الجديد في عالم النصب

[mohamed_rhem]

اخواني الاعزاء

وصلتني رساله من رقم

نص الرسالة

يا محمد ابوك لقي تماثيل دهب وتماثيل حجارة

وهات واحد امين يصرفهم

اخوك جمال


طبعا للوهلة الاولي قريت الرسالة وانا في العربية

انزعجت جدا ومبقتش عارف اعمل ايه

اطفي الموبايل

امسح الرسالة

اتجاهل الرساله

طبعا اخفيت الموضوع عن المدام لانها لو قريتها حتقولي الغي الخط ده تجنبا لاي مشاكل

لكني قررت قرار تاني خالص


اتصلت بشرطة الاثار

والمفجأأأأأأأأأأأأأأأأأأأأأأأة

الو السلام عليكم

وعليكم السلام

عندي بلاغ عن سرقه اثار

حولني للمسئول

الو السلام عليكم

حضرتك انا وصلتي رسالة عن طريق الغلط بتفيد ان ............

وراح مقاطعني

من رقم اوله 016 او 19

ان فتحنا المقبرة ولقينا الاثار

وكمل كلامه

حضرتك الحكاية ان في غياب الامن وعدم تتبع الموبايلات

النصاب بيشتري خط من علي الرصيف ب 2 جنيه ويشحنه ب 10 جنيه

ويبعت رسائل لارقام عشوائيه وكانها وصلتهم عن طريق الغلط

وفي ناس محترمة زي حضرتك بتبغ ويوميا مش اقل من 5 بلاغات

وفي ناس تانيه بتطمع وتتصل بالرقم

وبيتنصب عليه

اللي اكدلي الموضوع ده ان الرسالة بقالها يومين

ولا حس ولا خبر

قولت اعرف الناس علشان تخلي بالها

طبعا هو هدفه النصب علي ضحيته

تخيلو لو الرسالة ده وصلت زوجتك او بنتك او اختك

اكيد حتعيش لها يومين في رعب

حسبنا الله ونعم الوكيل

[أشرف العدوي]

ههههههههههههههه
انا كل يوم بتجيلي
و منهم واحد اتصل على طول في رمضان ده بقى خليت ودانه تفلق من الشتيمة
و فضلت بعد رمضان مستلمه انا وصحابي نتصل بيه على الساعة 8 كدة علشان يكون قاعد مع ناس او في بيته و نهريه شتايم و هو مش بيبقى عارف يرد و خلاص حقوا عليا مش انا الي اتصلت و الرقم مش بتاعي بس كنا بنضحك ضحك عليه

[Ayman-Ahmed]

هما لسة برضوا مبطلوش الاغنية ديه.بقالها اكتر من سنة.

بص يا سيدى الفاضل انا شغال فى السياحة واتعرض عليا عصاية توت عنخ امون وتماسيح مقدسة وتماثيل الهة.......الخ. على مدار 14 سنة وكله نصب.

ليه بقى : ببساطة اللى بيهرب اثار او لقى اى حاجة بيعملها على قد ما يقدر فى الدرا خالص لانه لو اتقفش بيروح مبيرجعش.

ايه ضمنه انه لما يكلم حد ميكونش ظابط ولا شغال فى الاثار.كله نصب فى نصب

[abo_anas]

مش جديد ولا حاجه دا نصاب مبتدأ وبردوا عاوز طماع مبتدأ

[mohamed_rhem]

ههههههههههههههه
انا كل يوم بتجيلي
و منهم واحد اتصل على طول في رمضان ده بقى خليت ودانه تفلق من الشتيمة
و فضلت بعد رمضان مستلمه انا وصحابي نتصل بيه على الساعة 8 كدة علشان يكون قاعد مع ناس او في بيته و نهريه شتايم و هو مش بيبقى عارف يرد و خلاص حقوا عليا مش انا الي اتصلت و الرقم مش بتاعي بس كنا بنضحك ضحك عليه

هما لسة برضوا مبطلوش الاغنية ديه.بقالها اكتر من سنة.

طيب مش كنت تدينا خبر علي الاقل نخلي بالنا

بص يا سيدى الفاضل انا شغال فى السياحة واتعرض عليا عصاية توت عنخ امون وتماسيح مقدسة وتماثيل الهة.......الخ. على مدار 14 سنة وكله نصب.

ليه بقى : ببساطة اللى بيهرب اثار او لقى اى حاجة بيعملها على قد ما يقدر فى الدرا خالص لانه لو اتقفش بيروح مبيرجعش.

ايه ضمنه انه لما يكلم حد ميكونش ظابط ولا شغال فى الاثار.كله نصب فى نصب

المشكلة اني صدقت والله وكان نفسي يتقبض عليه

مش جديد ولا حاجه دا نصاب مبتدأ وبردوا عاوز طماع مبتدأ

ربنا ينتقم منهم

[أحمد كمال]

قديمة التنين :)

اتعملت فيا ميت مرة منهم مرتين و انا برة مصر و لبسني تجوال ابن ال............

[نور القمر]

ههههههههههه كنت داخلة اقول قديمة تنين لقيت كمال قالها

[mohamed_rhem]

ههههههههههه كنت داخلة اقول قديمة تنين لقيت كمال قالها

اذيك يا نور وازي الاولاد

انا بجد والله مش فاهم يعني ايه[gdwl] قديمة تنين[/gdwl]

[m000dy]

ياررااااااااااااااجل دى شغاله من ييجى سنه الحكايه دى
انا رديت عليه وقولتله هو انا عارف اخلص من التماثيل اللى عندى عشان اصرف تماثيل جديده
روح لابو كريم فى مطرحه اللى فى اسوان وهو عنده زبون وجاهز من شهرين
هههههههههههههههههههه

[kar!m]

كلمونى قبل كده .. و برضه قفلت معاهم.

بس أعتقد فى ناس كتيرة ممكن ينضحك عليهم بسهولة .. و يروحوا يقابلوهم و يتسرقوا طبعا.

و بصراحة يستاهلوا.


من ناحية تانية المفروض الحكومة تعمل اعلان بالحركات ده مادام عارفينها كده .. عشان يوعوا الناس .. نفسى الاقى فايدة واحدة للتليفزيون و الاعلام.