اخبار مخالفات عربيتك ايه؟؟؟؟؟

[grumby78]

عاوزك تحكيلي عن المخالفات الغريبة اللي بتلاقيها لما بتجدد رخصة عربيتك!! انا لسه مجدد رخصة عربيتي رحت لقيت عليا 4000 جنية واللهي بالحرف وبلامبالغة , وانا اصلا ولامره اسحبت رخصتي في فترة الرخصة دي ولا رادار.... كامت خالي هوا مستشار كلملي مدير نيابة مديرية الامن ورحت ظبتلي الكلام والحمد لله...... المخالفات اصلا ماعملتهاش وقاعد بافكر لو ماكنش ليا معارف كنت عملت ايه؟؟؟ والله حراااام

[Yarisawy]

يانهار ابيض 4000 ج فى خلال اد ايه ؟

ودفعت كام فى الاخر؟

[احمدعبدالعزيز]

الحمد الله رخصت العربية شهر 12/ 2007 ومعنديش ولا جنية واحد .

[Islam_galal]

حسبنا الله و نعم الوكيل
دلوقتي المخالفات مش لازم يوقفك ، محمول ، حزام . . . . غيره

فتبقي انت معدي و البيه أمين الشرطة بيتكب مذكراته بنمرة عربيتك و خلاص و اهو كله شغل

[wsamir]

لا توجد مخالفات منذ الترخيص 4 -2007

[dr_3eshoo]

ماكنش عليا جنيه واحد يوحد ربنا الحمد لله

[tmz9111]

الحمد الله لا توجد مخالفات حاليا

[Abonora]

كنت رافعه عربيتى فتره كبيره و رحت اجدد الرخصه لقيت مخالفات حوالى 500 ج
ازاى يا جماعه دى مركونه مبتتحركش
و كل الاماكن اللى مكتوبه انى كسرت اشاره و لا وقوف فى الممنوع عمرى معتبتها
المهم اتخفضت و دفعت حوالى 200 و الله مش فاكرى اوى بس تقريبا كده

بعد ما بقيت بخرج كل يوم بالعربيه و سفر و مشيت مره عكس الاتجاه و عديت مزلقان و الصول كتب النمره
و انا رايحه التجديد بعد 3 سنين طبعا رايحه واثقه ان المخالفات حتزيد عن المره اللى فاتت اللى متحركتش فيها العربيه
المهم رحت ملقتش و لا مخالفه و كله تمام :D
رجعت تانى للموظفه اقول لها متأكده
قالت لى انتى عايزه تدفعى - قلت لها لا شكرا
بقيت اقول امال الصول كتب نمره مين

[Eng.Ahmed]

انا مره جالى مخالفات 8100 جنيه على عربيه 128 موديل 1979 و يومها الناس كلها فى المرور كانوا بيبوصولى و هم مستغربين و شكلهم كانوا مستنيين لما اقع من طولى

[MoToRiZeR]

فيه 3 مخالفات انا فاكرهم كويس ..مرة كنت بتكلم في الموبايل في التحرير و مرة كسرت اشارة من غير ما اخد بالي في الجيزة و مرة حزام في التحرير .. و فاكر منظر الأمين وهو بيقولي "يا باشمهندس" و انا نفضتله و مشيت و شايفه في المرايا بيكتب النمرة

المهم ولا واحدة من دول نزلت عالرخصة و لقيت بس مخالفتين صف تاني في السيدة زينب ( ولا اعرف بتتراح ازاي)

[grumby78]

في الاخر دفعت 150 جنيه و الحمد لله, والكلام ده ياريس كان على سنتين

[grumby78]

يالهوي 8100 جنيه ........ طب وعملت ايه؟؟؟؟؟؟
انا بقيت حاسس اني مستهدف من ظابط مرور أو حاجه .. عشان المخالفلت دي معملتهاش

[CryptonX]

انا لسة شايفهم علي النت
60 جنيه صف تاني . ( مع اني عمري ماعملتها )

بس الحمد الله :) 60 جنيه رضا !

[Eng.Ahmed]

يالهوي 8100 جنيه ........ طب وعملت ايه؟؟؟؟؟؟
انا بقيت حاسس اني مستهدف من ظابط مرور أو حاجه .. عشان المخالفلت دي معملتهاش

جربت كل الوسايط الممكنه بس وكيل النيابه كان مش عاوز ينزل جنيه واحد ، بس الحمد لله فى الاخر دفعت مبلغ بسيط ( على فكره انا كنت نسيت اقول ان العربيه كانت مرفوعه 5 شهور و النمر كانت عندى فوق فى البيت :) تقريبا كنت بكسر الاشاره الى قبل مطبخ :) )

[ابو سيف]

انا لسة شايفهم علي النت
60 جنيه صف تاني . ( مع اني عمري ماعملتها )

بس الحمد الله :) 60 جنيه رضا !

بجد حسبي الله و نعم الوكيل

لما يوصلونا لمرحله من كتر الظلم ان الواحد يحمد ربنا و يكون في تمام الرضا و السعادة انه يدفع تمن مخالفات هوا متأكد انه معملهاش بس طالما جت بسيطه المرادي يبقا احمد ربنا
في غيري نازله 2000 جنيه ظلم

انا مش بلومك ابدا و الله انا عارف ان دة حالنا كلنا ( للأسف) بس انا بتكلم على حاجة صعبه جدا بجد
لما الواحد يروح المرور يلاقي عليه مثلا 100 جنيه في مكان عمرة ما راحله و يقول كويس احسن من 500 .. دة كدة رضا ....... و الغريب اننا بنتقبل و ندفع و احنا في غاااااااااااااااايه الرضا

حسبي الله و نعم الوكيل في الظلم دة !!