تعيش فين أفضل؟

[M.Radwan]

السلام عليكم

دلوقتى عايز اخد رأيكم في حاجة
أحنا عندنا بيت 3 أدوار على مساحة 120 متر متشطب
وقطعة أرض اخرى مساحتها 120 متر برضه بس مش مبنية
بس مشكلتهم انهم فى منطقة ريفية حبتين هو في كهرباء ومياه وصرف صحي بس مفيش غاز
والخدمات متوفرة من ناحية التعليم (مدارس ابتدائي واعدادي وثانوي) بس الخدمات الترفيهية تكاد تكون معدومة.
هل الأفضل ابيع قطعة الأرض وأزود عليها واشترى شقة فى مكان كويس
ولا أبني قطعة الأرض دي وخلاص؟
المكان يبعد عن وسط القاهرة حوالي ساعة ونصف بالعربية.

[midoabdeen]

تقريبا صعب انك تتاقلم مع الجو الريفى اللى مافيهوش وسائل ترفية
تبيع الارض وتشترى شقة كويسة فى مكان هادىء ومحترم افضل

[M.Radwan]

تقريبا صعب انك تتاقلم مع الجو الريفى اللى مافيهوش وسائل ترفية
تبيع الارض وتشترى شقة كويسة فى مكان هادىء ومحترم افضل

طيب فى أي فكرة بالنسبة للمكان ده وأسعاره؟

[midoabdeen]

على قد تمن الارض هاتحدد الشقة
تمن الارض قبل ما تبيع ودور على شقة فى نفس الرينج
وبلاش تيبع الارض قبل ماتكون عينك على شقة علشان الفلوس ماتطيرش

[MOUSTAFA_SAAD]

انا شايف انك تبنى الارض على الاقل تضمن حاجه لاولادك من بعدك بدل ما يدوخوا الدوخه اللى احنا دايخينها

[M.Alaa92]

سعر الارض و شوف الشقة اللى تقدر تجيبها فين لو فى منطقة اعلى يبقى خير و بركة
و ممكن تدفع تمن الارض مقدم و تقسط لشقة مستواها اعلى من اللى حتجيبها كاش

[M.Radwan]

سعر الأرض حولى 105 ألف
ممكن أنا أزود عليهم حاجة زي 20 ألف مثلا
ايه الكلام؟

[MaZaGAngeE]

انا ساكن في عباس العقاد
و برتاح أكتر بكتير جدا لما بروح القرية في المنيا
و حاليا أبحث عن شقة في الشروق
هتجنن بس ابعد عن القاهرة باي طريقة


بين بيتي و بين الاوتوستراد بالعربية نص ساعة و مشي 4 دقايق ................. تخيل بقى !!!!
طبعا ده غير التلوث السمعي و البصري و الهوائي و ال.......... رص انت براحتك
و أهم حاجة و عن تجربة الأولاد بيكونوا في المنيا ( فيلا فيها جنينة ) اكثر انطلاقا و استمتاعا و اخراجا للطاقة ة بياكلوا أفضل و بيسمعوا الكلام اكتر ... بالمقارنة مع وجودهم في شقة في القاهرة محبوسين فيها ( المساحة 170 متر )

[abdalah_hashem]

سعر الأرض حولى 105 ألف
ممكن أنا أزود عليهم حاجة زي 20 ألف مثلا
ايه الكلام؟

كدة الافض انك تبنى حتة الارض

[M.Radwan]

انا ساكن في عباس العقاد
و برتاح أكتر بكتير جدا لما بروح القرية في المنيا
و حاليا أبحث عن شقة في الشروق
هتجنن بس ابعد عن القاهرة باي طريقة


بين بيتي و بين الاوتوستراد بالعربية نص ساعة و مشي 4 دقايق ................. تخيل بقى !!!!
طبعا ده غير التلوث السمعي و البصري و الهوائي و ال.......... رص انت براحتك
و أهم حاجة و عن تجربة الأولاد بيكونوا في المنيا ( فيلا فيها جنينة ) اكثر انطلاقا و استمتاعا و اخراجا للطاقة ة بياكلوا أفضل و بيسمعوا الكلام اكتر ... بالمقارنة مع وجودهم في شقة في القاهرة محبوسين فيها ( المساحة 170 متر )

ده اللى بكلم عليه
طبعا هنا المكان نفس الكلام.. هادي جدا وأمااان جدا الحمد لله
فى المقابل مفيش خدمات زي ما قولت، فهل القصة تستاهل؟

[shaddadfalcon1]

علي حسب المنطقه الريفيه اللي انت فيها

في مناطق الناس فيها بتبقي متعلمه ومثقفه وبيهتمو بتعليم اولادهم وفي مناطق متلاقيش فيها غير ارض وسوري في اللفظ بهايم من الجنسين وجهل وتخلف وحسد وقلة دين وناس مورهاش الا الغيبه والنميمه

لو البلد من النوع الأول يبقي خليك هناك واستفاد انك في وسط اهلك
لو النوع التاني يبقي انفد بجلدك

اما بالنسبه للناس اللي شايفه الريف حلو لما بيروحو فده شيء طبيبعي لواحد محبوس بين 4 جدران وزجمه وخنقه وتلوث وبيروح هناك في البراح والوسع والهواء النظيف بس الفكره لو قعدت هناك شهر والا اتنين بس مش هتطيق تكمل وهترجع جري علي القاهره

وموضوع الخدمات مهم جدا والتريفه كمان وخصوصا لما تتجوز هتلاقي نفسك محتاجه قوي

يكفي اني اقلك ان مراتي كانت هتموت مني عشان مفيش دكتور في المكان والدكتوره اللي متابعه معاها في المدينه القريبه مني اتصلت بيها قالت خليها للصبح والفجر اصلا كانت والده في البيت

وابني بقاله ساعه بيعيط عشان سنانه بتوجعه ومش لاقي مكان اروحه وفي الأخر نام من كتر العياط ومستني بكره اروح القاهره اكشف عليه

المدينه مدينه ياعم الحج

علي فكره انا زيك برده اتربيت وكبرت في الريف

[M.Radwan]

كدة الافض انك تبنى حتة الارض

القصة مش فى الفلوس..ممكن أزود أكتر من كدا
بس كل فلوس هتزيد عن كده هتبقى خسارة ليا أنا..لان الشقة لسه هتحتاج مصاريف كتير
فأنا عايز أوصل لمعادلة متبقاش خسرانة بالنسبة لي وكده كده أنا عندي بيت تاني جاهز

[aminibrahim]

علي حسب المنطقه الريفيه اللي انت فيها

في مناطق الناس فيها بتبقي متعلمه ومثقفه وبيهتمو بتعليم اولادهم وفي مناطق متلاقيش فيها غير ارض وسوري في اللفظ بهايم من الجنسين وجهل وتخلف وحسد وقلة دين وناس مورهاش الا الغيبه والنميمه

لو البلد من النوع الأول يبقي خليك هناك واستفاد انك في وسط اهلك
لو النوع التاني يبقي انفد بجلدك

اما بالنسبه للناس اللي شايفه الريف حلو لما بيروحو فده شيء طبيبعي لواحد محبوس بين 4 جدران وزجمه وخنقه وتلوث وبيروح هناك في البراح والوسع والهواء النظيف بس الفكره لو قعدت هناك شهر والا اتنين بس مش هتطيق تكمل وهترجع جري علي القاهره

وموضوع الخدمات مهم جدا والتريفه كمان وخصوصا لما تتجوز هتلاقي نفسك محتاجه قوي

يكفي اني اقلك ان مراتي كانت هتموت مني عشان مفيش دكتور في المكان والدكتوره اللي متابعه معاها في المدينه القريبه مني اتصلت بيها قالت خليها للصبح والفجر اصلا كانت والده في البيت

وابني بقاله ساعه بيعيط عشان سنانه بتوجعه ومش لاقي مكان اروحه وفي الأخر نام من كتر العياط ومستني بكره اروح القاهره اكشف عليه

المدينه مدينه ياعم الحج

علي فكره انا زيك برده اتربيت وكبرت في الريف

انت جبت الخلاصه :: يغور الريف بناسه بشكله ::: بتكلم علي اللي عندي
هوحلو للزياره فقط ويومين وبطفش ومبقيتش بروح تاني يا راجل ارحل

اقول والاايه

[مواطن مصرى]

اكيد انك تبنى بيت دورين حتى احسن بمراحل من انك تعيش فى شقة
بيت ملك امان للمستقبل ليك و لاولادك
مش مشكله المنطقة انا اعرف واحد بانى فى الخصوص وواحد بانى فى حته ناحيه الصف بعد حلوان بنصف ساعه
و مش مشكله انك تبنى مره واحده انت مثلا لو عندك 3 اولاد يبقى هتبنى 4 ادوار (انت دور و كل واحد فيهم دور) ارمى الاساس الاول و اطلع بدورين و بعدها ربك هيسهلها

فاكر الاعلان اللى كان بيقول : ابنى بيتك يا ابن بلدى كلنا هنفضل وراك
( بدون الاعتذار لاحمد عز )

[shaddadfalcon1]

من الأخر اللي قاعد طول عمره في المدينه هيقولك ابني بيت في الريف عشان احلي لانه مشفش وعاش عيوب الريف
فزي ماقلتلك علي حسب منطقتك وتبقي البلد دي مكان بتريح فيه اعصابك كل اسبو ع ولا اتنين وخلاص