الى اهالى الاسكندريه الكرام

[alynubira]

اولا: عايز اشكر شنورى باشا لانى وجعت دماغه قبل كده على الخاص
ثانيا: انا بفكر افتح محل فى الاسكندريه وبما ان الاعضاء الافاضل فى المنتدى اللى بعتبرهم زى اخوتى فقلت اقولكم وتقوللى رايكم
انا بفكر فى محل يكون فى سوق وفى نفس الوقت تكون المنطقه راقيه نسبيا
انا مره مشيت فى سوق القاهره بجانب مدينه بنك فيصل وعاجبنى المكان لو فى حد من هناك ممكن يقولى الايجارات للمحلات فى المنطقه دى كام ؟
او فى منطقه شبيهه ممكن يكون الايجار كام؟
هيكون النشاط عطاره ان شاء الله
علشان كده انا بحاول اخد محل فى سوق او قريب من سوق
ارجو منكم النصيحه وامدادى بالمعلومات
وجزاكم الله خيرا

[misoalex]

يعنى حضرتك دلوقتى بتسأل على محل فى القاهره ولا اسكندريه

وانت عاوز محل ايجار ولا تمليك وفى حدود كام والنشاط اللى حتفتحه ايه بالظبط

[hosar]

و الأهم كمان لازم تحدد النشاط اية

[alynubira]

شكرا على الرد
انا عايز محل فى الاسكندريه
سوق القاهره ده شارع فى الاسكندريه فى سيدى بشر تقريبا وهو اخره قطر ابو قير
النشاط عطاره
المحل ايجار

[misoalex]

قصدق شارع القاهره او سوق شارع القاهره لان مفيش حاجه اسمها سوق القاهره فى اسكندريه

والشارع ده فعلا شغال كويس والسوق بتاعه كويس

وممكن فى باكوس كمان تلاقى محلات كويسه فى السوق هناك
وممكن فى الحضره فى السوق الحضره

الاماكن دى الاسعار الايجار فيها معقوله وحتلاقى هناك

بالنسبه لشارع القاهره عند السوق حتلاقى الاسعار متوسطها 1000 جنيه اكتر او اقل حسب المساحه والمكان وعلى الشارع العمومى بيوصل ل 2000 جنيه

اما عن نشاط العطاره فمنصحكش اوى الا اذا كان ليك باع طويل فيها وحتعرف تعمل اسم وزبون بسرعه وسط الناس اللى حتفتح جنبهم لان الاماكن دى مليانه عطارين طبعا من زماااااان

مفكرتش تفتح فى مكان جديد زى العامريه او برج العرب الاماكن دى لسه جديده والاسعار هناك اقل

[alynubira]

قصدق شارع القاهره او سوق شارع القاهره لان مفيش حاجه اسمها سوق القاهره فى اسكندريه

والشارع ده فعلا شغال كويس والسوق بتاعه كويس

وممكن فى باكوس كمان تلاقى محلات كويسه فى السوق هناك
وممكن فى الحضره فى السوق الحضره

الاماكن دى الاسعار الايجار فيها معقوله وحتلاقى هناك

بالنسبه لشارع القاهره عند السوق حتلاقى الاسعار متوسطها 1000 جنيه اكتر او اقل حسب المساحه والمكان وعلى الشارع العمومى بيوصل ل 2000 جنيه

اما عن نشاط العطاره فمنصحكش اوى الا اذا كان ليك باع طويل فيها وحتعرف تعمل اسم وزبون بسرعه وسط الناس اللى حتفتح جنبهم لان الاماكن دى مليانه عطارين طبعا من زماااااان

مفكرتش تفتح فى مكان جديد زى العامريه او برج العرب الاماكن دى لسه جديده والاسعار هناك اقل

انا مش عارف اشكرك ازاى بصراحه
هو فعلا اسمه شارع القاهره معلش انا اسف
انا سبب ان بسأل على الشارع ده انى لقيت فيه عطارين كتيير وده بيبقى سبب ان الناس بتنزل تشترى عطاره من الشارع ده
وبالنسبه لمجال العطاره فانا بفضل الله وحده عندى باع فيه كبير
طيب حضرتك رايك ايه فى شارع القاهره والمنطقه دى تعتبر منطقه شعبيه ولا راقيه
وممكن اسأل مين لو حبيت اخد محل هناك يعنى النظام ماشى سماسره ولا مكاتب

[misoalex]

المنطقه كويسه ولا شعبيه ولا راقيه يعنى متوسطه فيها النضيف والمحترم وفيها الشعبى

والسوق هناك شغال كويس فى اكتر من مجال

ولو حبيت تاخد محل هناك يبقى تشوف اكتر من سمسار وتطول بالك وتختار كويس وتفاصل فى الاسعار وتفاصل فى عموله السمسار كمان

او لو ليك قريب هناك ممكن يشوفلك حاجه كويسه لان المحلات الايجار هناك بتتخطف لان المكان ده مطلوب

[viper911s]

باكوس صعبة نسبيا تقريبا مفيش محلات خالص علشان انا كنت بدور هناك وبعدين انا كنت بشتغل فى سوق باكوس

[alynubira]

باكوس صعبة نسبيا تقريبا مفيش محلات خالص علشان انا كنت بدور هناك وبعدين انا كنت بشتغل فى سوق باكوس

يا باشا الف شكر
طيب هل ممكن اخد محل فى شارع القاهره ولا الموضوع بردوا صعب جدا
والف شكر الى الاستاذ ميزو على اهتمامه بالموضوع

[misoalex]

باكوس صعبة نسبيا تقريبا مفيش محلات خالص علشان انا كنت بدور هناك وبعدين انا كنت بشتغل فى سوق باكوس

هو صعب بس مش مستحيل

المستحيل الشوارع العموميه لكن الشوارع الجانبيه لو دورت وصبرت حتلاقى

وصدقنى الموضوع فى الاخر رزق ومكتوبلك تاخده من مكان معين ممكن ميجيش فى بالك

نسيت اسألك انت شغال فى ايه فى باكوس