Tweet
ونسيت اني امرأة ... لا لا لا معرفة الرجال كنوز
المقولة دي جات في بالي لما دخلت موقع نسائي من اشهر المواقع المصرية على النت واللي قايلالي عليه طبيبة شابة كنت بروح لها العيادة وهي عضوة فيه قلت طيب اخليني ست طبيعية وادخل موقع نسائي بدل المجتمع الذكوري بتاع نايل موتورز لما بهتوا عليا وبقيت مقربة انزل قهوة واشرب شيشة انا كمان و بدل منا مبقاش ورايا غير حوارات الرجالة والكلام في العربيات ودخلت وشوفت الموقع لقيتني مسجلة فيه من زماااان بس مش فاكرة ليه ومكنتش بدخله
في الاول لقيتني بقول ياااااااااااااااه ايه الجمال ده وبكرر في سري مقولة .. ونسيت اني امرأة
وبعد شوية تجول فيه وفي الاقسام المختلفة على مدار عدة ايام شوفت فيه العجب يا نهار اسوث على الحوارات اللي هناك
امثلة
لو عارض حاجة للبيع 500 صفحة كلها دعاء بالتوفيق وتتوه في المشاركات ومتعرفش مين عايز ايه
لو واحدة قايلة مشكلة شخصية وشايفنها هي الغلطانة من وجهة نظرهم تلاقي اللي تدعي عليها واللي تردح لها واللي تشتمها واللي تهرج بسخافة بدون داعي وكل فين وفين لما تلاقي واحدة عاقلة بتنصح بذوق
لو موضوع بتستفسر فيه على حاجة تلاقي 500 رد عن حاجة تانية خالص كأنك بتتكلم بلغة مش مفهومة ويبقى حظك تمام اوي لو حد عبرك برد فيه معلومة مفيدة
لو اتفتح موضوع سياسي تحس انك قاعد على مصطبة وتشوف العجب من الاراء
لقيتهم عاملين نك نيم ممكن اي حد يدخل بيه ويعرض مشكلته الشخصية قولت انصح العضوات في موضوع ان طاقم الاشراف والاداريين وعلى الاقل الاداريين سهل عليهم يعرفوا مين العضوة اللي كتبت الموضوع الفلاني بالنك نيم العام ونصحتهم عشان ميعرضوش المشاكل الشخصية التي تمس الاعراض بالطريقة دي خصوصا انهم بيعملوا مقابلات وعارفين بعض
لقيت موضوعي اتحذف ولقيتهم بيتهموا اي حد يتكلم في الموضوع انهم من منتدى الاعداء وان الكلام ده كذب وان غرضنا تشويه المنتدى !!!!!!!!!!
لقيت ناس كل همها على الميك اب ومسابقات ومنافسات في اجمل ميك اب عيون مثلا تعمله العضوة لنفسها
وناس كلها همها على الاكل
وناس كل همها اللبس والموضة
حسيت ان ذوات العقول الناضجة نادرين جدا بالرغم من ان اغلبهم فوق ال 30
وفي الاخر اعترفت ان لا لا لا معرفة الرجال كنوز حتى لو ادى الامر اني انزل اقعد على قهوة واشرب شيشة او انزل تحت العربية واصلحها بنفسي واطلع مشحمة
في الاول لقيتني بقول ياااااااااااااااه ايه الجمال ده وبكرر في سري مقولة .. ونسيت اني امرأة
وبعد شوية تجول فيه وفي الاقسام المختلفة على مدار عدة ايام شوفت فيه العجب يا نهار اسوث على الحوارات اللي هناك
امثلة
لو عارض حاجة للبيع 500 صفحة كلها دعاء بالتوفيق وتتوه في المشاركات ومتعرفش مين عايز ايه
لو واحدة قايلة مشكلة شخصية وشايفنها هي الغلطانة من وجهة نظرهم تلاقي اللي تدعي عليها واللي تردح لها واللي تشتمها واللي تهرج بسخافة بدون داعي وكل فين وفين لما تلاقي واحدة عاقلة بتنصح بذوق
لو موضوع بتستفسر فيه على حاجة تلاقي 500 رد عن حاجة تانية خالص كأنك بتتكلم بلغة مش مفهومة ويبقى حظك تمام اوي لو حد عبرك برد فيه معلومة مفيدة
لو اتفتح موضوع سياسي تحس انك قاعد على مصطبة وتشوف العجب من الاراء
لقيتهم عاملين نك نيم ممكن اي حد يدخل بيه ويعرض مشكلته الشخصية قولت انصح العضوات في موضوع ان طاقم الاشراف والاداريين وعلى الاقل الاداريين سهل عليهم يعرفوا مين العضوة اللي كتبت الموضوع الفلاني بالنك نيم العام ونصحتهم عشان ميعرضوش المشاكل الشخصية التي تمس الاعراض بالطريقة دي خصوصا انهم بيعملوا مقابلات وعارفين بعض
لقيت موضوعي اتحذف ولقيتهم بيتهموا اي حد يتكلم في الموضوع انهم من منتدى الاعداء وان الكلام ده كذب وان غرضنا تشويه المنتدى !!!!!!!!!!
لقيت ناس كل همها على الميك اب ومسابقات ومنافسات في اجمل ميك اب عيون مثلا تعمله العضوة لنفسها
وناس كلها همها على الاكل
وناس كل همها اللبس والموضة
حسيت ان ذوات العقول الناضجة نادرين جدا بالرغم من ان اغلبهم فوق ال 30
وفي الاخر اعترفت ان لا لا لا معرفة الرجال كنوز حتى لو ادى الامر اني انزل اقعد على قهوة واشرب شيشة او انزل تحت العربية واصلحها بنفسي واطلع مشحمة
Comment