بينما الأب ينظف سيارته الجديدة

[khaled_sabry]

لما قريتها قبل كده تخيلت ابني ممكان الولد ده وقلت مستحيل حاجه زي دي تحصل

ده انا البارح كنت بصلح التكييف ورجعت وانا داخل علي البلد والدتي كانت عند بنت عمي وهو معاها ومخدتش بالي منه ومشيت حوالي 70 متر بالعربيه وببص في المرايا لقيته جي جري ورايا المسافه ده كلها وبينده عليا وانا كنت مشعل الكاست والتكييف وقافل القزاز
متتخيلوش كنت حاسس بايه ساعتها وكل ماافكر انه شافني جه جري عليا وانا مش واخد بالي وهو بيعيط ورايا في الشارع وبينده عليا بجد ساعتها خدته في حضني وفضلت اتاسف ليه وكان هايز عليا ارمي نفسي تحت العربيه لمجرد اني خليته يجري ورايا المسافه دي كلها

و الله ساعت الغضب الواحد بعمل حجات ممكن يندم عليها العمر كله
يعنى انا مثلا عندى مهاب سنتين و 10 اشهر ..... مثال للطفل الشقى المتشرد المصرى
و شذا سنه و 5 اشهر ..... مثال للبنت البسكوته دلوعه بابا
و انا بحب اولادى جداااااااا
وهما كمان بيحبونى اوى ......... و بالتالى لما بيلعبو بيحبو يلعبو معايا انا اكتر من امهم
فانا طبعى عصبى جدااا فاحيانا لما ببقى متعصب و يجى حد منهم يرمى نفسه عليا (علشان يلعبو ) احيانا ازعق ليهم او اضربهم كمان ...
و ما انتبهشى للى عملته الا من نظرتهم السفليه المنكسره ليا من وسط دموعهم و بعد ماكانت الدحكه ماليه وشهم من دقيقه اتحولت الى بكاء و العين اتملأت بالدموع - ساعتها بكرهه نفسى اوى و بحاول اعوضهم قدر المستطاع و اخليهم يدحكو
لكن مع مهاب بقيت احسن انه رغم انه بيدحك الا انه لسه شايل منى جواه

[fineart607]

على الرغم انى قراتها قبل كده بس قراتها تانى جزاكم الله خير

[shaddadfalcon1]

لكن مع مهاب بقيت احسن انه رغم انه بيدحك الا انه لسه شايل منى جواه

اصعب احساس انك تحس ان ابنك اللي ميعرفش حاجه شايل منك وزعلان وكل نظره ليه تحس انه بيقولك ليه يابابا
بجد تبقي عايز تموت نفسك

[د.اشرف هنداوى]

ربنا يجازيك خير علي النقل

[mazher_m]

انا كنت عارف القصه دى قبل كده
و حضرتك نقلت الصيغه المختصره ليها
لكن ليها صيغه تانيه اكثر تفصيلا فى صفحتين او ثلاثه (نفس الاحداث و لكن وصف اكثر للمشاعر) و فعلا خلتنى ارتجف عندما قرأتها

بس سؤال بارد .... هو ايه اللى جاب المطرقه فى ايد الاب و هو بيغسل العربيه ؟؟؟

ايوه فعلا ايه اللي جاب المطرقه
ولا اقولك خليها مطرقه احسن يغيرها بسكينه ولا مطوه ويمكن فرد خرطوش علشان الايام اللي ميعلم بيها الا ربنا دي

[azmeralda]

حلوة

[SheNo0o]

الله يرحم والدي ويرحم امه المسلمين اجمعين
يرجع هواه بس لحظه ويدغدغ دماغي حتي بس اشوفه تاني ولو لحظه

قصه مؤثرة فعلا وانا قريتها قبل كده النسخه الاطول من دي
وهي فيها حكمه جميله اننا منتسرعش ومنسمحش للغضب بس والعصبيه تبقي هياه الغالبه علينا في تربيه ابناءنا باذن الله الي مجوش لسه يعني
شكرا جدا ليك ع النقل والافاده الجميله دي

[khaled_sabry]

ايوه فعلا ايه اللي جاب المطرقه
ولا اقولك خليها مطرقه احسن يغيرها بسكينه ولا مطوه ويمكن فرد خرطوش علشان الايام اللي ميعلم بيها الا ربنا دي

هو انا على ما اذكر فى القصه الاصليه كان مفك انجليزي من العده بتاعت العربيه (احنا بنقول عليه مفك بلدى بس لأن القصه اجنبيه خليها مفك انجليزي )