هل السحر يؤخر الزواج ؟

[shaddadfalcon1]

السلام عليكم ورحمة الله وبركاته

عندي سؤال بسيط

انا عندي بنت قريبتي ماشاء الله جميله جدا ومتعلمه واي واحد يتمناها وطبيعي في الفلاحين البنات وهما لسه 15 سنه بيتقدملهم عرسان كتيير ولو حلوه شويه بتلاقيها متعديش 17 سنه الا وهي متجوزه ولو متعلمه علام عالي اخرها اخر سنه في الكليه وتلاقيها في بيت جوزها

قريبتي دي عندها 23 وماشيه في ال 24 وحتي الان محصلش نصيب واللي بيتقدم قليل ومش كويس او مش بيعجبها او مش بيعجب اهلها مش عوجان لكن بيكون مش مناسب فعلا

ودي حاجه غريبه جدا ان بنت في الفلاحين في سنها وجمالها ولسه متجوزتش

هل ممكن يكون حد عاملها حاجه عشان متتجوزش(عمل او سحر)؟؟ علما بان كان في مشاكل بين ابوها او وولاد اخوها ووصلت ضرب وقلة قيمه والعيال دي جهله قوي وممكن يعملو اي حاجه وبيكرهو عياله قوي

انا مقتنع جدا ان كل شيء قسمه ونصيب بس بصراحه كل اما اشوفها ابقي زعلان عليها وخواتها خايفين احسن فعلا يكون في سبب ورا الموضوع ده

ياريت تفيدونا ولو كان ممكن فعلا يبقي نعرف ازاي

[magid1010]

واالله السحر موجود فى القران و ممكن يكون معمول للتفريق بين الزوجين عليها بالصلاه و قراه القران و ممكن تروح لشيخ موثوق بيه

[shaddadfalcon1]

يعني هل الشيخ ممكن يعرف حاجه زي دي فعلا ؟

[magid1010]

ايوه شفت حلقه كانت من زمان على mbc و كانت عن السحر بصراحه خلتنى مقتنع ان فيه اعمال ممكن تتعمل و فيه ناس مشهوره شيوخ بتقرا القران

[hugan]

ياخي موضوع السحر ده منتشر في الارياف ومقتنعين بيه جدا
لكن دائما وابدا
ما اخطاءك ما كان ليصيبك وما اصابك ماكان ليخطئك
انا عن نفسي غير مقتنع بالسحر نهائي

[gebreel]

يؤجل الله امانيكم ولا ينساها

بص يا باشا الموضوع ده في الاول و الاخر نصيب و اعرف حالات بنات وصلو ل30 و ال 34 و لسة محصلش نصيب بس ده افضل من الاستعجال و عدم التحري و يبقى في الاول كويس و بعد كدة يطلع عينها

فكك من الكلام بتاع الفلاحين و الرغي اللي ملوش لازمة لأن هي لسة بدري يا باشا و مفيش قلق ان شاء الله و نصيبها هيجلها

[gebreel]

مشاركة مكررة

[mohamedbook]

امال المعوزتين نزلين لية
وموضوع ان الرسول سحر ده بيعلمنا ازاي نتعامل مع السحر
قراءة سورة البقرة والمعوزتين
والازكار صباحا ومساء
لو قريت الازكار صباحا ومساء وحافظت علي الصلاة في مواعيدها ان شاء الله انت الي هتركبر الجني وتدلدل رجليك كمان

[sayed911]

بص اانا قرأت في الموضوع ده كتير وبجيبلك من الآخر لما صدقني بقولك الرقية الشرعية بالقراآن والسنة خير علاج !! وتفك الكرب وحتى لو فيه سحر ولكن مش اي ايات لأنه ليها ايات معينة اعتقد لو دورت في الكتب الدينية ها تلاقي ادعية الرقية الشرعية ولكن انا مؤمن انه دائما خليها تبص للموضوع من ناحية مش يمكن ربنا مخليلها حاجة احسن ؟ مش يمكن حايش عنها ابتلاء ؟

[shaddadfalcon1]

ياخي موضوع السحر ده منتشر في الارياف ومقتنعين بيه جدا
لكن دائما وابدا
ما اخطاءك ما كان ليصيبك وما اصابك ماكان ليخطئك
انا عن نفسي غير مقتنع بالسحر نهائي

لا يااخي الكريم السحر موجود والرسول نفسه سحر وانا نفسي شفت حد مسحور بعيني وحد قريب مني جدا كمان لكن طبعا مش اي حاجه نقول عليها سحر وده بيبقي نوع من انواع العلاج بعد العلاج من السحر نفسه وهو العلاج النفسي للمريض عشان ميركنش اي حاجه تحصله علي السحر

انا مش بقول ان ده السبب بس شاكين

وموضوع انها لسه صغيره جايز بالنسبه للمدينه اه لكن بالنسبه للفلاحين اللي زيها معاه 3 عيال دلوقتي

[Donzi]

كل شىء قسمة و نصيب اولا

و لكن السحر مذكور في القران و الاعمال ممكن فعلا توقف الحال و بيبقى العمل معمول بالربط ووقف الحال و العلاج الوحيد للاعمال هوا قراءة القراب الكريم بكثرة و الصلاة و الدعاء و لكن اولا القران

اما بقى موضوع فك الاعمال و الدجالين و الكلام دا كلام فارغ و مالوش اي 30 لازمة و ضحك على الدقون و لكن لو في شيخ موثوق به و بيعالج بالقران و الرقية الشرعية فقط لا غير و بدون مقابل ممكن يتم زيارته او دعوته لزيارة بيت البنت و في وسط اهلها

[نور القمر]

انا بشوف بنات مفيهمش عيب وقريبين مني يعني عارفاهم كويس
سن زواجهم اتأخر وسقف المطال بينخفض تدريجيا لدرجة التنازل عن مستوى اجتماعين او مظهر معقول وبالرغم كدة تلاقي العريس اقل بكتير في كل حاجة يشوفها مرة ميرجعش تاني

[MOSHAKS]

كل شىء قسمة و نصيب اولا

و لكن السحر مذكور في القران و الاعمال ممكن فعلا توقف الحال و بيبقى العمل معمول بالربط ووقف الحال و العلاج الوحيد للاعمال هوا قراءة القراب الكريم بكثرة و الصلاة و الدعاء و لكن اولا القران

اما بقى موضوع فك الاعمال و الدجالين و الكلام دا كلام فارغ و مالوش اي 30 لازمة و ضحك على الدقون و لكن لو في شيخ موثوق به و بيعالج بالقران و الرقية الشرعية فقط لا غير و بدون مقابل ممكن يتم زيارته او دعوته لزيارة بيت البنت و في وسط اهلها

فعلا قسمة ونصيب بس ممكن يكون الموضوع لا فى سحر ولا شئ وممكن يكون الاهل مثلا متشددين فى طلباتهم او حاجة زى كده لانى اعرف بلاد بعينها بيطلبوا شئ واشويات و30 الف شبكة وقائمة ب100 الف جنيه وحاجات كده او اشياء من هذا القبيل
ادعوا الله ربنا يهدى الناس ويجوزا ولادهم وبناتهم قدر المستطاع وميبالغوش فى الطلبات اللى بتقطم الوسط وتخلى الواحد يبتدى حياته مديون ويبئا عاتق على ضهره سواء اهل البنت او الولد
ونبطل بئا كلمة اصل بنت عمتها جابت ايه وبنت خالتها اشترت بكام والحاجت ديه اهم شئ ندور على التقى حسن السلوك ونحمى ولادنا من الفتن اللى بتتحدف علينا من كل جانب وطالما العريس هيعيشها عيشة كريمة ومش هيمد ايده لحد ويقضيها سلف يبئا يتوكلوا على الله
وادعولى وبقيت الشباب يرزقنى بعمل كويس وبزوجات صالحات ويسترنا ولا يفضحنا ابدا

وفى فكرة كده
نعمل قسم لزواج الشباب الجادين من نايل موتورز بحيث ان اللى عايز يبعت بيناته للادارة مثلا وهما بيشوفوا مدى التوافق والموضوع بيتم فى سرية تامة منعا لحدوث احراج لأى الطرفين
ويعرضوا الموضوع على الطرفين دون مسؤلية منهم
وبكده الادارة تبئا عاملة زى المجلس العسكرى وعليها عاتق كبير ومسؤلية ضخمة وهم مايتلم
وكريم منير هيسجنى اقصد هيقوفنى ويقولى هى نقصاك انت كمان ههههههههههههه
ايه رايكم فى الموضوع ده واللى عنده اقتراح يقدمه بخصوص الفكرة وكيفية عملها بحيث لا يكون فيها انحيازات ولا حد يزعل ويقول انت السبب
لو حد مش عجابه الفكرة ياريت ميشتمش علشان هاخد منه حسنة من الهوا والحسنة بعشرة امثالها
وشكلى هلم لم جامد اوى وخش بيهم الجنة حدف

[shaddadfalcon1]

انا بشوف بنات مفيهمش عيب وقريبين مني يعني عارفاهم كويس
سن زواجهم اتأخر وسقف المطال بينخفض تدريجيا لدرجة التنازل عن مستوى اجتماعين او مظهر معقول وبالرغم كدة تلاقي العريس اقل بكتير في كل حاجة يشوفها مرة ميرجعش تاني

ماهو ده اللي بتكلم فيه تلاقي العريس اصلا مينفعش توافق عليه ويتعوج او تلاقي الدنيا ماشيه تمام ومره واحده تبوظ

اللي مقلقني ان في واحده في البلد فعلا حصل معاها الموضوع ده وكانت مرات عمها اللي عمللها حاجه وفضلت اكتر من 8 سنين مافيش اي حاجه وكل مايحصل نصيب وتتخطب تقوم هي اللي مبوظه الموضوع وعلي اماتجوزت كانت خلاص داخله علي 30

[alynubira]

السحر موجود فعلا
بس خد بالك ان فيه ناس بتعمل شيوخ علشان الموضوع ده وهما بيبقوا سحره وممكن يعمل حاجات وحشه مع اى بنت ترحله
فخد بالك