........*اين تذهب هذه الاجازة........*

[hobby10]

فكرة حلوة جدا
انا شخصيا با حتاجها لأني مش من اللي بيخرج كتير
فبنقف عاجزين عن اختيار المكان المناسب
بس دة مش ممكن يبقى اعلان عن المكان ؟
عامة انا هبدأ
في محل اسمه بريجو
ليه فروع كتير في المعادي ومدينة نصر وتقريباالهرم
انا رحت فرع ميدان الجزائر جنب صيدلية العزبي
عنده سندوتشات ومشويات
اغلى طبق عنده الميكس جريل ب 38 جنيه
مشوياته رائعة
وعنده كمان الكفتة والكباب والفراخ المشوية بالكيلو على حسب سعرها
طبعا دي اغلى شوية
تقييمه عندي 10 من 10

في كمان بيتزا ون في هايبر ماركت في الشيخ زايد
البيتزا اللارج رتتراوح بين التلاتينات والاربيعينات حسب نوعها
بس ممتازة
تقييمها كان 10 بس اول امبارح جربناها كانت اقل شوية مش زي كل مرة

انا من اسكندرية بس مرة كنت فى القاهرة وجربت بريجو وفعلا عجبنى جدا .. عندك حق

[sheko_2000eg]

يعني الزحمة هتخلينا منخرجش في العيد ؟

[mazagngi2010]

1- اسم المكان : مطعم عبله !!
2- عنوانه :طريق ابو رواش حوالى 5 دقايق بالعربيه بعد كفر غطاطى على اليمين طبعا وركز فيه علشان فيه كذا واحد فاتح جنبه وتعبانين
3- مميزات المكان : الاكل نضيف جدا وطعمه كويس وكل حاجه بتتعمل قدامك والمطعم شعبى واحلى حاجه انك هتاكل فى الهواء الطلق يعنى الترابيزات فى الشارع وعليه اقبال كبير وهتلاقوا كل عربيات كتير جديده وقديمه راكنه هناك

الاكل اللى بيقدموه (فراخ-كفته-كبده اسكندرانى-سمان وحاجات كده تانيه-وفيه مشروبات طبعا بس مفيش شيش)
4- اسعاره (تقريبا) او تكلفة التجربة الشخصية : فرخه شيش ب 36 تقريبا بالسلطات الخضرا والطحينه والمياه
لما اعوز اعزم حد ويطلع مبسوط ومادفعش كتير باخده على هناك
بالنسبه للاسعار اللى فاكره نص كفته و3 انصاص فراخ شيش ب 75 بالسلطات واللى كانوا معايا معرفوش يكملوا ولفيت الباقى
5- نوع الصحبه (يعني ينفع مع اسرة - او شباب بس - او بنات بس - او كبار السن فقط): كله وكتير جدا بشوف عائلات هناك وناس مع نفسها برضه
6- ارقام تليفونات (ان وجد) :01007970670-01006901377-01001944305
7- درجة التميز من وجهة نظرك كام من 10: ياخد 8 علشان بكره السفنج اللى فى الكراسي رغم انها مريحه

سلام

[sheko_2000eg]

لازم اجرب المكن الهايل ده انت شوقتني ليه

[mazagngi2010]

نسيت اقول انه بيفتح بعد 4:30 عصرا ومفيش ديلفرى ومعرفش ظروفه فى العيد والمطعم ملوش يافطه بس اسال اى حد هناك هتلاقى الف واحد يدلك عليه وعلشان تتاكد انه المطعم هتلاقى بره التليفزيون فى الوش والشوى والسلطات على الشمال وفيه ناس شغال جوه المحل فى الشمال برضه
والترابيزات لونها برتقالى والكراسى كبيره زى بتاعت المصايف بس حديد وعليها سفنج تعبان

[fepsceasar]

انت كبرت فى دماغى المطعم بتاع عبلة ده

[AboELsoud]

انا بصراحه في العيد بحب اتمشى جداااا على رجلي لان الطرق بتكون فاضيه و المولات و المحلات و الجناين و النوادي و اماكن الخروج عموما بتكون زحمه جداااااااااا
و طبعا مفيش احسن من زياره العائله

[sheko_2000eg]

انا بصراحه في العيد بحب اتمشى جداااا على رجلي لان الطرق بتكون فاضيه و المولات و المحلات و الجناين و النوادي و اماكن الخروج عموما بتكون زحمه جداااااااااا
و طبعا مفيش احسن من زياره العائله

1+++++++++
بس العائلة كبرها يوم او يومين
و باقي الاسبوع هنعمل ايه ؟؟؟؟؟؟؟؟

[sheko_2000eg]

خلص العيد و كل سنة و انتو طيبين