Tweet
الموضوع ده انا عامله رصد التغيرات اللى حصلتنلنا فى الفتره بين 6 اكتوبر 2010 و 6 اكتوبر 2011
فى 6 اكتوبر 2010
كنت شاب زى شباب كتير كانو موجودين حولينا
والدى ربانى على حب الوطن و العروبه و شرف التضحيه فى سبيله (هو مهندس و كان ظابط احتياط فى 1973 و مؤمن تماما بالمبادئ الناصريه)
لكن كنت بحس انه بيتكلم فى وادى و الدنيا اللى حوالينا فى وادى تانى
دخلت الكليه و اذكر فى احدى المحاضرات الدكتور قالنا "احنا جيل حاربنا و اخر جيل فى الرجاله لكن انتو جيل مالهوش لازمه اخركم كل واحد يقعد مع البنت بتاعته و خلاص " ساعتها طلع واحد و بحرقه قاله "لا يدكتور ادونا فرصه "
فعلا ادونا فرصه و احنا حنسيب البنات اللى قاعدين معاهم
و لما دخلت الجيش كنت بدعى ان مصر تحارب و اموت شهيد علشان يبقى لى لازمه فى الدنيا دى
طبعا دخلت الجيش و الصول قالى كلمه مش قادر انساها "اللى كان عدوك امبارح دلوقتى بقى صاحبك "و اللى عملته مصر انها عملت اتفاقية الغاز مع اسرائيل بدل ما تحاربها !!!
استقبلت الحياه باحباط و كانت مقولتى الشهيره "انا عايش دلوقتى و حموت فى سريرى زى اى كلب فى الشارع من غير ما اعمل اى حاجه للبلد او لديني و ماحدش حتى حيفتكر اسمى "
كنت بقول كده لأنى نفسى اعمل حاجه و ماعرفشى
حاسس بالفساد اللى فى البلد ... بس الفساد ده مش مأثر عليا بشكل مباشر و مافيش فى ايدي حاجه ممكن امنعه بيها ..
كل الطرق اللى قدامى ممهده من الحكومه و لو كنت وطنى و بتحب مصر طلع طاقتك فى تشجيع المنتخب و انزل فى الاحتفاليات اللى بتحصل لما بناخد كاس افرقيا و (زى ماقال الريس منتخب مصر كويس ) - و لما نضرب من الجزائر اشتمها و قاطع الجزائريين كلهم
و بالتالى دخلت الدوره التقليديه لأى بنى ادم مصرى و بقى همى الاول نفسى و اسرتى
حصل موضوع خالد سعيد .. و ده كان يمكن اول مره اخرج من الطرق المحدده من الحكومه .. لكن وقتها استنكرت ان كل الناس اعتبرته شهيد "لأن الشهيد فيها بطوله فى اعتقادى" و هو كل اللى عمله انه كان فى سايبر و اتخانق مع امين شرطه !!!
يعنى الموقف ده لو كان اتكرر و اللى كان هجم عليه بلطجىه ماكناش سمعنا عنه حاجه و مابقاش خالد سعيد شهيد ؟؟ طبعا انا ضد اللى حصل لكن مش مقتنع انه شهيد و هو من نول الشهاده بقى حسب هويه المهاجم.. ماعلينا مش ده موضوعنا
انا دلوقتى فاكر حديث مع مراتى قبل احتفالات 6 اكتوبر بايام (مراتى باصحابها اللى فى شغلها من اكبر مروجى الاشاعات ... احذروهم)... قالتلى فيه "دى رنا صاحبتى (والدها رتبه فى الجيش) بتقولى ان احتفالات اكتوبر السنه دى حتبقى متكلفه و ضخمه علشان دى اخر سنه لمبارك و السنه اللى جايه جمال هو اللى حيمسك الحكم ... لكن كل الجيش رافضينه لأنه مش عسكرى "
انا "ياستى يعنى هو فرق جمال من ابوه ايه ... المهم حنتغدى ايه الناهرده "
احلى حاجه كانت فى 6 اكتوبر انه اجازه ... سيبك بقى من الكلام الفارغ اللى بيتقال فى التلفزيون اللى كان بيديلك احساس ان مبارك طلع فى طيارة لوحده حرر سينا و رجعلنا تانى
(بالمناسبه اللى كنت عارفه من زمان ان مبارك كان اصلا مراقب جوى يعنى مش طيار مقاتل زى ماكانو بيصورولنا )
و ابنه اللى كان بيطلعلنا فى كل مناسبه برقبتة الطويله دى ..كأنهم بيقوللنا "اتعودو على شكله علشان حيحكمكم لغاية لما يموت " و بصراحه انا كنت بتعامل مع موضوع التوريث بسلبيه شديده و مش فارقه معايا من الاخر ... مادمت لاقى اكل و اشرب خلاص و كده كده البلد مسروقه
ولو حد راجع مشاركاتى القديمه حتلاقو معظمها فى قسم الورشه و نادرا لما كنت بشارك فى اى موضوع سياسى .. كان تفاعلى فى نطاق محدود و كان غالبا بيتعلق بتعديات الاقباط ضد مسلمين
6 اكتوبر 2011
فى الثوره كان نفسى يبقى ليا تأثير اكتر من كده ... لكن المشكله فى القيود العائليه ( انا متزوج و عندى طفلين) و مراتى و عائلتها من نوع حزب الكنبه و اللى منعونى "بالعافيه" انى اشترك فى يوم 28 يناير بعد ماعرفو مشاركتى فى 25 يناير و انى اتقبض عليا (كنت كاتب الموضوع ده بالتفصيل فى موضوع سابق)
عرفت انى ممكن يبقالى لازمه - تخيلو
طبعا كل شباب مصر عرفو الحكايه دى ... بعد الثوره اللى اتعملت من الفيس بوك و اللى معظم المراهقين بيستخدموه علشان "يعلقو" منه البنات .. طلع ليه استخدامات اخرى
عرفت ان الموت اقرب مما اتخيل .. و يبقى استشهاد مش اى موته عاديه
يمكن لأن 3 من الشباب اللى اعرفهم استشهدو
[aldl]http://productnews.link.net/general/Entertainment/10-03-2011/KarimBannouna200x200.jpg[/aldl]
كريم بنونه : كنت اعرفه معرفه سطحيه بحكم انه كان صديق لزميل سابق ليا فى العمل و بحكم انه بيشتغل فى نفس مهنتى (من نفس الكار)
[aldl]http://www.onislam.net/english/oimedia/onislamen/images/mainimages/Mohamed%20Emad.jpg[/aldl]
محمد عماد : ساكن فى الشارع اللى جنبى (منشيه التحرير - ارض النعام عين شمس ) كنت اعرفه شكلا و ماعرفشى اسمه و ماعرفتش انه اتوفى غير لما شوفت صورهم فى النت
طبعا اول لما نزلت اغنيه "يابلادى .. يابلادى" كنت بنهار باكيا كل مابسمعها ...رغم انى دمعتى عزيزه و رغم انى مابكتشى عند وفاة والدتى
‫ط¨طط¨ظƒ ظٹط§ ط¨ظ„ط§ط¯ظ‰ - ط£ط؛ظ†ظٹط© ط´ظ‡ط¯ط§ط، ط«ظˆط±ط© 25 ظٹظ†ط§ظٹط±‬‎ - YouTube
كنت ببكى من التأثر و لأنى كنت بحسد اللى استشهدو دول
كنت عاوز ابقى واحد من المؤثرين فى البلد و مصيرها بصرف النظر عن التمن اللى حدفعه ... ده اللى اتربيت عليه و ده اللى ماقدرتش احققه
و بالتالى بقيت اشوف اى حجه و انزل التحرير و فى يوم "معركة الجمل" كنت هناك لكن للاسف روحت على الساعه 2 الظهر و فوجئت باللى حصل و قولت يارتنى كنت معاهم
فاكرين يوم الخميس 10 فبراير لما الجيش طلع بيانه الاول و عرفنا ان مبارك حيصدر بيان ... ساعتها اصريت انى اسمع لخطاب الرئيس فى التحرير و اللى فوجئنا كلنا انه خطاب عاطفى وكل اللى فى التحرير رفع الجزم ... نزولى اليوم ده كان حيكلفنى زواجى
لأنى من اول الثوره عرفت علشان تغير حاجه لازم تبقى ايجابى لكن السلبيه اللى كنت عايش فيها دى ماعملتشى حاجه
كنت بحاول اعمل اى حاجه انشر اراء تزود عزم المعتصمين - جمعت صور و فيديوهات و شرحت اسباب الثوره و دوافعها و اللى بيحصل بالانجليزى و بعتها لعمى المهاجر انجلترا و لاولاد عمى "الانجليز " و قولتهم ينشروها لكل اللى يعرفوهم لعمل محاوله ضغط سياسى دولى على مبارك
لكن بجد اكتر وااحد اتوفى و اثر فيا هو النقيب احمد جلال اللى استشهد على الحدود الاسرائيليه من اليهود
[aldl]http://www.algareda.com/wp-......./uploads/2011/08/untitled-1-510x382.jpg[/aldl]
لأنه كان زميلى فى اسيوط من اولى حضانه و لغايه ثانويه عامه و دخلنا مع بعض الجامعه و هو دخل كليه حقوق فى البدايه و بعد كده سابها لما قبل فى كلية شرطه لكن كنت على اتصال تليفونى دائم بيه
ولما عرفت بخبر "استشهاده" اصيبت بحاله زهول استمرت 3 ايام
سبحان الله فعلا دلوقتى مش قادر اتذكر اى عيوب "لأبو جلال" كأن الموت بيحول الواحد لكائن نورانى بدون ذنوب
دول استشهدو علشان البلد ... بلدى بتاعتى مش بتاعت مبارك و جمال .. بلدى انا مش بلدهم هما اللى بيركبو البى ام
وبالتالى لو حد متابع مشاركاتى حيلاحظ عنفى فى بعض الردود ببقى عنيف ده نابع من انى مش عاوز ارجع تانى زى الاول
من هنا و رايح عاوز اى خطوه للبلد دى ابقى مؤثر فيها ... مش عاوز ابقى سلبى تانى
-------------------------
ياريت تشاركونى و تقوللى ايه اللى اتغير فيكم فى خلال السنه دى
فى 6 اكتوبر 2010
كنت شاب زى شباب كتير كانو موجودين حولينا
والدى ربانى على حب الوطن و العروبه و شرف التضحيه فى سبيله (هو مهندس و كان ظابط احتياط فى 1973 و مؤمن تماما بالمبادئ الناصريه)
لكن كنت بحس انه بيتكلم فى وادى و الدنيا اللى حوالينا فى وادى تانى
دخلت الكليه و اذكر فى احدى المحاضرات الدكتور قالنا "احنا جيل حاربنا و اخر جيل فى الرجاله لكن انتو جيل مالهوش لازمه اخركم كل واحد يقعد مع البنت بتاعته و خلاص " ساعتها طلع واحد و بحرقه قاله "لا يدكتور ادونا فرصه "
فعلا ادونا فرصه و احنا حنسيب البنات اللى قاعدين معاهم
و لما دخلت الجيش كنت بدعى ان مصر تحارب و اموت شهيد علشان يبقى لى لازمه فى الدنيا دى
طبعا دخلت الجيش و الصول قالى كلمه مش قادر انساها "اللى كان عدوك امبارح دلوقتى بقى صاحبك "و اللى عملته مصر انها عملت اتفاقية الغاز مع اسرائيل بدل ما تحاربها !!!
استقبلت الحياه باحباط و كانت مقولتى الشهيره "انا عايش دلوقتى و حموت فى سريرى زى اى كلب فى الشارع من غير ما اعمل اى حاجه للبلد او لديني و ماحدش حتى حيفتكر اسمى "
كنت بقول كده لأنى نفسى اعمل حاجه و ماعرفشى
حاسس بالفساد اللى فى البلد ... بس الفساد ده مش مأثر عليا بشكل مباشر و مافيش فى ايدي حاجه ممكن امنعه بيها ..
كل الطرق اللى قدامى ممهده من الحكومه و لو كنت وطنى و بتحب مصر طلع طاقتك فى تشجيع المنتخب و انزل فى الاحتفاليات اللى بتحصل لما بناخد كاس افرقيا و (زى ماقال الريس منتخب مصر كويس ) - و لما نضرب من الجزائر اشتمها و قاطع الجزائريين كلهم
و بالتالى دخلت الدوره التقليديه لأى بنى ادم مصرى و بقى همى الاول نفسى و اسرتى
حصل موضوع خالد سعيد .. و ده كان يمكن اول مره اخرج من الطرق المحدده من الحكومه .. لكن وقتها استنكرت ان كل الناس اعتبرته شهيد "لأن الشهيد فيها بطوله فى اعتقادى" و هو كل اللى عمله انه كان فى سايبر و اتخانق مع امين شرطه !!!
يعنى الموقف ده لو كان اتكرر و اللى كان هجم عليه بلطجىه ماكناش سمعنا عنه حاجه و مابقاش خالد سعيد شهيد ؟؟ طبعا انا ضد اللى حصل لكن مش مقتنع انه شهيد و هو من نول الشهاده بقى حسب هويه المهاجم.. ماعلينا مش ده موضوعنا
انا دلوقتى فاكر حديث مع مراتى قبل احتفالات 6 اكتوبر بايام (مراتى باصحابها اللى فى شغلها من اكبر مروجى الاشاعات ... احذروهم)... قالتلى فيه "دى رنا صاحبتى (والدها رتبه فى الجيش) بتقولى ان احتفالات اكتوبر السنه دى حتبقى متكلفه و ضخمه علشان دى اخر سنه لمبارك و السنه اللى جايه جمال هو اللى حيمسك الحكم ... لكن كل الجيش رافضينه لأنه مش عسكرى "
انا "ياستى يعنى هو فرق جمال من ابوه ايه ... المهم حنتغدى ايه الناهرده "
احلى حاجه كانت فى 6 اكتوبر انه اجازه ... سيبك بقى من الكلام الفارغ اللى بيتقال فى التلفزيون اللى كان بيديلك احساس ان مبارك طلع فى طيارة لوحده حرر سينا و رجعلنا تانى
(بالمناسبه اللى كنت عارفه من زمان ان مبارك كان اصلا مراقب جوى يعنى مش طيار مقاتل زى ماكانو بيصورولنا )
و ابنه اللى كان بيطلعلنا فى كل مناسبه برقبتة الطويله دى ..كأنهم بيقوللنا "اتعودو على شكله علشان حيحكمكم لغاية لما يموت " و بصراحه انا كنت بتعامل مع موضوع التوريث بسلبيه شديده و مش فارقه معايا من الاخر ... مادمت لاقى اكل و اشرب خلاص و كده كده البلد مسروقه
ولو حد راجع مشاركاتى القديمه حتلاقو معظمها فى قسم الورشه و نادرا لما كنت بشارك فى اى موضوع سياسى .. كان تفاعلى فى نطاق محدود و كان غالبا بيتعلق بتعديات الاقباط ضد مسلمين
6 اكتوبر 2011
فى الثوره كان نفسى يبقى ليا تأثير اكتر من كده ... لكن المشكله فى القيود العائليه ( انا متزوج و عندى طفلين) و مراتى و عائلتها من نوع حزب الكنبه و اللى منعونى "بالعافيه" انى اشترك فى يوم 28 يناير بعد ماعرفو مشاركتى فى 25 يناير و انى اتقبض عليا (كنت كاتب الموضوع ده بالتفصيل فى موضوع سابق)
عرفت انى ممكن يبقالى لازمه - تخيلو
طبعا كل شباب مصر عرفو الحكايه دى ... بعد الثوره اللى اتعملت من الفيس بوك و اللى معظم المراهقين بيستخدموه علشان "يعلقو" منه البنات .. طلع ليه استخدامات اخرى
عرفت ان الموت اقرب مما اتخيل .. و يبقى استشهاد مش اى موته عاديه
يمكن لأن 3 من الشباب اللى اعرفهم استشهدو
[aldl]http://productnews.link.net/general/Entertainment/10-03-2011/KarimBannouna200x200.jpg[/aldl]
كريم بنونه : كنت اعرفه معرفه سطحيه بحكم انه كان صديق لزميل سابق ليا فى العمل و بحكم انه بيشتغل فى نفس مهنتى (من نفس الكار)
[aldl]http://www.onislam.net/english/oimedia/onislamen/images/mainimages/Mohamed%20Emad.jpg[/aldl]
محمد عماد : ساكن فى الشارع اللى جنبى (منشيه التحرير - ارض النعام عين شمس ) كنت اعرفه شكلا و ماعرفشى اسمه و ماعرفتش انه اتوفى غير لما شوفت صورهم فى النت
طبعا اول لما نزلت اغنيه "يابلادى .. يابلادى" كنت بنهار باكيا كل مابسمعها ...رغم انى دمعتى عزيزه و رغم انى مابكتشى عند وفاة والدتى
‫ط¨طط¨ظƒ ظٹط§ ط¨ظ„ط§ط¯ظ‰ - ط£ط؛ظ†ظٹط© ط´ظ‡ط¯ط§ط، ط«ظˆط±ط© 25 ظٹظ†ط§ظٹط±‬‎ - YouTube
كنت ببكى من التأثر و لأنى كنت بحسد اللى استشهدو دول
كنت عاوز ابقى واحد من المؤثرين فى البلد و مصيرها بصرف النظر عن التمن اللى حدفعه ... ده اللى اتربيت عليه و ده اللى ماقدرتش احققه
و بالتالى بقيت اشوف اى حجه و انزل التحرير و فى يوم "معركة الجمل" كنت هناك لكن للاسف روحت على الساعه 2 الظهر و فوجئت باللى حصل و قولت يارتنى كنت معاهم
فاكرين يوم الخميس 10 فبراير لما الجيش طلع بيانه الاول و عرفنا ان مبارك حيصدر بيان ... ساعتها اصريت انى اسمع لخطاب الرئيس فى التحرير و اللى فوجئنا كلنا انه خطاب عاطفى وكل اللى فى التحرير رفع الجزم ... نزولى اليوم ده كان حيكلفنى زواجى
لأنى من اول الثوره عرفت علشان تغير حاجه لازم تبقى ايجابى لكن السلبيه اللى كنت عايش فيها دى ماعملتشى حاجه
كنت بحاول اعمل اى حاجه انشر اراء تزود عزم المعتصمين - جمعت صور و فيديوهات و شرحت اسباب الثوره و دوافعها و اللى بيحصل بالانجليزى و بعتها لعمى المهاجر انجلترا و لاولاد عمى "الانجليز " و قولتهم ينشروها لكل اللى يعرفوهم لعمل محاوله ضغط سياسى دولى على مبارك
لكن بجد اكتر وااحد اتوفى و اثر فيا هو النقيب احمد جلال اللى استشهد على الحدود الاسرائيليه من اليهود
[aldl]http://www.algareda.com/wp-......./uploads/2011/08/untitled-1-510x382.jpg[/aldl]
لأنه كان زميلى فى اسيوط من اولى حضانه و لغايه ثانويه عامه و دخلنا مع بعض الجامعه و هو دخل كليه حقوق فى البدايه و بعد كده سابها لما قبل فى كلية شرطه لكن كنت على اتصال تليفونى دائم بيه
ولما عرفت بخبر "استشهاده" اصيبت بحاله زهول استمرت 3 ايام
سبحان الله فعلا دلوقتى مش قادر اتذكر اى عيوب "لأبو جلال" كأن الموت بيحول الواحد لكائن نورانى بدون ذنوب
دول استشهدو علشان البلد ... بلدى بتاعتى مش بتاعت مبارك و جمال .. بلدى انا مش بلدهم هما اللى بيركبو البى ام
وبالتالى لو حد متابع مشاركاتى حيلاحظ عنفى فى بعض الردود ببقى عنيف ده نابع من انى مش عاوز ارجع تانى زى الاول
من هنا و رايح عاوز اى خطوه للبلد دى ابقى مؤثر فيها ... مش عاوز ابقى سلبى تانى
-------------------------
ياريت تشاركونى و تقوللى ايه اللى اتغير فيكم فى خلال السنه دى
Comment