موضوع خطير جدا

[moataz01mousa]

دلوقتى يا جماعه انا شغال فى شركه بتييع منتج جديد بس المنتج ده مضروب وبتقول للبائعين انهم يقولو عليه اصلى ولكنه كوبى وانا اتاكد من كذا واحد ومن على النت كمان المنتج ده طبعا مش هينفع اقول اسمه دلوقتى انا كابائع للمنتج ده لما اقول للذبون انها اصلى وانا عارف انها مش اصلى ده حرام ولا حلال طيب لو قلت ان انا معرفش عنها حاجه او قلت انى انا معرفش اذا كانت اصلى او كوبى بردو يبقى حلال ولا حرام الواحد خايف ان يكون مرتبه حرام على العموم انا كل واحد بيجى يسالنى عن المنتج بقول انها كوبى بس الكلام ده مش عاجب صاحب مش اعمل ايه شكلى كده هسيب الشغل ملحوظه المنتج ده لسه نازل جديد فى الشركه والشركه بتبيع منتج تانى بس اصلى كنت عايز ارائكم وشكرا

[AirForces]

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ غَشَّنَا فَلَيْسَ مِنَّا ، وَالْمَكْرُ وَالْخِدَاعُ فِي النَّارِ " .

رأى يا تقول للمشترى انه المنتج دا كوبى وهو ليه حق الأختيار فى الشراء ولا لأ او تسيب الشغل وربنا هيعوضك بأحسن منه إن شاء الله

[Dr Ahmed]

رزقك على الله مش على الشركة
ومن يتق الله يجعل له مخرجا ويرزقه من حيث لا يحتسب
إوع تدخل بيتك قرش حرام
بيع الغش فلوسه حرام
وزى ما الادارة بتغش العملاء هيغشوك عاجلا أو آجلا فحاول فورا تدور على عمل تانى لو تقدر تنصحهم بالحسنى يبقى هينوبك عل الأقل ثواب التذكرة وربنا يوفقك

[cameeron]

لو عاوز تكمل فى الشغلانة دى و مفيش غيرها فى الوقت الحاضر ماتقولش كلمة اصلى و انت بتبيع قول كوبى و خلاص و الا سيب الشغلانة دى

[mohamed_selim]

لو انت عارف و متأكد انها كوبى مينفعش تبيعها على انها اصلى ... حتى لو المشترى مسألش و انت عارف انه مفكرها اصلى نتيجة اعلانات او دعايه لازم توضحله عشان متاخدش انت الذنب ...

[lonedoctor]

من غشنا فليس منا
السؤال
أبيع ألبسة رجالية مقلدة عن ماركات عالمية، ولكن أخبر الزبائن أنها مقلدة وليست أصلية، هل ما أكتسبه من هذه التجارة حلال؟
الإجابــة
الحمد لله والصلاة والسلام على رسول الله وعلى آله وصحبه أما بعد:

فإن ما تقوم به من إخبار المشتري بحقيقة الأمر هو المطلوب شرعاً من الصدق والأمانة في البيع والشراء، ولا شك أن هذا من أعظم أسباب رضا الله تعالى ونيل البركة في الرزق، فقد روى البخاري ومسلم عن حكيم بن حزام رضي الله عنه، عن النبي صلى الله عليه وسلم قال: البيعان بالخيار ما لم يتفرقا، فإن صدقا وبينا بورك لهما في بيعهما، وإن كذبا وكتما محقت بركة بيعهما.
زادك الله على الخير حرصاً، وفي رزقك بركة
موقع اسلام ويب

[kisho55555]

لازم توضح انها كوبى ... والمشترى ليه حق الاختيار طبعا

وانت اقول انها كوبى لو متاكد انها كوبى ... انما لو كانت مضروبة انت مش هتعرف تمشى السلعة ... وهتفضل طول الوقت تكذب على العملاء .. يبقى سيبك من الشغلانة دى ..

انت بتشيل ذنوب وسيئات كتيرة ....
اولا ... الكذب على العميل ...
ثانيا .. الغش فى البيع ... ودى عقوبه كبيرة ..
ثالثا ... الخطا فى حق نفسك ...

[moataz01mousa]

الحمد لله انا كنت عارف انى صح شكرا لجميع الناس اللى ردت عليا

[moataz01mousa]

تغور الفلوس الحرام

[hosar]

ماتقولش إلى ما يملية ضميرك علية
الشركة مش حتنفعك أمام المولى عز و جل