البورصة .......... انهيار و لا تصحيح؟

[MaZaGAngeE]

طبعا كلنا عارفين الخسائر الرهيبة في البورصة المتتالية من عام 2008 لحد امبارح ...

هل الخسائر دي كلها خروج لأموال اللصوص و عصابة مبارك و تسييلها ؟

هل الخسائر دي خوف من الأحداث الداخلية و محاولة سحب أي أموال خارج السوق مهما كانت الخسائر ؟

هل الخسائر دي نتيجة ان قيمة الشركات المصرية تعود لقيمتها الحقيقية اللي زادت جدا نتيجة المضاربات و هي الآن تعود الى قيمتها الحقيقية ؟

لو لاحظت الرسم هتلاقي اننا من منتصف 2006 الى منتصف 2008 قيمة الشركات زادت 3 اضعاف و بعدها حصل الانهيار الاقتصادي العالمي بتاع الرهن العقاري في امريكا و منها انتشر في العالم , انهار السوق المصري الى قيمة أقل من القيمة اللي كان عليها في 2006 .

مؤشر 30 :



مؤشر 70 :



مؤشر 100 :

[aboharb]

كلام غير دقيق بالمره

مع احترامى لراى حضرتك هذا الاحتمالات غير صحيحه بالمره و حضرتك اكيد بتشتغل فى البورصه وعن نفسى انا بشتغل فيها من زمان والخسائر اللى احنا بنشوفها اليومين دول ليها عشرات الاسباب من اهمها
1- انخفاض مخيف فى تصنيف مصر الائتمانى عالميا

2- خسائر شديده منى بها الاقتصاد المصرى لن تعوض قبل سنوات وده هيظهر بشده على البنوك المصريه وعلى مصادر الدخل القومى والاحتياطى وسعر الجنيه .

3 -عزوف الاستثمار فى مصر سواء كان استثمار اجنبى او عربى والكل بيسيل بس عن طريق التريدات العكسية

4 - اتجاه واضح من الحكومه الحاليه الى تطبيق بعض النظم الاشتراكيه وده لوحده يضيع اجدع بورصه لان البورصات بتعتمد على النظام الراسمالى والاقتصاديات الحره

5- عدم وجود استراتيجية من داخل الحكومه لانشاء صناديق سيادية كما فعلت ماليزيا من قبل وبعض البلاد العربيه
6 - عدم وضوح الرؤية السياسية لمصر
7 - غياب الامن وشبح تحول مصر الى منطقة صراعات ان شاء الله مش هيحصل
8- الاحكام القضائية فى مجال العقارى افقدت صناديق الاستثمار الاجنبيه والمؤسسات الاجنبية
الرغبه فى الاستثمار فى ذلك المجال
9 - الاضرابات والاعتصامات والاعلام المطبلاتى
10 -الايادة الخفية التى تلعب فى السوق حتى يحدث الانهيار وبعدين يشترو الشركات برخص التراب
واخيراااااااااا احب اوضح لحضرتك ان اسعار جميع الاسهم المصرية اقل من قيامها العادله من قبل الثوره اما الان فبقت ببلاش الا ربع

دايما التصحيح يبقى معاه احداث وبعدين الخسران ينسب التصحيح للاحداث والكاسب دائما فى صمت

[aboharb]

نسيت اقول لحضرتك صحيح انا خسران من 2008 الى الان 50 %من شقى عمرى والحمد لله ولسه فيها وسايب اللى معايا من اسهم الى الورثه

[aminibrahim]

هي دي مش خساره علي ورق برضو

[شريف]

طب لو الواجد حب يخش فيها
يا تري امته الوقت المناسب دلوقتي ولا امتي؟
و يدخل في ايه ؟

[MaZaGAngeE]

مع احترامى لراى حضرتك هذا الاحتمالات غير صحيحه بالمره و حضرتك اكيد بتشتغل فى البورصه وعن نفسى انا بشتغل فيها من زمان والخسائر اللى احنا بنشوفها اليومين دول ليها عشرات الاسباب من اهمها
1- انخفاض مخيف فى تصنيف مصر الائتمانى عالميا
كلام سليم جدا و طبيعي نتيجة الثورة و لكن مش بس الثورة سبب تقليل التصنيف لأ كمان عندك الرشوة و الفساد
2- خسائر شديده منى بها الاقتصاد المصرى لن تعوض قبل سنوات وده هيظهر بشده على البنوك المصريه وعلى مصادر الدخل القومى والاحتياطى وسعر الجنيه .
صحيح
3 -عزوف الاستثمار فى مصر سواء كان استثمار اجنبى او عربى والكل بيسيل بس عن طريق التريدات العكسية
كلام سليم بس كان في بداية الثورة لكن دلوقتي بدئت الاستقمارات الأجنبية و العربية تدخل , لكن لأن دي بتكون مشروعات ضهمة مش هنحس بتواجدها غير بعد فترة
4 - اتجاه واضح من الحكومه الحاليه الى تطبيق بعض النظم الاشتراكيه وده لوحده يضيع اجدع بورصه لان البورصات بتعتمد على النظام الراسمالى والاقتصاديات الحره
لا مش معاك في دي خالص , صححيح الحكومة خدت بعض الاجراءات اللي تبدو اشتراكية زي بتاعة شركة عز و زي احكام الاراضي لكن كل دي قرارات و احكام قضائية نتيجة فساد عصابة مبارك مش نتيجة توجه الدولة ناحية النظام الاشتراكي
5- عدم وجود استراتيجية من داخل الحكومه لانشاء صناديق سيادية كما فعلت ماليزيا من قبل وبعض البلاد العربيه
6 - عدم وضوح الرؤية السياسية لمصر
مش مفهوم ليه الحكومة مش عايزه تاخد الخطوات دي , يمكن عشان دي حكومة تسيير أعمال و مش عايزين ياخدوا قرارات مصيرية لحد ما تيجي حكومة منتخبة تتصرف هيه بدون ما يكون عليها التزامات مسبقة زي ما سمعت من المستشار السياسي بتاع رئيس الوزرا و ان كان في رأيي ده تصرف خطأ
7 - غياب الامن وشبح تحول مصر الى منطقة صراعات ان شاء الله مش هيحصل
عمر مصر ما كان فيها أمن خالص , لكن صراعات مش هتحصل أبدا مهما حسني حاول لأن طبيعة الشعب المصري مش بتاع صراعات من النوع ده
8- الاحكام القضائية فى مجال العقارى افقدت صناديق الاستثمار الاجنبيه والمؤسسات الاجنبية
الرغبه فى الاستثمار فى ذلك المجال
الأحكام دي بسبب انهم سرقوا الاراضي مش بسبب ان الحكومة بتحدد النشاط و ده خوف طبيعي لأن الرؤية مش واضحة و لكن بمجرد وضوح الرؤية هتلاقي هجوم على الاستثمارات العقارية و أظن ان الاسعار هتزيد كتير جدا عن السنة اللي فاتت مثلا
9 - الاضرابات والاعتصامات والاعلام المطبلاتى
ليها تأثير لكن مش بالقوة اللي تخلي المؤشر ينزل 2و لا 3%
10 -الايادة الخفية التى تلعب فى السوق حتى يحدث الانهيار وبعدين يشترو الشركات برخص التراب
دول بقى كتير جدا
واخيراااااااااا احب اوضح لحضرتك ان اسعار جميع الاسهم المصرية اقل من قيامها العادله من قبل الثوره اما الان فبقت ببلاش الا ربع
صحيح جدا الكلام ده , آآآآآآآه لو معايا فلوس كفاية كنت اشتريت على قد ما اقدر , لكن الحمدلله و بارك الله فيما رزق
دايما التصحيح يبقى معاه احداث وبعدين الخسران ينسب التصحيح للاحداث والكاسب دائما فى صمت
مجدش كسبان في السوق على مدار السنة دي , ممكن يكوون بيعوض أو بيعمل متوسطات لكن مكاسب لأ صعبة جدا فيما عدا الميكرات دول أكيد بيكسبوا لأن أسهمهم أصلا بسعر الاصدار

باشا أنا بفتح الموضوع عشان نتبادل الرأي عن قطاع مهم جدا من قطاعات الاستثمار و الادخار و اللي اغلب الناس شايفاها نصب أو قمار ...
و انا كمان زيك من 2008 خسران 50% من المحفظة لكن الحمدلله قدرت أعمل متوسطات و أي سهم معايا بيخسر مش ببيع . بسيبه لما ياخد دورته و ابيعه على الاقل بمكسب ضئيل ..

[MaZaGAngeE]

هي دي مش خساره علي ورق برضو

أيوة ,,, لحد ما تبيع تبقى خسارة فلوس

طب لو الواجد حب يخش فيها
يا تري امته الوقت المناسب دلوقتي ولا امتي؟
و يدخل في ايه ؟

طبعا ده وقت مناسب جدا و مش هيتكرر تاني ابدا لأن البلد مش هتحصل فيها ثورة و محاكمات و قلق زي اللي حصل مع انهيار السوق الاوروبي بسبب ديون ايطاليا و اليونان و مشاكل الدين الداخلي الامريكي ... يعني من كله .
كمان السوق مش هينزل تاني عن كده و لو نزل مش هينزل 300 نقطة تاني .. لأن البياع خلاص قرب يخلص الاسهم اللي بيبيعها و قريب جدا هيبدأ يشتري ... كمان كل ما الناس تتشاءم و تزهق كل ما تعرف انه خلاص الهبوط في نهايته

[aboharb]

طب لو الواجد حب يخش فيها
يا تري امته الوقت المناسب دلوقتي ولا امتي؟
و يدخل في ايه ؟

انصحك متشتريش الان خالص لغاية ما يبان مين اللى هيحكم وازاى هيحكم قبل كده تبقى مغامره مش محسوبه .

[aboharb]

هي دي مش خساره علي ورق برضو

لا كلمة خساره على الورق ده انضحك علينا بيها علشان منبعش مع النزول ونبيع فى القاع
الخساره لا تتجزاء بدليل لو حصل لك ظروف واضريت تبيع هتبقى محققه لو اردت تاخد قرض بضمان الاسهم هتاخد على سعر السوق ولو خدت مارجن هتاخد على السوق بغض النظر عن قيمة الاصل ولو انت فى شركة وبتقيم الاسهم هتتقيم بسعر السوق كل المعاملات بسعر السوق

[MaZaGAngeE]

لا كلمة خساره على الورق ده انضحك علينا بيها علشان منبعش مع النزول ونبيع فى القاع
الخساره لا تتجزاء بدليل لو حصل لك ظروف واضريت تبيع هتبقى محققه لو اردت تاخد قرض بضمان الاسهم هتاخد على سعر السوق ولو خدت مارجن هتاخد على السوق بغض النظر عن قيمة الاصل ولو انت فى شركة وبتقيم الاسهم هتتقيم بسعر السوق كل المعاملات بسعر السوق

اسمحلي اختلف معاك
أول حاجة عشان تدخل البورصة انك تدخل بفلوس مش محتاجها يبقى مفيش حلجة اسمها اضريت تبيع بخسارة .
القرض بضمان الاسهم ده قرض بفوايد و حرام شرعا
المارجن مخاطرة كبيرة و مش عارف هل السمسار بياخد فوايد على القرض بتاع المارجن و لا لأ .
انت هقيم سعر السهم بتاع شركة لما تكون بتشتري او تبيع سهم الشركة أو لما الشركة نكون عايزه تاخد قرض فبيحسبوا راس المال السوقي .

[aboomar22]

هو من الشارت اللى حضرتك منزله للكيس 30 بمعلوماتى البسيطة ان المؤشر عامل قمم اقل من قمم لكن حتى الان لم يكون قاع اقل وان شاء الله مش هيعمل انا ليا راىء اولا اقتراب الانتخابات مع عدم وضوح الرويا ده سبب بيخوف الاجانب وبيفضلوا الخروج حتى ظهور الرويا سبب اخر للنزول العنيف امس اظن ضغط من شركات معينة تعمل بالسمسرة ضد محمد عمران رئيس البورصة الجديد لانه معروف انه شديد ومش سهل وفوق كده الاعيب اوراسكوم تليكوم والاشاعات والتكذيبات اللى باربك السوق

[MaZaGAngeE]

هو من الشارت اللى حضرتك منزله للكيس 30 بمعلوماتى البسيطة ان المؤشر عامل قمم اقل من قمم لكن حتى الان لم يكون قاع اقل وان شاء الله مش هيعمل انا ليا راىء اولا اقتراب الانتخابات مع عدم وضوح الرويا ده سبب بيخوف الاجانب وبيفضلوا الخروج حتى ظهور الرويا سبب اخر للنزول العنيف امس اظن ضغط من شركات معينة تعمل بالسمسرة ضد محمد عمران رئيس البورصة الجديد لانه معروف انه شديد ومش سهل وفوق كده الاعيب اوراسكوم تليكوم والاشاعات والتكذيبات اللى باربك السوق

من الشارت :
احنا بنعمل قمة اقل من قمة و قاع اعلى من قاع و ده معناه اننا داخلين على اتجاه عرضي قد يكون نهاية الاتجاه الهابط و احتمال نستمر شوية في اتجاه عرضي و احتمال نروح على اتجاه صاعد
و الكلام ده موجود في ال 3 شارتات اللي انا حاططهم

[MaZaGAngeE]

فيديوهات عجبتني :


‫ط¨ط±ط§ط،ط© ط§ظ„ط«ظˆط±ط© ظ…ظ† ط¯ظ… ط§ظ„ط¨ظˆط±طµط© ط§ظ„ظ…طµط±ظٹط©‬‎ - YouTube

‫ط§ظ„طھظ†ط¨ط¤ ط¨ط§ظ„ط£ط²ظ…ط© ط§ظ„ط¹ط§ظ„ظ…ظٹط© 2008‬‎ - YouTube

[yousef1978]

أنا دخلت من كام شهر ولأول مرة في البورصة

قالولي الأسعار مستحيل تنزل تاني

وأنا مش بأحب المضاربات

والأسهم والحمد لله نزلت خمسين في المائة

وعن تجربة وملاحظة للظروف في مصر فما فيش حاجة مضمونة

ممكن فعلا تكون الأسعار في الحضيييييييض وفرصة إنك تشتري

وممكن تبقى فيه أخبار سيئة أكتر ويكون فيه نية عند مستثمرين كبار وأجانب على سحب أموالهم من البورصة مهما كانت النتائج وده هيؤدي لمزيد من الإنهيار والخسائر اللي فاكرينها مستحيل تحصل

بعدين أنا داخل صحيح بنصف ما املك من سيولة وتحويشة كل سنوات الغربة ويمكن ما كنتش محتاجهم قوي

لكن أكيد هتمر عليك ظروف هتحتاج فيها فلوس البورصة

يعني موضوع غنك تدخل بفلوس مش محتاجها ده تعمله لما تكون البورصة متزنه ومستقرة ولو سهم نزل تقدر تسيبه شهر اتنين تلاتة

لكن في الظروف اللي احنا فيها ممكن تضطر تسيبة سنة واتنين وتلاتة وعشرة علشان تقدر تبيعه بدون خسائر

تقدر تعمل كده ؟؟؟؟؟؟؟؟؟

[aboomar22]

من الشارت :
احنا بنعمل قمة اقل من قمة و قاع اعلى من قاع و ده معناه اننا داخلين على اتجاه عرضي قد يكون نهاية الاتجاه الهابط و احتمال نستمر شوية في اتجاه عرضي و احتمال نروح على شاء اتجاه صاعد
و الكلام ده موجود في ال 3 شارتات اللي انا حاططهم

كلامك مظبوط احنا كده بيكون شكل الرايه (flag ) وده اما يعقبه صعود قوى او هبوط قوى ان شاء الله صعود بس احنا فى اتجاه هبوطى على المدى القصير والمتوسط ومازال المدى الطويل عرضى اللى خسران ينسى الاسهم دلوقتى خالص بعد الانتخابات ان شاء الله هنشوف سوق احسن ويحذر الكريدت نهائى وربنا يسترها على الجميع