الإنتقااااااااااااااااااام!!!!!!!!

[ZALABANY]

الأخ الفاضل good_driver
"لو كل واحد اتحدف عليه او عربية زنقته راح ينتقم يبقى ان شاء الله هنلاقي في الشوارع كل عربيتين بيجرو ورا بعض.
ولو كل واحد حصله الموقف دا وجه يحكيه على المنتدى يبقى المنتدى ان شاء الله بعد فترة هايكون كل موضوعاته تافهة"
مع إحترامي الشديد لرأيك في إن الموضوع تافه وان بس ياريت ماحدش يحجر على آراء حد ولا يحكم عليها بإنها تافهه او لا لان احنا هنا كلنا بنعبر عن اللي جوانا وبنحكي اللي بيحصلنا وبنتعلم من بعض حتى لو كان الموضوع تافه زي ماحضرتك بتقول وده مش معناه ان احنا هانقلبه تافه موتورز مش نايل موتورز

[mada121977]

بصراحه انا مش دايما بنتقم يعنى لما واحد سايق جنبى يغلط و يكسر عليا مثلا بس غصب عنه ويعتذر طبعا ده يبقى ذوق وكده الموقف يعدى بس للاسف فيه ناس وهما كتير جداا يكسر عليك او يخبطك ويسيبك ويمشى ولا اكنه عمل حاجه وده بقى اللى ينرفز وغصب عنى وبطريقه لا اراديه بعمل فيه نفس الحركه اللى عملها فيا ومابهتمش بقى هوا ملاكى ولا اجره ولا نقل ولا اوتوبيس المهم يعرف غلطته ... من حوالى اسبوعين كنت رايح الشغل وفى طريق الكورنيش اللى داخل على وسط البلد كان فيه واحد ظريف راكب شاهين كان على يمينى كل ما الطريق يقف يكسر عليا علشان يعدينى واستمر على كده حوالى 4 مرات لغايه ماجيت جنبه وقولتله يا استاذ انتا عمال تكسر عليا وهاتخبطنى تخيلوا بقى الظريف من غير مايتكلم بصلى بسخريه واستهزاء وقعد يضحك وجرى بالعربيه وللاسف الطريق علشان زحمه معرفتش اجيبه تانى وده من حسن حظه لانى كنت هاطلعه على اقرب رصيف يركن فوقه

[kh_talaat]

هاطلعه على اقرب رصيف يركن فوقه !!!!

لا إله إلا الله ..... يا جماعة هدوا أعصابكم شوية .... السواقة ذوق وفن وأخلاق

[aif]

ولإن صبرتم فهو خير للصابرين

[Karim_Monir]

مابعرفش اسكت خاصة لو حسيت باستهزاء او اللي قدامي بيستقل بيا
سواء بقي ميكروباص او نقل او تاكسي مش فارقة
اقل فئة عندي بتوع الملاكي معظمهم عارف ان غلطاتهم غلط سواقة مش عمد ومعظمهم بيتاسفوا لما ببصلهم
بصيتله تنح بقت ليلة اللي جابوة اسود من عيشتة واطلعة علية طول الطريق

[NaderNabil]

اكتر حاجة بتخليني عايز انتقم....هو الشخص اللي عامل ازعاج للطريق كله عشان يعمل منظر أو عشان يجري و يعدي..

تلاقيه علطول بقلب للي قدامه حتي لو مش نافع يعديه...و الزمارة مابتفارقش ايده...علطول يكسر علي الناس بغباء لمجرد انه فاكر انها شطراة و حلاوة و هابقي king of the road...

اول ما بشوف حد بيعمل كده علطول اقوم مستني اما يعدي و اعمل فيه نفس اللي عمله فيا و في باقية الناس....أفضل أقلب و ازمر طول الطريق...لحد ما يلم نفسه و يمشي زي باقيه البني أدمين:) حتي اما يسبلي مكان اعدي برده مش باعديه....

[Hossam_Hassan]

إزيكم يا جماعة عاملين إيه ياترى هل انتو بتقدرو تمسكو نفسكم وانتو في الطريق لو حد اتغابى عليكم ومشي وسابكم او حدف عليك وتمادى وبلطج ولا كأنه عمل حاجه ولا حتى إعتذر هل هاتسيبه ولا مش هاتسيبه
مش عارف بصراحه يعني أنا مثلا النهارده الصبح نازل نازلة الزمالك من كوبري 15 مايو وواخد اقصى اليمين تروح جاية واحده ست محترمه راكبه بيجو 504 من على شمالي كاسرة عليا لحقت نفسي في آخر لحظة وفرملت والا كانت جابتلي جنب العربية ومشيت عادي خالص طلعت وراها راحت حادفه عليا تاني وزنقاني لما الطريق داق وتقريبا والله اعلم حست انها عملت كده طلعت تجري بالعربية
المهم حاولت احصلها حصلتها عند الأوبرا وطلعت منها وزنقت عليها مرتين في الخفيف يعني بس عشان ما ابقاش سيبت حقي وبعدين سيبتها ومشيت
أنا عارف ان ده مش صح بس فعلا في ناس بتنرفزك وتضطرك تعمل حاجات انت ما تحبش تعملها ياترى انتوا لو مكاني هاتعملوا ايه
فعلا بلدنا دي بقت كلها بلطجة والناس بأو يسوقو بطريق غريبه انا بس نفسي ربنا يكرمني ويديني عربية كبيره شويه اقصد موتور يعني 1600 او 1500 عشان الواحد كده هايكلوه في الشارع

بيجو 504 كحلى؟

[waleed24ag]

في حاجات طبعا تستدعي الغضب و يمكن انك تاخد بتارك و توقف العربيه و تنزل تتخانق احيانا يعني كلنا عرفين الاستفزاز بتاع سواقين الميكروباص الي معتمدين علي علو العربيه و خوفنا احنا كمان علي عربيتنا و هو ميهموش إن شاء الله تكسر و قبل الفحص يبقا يعملها و لا تترد باربع قروش لكن انا راكب ياريس الرفرف ب 1600 جنيه و هما عارفين كده فبعملو الي هما عاوزينو لكن طبعا احيانا انا باخد حقي و ابينلو انه ميهمنيش العربيه تتخبط واحيانا ممكن اوقفه و بصراحه بلاقي الناس الجوا العربيه احيانا متعاطفه معاي و انا حصلي موقف زي كده وزنقت عليه (ميكروباس رمسيس الصنع) لغايه ما وقفته و كان بينه و بين الاكصدام مفيش سنتيمترات و بهدلتو و بصراحه الناس الي جوا العربيه كانت هتضربو و لما جيه الامين لقينا معهوش رخصه عارفين الامين حب يخلص الموضوع ضرب الولد و الناس مرديتش تكمل معاه و الامين سابو يمشي لما سئلت بعد كده عرفت ان العربيات دي بتاعه امناء الشرطه ذات نفسيهم لدرجه لما بيكون في لجنه استحاله تمسك ميكروباص من دول لانهم بيتبلغو و ادي حال البلد

[ecybrarian]

تعليقي اشبه بتعليق عادل إمام "لو كل واحد عزل علشان ساكنة فوقيه واحدة رقاصة...البلد كلها هاتبات في الشارع" يعني لو الواحد هايتنرفز على كل واحد **** (بيسوق بغباء) في الشارع هيصاب بجلطة بعد يومين سواقة

[kh_talaat]

لو أن كل كلب عوا ألقمته حجرا *** لأصبح الصخر مثقال دينار

[memo_hefnawy]

و لو أن كل لص سرق و لم يجد عقابا لأصبح الشعب كله لصوص

-------------------

القصد فى الموضوع مش دايما تسيب و مش دايما تحارب - بس أنا لو حد خبط عربيتى بسبب رعونه و إستهبال لو هو إيه مش هارحمه لكن لو خبطها بدون قصد و إعتذر بسيبه و أمشى فما بالك بالتزنيق و الرخامة ؟

بيرخم فرد عضلات لازم يعرف إن فيه أدب للطريق و للسايقين فى الطريق لكن بدون قصد عادى ممكن تعدى ببساطة جدا

[ASD peugeot]

يا رجاله هدوء من فضلكم يجب تقبل الوضع الراهن بس مش علي الطريق لا في البلد كلها بأن احنا نهاجر ونسيب الطرق فاضيه للناس اللي بتكسر و بتجري في الزحمه لان دول ناس مهمين واحنا بنعطلهم عن مواعيدهم ..
اموت و اعرف وراهم ايه عشان يمشوا بالطريقه دي علي الطريق

[wisambasha]

مع المكروباظات

التكسى يعامل معاملة المكروباظات برضه

التاكسيات حاليا اسوأ من الميكروباصات

[wisambasha]

مابعرفش اسكت خاصة لو حسيت باستهزاء او اللي قدامي بيستقل بيا
سواء بقي ميكروباص او نقل او تاكسي مش فارقة
اقل فئة عندي بتوع الملاكي معظمهم عارف ان غلطاتهم غلط سواقة مش عمد ومعظمهم بيتاسفوا لما ببصلهم
بصيتله تنح بقت ليلة اللي جابوة اسود من عيشتة واطلعة علية طول الطريق

يا كرييييييييييييييييييم يا جااااااااااااااااااااااااااااماااااااااااااااااااا اااد

[tutankhamoun]

سواقين مصر بلا استثناء عايزين صواريخ

و الأسوء فيهم
سائقي الميكروباظ و النقل الخفيف
و يليهم التاكزي أقصد التاكسي
و بعدين بقى الشباب المدلع اللي فاكر أنه بيلعب اتاري
و بعدين الستات اللي ما بيعرفوش يقدروا المسافات و لا بيعرفوا يسوقوا
و في الأخر كبار السن عموما

في الأول و خصوصا لما رجعت مصر كنت ممكن أكون رايح مثلا إسماعيلية و لو واحد زنق عليا أرجع تاني القاهرة علشان أنتقم
و لكني أكتشفت أن هذه الطريقة ليست مجدية لأنهم لا يظنون أنهم أخطئوا

و أنا أعتقد و متأكد أن العيب في الحكومة
لأن لو فيه عقاب ...... ما كان فيه سواق يأخ رخصة و هو فاكر إن نور العربية علشان الظلمة فقط
و تلاقيه البعيد ماشي من غير و لا لمبة منورة بالليل

و من الأخر ....
سائقي مصر هم مجموعة من .... *&%$#@!ّ*+-/