يعني ايه زفة ... انا تعبت

[khaloooda]

تقليد غريب
ومتخلف
وحيواااااااان
عندنا في مصر
مش عارف سببه لحد انهارده
ولا مين اللي اخترعه
ولا هدف اللي بيعمله ايه
الا وهو ...
زفة العربيات بعد الفرح

انا مش فاهم بصراحة
كتاب وكتبت
اشهار وعملت فرح
هيصة وفرحة وزغروطة والذي منه وعملت
يبقي ايه اللي ناقص حضرتك عشان تصدع دماغي وتتعبني وتقرفني في عيشتي
وتعمل زفة عربيات

يا جماعة في بلد في الدنيا
مش هنقول متحضر
لأ
بلد متخلف بس عايش فيه ناس عاقلين
يسمحوا باللي بيحصل عندنا في مصر ده

يعني ايه ابقي راجع من الشغل او مشوار تعبان ونفسي انام كام ساعة والاقي زفة عربيات معدية من تحت البيت تقعد بالنص ساعة علي ما تمشي
يعني ايه ابقي ماشي في مشوار ومستعجل والاقي زفة قدامي ومش عاوز يعديني
يعني ايه تبقي مريض في مستشفي وتعبان والدكتور قايل لازم يرتاح وتلاقي زفة تصحيك الساعة 3 الفجر
مع احترامي لكل واحد ممكن يختلف معايا
اذا كان من حقك تفرح
فانا من حقي ارتاح
ده قاعد في بيتي يا جماعة مش في الشارع ومش عارف ارتاح !!!!!!!!!!!

وختمت كمان ولاني مرزق وحظي حلو
فتح تحت البيت عندي كوافير حريمي
والزفة مبقتش حاجة عارضة بتعدي من تحت البيت كل فترة
لأ
بقت شئ شبه يومي خاصة في مواسم الجواز عندنا في مصر واللي بستمر طوووووووووول السنة تقريبا وتزيد خلال شهور الصيف والاجازات

مش عارف انام
مش عارف ارتاح في بيتي
ولو اتكلمت
تلاقي ميييييييييييت واحد يرد عليك
واجابات كلها تنقطططططط

" معلش ده فرح - عقبال عندك - جيرانك ولازم تستحملهم - هي نص ساعة يا بيه مالك حمقي ليه كده - انت نمكي وبتدور علي المشاكل ...............

هو انا صحيح نمكي ومعقد يا جدعان
انا شايف اني كائن طبيعي
بيطالب بانه يعيش زي النوع ده من الكائنات اللي اسمه البني ادمين

ده انت لو ضربت كلاكس عربية واحد من اللي بينضربوا عندنا في الزفة دول في اي بلد محترم
عالسجن علي طول - مش بس غرامة
والكارثة ان المواكب الخاصة - ومنها الزفة ... مجرمة بنص القانون المصري
لكن لا حياة لمن تنادي

حتي لو ظابط حب يطبق القانون يلاقي اللي يقوله الجملة الشهيرة اللي كلنا حافظينها " معلش يا باشا كل سنة وانت طيب "

طب ايه الحل

[رزق]

اتفق معاك في كل كلمة
والرد على سؤالك ... إنها عادة قمة في التخلف
والتعقيب
إنه مفيش أمل يابني

[M.Alaa92]

دعوة عضو قالها قبل كدة

اللى يعمل كد قولو

يارب يارب متكمل ليلتك ع خير و تبات منكس الراس قادر يا كريم
و حسبى الله و نعم الوكيل

[Ahmed_Ramadan]

أنا مرة كنت دوست على ديل فستان عروسة كانوا موقفين صلاح سالم عند منزل كوبرى الجلاء و كنت فى منتهى السعادة و عاوز أرجع أدوس عليهم بضهر العربية من كتر الإستفزاز

[AutoTycoon]

و الله ببقى عايز اكب عليهم جاز و اولع فيهم

[abo_anas]

يعنى افهم من اصحاب التعليقات السابقه انهم مش هيعملوا زفه عربيات يوم فرحهم؟؟؟؟؟؟؟؟

[رزق]

استحالة استحالة استحالة

[ابو سيف]

يعنى افهم من اصحاب التعليقات السابقه انهم مش هيعملوا زفه عربيات يوم فرحهم؟؟؟؟؟؟؟؟

:b4_388:

[khaloooda]

انا عن نفسي مش هعمل
وكنت معارض جدا يوم فرح اختي انهم يعملوا زفة
ولما صمموا قلت خلاص هم احرار
لكن ان شاء الله فرحي انا
مش هعمل

[icehearted girl]

ولا الموتوسيكلااااااااااااااات

[FunnyMickey]

انا عن نفسي مش هعمل
وكنت معارض جدا يوم فرح اختي انهم يعملوا زفة
ولما صمموا قلت خلاص هم احرار
لكن ان شاء الله فرحي انا
مش هعمل

ياسعاده الباشا هوا انتا اللي بتعمل الزفه
؟
انتا بتبقي في عربيتك ومعاك عروستك وفي دنيا تانيه
المشكله في الناس التانيه
:)
وبعدين لامؤاخذه لو بيتك بعيد عن قاعه الفرح
حتمشوا ساكتين
المشكله مش في التزمير خالص
دي الناس اصلا في الشارع بتفرح معاك وبتزمر جمبك
المصيبه السوده في اللطاف الظراف اللي بيوقفوا الشارع بالعرض
دول اللي بيبقوا عاوزين يضربوا بالنار

انا في فرحي كنت سايق
واهل مراتي حاولوا يعملوا كده
رحت طلعت من وسطيهم وجريت
راحوا اضطروا يمشوا
حاجه تيت بجد
وام العروسه بقي زعلت وتحكيلي علي فرح بنت خالتها اللي وقفوا فيه شارع الهرم كله ونزلوا يرقصوا
وانا بضحك ضحكه صفرا وعامل نفسي مذهول من الابداع
وانا نفسي اعض .....
ولا بلاش
خليني ساكت

اختصارا احب اقولك هناك عوامل اخري تتحكم في الزفه خارج عن ايديك تماما
وانتا بيبقي كل همك تخلص من صداع الدي جي والرقص والطبل والزمر وعاوز تجري عشان تروح بيتك تستمتع بالهدوء
فبتبقي عاوز تخلص
زمر ياخلوده زمر
دي ليله العمر ياراجل
وكل سنه وانتا طيب
امضاء
عريس قريب اتعمله 4 زفات في يوم واحد
1- قدام بيت العروسه قبل الفرح
2- قدام المصوراتي
3- من ساعه ما خرجنا من القاعه في قصر النيل الي مدينه نصر الحي العاشرعلي بيت العروسه تاني
4- واخيرا زفه قدام عش الزوجيه عشان نسيح لنفسنا

غالبا والله اعلم اللي عامل الزحمه واللي مروحكش يومها كان انا

[phantom0xx0]

يعنى افهم من اصحاب التعليقات السابقه انهم مش هيعملوا زفه عربيات يوم فرحهم؟؟؟؟؟؟؟؟

لا أنا ولا أي حد من اخوتي ولا أي حد في العيلة عندنا عمل زفة

[AutoTycoon]

يعنى افهم من اصحاب التعليقات السابقه انهم مش هيعملوا زفه عربيات يوم فرحهم؟؟؟؟؟؟؟؟

ايوا انا عمري ما شاركت في زفة
يوم فرح بنت عمي قلتلهم بلاش زفة و قلة ذوق و لما لقيتهم برضه بيعملوا هرج و مرج في الطريق خدت والدي ووالدتي وعالبيت!

[icehearted girl]

ياسعاده الباشا هوا انتا اللي بتعمل الزفه
؟
انتا بتبقي في عربيتك ومعاك عروستك وفي دنيا تانيه
المشكله في الناس التانيه
:)
وبعدين لامؤاخذه لو بيتك بعيد عن قاعه الفرح
حتمشوا ساكتين
المشكله مش في التزمير خالص
دي الناس اصلا في الشارع بتفرح معاك وبتزمر جمبك
المصيبه السوده في اللطاف الظراف اللي بيوقفوا الشارع بالعرض
دول اللي بيبقوا عاوزين يضربوا بالنار

انا في فرحي كنت سايق
واهل مراتي حاولوا يعملوا كده
رحت طلعت من وسطيهم وجريت
راحوا اضطروا يمشوا
حاجه تيت بجد
وام العروسه بقي زعلت وتحكيلي علي فرح بنت خالتها اللي وقفوا فيه شارع الهرم كله ونزلوا يرقصوا
وانا بضحك ضحكه صفرا وعامل نفسي مذهول من الابداع
وانا نفسي اعض .....
ولا بلاش
خليني ساكت

اختصارا احب اقولك هناك عوامل اخري تتحكم في الزفه خارج عن ايديك تماما
وانتا بيبقي كل همك تخلص من صداع الدي جي والرقص والطبل والزمر وعاوز تجري عشان تروح بيتك تستمتع بالهدوء
فبتبقي عاوز تخلص
زمر ياخلوده زمر
دي ليله العمر ياراجل
وكل سنه وانتا طيب
امضاء
عريس قريب اتعمله 4 زفات في يوم واحد
1- قدام بيت العروسه قبل الفرح
2- قدام المصوراتي
3- من ساعه ما خرجنا من القاعه في قصر النيل الي مدينه نصر الحي العاشرعلي بيت العروسه تاني
4- واخيرا زفه قدام عش الزوجيه عشان نسيح لنفسنا

غالبا والله اعلم اللي عامل الزحمه واللي مروحكش يومها كان انا

أوبااااااااااا... لعلمك كل خميس كنت بنخرج انا ووالدتي

وكنت بقابل ف ش الهرم مش اقل من 4 زفات كلهم موقفين الطريق ومتوسيكلات مستفزة وطبعا كان كل زفة بتاخد مني دعوة محترمة ربنا يجعلها من حدهم ونصيبهم

بدعي ربنا يسعد قلبهم... وينكد علي أهلهم