متردد في الزواج

[Ghosts]

مشكله السن دى مش مشكله كبيره
وكمان متنساش انك اكبر منها
فرق السن البسيط هيخلى العقليه قريبه
بس المهم البنت نفسها وعقليتها والاهم اهلها

رغم أنى مختلف معاك ....
بس لازم أقولك أن توقيعك ممتاز ....

[shaddadfalcon1]

مع اني مش بحب حد يتكلم في موضوع السن بس هي مش صغيره
30 سنه يعني يادوب عبال متتجوز وتجيب عيل هتبقي دخلت علي 35 يعني كلها كام سنه وشكرا

[maskeen]

بص حضرتك
1- لو فيه حب...تنتفى كل القواعد
2-مافيش حب..يبقى لازم العقل يكون مقتنع..يعنى تكون مناسبه دينآ وشكلآ وسنآ
3-لازم ولابد تكون انت واهلك مقتنعون تماما بها وبأهلها...لان دول هايبقوا اسرتك التانيه
4-موضوع السن ليس له قاعده ولو ان الفارق يفضل ان يزيد عن 5 سنين..وده هايفرق جدا لما حضرتك توصل 40 وتبقى فى عزك بينما هى بتسلم نمر
5-زى ما قالك زميل هنا..طالما انت مش متحمس لها ومتردد..يبقى ربنا يوفقها مع غيرك

[ashouhdy]

لا حول ولا قوة الا بالله

ياجماعة اتقوا الله ... ربنا هو الواهب والعاطى و هو الأخذ

يعنى البنت عشان نصيبها لسة مجاش تدفن نفسها بالحيا يعنى

والله العظيم ذعلت ان تفكيرنا بقى كدة ...

[MOUSTAFA_SAAD]

فكك من السن ........ فيما عدا السن اخبارها ايه؟

و الاهم من اي حاجة - بعد الدين و ده مش محتاج كلام اساسا - حاسسها طيعة و لينة و لا شخصيتي و استقلالي و قراري و لازم تاخد رأيي ولازم تقنعني و الحوارات الفاكسة اللي بتخرب البيوت دي؟

+1111111111111111111

[MOUSTAFA_SAAD]

مع اني مش بحب حد يتكلم في موضوع السن بس هي مش صغيره
30 سنه يعني يادوب عبال متتجوز وتجيب عيل هتبقي دخلت علي 35 يعني كلها كام سنه وشكرا

خلاص ياشداد
قولها ترمى نفسها فى البحر وتستريح

[ashouhdy]

خلاص ياشداد
قولها ترمى نفسها فى البحر وتستريح

الواحد يخاف على عيالة من دلوقتى ... ويقولك البلد فيها تدين

[shaddadfalcon1]

خلاص ياشداد
قولها ترمى نفسها فى البحر وتستريح

الواحد يخاف على عيالة من دلوقتى ... ويقولك البلد فيها تدين

براحه عليا ياشباب انا لسه راجع من وقف اسبوع

انا بقول رايي مع اني اساسا مش بعترف بموضوع الفرق في السن ده خالص وانا نفسي مراتي اكبر مني بس لما يبقي سنها كبير قوي كده فالأفضل ليه ياخد واحده صغيره

لو هو سنه مثلا فوق ال 35 كنا قلنا ماشي

وفي الأول والأخر ده رايه وهو حر فيه

[aminibrahim]

توكل علي الله

:
:
::
:
:
:
:
:
:
:
:
واستخير تاني

[MOUSTAFA_SAAD]

نصيحه لصاحب الموضوع وانا فى سنك عندى 32 سنه دور على الانسانه اللى تستريح معاها بغض النظر عن اى شىء تانى طبعا مع الاعتبار دينها واخلاقها والحاجات الاساسيه دية

وسيبك من حكاية الستات بيكبروا بسرعه لان ده مش شرط

انا اعرف واحده معرفه شخصيه عندها 50 سنه وتشوفها تقول كبيرها 35

والعكس صحيح ممكن واحده مكملتشى ال30 وشكلها يكون اد امى

[love7amada]

طيب انا عندي 21 و نص و هيا 23
يكون ايه النظام كده ؟؟

[love7amada]

بص هقولك حاجه لو استريحتلها و حبيتها متبصش ع السن لان ربنا يديك طوله العمر انت و هيا محدش ضامن انه هيعيش سنه كمان
فلو شايفها هتريحك عيش اللي هتعيشه ف سعاده بغض النظر عن اي حاجه تانيه
ممكن تكون بنت 20 سنه و مش مكفياك و واحده تانيه عدت ال 40 و هيا اللي مكفياك و ماليه عينك
يبقي اولا اركن السن اخر حاجه
و شوفها هيا كشخصيه و دين و انسانه هتديك كل اللي بتحلم بيه و اللي عشته لوحدك 30 سنه هتعوضه معاها و لا
حسيت انها ممتازه و هتسعدك دوس
مقلق و مش مرتاحلها ف حبه تصرفات هتبص ع االسن انه عيب و هيفضل ع طول قدامك و منغص عليك حياتك

[shaddadfalcon1]

طيب انا عندي 21 و نص و هيا 23
يكون ايه النظام كده ؟؟

عادي جدا

[دموع الثلج]

اتقوا الله فى كلامكم

ايه السطحية دى والرجعية فى التفكير بعض التعلقيات وانا اقرائها حسيت باننا اسم فقط متعلمين ومثقفين وعارفين ما لنا وما علينا

اللى يقولك فكك من السن واللى يقولك اجرى واهرب ...... ليه يعنى هى جوازه ولا مصيبه

وبعدين اصلا صاحب الموضوع نفسه لا يعرف البنت جيدا فكيف لكم بالحكم عليها وعلى طباعها واخلاقها والنصايح بقت نازله ترف عن عدم معرفه بالشخصيه..... هتقولوا لى بناء على كلام العريس مش معلومات كفايه للحكم

وفى الاخر البنى ادم اللى بينوى من الزواج مرضاه الله هيعرف يختار زى ما وصانا الرسول عليه الصلاة والسلام
فاظفر بذات الدين .......... الدين الصحيح يعنى طيبه الخلق والسمعه والاصل والاخلاق والحياء اما موضوع السن تذكر سن ام المؤمنين خديجه كم كان عمرها حينما تزوجت برسول الله ... اه وخلى بالك ده النبى مش حضرتك وسمعته كانت سابقه للنبوه ليه ما تجوزش بنت صغيرة عنه ف السن
والناس اللى بتقول ان حضرتك لسا صغير مش فاهمه صغير ازاى 32 سنه اهاليينا وهم فى السن ده كانوا مخلفين 2 و3 اطفال

[m000dy]

ashouhdy باشا حبيب قلبى ....
طبعآ حضرتك عندك حق بس أنا شفت تجارب كتير فاشلة ....
لما يكون فرق السن بسيط ما بين الراجل والست ....
بيبقوا فوق روس بعض وبيتخانقوا كتير أوى ....

البنت بعد ال 25 سنة بيبقى ليها طباع معينة مستحيل أى راجل يغيرها ....
أنا فى رأيى أنة كل ما يكون سن البنت أصغر كل ما يكون التعامل معاها أسهل ....
دة غير أنى سمعت من دكتور قبل كدة أن البنت بعد ال 27 بتبقى كبيرة (طبيآ) ودة بيقلل فرص الحمل ....
صاحب الموضوع بيقول أنة جواز صالونات لكن لو كان قائم على حب كان هيبقى فى كلام تانى ....
وبعدين هو لسة صغير يقدر يتجوز بنت أصغر من كدة بكتير ....
ومادام هو متردد يبقى بلاااااااااااش أحسن ....
التردد لما بيدخل فى المواضيع دى ....
لازم بتبوظ ....

متمكن واستاذ ورئيس قسم وشكلك مجرب

اما موضوع السن تذكر سن ام المؤمنين خديجه كم كان عمرها حينما تزوجت برسول الله ... اه وخلى بالك ده النبى مش حضرتك وسمعته كانت سابقه للنبوه ليه ما تجوزش بنت صغيرة عنه ف السن

الرسول صلى الله عليه وسلم زى ما اتجوز السيدة خديجة وهى أكبر سنا منه
تزوج ايضا السيدة عائشة وهى أصغر سنا منه بل وكانت أحب زوجاته اليه ده غير الوصيه بخلاف الدين والخلق ان تكون بكرا وليس المقصود بالبكر ما يتعلق بالجسد فقط وهو ما يتوفر فى صغيرة السن

والناس اللى بتقول ان حضرتك لسا صغير مش فاهمه صغير ازاى 32 سنه اهاليينا وهم فى السن ده كانوا مخلفين 2 و3 اطفال

وفى اللى مخلف 5 و 6 وبناته على وش جواز عشان اتجوز وهو عنده 15 سنه زى ما فى الارياف يبقى ده مش مقياس
انما الواقع ان 32 سنه صغير بل وسنه كده مناسب جدا ومايترفضش عشان السن
فوق ال 35 ماشى ممكن يكون فى كلام وماتنسيش ان معظم البنات ان ماكانوش كلهم يحبو يكون فى فرق سن واضح بينهم وبين اجوازهم ( ده ان اتجوزوا بعد الهجوم الشرس عليهم اليويمن دول ههههههههه )
توكلنا على الله بس الاقى الروسية اجمل بنات الكرة الارضية والمسلمين منهم على قفا مين يشيل
ابعت يااااااااااااااارب