عمرك حلمت حلم ---فيلم !

[azmeralda]

الحكاية دى بتحصل معايا لدرجة ان الحلم لو ا تعمل فعلا ممكن يكسر الدنيا

بس احيانا بيبقى فيلم رعب بتحصل لكو دى بأحداث واضحة وممكن يكمل فى يوم تانى كمان الجزء التانى !!!!


اخر حلم انهم بيشربونا كلنا حاجات بتخلىنا نشوف الدنيا احلى بكتير يعنى مثلا شارع كله زبالة احنا نشوفه شارع حلو وجميل او مبنى متهدم نشوفه مدهون وكويس وانا بقى شفت الحقيقة وكنت بحاول اخبى عليهم ومغامرات: )
وانا حاولت ابص للحلم بشكل فلسفى ان الدنيا اى كلام واحنا فعلا مخدوعين وبنجرى وراها ومش شايفينها على حقيقتها
قد ايه هى قبيحة

واعتقد الفضيل بن عياض قال يؤتى بالدنيا يوم القيامة فى صورة عجوز شمطاء زرقاء انيابها بادية مشوه خلقها فتشرف على الخلائق فيقال لهم اتعرفون هذه
يقولون نعوذ بالله من معرفة هذه

فيقال هذه الدنيا التى تناحرتم عليها بها تقاطعتم الارحام بها تحاسدتم وتباغضتم واغتررتم----


وافتكرت ان مرة شفت فيلم كانوا بيدوا الناس حقن عشان ميبقاش عندهم مشاعر لا يتالموا ولا يحبوا وكان فى مجموعة منشقة بتحاول تمنع الحقن دى بس صعب يكون ده سبب الحلم لانى شفته من زماااااااان

[Ahmed A Rahman]

الفيلم كان اسمه Equilibrium

[azmeralda]

طيب مردتش عالسؤال برضه

[Ahmed A Rahman]

ماهو مش كل شوية تخرجيني من الحلم وتسأليني نفس السؤال !!!

[azmeralda]

lol


اهم حاجة تبقى تحكى لنا الفيلم احم قصدى الحلم

[human]

كنت بنام و انا مشغل افلام عربى
كنت وانا نايم بحلم انى جوه الفيلم وواخد دور اى بطل

انا كتير حلمت احلام غريبه و حقيقيه لساعات انى قمت اتأكد فى مره انى متجوز مراتى و ان عيالى هما هما

كان حلم رهيب

[sayed911]

انا بقى بيحصل معايا اكثر من كدى من مجموعة من احلام اليقظة على وقائع على حقائق على شوية حاجات اقعد قدام الكيبورد من هنا تلاقيني رهوان من هنا !! ودي عينة من مصايبي :D
ط³ظ‚ظˆط· ط¹ظ„ط§ظ…ط© ط¨ط±ظˆطھظˆظ†: ط§ظ„طظ„ظ‚ط© ط§ظ„ط£ظˆظ„ظ‰
وفيه موضوع ليا عنا برضه على المنتدى بس مش لاقيه تقريبا وصل لأكثر من 1000 رد وتقريبا 40 الف مشاهدة حاجة كده غريبة :D

[eng.m7md.ali]

انا بقى مرة حلمت حلم جميل اوي
لدرجة اني قومت من وسط الحلم اشرب مية وانام تاني علشان اكمل الحلم وفعلا كملته
الحلم عبارة عن مكان عامل زي الاسطوانة الكبيرة كدة وفي فلوس مترمية على الحيطة وانا عمال الم
بس في الاخر معدتش انا لميت كام بصراحة

[AhMeD EzZ]

كانت بتحصل معايا من فترة كبيرة

[شريف]

انا حلمت انني سوبرمان كذا مره و ان والدي لسه عايش و حاجات غريبه بس كل ده و انا صغبر مبقتش بحلم بحاجه دلوقتي خالص

[Ghamrawy]

انا بقى مش باحلم خالص
كانى لما بنام ببقى عامل زى موبايل من غير بطارية
حاجة مزعجة و غريبة
تفتكروا انا عيان يا جماعة ؟؟

[nabaster]

وليه متقوليش العكس؟؟؟

ان حياتك تتحول لفيلم

عن نفسي لو اخر خمس ست سنين ليا اتعملوا فيلم انا واثق ان 99% هتقول ده فيلم خيال علمي ومحدش هيصدق

وهيتهموا المخرج والمؤلف بالجنوووووون

فكرت كتير اكتب حاجه عني معرفتش لأني معنديش ملكة الكتابه وتحليل الاحداث لكلمات

وفي نفس الوقت مبحبش اتكلم دايما عن تفاصيل تخصني

علشان كده كان هيفضل اسم المؤلف وهمي للأبد ..........................

A.Yakout

[Dr.Mostafa Anwar]

انا بقى مش باحلم خالص
كانى لما بنام ببقى عامل زى موبايل من غير بطارية
حاجة مزعجة و غريبة
تفتكروا انا عيان يا جماعة ؟؟

شوف يا سيدي الفاضل...

ويؤكد مرة أخرى د. فكري عبدالعزيز بأن النوم الصحي يختلف باختلاف المرحلة العمرية فالطفل ينام لفترة طويلة تصل ل 14 ساعة يومياً، بينما ينام الشاب ما بين 6 ساعات الى 9 ساعات، اما مرحلة الشيخوخة فلا تتعدى ساعات النوم بها أكثر من 4 ساعات، حيث يزيد الاحساس فيها باقتراب النهاية.
ويختتم قوله من الطبيعي ألا يتجاوز الحلم عشرين دقيقة في كل ساعة من نوم الانسان، ويزعم بعض الناس أنهم لا يحلمون، وهذا الاعتقاد خاطئ لأنه من الصعب العيش دون حلم، وإلا كان ذلك دليلاً على ان ذلك الشخص مريض بأحد الامراض النفسية للنوم، واشهرها الاكتئاب الذي تصاحبه أمراض نفسية أخرى مثل الوساوس، والاضطرابات الذهنية والعقلية.

الأصل إنك ما بتفتكرش الحلم لكن لو الموضوع بقاله مدة طويلة معاك ممكن تكشف أفضل

[icehearted girl]

انا كل احلامي تعتبر افلام رعب..من ونا صغيرة..عربيات بتطير..وتعابين بتتحول...وخدي من دا كتير.....

[Ghamrawy]

شوف يا سيدي الفاضل...

ويؤكد مرة أخرى د. فكري عبدالعزيز بأن النوم الصحي يختلف باختلاف المرحلة العمرية فالطفل ينام لفترة طويلة تصل ل 14 ساعة يومياً، بينما ينام الشاب ما بين 6 ساعات الى 9 ساعات، اما مرحلة الشيخوخة فلا تتعدى ساعات النوم بها أكثر من 4 ساعات، حيث يزيد الاحساس فيها باقتراب النهاية.
ويختتم قوله من الطبيعي ألا يتجاوز الحلم عشرين دقيقة في كل ساعة من نوم الانسان، ويزعم بعض الناس أنهم لا يحلمون، وهذا الاعتقاد خاطئ لأنه من الصعب العيش دون حلم، وإلا كان ذلك دليلاً على ان ذلك الشخص مريض بأحد الامراض النفسية للنوم، واشهرها الاكتئاب الذي تصاحبه أمراض نفسية أخرى مثل الوساوس، والاضطرابات الذهنية والعقلية.

الأصل إنك ما بتفتكرش الحلم لكن لو الموضوع بقاله مدة طويلة معاك ممكن تكشف أفضل

انا كنت حاسس ان عندى ربع ضرب خلاص
شكلى كده حاروح اكشف فعلا