إعـــــــلان

Collapse

.

,
See more
See less

حدث في دار من دور القوات المسلحه

Collapse
X
 
  • Filter
  • الوقت
  • Show
Clear All
new posts

  • حدث في دار من دور القوات المسلحه

    امس كان عندي فرح في دار الاسلحه والذخيره
    الفرح كان فرح الاخ الاصغر لزوجتي
    تم لبس الملابس اللي علي الحبل والاولاد حطو جيل في شعرهم وعملو سبايكي
    والبتنين مامتهم لبستهم وعملو شعرهم علي الموضه
    ونزلنا من البيت ودورت العربيه وكلو تمام التمام
    ووصلنا الدار القاطنه في صلاح سالم ودخلت من البوابه بعد السؤال طبعا عن اسم العريس والقاعه المراد اقامه الفرح فيها
    داخل علي البارك بعد حوالي 50 متر من البوابه لقيت فرد امن بيقولي
    ممنوع
    ايه يابني اللي ممنوع
    انا معزوم مش جاي علشان اتعشي
    والعريس اخو مراتي
    ممنوع
    دخول المنتقبات
    نعم
    ايوه ممنوع دخول المنتقبات
    التعليمات كده
    نسيت اقولكم ان زوجتي منتقبه
    وايه الحل
    روح للمقدم حازم مسؤل الامن
    لفيت طبعا علي المقدم حاتم
    اتعرفت وقدمت نفسي ليه
    وبعد المداولات والمحاورات
    ممنوع يافندم
    انا عندي تعليمات مش بايدي
    قولت له
    يعني لو واحده داخله لابسه علي العريان وكل جسمها باين تدخل بالسلامه

    ايوه تدخل ومانقدرش نقولها حاجه

    يمين شمال وكلام في كلام

    هي دي التعليمات اللي عندي
    وبعد البحث والمدواله
    تم التوصل الي نائب مدير الدار
    وبعد التهديد من العريس واجتماع الاهل وارتفاع الصوت تم السماح بالدخول
    وطبعا كان في اكتر من قاعه
    ورجع كتير من المعازيم في قاعات تانيه
    يعني الفكر المتخلف وصل بينا لحد فين
    ونعتب علي فرنسا لما تمنع الحجاب ونكون احنا اول ناس نحاربه
    [SIGPIC][/SIGPIC] ياتقول كلام في محله يا تقول حلو ياحلو
    [url]/photos/a.879931698703941.1073741827.879900435373734/879931905370587/?type=1[/url]

  • #2
    من عدة سنوات
    كان نفسي اعمل فرحي في احد دور القوات المسلحة زي اختي ما عملت
    للاسف انقضى على املي دة
    ليه
    عشان اختي منتقبة
    هيا نفسها عملت فيها
    واتحرمت انا بسبب نقابها
    وكنت زعلانة جدا عشان عملت فرح اي كلام في مكان اي كلام
    مش باحب اتفرج على صور فرحي وباقول يا ريتني ما كنت عملت فرح اصلا
    مش ذنبها
    ذنب التخلف اللي احنا فيه وانقلاب الاوضاع
    بس اللي عرفته بعد كدة
    ان ممكن تصريح من مدير الدار على حسب شخصيته والمنتقبة تركب في عربية العروسه
    نصيب
    [CENTER][shfaf]http://img140.imageshack.us/img140/9236/nile5th2resize.jpg[/shfaf][/CENTER]

    Comment


    • #3
      الكلام دا موجود من زمان فى كل المنشاءت الخاصة بالقوات المسحلة
      ربنا يكون فى عون الجميع

      Comment


      • #4
        الكلام ده موجود في كل نوادي القوات المسلحه و نوادي الشرطه ايضا

        و اللي اعرفه ان حضرتك لما تيجي تحجز الفرح بيبقى مسموح لحضرتك عدد معين من المعازيم المنتقبات يدخلوا
        و بتقلهم على اسم السيده المنتقبه و انت بتحجز الفرح

        طبعا ده تخلف و تمييز عنصري بس للاسف موجود من زمان تعمل ايه ؟؟
        و على فكره العساكر بتوع الامن في اي دار او نادي قوات مسلحه بيبقوا رخمين جدااااااااا و ميعرفش الا كلمه ممنوع و التعليمات كده و بيقوا اختيارهم على اساس الرخامه

        ده انا والدي ظابط و عميد و مع ذلك ولا بيفهموا و لا ودنه معاك اساسا و دايما اتخانق معاهم و يجيبولي ظابط الامن ابتدي اهدى و اتكلم معاه
        محمود ابو السعود

        لا تقلق كثيرا بشأن الماضي / ولا تحمل هم الغد / الان هو حياتك عيشها

        Comment


        • #5
          إحسان محرم، ناشط حقوقى، أقام دعوى قضائية أمام مجلس الدولة للمطالبة بالسماح للمنتقبات بدخول مستشفيات ونوادى القوات المسلحة، منتقداً قرار منع المنتقبات ومرتدى الجلباب من الرجال من دخول تلك الجهات. وقال لـ«المصرى اليوم» إنه تعرض لإحراج أخلاقى أثناء منع زوجته المنتقبة من زيارة مريض فى مستشفى عسكرى، والأمر نفسه تكرر فى حفل زفاف أقيم بدار القوات الجوية.
          وأكد محرم أنه لا ينتمى إلى تيار دينى معين لكن تعرض زوجته لهذين الموقفين جعله يشعر بالعنصرية والإقصاء، قائلاً: «لا يجوز الإقصاء على أساس الجلباب، ومستشفيات القوات المسلحة ليست ملكية خاصة، فهى ملك للدولة ووزارة الدفاع جهة تنظيمية فقط وليست جهة منع».
          وشددت دعوى «منع المنتقبات» التى حملت رقم 39618 على ضرورة إلغاء قرار المشير محمد حسين طنطاوى، وزير الدفاع والإنتاج الحربى، الخاص بمنع المنتقبات من النساء والمرتدين الجلباب من الرجال من دخول المنشآت التابعة للقوات المسلحة.
          وقال ثروت الخرباوى، محامى القضية، القيادى السابق فى جماعة الإخوان المسلمين، إن الأمر يتعلق بالحرية الفردية فى المجتمع، وهى من الأمور المهمة التى غابت عن المجتمع المصرى لسنوات، مشيراً إلى أن «من حق أى إنسان أى يلبس أو يعتنق ما يشاء». وتابع: «رغم اختلافى مع مسألة النقاب فإن من يتم منعها من دخول المستشفيات العسكرية بسبب النقاب هى سيدة مصرية يجب أن يكون لها جميع الحقوق»، مؤكداً أن منع المنتقبات اعتداء على الحريات الفردية، ويتسبب فى حرج اجتماعى يطال قطاعاً عريضاً من النساء المصريات.

          Comment


          • #6
            النقاب و الحلباب حريه شخصيه و منع دخولهم تميز عنصرى

            Comment


            • #7
              ياااااااه الموقف ده كل ما اروح اى دار من دور القوات المسلحه لازم اشوفه
              حتى قريب ف فرح اخت صاحبى كان ف المعازيم منقبات وابو العروسه طلع بره على الباب اتخانق مع الامن وجاب برضه المدير او نائب غايت ما دخلهم
              [CENTER][B]all- all this, it- it's not me, inside, I am, I am more[/B].
              [mtohg=null]http://www6.0zz0.com/2014/11/23/07/616065184.jpg[/mtohg][B]
              اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
              [/CENTER]

              Comment


              • #8
                هي دار الهيئة الهندسية تعتبر قوات مسلحة ولالا؟

                انا اختي منقبة ولسة رايح انا وهي فرح هناك يوم السبت اللي فات..محصلش حاجة لا من الامن ولا من اي حاجة.

                اعتقد اماكن واماكن ؟

                عموما هو قرار مش مظبوط بمنع البنات المنتقبات من الدخول...لكن لابد من كشف وجههم قدام امن القاعة ويكونوا من السيدات طبعا.

                Comment


                • #9
                  هيا اماكن و اماكن فعلا
                  يعني دار الهيئه الهندسيه عادي
                  دار المدفعيه والدتي دخلته عادي
                  لكن برده في اماكن تانيه مش تمام
                  عموما
                  لو اللي داخل ده طلع باسبور خليجي سواء منقبه او راجل بجلباب كان هيكون ده برده رد الفعل و لا كانوا وطوا باسوا جزمته؟؟؟
                  http://www.facebook.com/home.php?sk=group_189600157746068&ap=1
                  روووووبابكيا اي حاجه مستعمه (مش قديمه) للبيع
                  شارك معانا

                  Comment


                  • #10
                    للأسف أسلوب تفكير متخلف وموجود من زمان في أماكن مختلفة

                    الواحد مش عارف يحكي ولا يقول أيه لكن إلي نقدر نقولة إننا لله وإنا إليه راجعون
                    [CENTER]https://www.wzufa.com[/CENTER]

                    Comment


                    • #11
                      وياتري بيمنعو الملتحين كمان ولا عادي؟؟

                      حاجه تفرس والله

                      لازم الواحده تبقي من الكاسيات العاريات عشان تعجبهم

                      Comment


                      • #12
                        اذا كان نادي الصيد (القطامية) شفت بعيني ممنوع الدخول بالجلباب الا للاخوة العرب !!!!! يا حبييييييبيييييي !!!!!!!!
                        [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                        [URL="https://goo.gl/30fu9U"]Registered Migration Agent - MARN 1575106[/URL]
                        [/COLOR][/CENTER][/SIZE]

                        Comment


                        • #13
                          ممنوع دخول المنتقبات كل الدور التابعة للقوات المسلحة...وكمان النوادي ودا من زمان

                          ومهواش استقصاد للدين زي محضرتك متخيل..دا حفاظا علي الامن
                          [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                          لن نطيَل آلمكوُث فيهآ . . !
                          فلمآذآ آلكدَر ؟!
                          وهُنآك ربّ آلبشر
                          إن عصينآ ستر وإن تبنآ غفر
                          إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                          ابتسم وعيش احلى حياه[/COLOR][/CENTER]

                          Comment


                          • #14
                            عموما هو قرار مش مظبوط بمنع البنات المنتقبات من الدخول...لكن لابد من كشف وجههم قدام امن القاعة ويكونوا من السيدات طبعا.
                            انا شايفة الحل دا حل منطقي جدا...بالاضافة الي موافقة اصحاب الفرح علي دخولها


                            لان دا ف الاول و ف الاخر لتأمين المتواجدين بلقاعة..مش من باب الرخامة
                            [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                            لن نطيَل آلمكوُث فيهآ . . !
                            فلمآذآ آلكدَر ؟!
                            وهُنآك ربّ آلبشر
                            إن عصينآ ستر وإن تبنآ غفر
                            إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                            ابتسم وعيش احلى حياه[/COLOR][/CENTER]

                            Comment


                            • #15
                              أنا شخصيا لو ربنا أكرمني ف يوم بارتداء النقاب...هقول لكل المنشآت العسكرية بمناسباتها طظ فيكو

                              بناقص افراح ومناسبات...حفت الجنة بالمكاره

                              لكن حل كشف الوجه لنساء من الامن دي يكون معقول فلضرورة اقصوي زي مثلا فرح ابن او بنت او اخ ولازم الحضور
                              [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                              لن نطيَل آلمكوُث فيهآ . . !
                              فلمآذآ آلكدَر ؟!
                              وهُنآك ربّ آلبشر
                              إن عصينآ ستر وإن تبنآ غفر
                              إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                              ابتسم وعيش احلى حياه[/COLOR][/CENTER]

                              Comment

                              Working...
                              X