لا حول ولا قوة الا بالله (ارواح الناس سهلة اوى للدرجة دى )

[midoabdeen]

انا لسة دلقتى كنت ماشى فى الطريق اللى مابين المظلات والسواح



عند ترعة الاسماعيلية كدة عند التدريب المهنى


عربية نوبيرا الناس ملمومة عليها ولما قربت شوفت منظر خلانى مش ظايق نفسى


واحد جوة العربية مضروب بالنار ودماغة محتوتة على الدركسيون


بجد منظر صعب جدا جدا




لا حول ولا قوة الا بالله

[mr_vampire]

لا حول ولا قوة الا بالله. هي خلاص بقت كدة ولا ايه ؟؟؟؟؟؟؟؟؟؟؟؟؟

[zaza_lanos]

لا حول ولا قوة الا بالله
حسبى الله ونعم الوكيل فى اللى سايب البلد تضرب تقلب

[r0xer]

يانهار ابيض؟ دا انا بمشي في الشارع دا مرتين كل اسبوع....بلطجة يعني كان بيتسرق ولا خناقة ولا ايه؟

ربنا يرحمه يارب و يصبر اهله...ويبعد عننا الشر و البلطجية.

[midoabdeen]

والله انا جسمى قشعر من المنظر

[waelfarid]

طب معلومات زيادة مينفعش كدة وتعددت الاسباب والموت واحد
ولكل اجل كتاب
وانا لله وانا اليه راجعون

[misoalex]

ربنا يخللى لينا المجلس راعى الامن والامان اللى خلانا نشوف مناظر كنا بنشوفها فى الافلام الاجنبى

[khpopo]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[إبراهيم المصرى]

احنا زى اللى فى حالة حرب

[nonetta]

لا حول ولا قوة الا بالله
لسة سامعة عن شاب من 3 ايام طلعوا عليه البلطجية عشان يسرقو العربية
ضربوا عليه رصاص جت رصاصتين في قلبه اتوفي ورصاصة في صاج العربية لما لقوا العربية اتخرمت سابوه ومشيو والشاب يا حرام كان عريس هيتجوز كمان شهرين
حسبي الله ونعم الوكيل خلاص الصراصير طلعت من البلاعة ومش عارفين نلمها تاني
يا رب ارحمنا برحمتك وزيح عنا الغمة اللي احنا فيها

[human]

شكرا سيدى المجلس

[hugan]

انا كنت معدي من هناك امس
وافتكرت انها حادثه ولقيت شرطه ورتب كبيره
استغربت وقولت من امتي الداخليه بتهتم ببحوادث العربيات وداخل القاهره
فهمت
ربنا يسترها علينا جميعا
ومع كل
فان ماتمر به مصر بعد الثوره هو افضل من بلاد كتيره جدا
زكل من عاش فتره 52 او كتب عنها يوكد انه كانت هناك حوادث وتعديات اكثر واكبر مما نمر به
الي ان تستقر احوال البلد
والموضوع في الغالب مالوش علاقه بسرقه او خطف

[nonetta]

انا كنت معدي من هناك امس
وافتكرت انها حادثه ولقيت شرطه ورتب كبيره
استغربت وقولت من امتي الداخليه بتهتم ببحوادث العربيات وداخل القاهره
فهمت
ربنا يسترها علينا جميعا
ومع كل
فان ماتمر به مصر بعد الثوره هو افضل من بلاد كتيره جدا
زكل من عاش فتره 52 او كتب عنها يوكد انه كانت هناك حوادث وتعديات اكثر واكبر مما نمر به
الي ان تستقر احوال البلد
والموضوع في الغالب مالوش علاقه بسرقه او خطف

فعلا يا استاذ ؟
انا اول مرة اقابل حد بيقول كدة
طبعا الاغلبية ان لم يكن الكل هنا مكانش موجود في الثورة دي
يعني كان بيحصل المهازل دي
ربنا يلطف بينا جميعا