سؤال بخصوص خط فودافون

[ENG\AHMED]

هل من حق شركات الاتصالات سحب الخط كدة منها لنفسها ؟؟

القصة انى معايا خط فودافون بقالة اكتر من 10 سنين وكان بعقد وعامل تحديث للبيانات السنة اللى فاتت يعنى مفيش اى بيانات ناقصة ولا حاجة , المهم الخط دة بقالى فترة طويلة مشغلتوش يمكن اخر مرة شغلتة كان فى 2010
امبارح بشغلى مش عايز يشتغل جربت اتصل علية غير موجود بالخدمة كلمت خدمة العلملاء بيقولوا الخط اتسحب نتيجة انة بقالة اكتر من 3 شهور لم يستخدم ونزل السوق تانى كأنة خط جديد , بقولة ان مفيش حاجة فى العقد بتقول كدة بيقولى لأ دة قانون من وزارة الاتصالات وسارى على ال 3 شركات

هل من حقهم انهم يسحبوة وخصوصا ان الخط دة كارت مش فاتورة يعنى مفيش فلوس مدفعتش ؟؟

[drmsadek1979]

للأسف فعلا الخط كدة ضاع عليك

[tutankhamoun]

هل من حقهم انهم يسحبوة وخصوصا ان الخط دة كارت مش فاتورة يعنى مفيش فلوس مدفعتش ؟؟

أي شركة أتصالات في العالم بيكون للخطوط الخاصة بها مدة صلاحية
فيه شركات بتخليها 6 شهور و شركات 90 يوم و شركات تانية كحد أقصى سنة كاملة .
لازم الخط يتشحن و يتم أستخدامه و إلا يتم سحبه

في أي عقد هاتف
الخط هو أيجار من حضرتك من الشركة مشغلة الخدمة و الخدمة تستمر معاك طالما الشحن مستمر و أستخدام الخط مستمر .

لأن الشركات بتكون عاملة حساب خاط موجود على الشبكة و هو في الحقيقة مش مستخدم و ده بيكون عبء على الشبكة في خطط التوسعات .

الأهم أن صلاحية الشركات في مصر هي 90 يوم .
يعني اللي معاه خط و مش بيتكلم فيه يكون حريص أنه يشحنه و يستخدمه على الأقل 3 دقائق مرة كل 80 يوم .

[ENG\AHMED]

يعنى كدة الخط راح حيث لا رجعة :(
عموما متشكر ليكم جدا اهتمامكم :)

[Dr_Mido]

لا ليه رجعه بس غتيته انا رجعت خط قبل كدة استنيته اما اشتغل وخدته من الراجل اللى شغله تانى لو الخط يهمك قوى تابعه من وقت للتانى هتلاقيه اشتغل وربنا يكرمك ويرضى يديهولك

[love7amada]

انا خطي وقع ف ايد واحده خليجيه دماغها جزمه و كل ما اجي اتصل تشتم فكرها اني بعاكس فقلت يولع ابو الخط