ادهم ابني اول يوم ليه في kg1وحالتي وحشه

[aminibrahim]

العمل ايه خايف عليه ومتعلق بينا

وبفكر فيه علي طول ومش جاي ليا نوم عامل زي اللي داخل الامتحان

مع العلم المدرسه خاصه واخر دلع واخته فيها في تانيه ابتدائي

وفي دادات بس قلبي ملهوف وخايف ليبكي بالدموع

اعمل ايه؟ ارجوكوا

[ramynabilpop]

لا حول ولا قوه الا بالله اهدى شويه انا بتقطع من الحجات دى الله يكرمك :(
اكيد هيتعود

[BRAZILI]

انا لما قريت العنوان افتكرت ان الولد هو اللى حالته وحشة و قلت ده عادى بالنسبة للأطفال الصغيرين

لكن تكون انت ابوه حالتك زى كده .........؟؟؟؟

يعنى دى بتكون حالة معظم الامهات ، شكلك متعلق بالولد جامد جدا

لازم تقوى قلبك اكتر من كده ، امال ح تعمل ايه فى الايام الجاية لما يكبر

خلى بالك مع مرور الوقت ح تتعود و ترجع زى الاول ان شاء الله

فى الزمن ده لازم تقوى قلبك و تخلى الولد ياخد فرصته فى التعلم من الحياة

بلاش نتعلق بيهم قوى و ندلعهم قوى ..... عشان يطلعوا عودهم ناشف

تحياتى

[aminibrahim]

لا حول ولا قوه الا بالله اهدى شويه انا بتقطع من الحجات دى الله يكرمك :(
اكيد هيتعود

امهم نايمه ولا في دماغها

وانا خلاص مش قادر هما دول حياتي

اخوات وحشين فهما دول اللي طلعت بيهم من الدنيا

وبعدبن زاد وغطي بيسمعوا الكلام مع العلم اني مدلعهم بس بيخافوعلي زعلي

انا اسف ممكن حد يقول عليا ايه الراجل ده بس انا مش كده ومش ممكن يلاحظو عليا
اشد معاهم وادخل اوضتي مع نفسي اعاتبها

اسف اسف

[BRAZILI]

امهم نايمه ولا في دماغها

وانا خلاص مش قادر هما دول حياتي

اخوات وحشين فهما دول اللي طلعت بيهم من الدنيا

وبعدبن زاد وغطي بيسمعوا الكلام مع العلم اني مدلعهم بس بيخافوعلي زعلي

انا اسف ممكن حد يقول عليا ايه الراجل ده بس انا مش كده ومش ممكن يلاحظو عليا
اشد معاهم وادخل اوضتي مع نفسي اعاتبها

اسف اسف

وليه الاسف .... ربنا يعينك

المشكلة الاساسية اللى لازم تاخد بالك منها انك لو فضلت على الحال ده و مشفتش حل ليه حتتعب قوى فى الايام والسنين الجاية ........ ولازم على الاستغفار لانه بيزيل الهموم ..... و الله المستعان

[aminibrahim]

استغفر الله العظيم من كل ذنب عظيم

[AutoTycoon]

معلش يا باشا مع إحترامي ليك و طبعاً مقدر خوفك على ابنك...
بس بجد بجد انا اتعلمت من الدنيا دي ان ان شاء الله لما يبقى عندي عيل صغير هسيبة ينطلق (طبعاً هكون مربيه كويس و هيكون عرف حدوده) و لما يكمل 16 سنة مليش دعوة بيه ان شاء الله يبات برة البيت

صدقني الخوف الزيادة على العيال وحش ... ربنا يبارك لك .. جمد قلبك

[MaZaGAngeE]

ابن اسم الله مايعيش

ده ولد و لازم تتكون شخصيته من البداية
سيبه يعرف و يتعلم و يجرب و انت راقب من بعيد

[أحمد الجندى]

ابن اسم الله مايعيش

سبقتنى والله بالمثل

[dolly13]

صباح الخير
والله انا مقدرة مشاعرك لانه فعلا بيبقى يوم صعب لكن صدقنى كلها اسبوع واحد وتتعود على الوضع الجديد وربنا يخليهملك وتفرح بيهم

[heshamzaky]

يا باشا سيبة عادى جدا و حتى لو عيط أوعى تروحة و تاخدة سيبة حا يعيط شوية دة لو عيط و بعدين حا يندمج و حا يوجع دماغك كل يوم بحكاوى المدرسة و الحضانة
أنا عندى ولدين على فكرة بس الحمد لله الامور مشيت عادى و بقيت بزهق من حكاوى المدرسة
جمد قلبك دة ولد يعنى لازم تنشفة من وهو صغير واحدة واحدة علشان ما يبقاش متدلع
دة أسمة أدهم . بالمناسبة أبنى اسمة ادهم برضو

[ehab]

ربنا يباركلك فيهم و يحفظهم
انا برده بحس الي انت بتقول عليه دا في اختي الصغيرة لما بتروح المدرسة خصوصا الايام الي بكون فيها في البيت اقعد ابص للساعة و افكر يتعمل ايه دلوقتي

[Amr Mohamed]

يا باشا جمد قلبك زى ما الناس بتقول مينفعش الكلام ده
كان فيه مره مثل كده قالهولننا مدرس عربى زمان اوى ولسه فاكره
كان بيقول (ابن الهبلة بيعيش اكتر )هههههههههه
بيقولنا عشان بيسيبوه ياكل فى الزبالة ويعد يلعب فى الشارع فابينشف لكن الدلع ده مش هاخلية يكون شخصية وهينطوى سيبو يتعلم وراقب زى ما الناس قالتلك

[A.Saad]

مش هاقول غير ان ربنا يخليه ليك ويخليك ليه

[human]

و عجبى