وداع ياشوارع

[eng_volto]

انها الايام .... مش بتاعه طه حسين
لا لا ايام تانيه خالص
تفصلنا عن احداث عصيبه الا وهى التجنيد .....ايوااا التجنيد
يعيشها البعض للقاء مصيره سواء كان ضابط احتياط او مجند

هى اخر ايام الحياه المدنيه .....

يعيشها البعض فى اكتئاب وقلق
والبعض مقضيها نوم
والبعض مش مستوعب الموقف لحد دلوقتى
والبعض مقضيها بيودع الشوارع والنواصى

ايه الهبل الى انا بقوله ده


بغض النظر عن الكلام الى فات كله ...

نداء الى رجاله نيل موتور ( ضباط احتياط -مجندين ) او ممن نالو شرف الخدمه فى القوات المسلحه المصريه

بتقضو اخر ايام ليكم ازى ؟
استعديت ازى ليوم الترحيل ....... هتاخد اوضتك معاك ؟

[yoko]

هههههههههههههههه فكرتني بإبن خلتي داخل برده هو مجند مش إحتياط (فلت في أخر لحظة من إنه يدخل ظابط)
ومش هقول أنا بعمل فيه إيه (أصل انا واخد إعفاء مؤقت 7 سنين)

[أحمد كمال]

هههههههههههههههه فكرتني بإبن خلتي داخل برده هو مجند مش إحطيات (فلت في أخر لحظة من إنه يدخل ظابط)
ومش هقول أنا بعمل فيه إيه (أصل انا واخد إعفاء مؤقت 7 سنين)

مش عيب باشمهندس زيك يقول احطيات !!!!!!!!

[eng_volto]

هههههههههههههههه فكرتني بإبن خلتي داخل برده هو مجند مش إحتياط (فلت في أخر لحظة من إنه يدخل ظابط)
ومش هقول أنا بعمل فيه إيه (أصل انا واخد إعفاء مؤقت 7 سنين)

امشى من هنا يعم مش نقصه هى ....ههههههه
مبروك يامعلم
انا برده نزلت مجند فى الحمد لله
انا بقى معايا واحد صحبنا كنا مقدمين مع بعض وهو الوحيد الى اخد اعفاء طبى مش عايز اقولك عملين فيه ايه...
لدرجه انه كره اليوم الى اخد فيه اعفاء

[yoko]

فين دي
الحمد لله وقت التعديل معداش هههههههههههههههههههههههههههههه

[eng_volto]

مش عيب باشمهندس زيك يقول احطيات !!!!!!!!

لو كان داخل الجيش مكنش عمل كده

[yoko]

سبتوا الموضوع ومسكتوا في غلطة مطبعيه
يبني روح إلحق إعمل أي حاجة في حياتك قبل ما تدخل الجيش

[maryano]

ربنا معاكو و يصبركو و يعدي الايام دي علي خير
انا الحمد الله ربنا كرمني و خدت اعفاء بس كنت بشوف اصحابي اللي دخلو الجيش بيكون شكلهم ازاي في الاجازة

[nomercy22]

‫3 ط³ظ†ظٹظ† ط¬ظٹط´.mp4‬‎ - YouTube

[MTAK]

انا لم ادحل الجيش
و لكن حاول تتأقلم مع وضعك بسرعه
و ما تخليهاش ايام و تعدى
حاول تستفيد منها
صدقنى هاتخرج متغير حاجات كتير جواك
ممكن تكون زيادة كرهك للبلد
و ممكن تكون تربية احساسك بوطنك و تحمل مسئوليه و جلد اكبر
كله على حسب انت مهئ نفسك لأيه

[أحمد كمال]

‫3 ط³ظ†ظٹظ† ط¬ظٹط´.mp4‬‎ - youtube

الفيديو ده باخنق بيه على واحد صاحبي لبس احتياط هههههههههههههههههههه

[MohssenRashed]

مشكله الجيش في مركز التدريب لكن بعد كده في وحدتك بتعرف تظبط و كل مابتقدم بتفهم و تعرف تمشي نفسك.

اهم حاجه ماتخدش كل حاجه على صدرك و خليك فريش ( حب الجيش يكرهك .... اكره الجيش يحبك ) هههههه

[م/مصطفى محمود]

بص انا حاليا فى الجيش ، بجد بجد أيام جميلة جدا

بغض النظر عن إنك هتتسحل وهيطلع عينك وهتكره اليوم اللى أتولدت فية ، بس الصحبة اللى هتبقى معاك بجد هتخليها أيام متتنسيش ، متخدشي أى حاجه على قلبك ، عيش الموضوع كأنة تجربة جديدة

متنساش تاخد معاك ( غيارات داخلية كتير + فوطة + 3 أقفال + مكن حلاقة + كريم حلاقة (هتحلق على الناشف كده كده :d ) + مراية + ورنيش + 4 فرش جزم (ضروري جدا) + رباط بيادة طويل + مزيل عرق + ديتول وبخاخة علشان لزوم النضافة + صابون + صبانة + مناديل وايبس ديتول (مفيدة ) + معالق بلاستك (علشان مش كل لما تروح الميز ترجع تغسل المعلقة أو تضيع أو أو ) + بدرة رجل (مهمة جدا جدا) + شرابات ميري (من عند الشيشينجي ب 10 ج الواحد بس كويس ) هات 3 + كشاف صغير+ قصافة + أحلق شعرك على 1/2 قبل ما تروح (علشان لو الفترة طالت هيحلقولك جوة ومتضمنش) + كروت ميناتيل (تأكد من شعار ميناتيل ) ومتكترش علشان ممكن ميكونشي في كبائن جوة :d

غير كده بقى ، سيب نفسك خااااااااااااااااااااالص وأعتبر إنك فى حاجة كوميدية ، متخليش أبدا صول ملوش لازمة يقولك كلمة ملهاش لازمة ، خليك فى السليم وأعمل اللى يتقالك وخلاص ، لو لقيت واحد متزمر كتيير وكده فكك منة وخليك مع المتفائل واللى بيهزر كتير (هيهون عليك الوقت أوي)

والرغي ، أنصحك بالرغي ، هتلاقي معاك ناس من مختلف الثقافات ، أرغي كتييييييير بجد بيهون وكمان بيحسسك أنك فى رحلة ، احنا كنا بنتناقش فى نشأة اليهود مع ناس آداب عبري ، وكنا بنتناقش فى حاجات هندسية مع بعض ، وشوية نتكلم فى الكورة ، وشوية نقول نكت (أبعد عن الفوازير لأنك هتمر بمرحلة غباء ومش هتعرف تجاوب على حاجه :d )

وربنا يهون عليك الأيام وتعدي (صحيح انت سلاح أية ولا لسة متعرفش ؟)

[korkor]

بص انا حاليا فى الجيش ، بجد بجد أيام جميلة جدا

بغض النظر عن إنك هتتسحل وهيطلع عينك وهتكره اليوم اللى أتولدت فية ، بس الصحبة اللى هتبقى معاك بجد هتخليها أيام متتنسيش ، متخدشي أى حاجه على قلبك ، عيش الموضوع كأنة تجربة جديدة

متنساش تاخد معاك ( غيارات داخلية كتير + فوطة + 3 أقفال + مكن حلاقة + كريم حلاقة (هتحلق على الناشف كده كده :d ) + مراية + ورنيش + 4 فرش جزم (ضروري جدا) + رباط بيادة طويل + مزيل عرق + ديتول وبخاخة علشان لزوم النضافة + صابون + صبانة + مناديل وايبس ديتول (مفيدة ) + معالق بلاستك (علشان مش كل لما تروح الميز ترجع تغسل المعلقة أو تضيع أو أو ) + بدرة رجل (مهمة جدا جدا) + شرابات ميري (من عند الشيشينجي ب 10 ج الواحد بس كويس ) هات 3 + كشاف صغير+ قصافة + أحلق شعرك على 1/2 قبل ما تروح (علشان لو الفترة طالت هيحلقولك جوة ومتضمنش) + كروت ميناتيل (تأكد من شعار ميناتيل ) ومتكترش علشان ممكن ميكونشي في كبائن جوة :d

غير كده بقى ، سيب نفسك خااااااااااااااااااااالص وأعتبر إنك فى حاجة كوميدية ، متخليش أبدا صول ملوش لازمة يقولك كلمة ملهاش لازمة ، خليك فى السليم وأعمل اللى يتقالك وخلاص ، لو لقيت واحد متزمر كتيير وكده فكك منة وخليك مع المتفائل واللى بيهزر كتير (هيهون عليك الوقت أوي)

والرغي ، أنصحك بالرغي ، هتلاقي معاك ناس من مختلف الثقافات ، أرغي كتييييييير بجد بيهون وكمان بيحسسك أنك فى رحلة ، احنا كنا بنتناقش فى نشأة اليهود مع ناس آداب عبري ، وكنا بنتناقش فى حاجات هندسية مع بعض ، وشوية نتكلم فى الكورة ، وشوية نقول نكت (أبعد عن الفوازير لأنك هتمر بمرحلة غباء ومش هتعرف تجاوب على حاجه :d )

وربنا يهون عليك الأيام وتعدي (صحيح انت سلاح أية ولا لسة متعرفش ؟)

كل الكلام اللى بتقوله ده زى الفل فكرتنى بالايام اللى ما يعلم بيها ربنا دى انا دخلت الجيش من 11 سنه بس مش قادر انسى بالذات اول يوم كان يوم صعب اوى , ربنا يهون الجيش على كل الناس اللى داخله وايام وبتعدى بسرعه ان شاء الله .

[eng_volto]

ربنا معاكو و يصبركو و يعدي الايام دي علي خير
انا الحمد الله ربنا كرمني و خدت اعفاء بس كنت بشوف اصحابي اللي دخلو الجيش بيكون شكلهم ازاي في الاجازة

كلنا لها ...

انا لم ادحل الجيش
و لكن حاول تتأقلم مع وضعك بسرعه
و ما تخليهاش ايام و تعدى
حاول تستفيد منها
صدقنى هاتخرج متغير حاجات كتير جواك
ممكن تكون زيادة كرهك للبلد
و ممكن تكون تربية احساسك بوطنك و تحمل مسئوليه و جلد اكبر
كله على حسب انت مهئ نفسك لأيه

ربنا يسهل .....
انا مش زعلان انى داخل الجيش الموضوع بنسبالى كان عادى
انا يوم الارجاء كان قائد المنطقه بيشتغلنا وافتكرت انى طلعت ارجاء موليد كنت زعلان
بس بعد كده عرفت انى لبست وسعتها زعلت اكتر