موقف نشف دمي و عالالي الضغط

[khaled_bibo]

حدث معي ..... الحمد لله انا بسوق من سنيتن و فيه طريق كده عندنا اسمه طريق المحطه يمتاز انه واسع و متسفلت و فيه عواميد نور بس النهارده

العواميد كان مطفيه و الطريق كحل و كله معتمد على نور العربيه تمام ماشي و فيه في الاتجاه المقابل موتوسيكل منور نور عالي و مش شايف ملامحه

فقولت اضرب العالي انا كمان و اهو منه اشوف الكائن ده ايه و قد كان بنور النور فوجئت ان النور ده مش نور موتوسيكل ده نور بيجو 504

و كنت هلبس فيه لولا اني خدت بالي و لميت نفسي طبعا اعصابي نشفت و كان نفسي ارجع و انزل اديله اللي فيه القسمه بس كان معايا اختي و قولت مش

طالبه مشاكل طبعا ملاحظتي على السواق الحمار ده اولا اكبر غلط انه يمشي بفانوس واحد ثانيا لو فرضا كده متشغلوش عالي خليه واطي عشان اعرف

انت راكب ايه ثالثا لو مش عندك غير عالي قلب يعني افتحه شوف الطريق و اقفله و هكذا يعني يعني عندك 3 اختيارات لو كنت فكرت شوية كان ممكن

تمنع انك تعرض تعمل حادثه لا قدر الله مثلا ده لو لا قدر الله انا لبست فيه كانت عربيتي هتبقى ساندوتش عشان انا 128 و هو بيجو

504 بذمتكم مش حاجة تحرق الدم اه يا بلد نفسي اشوفها احسن من كده

[misoalex]

يا باشا الحمد لله ولا تحرق دمك

انت زعلان عشان ده بيجو هههههههههه طب تقول ايه بقى لو كان نقل وعاوز يعدى من عربيه ودخل على الطريق بتاعك وفاتح النور العالى

انا صاحبى كان راكب جنبى تقريبا اتشاهد
ههههههههههههههههه

[waelfarid]

لا اله الا الله محمد رسول الله

[Amr Mohamed]

لسه شايف موقف زى ده تقريبا على السريع لقيت واحد بنوبيرا كاسر على بتاع نقل عند مطب كده ونازل يخانق فيه ويقوله كنت هاتقلبنى وعمال يضرب فيه وبتاع النقل كان عيل صغير كده وبعد كده لقيت واحد تانى بتاع ربع نقل بردو نازل يزعق فيه ويقولو كنت هاتقلبنى وانا شايفك وانت بتكسر عليه قعدنا نضحك وفضينا الخناقه شكل الواد كان هايقلب كل الناس