المساعده فى علاج مدمن حقن

[abo_anas]

السلام عليكم


ندخل فى الموضوع:



انا شغال فى المصنع عندى شاب اكتشفت انه مدمن حقن ، الحقن دى بتاعه طلق الولاده ، انا استغربت جدا وماعنديش اى معلومات ابدأ بعلاجه ازاى؟؟؟؟ طبعا انا اسهل حاجه عندى انى اقوله اطلع بره ومااشوفش وشك هنا تانى، ولكن انا عاوز اكسب فيه صواب واعالجه من البلوى دى خصوصا انه متزوج ومعه اولاد.
اخيرا اللى يقدر يقدم نصيحه ربنا يجزيه خير.

[أحمد كمال]

عليك و عالوحدة الصحـ ....... قصدي عليك و عالدكتور احمد عبد الرحمن اللي معانا هنا في المنتدى هو اشتغل فترة في علاج الادمان

[abo_anas]

عليك و عالوحدة الصحـ ....... قصدي عليك و عالدكتور احمد عبد الرحمن اللي معانا هنا في المنتدى هو اشتغل فترة في علاج الادمان

طيب ياريت يااستاذ احمد تجيبلى اسم عضويه د احمد عبدالرحمن

[أحمد كمال]

د. أحمد عبد الرحمن :)

[HOSSAM99]

د.أحمد عبد الرحمن
:: نــايــل مــوتــورز:: - :: NileMotors.net ::

[abo_anas]

جزاكم الله خيرا
انا ارسلت رساله خاصه للدكتور احمد للمشوره والمشاركه فى الموضوع ، والله المستعان

[abo_anas]

متابع

[party_0000]

لا الله الا الله
بس هوا ايه حقن الطلق دي بيعمل دماغ ولاده يعني ؟

[abo_anas]

لا الله الا الله
بس هوا ايه حقن الطلق دي بيعمل دماغ ولاده يعني ؟

والله انا زيي زى حضرتك وادينى منتظر مشاركه الدكتور احمد عبدالرحمن، ورجاء من الاخوه الاعضاء اللى معاه رقمه يكتبه .

[SheNo0o]

انا اعرف موضوع حقن الطلع دي سمعت عنها قريب من مده وان كان في حد معرفه من بعيد بياخدها

اهم حاجه في موضوع ادمان الحقن حتي لو كان هيفلي يعني ادمان قوي

ان كل الي حوليه يتكاتفوا حوله ويبعدوا ويساعدوة ويبقوا فاهمين ويتحس وميخرجش تماما ولوحده لا ولا يقابل حد ولا يتكلم مع حد واعتقد ان ده صعب انت تعمله وانت غريب عنه بدون ادخاله لمستشفي او مكان متخصص لكده

كلامي طبعا مش بناء علي مصطلحات او مفاهيم علميه ولكن عن تجربه عشتها مع واحد معرفه من بعيد كان ف الموضوع ده والحمدلله ربنا تاب عليه

اهم حاجه رغبته الشخصيه من داخله في تغيير الي هواه فيه يبقا عايز يتغير والحاله الي هو عايش فيها ف المجتمع او النفسيه بمعني اصح

اتمني ان ربنا يقدرك وتعرف تساعده يارب

ربنا ياجرك عنه ويديك الثواب يارب ويصبرك

[wa7d_tany]

طبعا حضرتك انسان محترم وعايز تعمل خير , بس نصيحة حرص منه وحاول تكون حريص فى التعامل معاه
كان لي تجربة زي حضرتك كدا والمدمن فى الاخر سرقني وكان بيضحك عليا ويقول انه عايز يتعالج

[magyver]

انا اول مرة اسمع عن الحقن دة

[world_of_kill]

الحقن دي مش ادمان دي تعود حقن الطلق دي ببتاخد بتفتح الشعب الهوائي و توسع الجهاز التنفسي و تعمل حاله ارخاء للعضالات مش اكتر بس و ممكن يبطلها بي سهوله

انا واحد صاحبي كان يعرف واحد بياخدها و قالنا بياخدها عشان كدا انها بتحسسو انو صدرو سالك و رايق

[Ahmed A Rahman]

السلام عليكم

بالنسبة لادمان حقن الطلق هو مش منتشر ونادر جدا بس وارد

الهرمون ده بيسموه Love hormone

بيطلع من الام ساعة الولادة وساعة الرضاعة لأنه بيعمل انقباض في العضلات اللا ارادية وبيقولوا عليه انه هو المسئول عن الحب اللي بتحسه الام تجاه ابنها

بيعمل Intimacy و Trust مع اللي حواليه يعني ممكن نقول عليه انه اكسير الحب اللي بييجي في الافلام وبره بيقولوا عليه

Cuddling hormone
[img3]http://img4.imageshack.us/img4/7993/cuddlingt.jpg[/img3]


ده بالنسبة لفسيولوجيا الادمان



حضرتك تعمل معاه ايه؟؟؟


1. Never Trust An Addict
انا عدى عليا قبل كده اللي اعتدى على اقرب الناس ليه واللي ضرب جدته اللي مربياه وكل ده في ساعة الغضب بس

عدى عليا اللي نصب على محافظة باكملها لان المدمن بيملك قدرة على الاقناع غير عادية حتى عليك وعليا

2. Never Trust him with money
حرص على فلوسك وعلى موبايلاتك واجهزتك
الحقن مش غالية وبالتالي حضرتك مشفتش منه حاجه وحشة زي اللي بيدمن حاجه غالية
بس هو فتح السكة يعني قريب حيحول لحاجه ثانية عشان المفعول مش حيقعد كتير بتاع الهرمون ده خصوصا انه متعود على الشكشكة

يعني الخطوة الجاية حتكون الماكس والهيروين

3. لازم تحسسه انه مش مرغوب فيه طول ما بيعمل كده وانه حيبقى مرغوب فيه ومحبوب لو غير نفسه

4. العلاج
لو حالته بسيطة ممكن ياخد العلاج ويكمل الشغل عادي
لو حالته معقدة لازم يتحجز وفي الحالتين يكون هو اللي عايز يتعالج

أماكن العلاج
مستشفى مصر الجديدة للصحة النفسية :
أحسن مستشفى ادمان حكومي في مصر كلها بس للاسف حصل لها تجديد شامل وبقت بحوالي 3000 جنيه كورس 3 شهور
بس حيقعد 3 شهور كأنه قاعد في الهيلتون واطباء قمة في الخبرة لانها شغالة ادمان بس, ايام ما كنت انا فيها كانت ببلاش

مستشفى العباسية للصحة النفسية : اقل مستوى واقل خبرة بس ارخص جدا في علاج الادمان

المستشفيات الخاصة: زي ابو المجد, عكاشة, الرخاوي بس دول تقريبا الشهر بيعدي ال 5000

وتحت امرك في اي استفسار

[Ahmed A Rahman]

الحقن دي مش ادمان دي تعود حقن الطلق دي ببتاخد بتفتح الشعب الهوائي و توسع الجهاز التنفسي و تعمل حاله ارخاء للعضالات مش اكتر بس و ممكن يبطلها بي سهوله

انا واحد صاحبي كان يعرف واحد بياخدها و قالنا بياخدها عشان كدا انها بتحسسو انو صدرو سالك و رايق

بعد اذن حضرتك
متقولش حاجه الا لو حضرتك متأكد منها لان كلمات بسيطة زي اللي حضرتك قولتها (الحقن دي مش ادمان دي تعود بتعمل ارخاء للعضلات مش أكتر وممكن يبطلها بسهولة)

بتودي في داهية وممكن تخرب بيوت وتتحاسب عليها امام الله يوم القيامة

مفيش حاجه اسمها دي تعود مش ادمان لان تعريف الادمان هو التعود على مادة او سلوك معين

الدواء ده قابض للعضلات يعني لو حيشتغل على عضلات الصدر حيقفلها مش يفتحها