مشكله مع ابنى

[أبو إياد]

انا واقع فى مشكله هى بسيطه جدا الا انها عملالى قلق ووجع دماغ كبير مع اياد الباشا ابن سنتين ونص كل ما يركب العربيه مافيش عنده غير كلمه واحده
اسوق..........اسوق
نيجى ننزل من العربيه بمشكله مش عاوز ينزل ومجرد خروجى ينقل على الكرسى بتاعى
اعمل ايه ؟
واحد صاحبى قالى اى عسكرى خليه يزعقله وهو عملها مع ابنه والموضوع نجح بس خايف اعقد الواد من الشرطه ... هل من حل خصوصا انى متاكد ان اغلبكوا مر بالتجربه دى

[yoko]

مش شايف مشكلة في الموضوع ؟؟؟

[ramynabilpop]

كل العيال كده بس واضح ان حضرتك ممرتش بالمشاكل الصح هههههههههههههه
لان دى مش مشكله دة دلع عيال

[AirForces]

ممكن تجيبله عربية لعبة بتاعة الأطفال اللى بيقعدوا فيها دى وخليه يسوق براحته فى البيت :)

[AkramArafa]

لو فيه مكان كويس و فاضي حطه علي حجرك و خليه يمسك الدركسيون معاك
و اهي حاجه تسكته بيها لما يزن تبقي تقوله اسكت عشان اخليك تسوق

[yoko]

لو فيه مكان كويس و فاضي حطه علي حجرك و خليه يمسك الدركسيون معاك
و اهي حاجه تسكته بيها لما يزن تبقي تقوله اسكت عشان اخليك تسوق

كله إلا الحل ده لإنه خطر جدا جدا جدا حتى لو في جراش خاص

[Hany A Fattah]

ممكن تجيبله عربية لعبة بتاعة الأطفال اللى بيقعدوا فيها دى وخليه يسوق براحته فى البيت :)

فعلا ده انسب حل وعن تجربه

[أبو إياد]

كله إلا الحل ده لإنه خطر جدا جدا جدا حتى لو في جراش خاص

فعلا كله الا كده لانى بتضايق من اللى بيعملها فامينفعش اعمل حاجه انا بنتقضها

[sharpen]

لو فيه مكان كويس و فاضي حطه علي حجرك و خليه يمسك الدركسيون معاك
و اهي حاجه تسكته بيها لما يزن تبقي تقوله اسكت عشان اخليك تسوق

دى حركة لامؤاخذة زبالة

[AkramArafa]

مش عارف بقي
اصل قرايبي عملوها مع ابنهم ونفعت بس كان شارع فاضي والله
بس هيا فعلا غلط عشان محدش عارف ممكن يحصل ايه

[MOUSTAFA_SAAD]

انسب حل بتاع عربية الاطفال

[أشرف العدوي]

هههههههه
آسر ابني كدة بردو هو في نفس السن
اول ما انزل ينقل مكاني
بيقولي عايز اسوق و ازمط
و كل ما يشوف بنزينة عايزني اقف جنبها يتفرج على العربيات و هي بتاكل مم

[أبو إياد]

هو عنده عربيه وعجلتين وعامل ليهم بارك فى البيت وبيعلق مفتاح عربيتى فى العربيه بتاعته ويروح يجيبلى اشرب بيها واى حد يندهله ياخدها ويروح بيها انما فالموضوع ده باردو مش حل انا كنت باعمل زيه بس لما كان عندى فوق العشر سنين بس اختلاف الزمن بقا

[أشرف العدوي]

ههههههه

أوعى تقولي ان البارك في الصالون
و بياخد بشكير عامله غطا للعربية الكبيرة

[أبو إياد]

هههههههه
آسر ابني كدة بردو هو في نفس السن
اول ما انزل ينقل مكاني
بيقولي عايز اسوق و ازمط
و كل ما يشوف بنزينة عايزني اقف جنبها يتفرج على العربيات و هي بتاكل مم

ههههههههههه ازمط لا انا عندى بيقول على العربيه عابيه وبيخطف الكلمه ولما اجى البس يقوله راح فين سغل . بيسى وسيبسى واصير ودلوقتى لتعلم لما يعمل حاجه غلط يعمل نفسه نايم وبعد كده يقوم مخضوض وكل ده تمثيل فى تمثيل