ممكن اعرف انهى افضل موبايل بخطين..رجاء المساعده

[beshomilan]

انا ياجماعة عايز اعرف انهى افضل موبيل بخطين
بس اهم حاجة ان الخطين يكونوا شغالين فى نفس الوقت يعنى ممكن اكون بتكلم فى الخط الاول ويجيلى مكالمة على الويتينج على الخط التانى وارد عليها واعمل هولد للاولى وبعض مقفل التانية ارجع للاولى عادى كأنى مشغل موبيل عادى بشريحة واحده..دى اهم حاجة عندى اوى
ومهم برضه ان الموبايل ميعديش ال 1000 جنيه وميكونش غير نوكيا وسامسونج بس
انا مهتم بالانواع دى

Nokia C2-03 سعره 750

Samsung B5722 ( 2 LINE سعره 850
Samsung C6112 ( 2 LINE ) سعره 650
Samsung Ch@t 3222 ( 2 LINE ) سعره 550

هما دول اللى عاجبنى وبختار بينهم..ياترى فيهم اللى طلبته فوق ولا لا..ياريت الافاده
ولو فى انواع تانى غيرهم ياريت تفيدونى
متشكر ياجماعة

[م.احمد زكريا]

بس اهم حاجة ان الخطين يكونوا شغالين فى نفس الوقت يعنى ممكن اكون بتكلم فى الخط الاول ويجيلى مكالمة على الويتينج على الخط التانى وارد عليها واعمل هولد للاولى وبعض مقفل التانية ارجع للاولى عادى كأنى مشغل موبيل عادى بشريحة واحده..دى اهم حاجة عندى اوى

ده موجود في أي موبايل من دول

ومهم برضه ان الموبايل ميعديش ال 1000 جنيه وميكونش غير نوكيا وسامسونج بس
انا مهتم بالانواع دى

Nokia C2-03 سعره 750

Samsung B5722 ( 2 LINE سعره 850
Samsung C6112 ( 2 LINE ) سعره 650
Samsung Ch@t 3222 ( 2 LINE ) سعره 550

هما دول اللى عاجبنى وبختار بينهم..ياترى فيهم اللى طلبته فوق ولا لا..ياريت الافاده
ولو فى انواع تانى غيرهم ياريت تفيدونى
متشكر ياجماعة

ادخل على الموقع ده وقارن بين الثلاثة

GSMArena.com - GSM phone reviews, news, opinions, votes, manuals and more...

[beshomilan]

اشكرك اخى للرد
بس اللى عرفته ان النوكيا بتتكلم فى خط واى حد بيرن عليك على التانى بيديله مقفول
وان موضوع الخطين المفتوحين ده فى السامسونج بس
ارجو تأكيد او نفى المعلومة دى

[أبو إياد]

انا اشتريت c2-03 بس للاسف لو جالك تليفون ع الخط التانى بيكون غير متاح غير كده التليفون تحفه بصراحه بطاريه ونت وميمورى وسهوله استخدام وسعره وصل ل700ج فى رايا ضمان سوفت وهارد سنه و6 شهور اكسسوار (بطاريه شاحن هاند فرى)
وفى المحلات العاديه وصل ل650ج

اما خاصيه الويت فى حاله المكالمات مافيش غير الصينى وموديل واحد بس من سامسونج مش فاكر اسمه بالظبط كان فوق ال1000ج

[beshomilan]

انا اشتريت c2-03 بس للاسف لو جالك تليفون ع الخط التانى بيكون غير متاح غير كده التليفون تحفه بصراحه بطاريه ونت وميمورى وسهوله استخدام وسعره وصل ل700ج فى رايا ضمان سوفت وهارد سنه و6 شهور اكسسوار (بطاريه شاحن هاند فرى)
وفى المحلات العاديه وصل ل650ج

اما خاصيه الويت فى حاله المكالمات مافيش غير الصينى وموديل واحد بس من سامسونج مش فاكر اسمه بالظبط كان فوق ال1000ج

اشكرك اخى الكريم للرد والاهتمام
انا فعلا سمعت الحوار ده على الموبايل النوكيا ده
بس محتاج اعرف انهى موبايل سامسونج بالظبط فيه الخاصية دى ضرورى وياريت عن تجربة

[pro_samir]

معظم السامسونج شغال الخطين مع بعض ، تعرفها من المواصفات في الموقع المذكور لو مكتوب Dual SIM standby يبقي شغال بأنتينا واحده وبالتالي لو معاك مكالمه التاني بيبقي غير متاح ، لو مش مكتوب ستاند باي يبقي الاتنين شغالين

كل موديلات السامسونج اللي انت كاتبها شغالين مع بعض ما عدا الموديل الشات

بس انت ممكن تعمل تحويل في حالة انه غير متاح علي الرقم التاني وكده هيديله مشغول بدل غير متاح

[ahmad--ezzat]

فى موبيل صينى بيشغل 4 شرايح فى نفس الوقت

[abou-yahia]

samsung c5212
ده بيشغل الشريحتين في نفس الوقت
عن تجربه هوه احسنهم
وشكرا

[beshomilan]

معظم السامسونج شغال الخطين مع بعض ، تعرفها من المواصفات في الموقع المذكور لو مكتوب dual sim standby يبقي شغال بأنتينا واحده وبالتالي لو معاك مكالمه التاني بيبقي غير متاح ، لو مش مكتوب ستاند باي يبقي الاتنين شغالين

كل موديلات السامسونج اللي انت كاتبها شغالين مع بعض ما عدا الموديل الشات

بس انت ممكن تعمل تحويل في حالة انه غير متاح علي الرقم التاني وكده هيديله مشغول بدل غير متاح

اشكرك جدا للمعلومات القيمة دى اوى

فى موبيل صينى بيشغل 4 شرايح فى نفس الوقت

شكرا ياباشا للرد لكن الصينى لالالالالالالا..تجربه وعدت :)

samsung c5212
ده بيشغل الشريحتين في نفس الوقت
عن تجربه هوه احسنهم
وشكرا

لشكرك للنصيحة اخى الكريم..هى العده دى جميلة بس شكلها تقليدى اوى بس هفكر فيها برضه

[beshomilan]

اشكركم للردود ياجماعة بس دلوقتى فى مشكلة
استاذ ابو اياد بيقول انه اشترى الموبايل النوكيا c2 ولقى فيه كده

انا اشتريت c2-03 بس للاسف لو جالك تليفون ع الخط التانى بيكون غير متاح غير كده التليفون تحفه بصراحه بطاريه ونت وميمورى وسهوله استخدام وسعره وصل ل700ج فى رايا ضمان سوفت وهارد سنه و6 شهور اكسسوار (بطاريه شاحن هاند فرى)
وفى المحلات العاديه وصل ل650ج

اما خاصيه الويت فى حاله المكالمات مافيش غير الصينى وموديل واحد بس من سامسونج مش فاكر اسمه بالظبط كان فوق ال1000ج

والموبايل النوكيا ده c2 مكتوب فى gsmarena انه dual sim يعنى يشغل الخطين فى نفس الوقت مش sual sim stand by زى شرح استاذ ابو اياد...وكلام استاذ pro_samir بيقول غير كده
طب انهى الصح

[pro_samir]

هو فعلا ستاند باي بس غريبه انهم مش كاتبين في الموقع !!

علي فكره الlg في الخطين بطاريته 1500 ملي رهيبه بتقعد اسبوع وعمليه جدا جدا ، الc5212 بيقعد معايا 24 ساعه بس بدخل منه نت كتير اشيك علي الميل ومكالمات كتير ، لو استخدام خفيف يوم ونصف تقريبا

[أبو إياد]

اشكركم للردود ياجماعة بس دلوقتى فى مشكلة
استاذ ابو اياد بيقول انه اشترى الموبايل النوكيا c2 ولقى فيه كده


والموبايل النوكيا ده c2 مكتوب فى gsmarena انه dual sim يعنى يشغل الخطين فى نفس الوقت مش sual sim stand by زى شرح استاذ ابو اياد...وكلام استاذ pro_samir بيقول غير كده
طب انهى الصح

الخطين شغالين فى وقت واحد طبعا بس اثناء اجراء اى مكالمه الخط التانى بيكون غير متاح وامبارح بس اكتشفت انى لو فاتح النت مثلا على موبينيل فوجئت ان الفودافون بيكون غير متاح
على فكره التليفون تحفه بس هو ده العيب اللى خنقنى بس انه بيفصل الخط التانى انما لو بتكلم على خط وجالى تليفون على نفس الخط بيكون ع الويت عادى ...............

[Qmax]

lg-gx300 بيستقبل على الخطين في وقت واحد وبطاريه عمرها طويل

[MaZaGAngeE]

lg-gx300 بيستقبل على الخطين في وقت واحد وبطاريه عمرها طويل

النت شغال عليه ؟

[shrifelmasry]

كل طلباتك و أكتر موجودة فى سامسونج b-7722
لكن السعر فوق 1000 جنية
و بيشغل الخطين فى نفس الوقت
و اذا جاء لك مكالمة على الخط الفودافون و انت على خط موبينيل مثلاً ... يبقى شغال و تقدر تعمل وايتنج
و ممكن ترجع لباقى التفاصيل على النت .......... لكن سعرة فوق 1000 ج و ربنا يوفقك