مقلب

[icehearted girl]

ياخبر..وبتتريقوا عليا؟؟؟ حلو اوي الصاروخ فلسجارة دا....شغال...

انا فاكرة مرة كنا ف رحلة ف اسوان وكنا متفقين مننامش فكانت اول واحدة بتنام نعمل فيها مقلب ايه؟؟؟

قمنا فتحين باب الحمام وجرين السرير جواه وقفلنا عليها للصبح

------------------------------------

دا غير ان كان اي ضيف يدخل الحمام عندنا لازم واجب الضيافة..كنت بلبس عباية سودا واستخبي ورا الغسالة واخضه وهو خارج

[cyborg_ift]

في مره في العيد بقا ومراتي والعيال لابسين لبس العيد
واحنا راكبين العربيه ولعت صاروخ اللي بيفرقع كذا مره ورميته تحت رجل مراتي ههههههههه وخافت جدا وبقت مش عارفه تنزل لإني كنت سايق وكلبشت في ايدي وكنت هعمل حادثه

الخسائر:
طقم عيد جديد بخمسميت لحلوح بدل اللي اتحرق

[elhelwany188]

هههههههههههههههههههههه
الحمد لله كنت فاكر انى بس اللى كنت شقى ايام الشباب
وايام الجامعة خصوصا
فى مواقف كتييييير بس احلاهم واللى لحد وقتنا هذا مش قادر انساه وكل ما افتكره ماامسكش نفسى من الضحك
كنا فى الايام اللى هيه قبل الامتحانات فكان معايا واحد منامش بقاله يومين واليوم الثالث جه الجامعة ومش شايف ادامه لحد ما تحس انه شارب حاجة
فجيت على زمايه وقلتلهم خلى بالكوا وعاملوه كويس وطوعوه فى اى حاجة واضحكوا على كل حاجة يقولها واوعه تعارضوه لحسن فى واحد زميلنا حطله برشامه فى كباية الشاى وهو مش متعود لحسن يقلب معاه ويتخانق مع اى حد وهو مش دريان
المهم طبعا لو قعدت من هنا لحد بعد بكره اكتب المواقف اللى حصلت بس هلخص الموضوع فى جملة واحدة تخيل انك قاعد وسط ناس وتيجى تقول اى حاجة اى حاجة تلاقى الناس كلها مسخسخة من الضحك هتقول انك دمك خفيف وهتسوق فيها
المهم للاسف صاحبى ده عرف اللى عاملته فيه واللى حصل كالتالى :
اولا : قعد يجرى ورايا جوه الجامعة حوالى نص ساعة والحمد لله معرفش يمسكنى (لاعب العاب قوى قديم)
ثانيا : بييت الليلة دى فى شقة طالبة تانية غير اللى كنت قاعد فيها
ثالثا : مقدرتش اروح الجامعة لمدة ثلاثة ايام علشان كان مستحلفلى
لحد ما الحمد لله قبل وساطة زمايلنا بس قعد ميكلمنيش لمدة اسبوع بعديها

[husseinsalah]

عملت مقلب فى واحد زميلى فى الشغل واحنا فى موقع خارج القاهرة
وهو انى كنت جايب خط موبايل جديد ورنيت علية فاتصل فرحت مقلد صوت واحدة وعاوزة تتعرف علية وعيشتة حوالى شهرين احلى عيشة وخليتة ما بينمش حسب كلام زميلى اللى كان قاعد معاة فى الاستراحة ورغم انة متجوز خليتة ما ينزلش اجازتة الاسبوعية لانى هاقبلة فى اليوم دة فطبعا اخر النهار قعد يرن على وانا كنت سافرت خلاص وكان فى اليوم دة جالى قرار نقل فى موقع تانى المهم رديت علية بصوتى عادى وقلتلة ايوة يا فلان عاوز اية قالى حسين معلش الظاهر انى طلبت غلط وفى تانى مرة رحت كلمتة على انى هى ومرة واحدة هوووب نقلت على صوتى الحقيقى مع شوية ضحك بهستريا من الموقف طبعا هو تنح مع صدمة مع شلل رباعى فى عضلات الفك وقبل ما بنطق بكلمة قفلت الخط نهائى وقابلتة بعد هل بسنتين وقعد يضحك من الموقف .... كان قصدى اديلة درس لانى كنت شايفة بيحب على نفسة رغم انه متجوز.

[naser_56]

كتييييييييييير بس افضل مقلبين كنا شله وحطينا لواحد ٣ اقراص باركينول في كوبايه حليب بعدها بساعه كنا هنفطس من الضحك علي الي عمله بس بعديها ندمنا اخر ندم لانه تعب بالرغم انه شخص حتي سجاير مابيشربش والمقلب الافظع ده طبعا اتعمل في اكثر من ١٠٠ شخص كان فيه بتاع بلاستيك وهي علي شكل براز بالظبط بس انما ايه تحفه ولا تفرقها عن الاصليه ونفس اللون والالتواءات وطبعا كنا نخليها جنب الشخص ونقله ايه ياعم الي انته قاعد عليه ده هو انته مش شامم الريحه طبعا يقوم مفزوع ويفضل يدور علي الاثر في هدومه

[besso]

هههههههههههههههههههههههههههههههههههههههههههههههههه ه
ايه المصايب دى كلها ده انا مطلعتش لوحدى بقى على كده
خد عندك
اشتغل واحد صاحبى على انى بنت وبردو زعل فى الاخر
اققلب واحد صاحبى فى مفاتيحه من غير ما يعرف وهو عايش لوحده فميعرفش يخش البيت ويروح يبات عن سته فى منطقه تانيه فى نص الليل هههههههههههه
اخد من واحد صاحبى التلفون اغير نمره مهمه انا عارف انو بيتصل بيها كتير واقوم كاتب نمرتى بدالها وكل شويه يكلمنى وتطلع غلط او نمره تانيه وخلاص كهد يعنى
اخيط هدوم واحد نايم فى السرير فميعرفش يقوم الصبح غير يا اما يقطع الهدوم او يستنى لما حد يتعطف عليه ويقومه
زمان فى المدرسه واحد صابحى كان قاعد قدامى ولابس جاكيت بزعبوط اقوم اقعد احوش فى حتت خشب صغنن واملاله الزعبوط بيها يجى يروح يلاقى الجاكيت بهدله الدنيا هههههههههههههههههههه

لاقينا ضفضعه صغيره قبل كده قومنا حطيناها فى شنطه واحد صاحبنا وكان مسافر فالضفضعه قعدت تصفر وقرفته فى المواصلات لدرجه انو نزل فى نص الطريق وفضى الشنطه كلها فى الشارع هههههههههههههه


كفايه دول لحد ما افتكر تانى

[icehearted girl]

اخيط هدوم واحد نايم فى السرير فميعرفش يقوم الصبح غير يا اما يقطع الهدوم او يستنى لما حد يتعطف عليه ويقومه

حلوة جدااااااااااااا الفكرة دي

[أبو صلاح]

قرصين لازيكس ف كباية عصير..و...انتو فاهمين الباقي

انا بقى مش فاهم ده بيعمل ايه؟

كتييييييييييير بس افضل مقلبين كنا شله وحطينا لواحد ٣ اقراص باركينول في كوبايه حليب

بيعمل ايه ده كمان ؟

[pro_samir]

انا بقى مش فاهم ده بيعمل ايه؟

بيعمل ايه ده كمان ؟

Google it

مكنتش اعرف ان معانا ناس مؤذيه للدرجه دي .. المفروض الاداره تمنعهم من حضور المقابلات علشان خطر علي أمن الأعضاء

[Fadi Ezzat]

واحد جالى هيموت على برشامة ترامادول وانا ممعيش اى حاجة من الحاجات دى
اول مرة اديتة برشامة صداع جالى وعملت شغل كدة
تانى مرة ادتيلة برشامة الرجيتريم بتاعة الرجيم جالى وقالى دى بقى ملهاش حل
هههههههههه وتقريبا انا بقيت الديلر بتاعة

[Eng.Geo]

up.

[icehearted girl]

Google it

مكنتش اعرف ان معانا ناس مؤذيه للدرجه دي .. المفروض الاداره تمنعهم من حضور المقابلات علشان خطر علي أمن الأعضاء

دنا غلباااااااااااااااااااااااااااااااااااااااان