Tweet
ظاهرة غريبة بدأت تنتشر بشدة في مجتمعنا المسلم اولا والمصري ثانيا
وهي ظاهرة انا بحب اسميها باسم غريب شوية
" الراجل الكاجوال "
الراجل ال سبور ، الحبوب ، الواثق في مراته ولا بنته ولا اخته
ثقة لامؤاخذة عاوزة الحرق
اقصد بالست هنا الانثي عموما سواء كانت بنت او اخت او زوجة او ام
الست كائن يعيش بين قوسين يحمياها ، فأما القوس الاول فهو أب يرعاها، وأم القوس الثاني فهو زوج يحفظها ويكرم عشرتها إلى مثواها
الست تظل طوااال عمرها مسئولية رجل
داااااااااايما في راجل مسئول
اما اب او اخ او زوج او حتي ابن
يا جماعة المناظر اللي الواحد بيشوفها في الشارع مترضيش حد
والله مترضيش حد
انا هنا مش بتكلم عن الدين
ده موضوع تاني
انا بتكلم عن حاجة قربت تختفي من حياة رجالة كتير
الكلمة نفسها وقعها ورنتها في الودن قديمة شوية
وهي النخوة
ازاي تبقي راجل يا راجل وتسيب بنتك تنزل الشارع بالمنظر ده
او تتأخر بره كانت سهرانه في حفلة ولا عيد ميلاد ولا ديسكو ولا بلا ازرق للساعة 2 بالليل
ازاي الواحد بقي بيسمع ان فلان زميل المدام رايح معاها المشوار الفلاني وبعدين هيوصلها البيت
ولا تسأل راجل محترم كبارة "مين فلان ده يا حج"
لا ده صاحب بنتي
يا جدعان متجننونيش
يا راجل عيب علي شنبك
يعني ايه صاحب بنتك انا مش فاهم
يعني ايه واحد يروح بيته ميلاقيش مراته
خرجت من غير ما تقوله
ومتأخرة وسايباه ولا علي بالها
واحد تاني مراته بتكلمه وهي علي طريق السخنة ، بتقوله انها طالعة تغير جو يومين
يعني ايه واحد مش قادر يحكم علي مراته متلبسش اللبس الفلاني ولا تغير تسريحة شعرها او تتحجب وتريحنا
والله منساش واحد كان زميلنا كانت اخته .... نقول خفيفة حبتين
مشيها خفيفة دلوقتي وخلاص
لبس وميكب غريب وخروج وتنطيط وشعننه مفيش بعد كده ومياصة ودلع
مفيش حد فارق معاها ولا كبير ادامها
المهم كلنا كنا مضايقين
جه واحد زميلنا واخد اخوها علي جنب وقاله " انت زي اخويا وانا متربيين سوا ،، عاوزك تاخد بالك من اختك شوية ، شد عليها ،، حطها تحت عينيك "
كان رد سبع البرمبه " دي عيله صغيره يا اخي ، مالك في ايه .. سيبها تعيش سنها "
الراجل الكاجوال يا جماعة بقي موجود حوالينا في كل مكان
في الشغل في الشارع في الجامعة في العمارة
مش عارف انا اللي كبر الموضوع شوية زيادة
ولا هي فعلا بقت ظاهرة
وهي ظاهرة انا بحب اسميها باسم غريب شوية
" الراجل الكاجوال "
الراجل ال سبور ، الحبوب ، الواثق في مراته ولا بنته ولا اخته
ثقة لامؤاخذة عاوزة الحرق
اقصد بالست هنا الانثي عموما سواء كانت بنت او اخت او زوجة او ام
الست كائن يعيش بين قوسين يحمياها ، فأما القوس الاول فهو أب يرعاها، وأم القوس الثاني فهو زوج يحفظها ويكرم عشرتها إلى مثواها
الست تظل طوااال عمرها مسئولية رجل
داااااااااايما في راجل مسئول
اما اب او اخ او زوج او حتي ابن
يا جماعة المناظر اللي الواحد بيشوفها في الشارع مترضيش حد
والله مترضيش حد
انا هنا مش بتكلم عن الدين
ده موضوع تاني
انا بتكلم عن حاجة قربت تختفي من حياة رجالة كتير
الكلمة نفسها وقعها ورنتها في الودن قديمة شوية
وهي النخوة
ازاي تبقي راجل يا راجل وتسيب بنتك تنزل الشارع بالمنظر ده
او تتأخر بره كانت سهرانه في حفلة ولا عيد ميلاد ولا ديسكو ولا بلا ازرق للساعة 2 بالليل
ازاي الواحد بقي بيسمع ان فلان زميل المدام رايح معاها المشوار الفلاني وبعدين هيوصلها البيت
ولا تسأل راجل محترم كبارة "مين فلان ده يا حج"
لا ده صاحب بنتي
يا جدعان متجننونيش
يا راجل عيب علي شنبك
يعني ايه صاحب بنتك انا مش فاهم
يعني ايه واحد يروح بيته ميلاقيش مراته
خرجت من غير ما تقوله
ومتأخرة وسايباه ولا علي بالها
واحد تاني مراته بتكلمه وهي علي طريق السخنة ، بتقوله انها طالعة تغير جو يومين
يعني ايه واحد مش قادر يحكم علي مراته متلبسش اللبس الفلاني ولا تغير تسريحة شعرها او تتحجب وتريحنا
والله منساش واحد كان زميلنا كانت اخته .... نقول خفيفة حبتين
مشيها خفيفة دلوقتي وخلاص
لبس وميكب غريب وخروج وتنطيط وشعننه مفيش بعد كده ومياصة ودلع
مفيش حد فارق معاها ولا كبير ادامها
المهم كلنا كنا مضايقين
جه واحد زميلنا واخد اخوها علي جنب وقاله " انت زي اخويا وانا متربيين سوا ،، عاوزك تاخد بالك من اختك شوية ، شد عليها ،، حطها تحت عينيك "
كان رد سبع البرمبه " دي عيله صغيره يا اخي ، مالك في ايه .. سيبها تعيش سنها "
الراجل الكاجوال يا جماعة بقي موجود حوالينا في كل مكان
في الشغل في الشارع في الجامعة في العمارة
مش عارف انا اللي كبر الموضوع شوية زيادة
ولا هي فعلا بقت ظاهرة
Comment