سيدي الرجل .. بتعمل ايه لما بتركب المترو .....؟

[رزق]

أعتقد إن أصح حل إن السيدات يركبوا عربية السيدات ده أكثر حفاظا عليهن
أما إن لم تتاح الفرصة (وأعتقد إن الحالة الوحيدة هي سيدة كبيرة في السن ومعها مرافق رجل يسندها وأكرر رجل وليس إمرأه لأن لو معاها إمرأه يبقى تركب في عربية السيدات) فلا مانع من أن يقوم لها أحد الجالسين
غير كده يبقى وقفت أو موقفتش دي حاجه ترجعلي ومافيش علي أي لوم

+1

الكحكة في إيد اليتيم عجبة

بالمناسبة مش كل اللي ميقومش للكبار غلطان
أنا زمان كنت برجع من ماتش الكورة مش قادر اقف على رجلي وبركب المترو
فـلو لقيت مكان اقعد واللهِ ما أنا قايم

[نور القمر]

والله انا منساش موقف
انا كنت قاعدة وحامل في الشهور الاولى ومايعلم بحالي إلا ربنا
ودخل رجل مسن رجلاه مش شايلاه بمعنى الكلمة ومحدش عبره مع ان معظم الراكبين شباب وانا اللي قمت للراجل
وموقف تاني برده كنت حامل وواقفة والله العظيم وصلت لدرجة اني مش قادرة افرد طولي وانا واقفة وبدأت قوتي تنهار وركبي تتني وبنزل للارض
والله اللي قام لي ساعتها وقعدني مكانه كان نازل في المحطة
اتعقدت من المواصلات العامة وكرهتها وصممت اتعلم السواقة عشان اترحم
لكن قصاد الموقف ده في عشرات المواقف الايجابية

[Dr_Mido]

انا شخصيا بقوم فى 4 حالات بس ست كبيرة او حامل او راجل كبير او راجل شايل طفل غير كدة مبعبرش حد

[Nistelrooy]

المترو ده كان واحد من اسواء الموصلات الي ركبتها في حياتي ,,

زحمة والواحد مش عارف يتنفس والناس لازقة في بعضها ,, ميزتة في السرعة بس ,,

[A.Saad]

ههههه
يعني انا عملت الموضوع دة جت على دماغ الستات
بس على فكرة دي ظاهرة غريبة اوي انانية الستات مع بعض
وعدم تعاونهم
رغم انهم بيبقوا متعاونين في حاجات تانية بس مش كل الرجالة بردو كويسين يعني وبيقوموا لكبار السن

حالات تعاون السيدات مع بنى جنسهن

• تقطيم واحدة لسه مجوزتش والشماتة فيها
• الغيبة والنميمة على واحدة صاحبتهن مش قاعدة
• الشكوى من الازواج والاسعار والاولاد والمدارس - حتى لو فيه واحده مبسوطة بتشارك علشان الحسد .
• التريقة على واحدة فيهم من تحت لتحت - غمز ولمز -
  • الاتفاق على معاملة زوج واحدة فيهم بتشتكى منه

مع تحياتى ليكى لان باين انك محترمة بزيادة

[alaasaid]

أنا لو كنت محظوظ و لقيت مكان بقوم فورا لو كان راجل أو سيدة مسنة أو سيدة حامل و غالبا بشترى دماغى و أفضل واقف حتى لو فى مكان فاضى بدل ما كل شوية أقوم و أقعد

[م/مصطفى محمود]

مبركبهوش للسبب ده ، لأن غالبا ببقى تعبان جدا وعايز أقعد ، وطبيعي المترو زحمة ومش هلاقي مكان ، وطبيعي لو لقيت مكان هقوم وأقعد حد مكاني (راجل كبير سيدة واحد تعبان لازم بقوم معرفش لية) ، بالإضافة إني مبحبش الكتمة (تلاقي الناس كلها قاعدة تبص على بعض ومتعرفشي تقلب الصفحة بتاعة الكتاب علشان اللى جمبك لسة مخلصهاش :d ، بجد بحس إني داخل مأتم )

علشان كده مبركبهوش غير فى الشديد القوي وفى وقت يكون فاضي ، غير كده ميكروباصات حتى لو هركب 5 مكروباصات أفضل من المترو

[shiko85]

ومتعرفشي تقلب الصفحة بتاعة الكتاب علشان اللى جمبك لسة مخلصهاش :d

ههههههههه

[rouzy]

انا ركبت المترو مرة واحدة فى حياتى كلهااااااااا
كنت انا وصاحبتى واخوها كان جاى معانا عشان مانبقاش لوحدنا المترو كان زحمة اوووووووى
هى طبعا كانت واقفة ماسكة ايد اخواها وساندة عليه وانا واقفة كدة ومش عارفة اتوازن خالص لان الموضوع بالنسبالى جديد كلياااااا وكنت هقع اكتر من اربع مرات والناس كلها كانت عمالة تخبط فيا وده خنقنى اوى وعيطت جاااااامد غصب عنى لقيتنى بعيط اوى ومش قادرة مااعيطش وكنت فرجة المترو كله ساعتها
ومن يومها حلفت ماانا راكبة مترو تانى ابدااااااااااااا ... مع انى كان نفسى اركبه

[r0xer]

اصلا ليه الراجل يقوم للست يعني مش فاهم؟ ليه الست متقومش للراجل؟ مين اخترع الموضوع دا؟

لو ست كبيرة او راجل كبير فهما متساويين عندي زيهم زي بعض...انما اقف لست لو هركب مترو؟ ليه ان شاء الله وهي اتكسحت يعني؟ ما زيها زينا!

[م/مصطفى محمود]

لو ست كبيرة او راجل كبير فهما متساويين عندي زيهم زي بعض...انما اقف لست لو هركب مترو؟ ليه ان شاء الله وهي اتكسحت يعني؟ ما زيها زينا!

يعني لو إنت مع أختك وركبت عربية الرجالة ومفيش غير كرسي واحد ، هتقعد أنت ولا هتقعدها هي ولا هتقعد أنت نص المسافة وهي النص التاني ؟؟؟؟؟

شوف هتعمل أية وقيس علية تصرفك مع أى أخت تانية تركب بس مش من نفس الأب والأم :d

[human]

عذاب عشان ديما ببقى واقف و لما اقعد لازم اقعد حد مكانى

و بطلت اركبه و مش بحب اركب مواصلات و مش بحب الزحمه و يا ريت اجيب سواق

[yoko]

أنا من قرفي من زحمة المترو ومن الناس الي تفضل تبص عليك وتحسسك إنك متراقب طول الوقت بطلت اركبه وبقضيها أي وسيله تانيه
أما انا بعمل إيه لو فيا صحة ولقيت واحده واقفه بقعدها مكاني خصوصا لو كبيره او معاها عيل
أوقات بعمل عبيط لما بكون تعبان ومش قادر أقف خصوصا إني كنت بركب 32 محطة ولما بقوم لحد باخدهم كلهم واقف وبعدهم ميني باص واقف برده غالبا والحكايه دي بتاخد ساعة ونص فيا أعمل أهبل يا أموت من الوجع

[osama.m]

الحمد لله معندناش مترو
ينفع الترام !
بس الاوقات اللي بيبقى فيها زحمة ساعة خروج المدارس بس .. مش مزحوم طول اليوم يعني

[r0xer]

يعني لو إنت مع أختك وركبت عربية الرجالة ومفيش غير كرسي واحد ، هتقعد أنت ولا هتقعدها هي ولا هتقعد أنت نص المسافة وهي النص التاني ؟؟؟؟؟

شوف هتعمل أية وقيس علية تصرفك مع أى أخت تانية تركب بس مش من نفس الأب والأم :d

لما اركب اختي وسط الرجالة يبقى اكيد في حاجة غلط!! اكيد هركبها هي في عربية السيدات واحنا عارفين نازلين محطة ايه ونتقابل لما ننزل.

ولكن لو حصل وكان في اضطرار لذلك، فأختي اولى انها تقعد لانها "اختي" و من لحمي ودمي و مش هتهون عليا تقف في وسط الزحمة والقرف.

انما واحدة معرفهاش هساويها بأختي؟ تفتكر دا منطق ؟ :d اي واحدة متعرفهاش تتساوى بأخت حضرتك؟

مثال لا يصح في رأي....

وبعدين دستوريا المفروض انهم سواسية امام القانون زينا وبالتالي موضوع عربية مخصوص ليهم دا غير دستوري ومعرفش مين اللي بيألف وعمله؟ ياما يعملو عربيات رجالة فقط وعربات سيدات فقط ياما يبقى كله مشترك ومفيش حاجة اسمها عربية سيدات...

وبعدين الستات بتعتبر ان لازم الراجل يقفلها وكأنه حق مشروع..بأي حق يعني مش فاهم؟ لو الراجل الجنتلة قاتلاه وقاملها يبقى كتر خيره ولو مقاملهاش يبقى هو حر وحقه ونص وتلات أربع.

حتى الناس الكبيرة في السن و العجوزة والمريضة ليهم مكان في المترو اصلا، المفروض محدش يقعد فيه لو في واحد كبير واقف...يعني حتى دول حقهم محفوظ.

انما اللي بيحصل دا نوع من التمييز ضد الرجالة، كان نفسي اقول الكلمتين دول من زمان لكن مكنتش لاقي مناسبة..ميرسي للي فتحت الموضوع دا :)