محتار فى هدية لدكتور نساء وولادة رفض أن يأخذ أتعابه

[dr_asaos]

يا شباب الخير حد يشور عليا...أنا زوجتى طبيبة نساء وولادة واجريت من أسبوعين عملية استئصال ورم ليفى من الرحم عن طريق أستاذ ليها...ورفض أنا يأخد مليما...وحقيقة متحير فى هدية له تكون فى حدود ألفين جنيه ليس أكثر ويا ريت أقل!!!!!أفكاركم مهمة بس يا ريت بالتفصيل

[أحمد كمال]

لو هو راجل نزيه و بيحب يدلع نفسه و بيحب الحاجات السينييه .... هات له حاجة دلع و تكون غالية

اعتقد ب 2000 جنيه ممكن تجيب نضارة شمس محترمة جدا او ساعة كويسة برضه ...... ارجح الساعة اكتر من النضارة لان النضارات اذواق (الساعات برضه اذواق بس النضارات اكتر) و النضارة ممكن تليق على وش و وش تاني لأ

[gamela]

ممكن حضرتك تشوف تابلوه من اى جاليرى يكون للعيادة بتاعته فى تابلوهات بتعدى اكتر من 2000 وفى اقل اللى يناسب حضرتك او اى تحفة شيك
لان انا فى رايا انه مش حايكون مثلا محتاج ساعة ولا اى حاجة من هذا القبيل لانه على كلام حضرتك انه استاذ دكتور

[أحمد كمال]

ممكن حضرتك تشوف تابلوه من اى جاليرى يكون للعيادة بتاعته فى تابلوهات بتعدى اكتر من 2000 وفى اقل اللى يناسب حضرتك او اى تحفة شيك
لان انا فى رايا انه مش حايكون مثلا محتاج ساعة ولا اى حاجة من هذا القبيل لانه على كلام حضرتك انه استاذ دكتور

هو في كل الحالات مش محتاج حاجة :) يعني هو لو عايز تابلوه هيجيبه و لو عايز ساعة او موبايل او بدلة او نضارة هيجيبها :)

الفكرة في الهدية الشخصية انك بتلبسها كل يوم و بتبقى اظرف

و اكيد هو عنده بس طبيعي الواحد بيحب التغيير :)

[A_H_M_A_D]

ممكن جنيه دهب

[dr_asaos]

شكرا جزيلا لكل الأفكار...أنا كان نفسى فى حاجة للعيادة وبالفعل أيضا ساعة...هشوف الأسعار ربنا يسهل ...مراتى كانت مصممة على الدهب بس أسعار الدهب بصراحة غالية أوى أوى واتخضيت لما شوفت أسعار الدهب!!

[party_0000]

الساعه اشيك طبعا

[MOUSTAFA_SAAD]

ساعه شيك حاتكون هديه كويسه
بس حاول تفهم ذوقه ايه
غالبا حاجده كلاسيك حاتناسبه اكتر

[icehearted girl]

حاجة للعيادة؟؟؟

مممممممممممم


هاتله زباين

[aminibrahim]

يا شباب الخير حد يشور عليا...أنا زوجتى طبيبة نساء وولادة واجريت من أسبوعين عملية استئصال ورم ليفى من الرحم عن طريق أستاذ ليها...ورفض أنا يأخد مليما...وحقيقة متحير فى هدية له تكون فى حدود ألفين جنيه ليس أكثر ويا ريت أقل!!!!!أفكاركم مهمة بس يا ريت بالتفصيل

بص يا باشا احلي حاجه موبايل حلو بس شوف اللي في ايده ايه الاول

لودكتور كويس يا باشا وتثق فيه

ممكن عنوانه والتليفون

[SHNORY]

موضوع التابلوه ده مش اي حد حيفهمه لانه محتاج حس معين في اللي رايحله التابلوه
ممكن حضرتك تجيبله موبايل حتلاقي موبيلات كتير باقل من السعر ده
دور هنا
Mobile Phones

بالنسبه للدهب ونظرا لاسعاره
فانت تجيبله حاجه دهب ب1950 جنيه وعدسه مكبره بالباقي علشان يعرف يشوف حته الدهب
======================
انا لو مكانك
حسلط عليه حد يضربه وعالجه انت وتبقم خالصين ومحدش خيره علي حد
هههههههههههههههههههههههههههههههههههه

[MOUSTAFA_SAAD]

انا لو مكانك
حسلط عليه حد يضربه وعالجه انت وتبقم خالصين ومحدش خيره علي حد
هههههههههههههههههههههههههههههههههههه

اموت واعرف انت بتجيب الافتكاسات دى منين

ممكن تدينى كورس

[د/أحمد ابراهيم]

الاصل ان الطبيب ما يخدش اتعاب من زميل ليه في المهنه

دي اخلاقيات مهنة كنا بنتعلمها واحنا طلبة

(صحيح كتيييير معدوش بيهتموا بس الاصل هو الاصل)

لو هديه رمزيه زات قيمة معقولة يكون احسن (2000 جنيه كتير انت كده بتديله اتعابه بصوره مجمدة)

لو الراجل عنده علم ديني كويس

ممكن تطلع المبلغ في عمل خير باسمه (مثلا للصومال) ...وتخلى المسؤل يبعتله شكر على تبرعه... عشان يعرف انك بتردله الجميله بجميله اكبر (ماعند الله خير وابقى)

[icehearted girl]

اقولك اقتراح شيك...

نزلة شكر فلجريدة...ومنها شكر ومنها دعاية بردوا

[wallace]

هممم ممكن عزمة جميلة علي عشاء بشكل أسري في مكان راقي وساعة هدية هيبقي الموضوع شكلوا جميل جداً