تحت المطبخ
كمان التقفيل تحت الحوض الافضل يكون ضرف بلاش موضوع الجرار لانه بيتملي بواقي ميه واكل من الحوض وتنضيف الجرار رخم

أرجو التكرم بإرسال الرقم على الخاص
حيث أننى مهتم بالموضوع
المطبخ لدى عاش 30 سنه و كان من إنتاج شركة أتيكو عام 1979 و كان ثمنه بالكامل 250 جنيه و كنت مستغليه أيامها
و لكن مؤخرا حركته لرش الشقة بعد إنتشار الحشرات و لكنه تفكك تماما (الجزء السفلى فقط )
و أرغب فى إستبداله بأخر ألومنيوم تجنبا للحشرات
أكون شاكر جدا لو حصلت على رقم إتصال لمن قام بعمل المطبخ لكم

[abokoko]

سؤال
هو فى مطبخ بيتعمل بالكامل الومنيوم

وكمان سؤال
ايه الفرق بين قطاع الفتارين وقطاع المطابخ ؟؟ حسب ما جاء بمشاركة - نور القمر (( بس هو بيستخدم قطاع المونيوم بتاع الالوميتال مسمينه قطاع الفتارين مش قطاع مطابخ ))-
؟

[khaled_yassin]

مع انى مش ناوى اوضب شقتى بس الكلام وروح التعاون عجبتنى جدا