هتقبل العوض ولا ايه

[tarek_2005]

كنت رايح زيارة عائلية وركنت عربيتك تمام التمام وطلعت تزور الي انتا رايحلهم نزلت لقيت المنظر ده

وفيه خبر عند محل ان صاحب العربية دي لما يجي انا عايز اقابله
الراجل بتاع المحل مكدبش خبر اول ما شفني اتصل بالراجل الي عمل كده

الراجل مكدبش خبر هوا كمان وخلال دقيقة لقيته جي
اول كلمة
انا غلطان مليون في الميه وشوف الي حضرتك تامر بيه
انا خارج بعربيتي وجيت ادوس فرامل مالقيتش فرامل ووقفت بعربيتك
شوف تامر بايه

ياتري معلش بعد مصدعتكوا بكلامي ودوشتي دي كنتوا هتقلولوا ايه لو انتم مكاني

[Samah AbdAllah]

هو ذوقه ده يحرج بصراحة
بس لو هتتكلف كتير وظروفى متسمحش هقوله صلحها
من اتلف شيئا عليه اصلاحه

[fepsceasar]

هقولوا ميرسي لذوقك وكفاية انى اتعرفت على انسان محترم زيك
وربنا يعوض عليا على الاقل من باب اننا ناصل القيم المحترمة دى اللى غابت

[SASA3]

"
بسم الله الرحمن الرحيم
الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
صدق الله العظيم "

و انا متاسف بس امكانياتى متسمحليش انى اصلح و ادفع اكتر من 300 على خطا غيرى و انت قايل انت كنت راكن العربيه يعنى منتاش راكن

و بعدين انا مش بلاقى فلوسى كده على الارض
ايه الى يخلينى ادفع فلوس و وقت و مجهود و عكننة انا فى غنى عنها

بكبيرة ممكن يجيبلى الحاجه الى اتكسرت و انا عليا المصنعية او عليا الوقت الى هيضيع فى عملية الاصلاح
و هطالب بالعوض

العضو الكريم
رجاء تحري الدقة عند كتابة الآيات الكريمة

مشرف الاجتماعي
ب9
6:37
16/10/2011

[fepsceasar]

العفو عند المقدرة
قدم ثلاثة من الشباب ممسكين برجل امام امير المؤمنين ( عمر بن الخطاب ) رضى الله عنه .
وقالوا هذا الرجل قتل والدنا واعترف الرجل بفعلته ولكنه طلب امهاله ثلاثة ايام حتى يخبر ابنائه بثروه مدفونه لا يعلمها سواه وضمنه ابو ذر الغفارى .
وقاربت الثلاثة ايام على الانتهاء وكاد ابو ذر الغفارى ان يقتل بضمانه لهذا الرجل .
وفى اخر لحظة قدم الرجل الرجل وعليه غبار الطريق واجهاد السفر .
فقال عمر للرجل
لما حضرت وقد كان بأمكانك ان تهرب ؟؟
فقال الرجل
خوفا من ان يقال ذهب اهل الوفاء بالوعد .
فقال عمر لابى ذر
وانت لماذا ضمنته وانت لا تعرفه ؟؟
فقال ابى ذر
خوفا من ان يقال ذهب اهل المروءة والكرم
فقال ابناء القتيل :-
ونحن عفونا وتسامحنا حتى لا يقال
ذهب اهل العفو عند المقدرة
الوفاء بالعهد ,المروءة,العفو عند المقدرة
خصال تكاد تذهب ان لم نقل ذهبت ولم يعد لها مكان بيننا

[fepsceasar]

كا تفهمش من كلامى الكلام الاهبل بتاع ان كل واحد مالوش دعوة يقولك حصل خير يا باشمهندس وازاى تاخد عوض وفدى ابنك والكلام اللى مالوش معنى ده
لكن لو قدرت تعفو اوك مش هتقدر تتحمل تكلفة وارف حقك تماما يا باشا ولن يلومك احد لو خدته

ولكن كل اللى اقصده العفو عند المقدرة

[SASA3]

كا تفهمش من كلامى الكلام الاهبل بتاع ان كل واحد مالوش دعوة يقولك حصل خير يا باشمهندس وازاى تاخد عوض وفدى ابنك والكلام اللى مالوش معنى ده
لكن لو قدرت تعفو اوك مش هتقدر تتحمل تكلفة وارف حقك تماما يا باشا ولن يلومك احد لو خدته

ولكن كل اللى اقصده العفو عند المقدرة

تمام عند المقدرة اما لو انت هتضر من الى حصل او هتأثر معاك معلش خد حقك و خد فلوسك

اما لو ربنا موسع فى رزقك يبقى العفو عند المقدرة و عفى الله
و شكراا على كده

[Ayman-Ahmed]

شاء الله وما قدر فعل والحمد لله.

النهاردة لسة طايرة منى المرايا اليمين وكانت غلطتى وقفت نزل صاحب العربية واللى دار بينى وبينه.

السلام عليكم

وعليكم السلام.

التلفيات اللى عند حضرتك ايه

بصلى باستغراب وقاللى تلفيات ايه بس فيه حد يعدى من الشمال وانا فى الشمال

انا عديت نص العربية واتزنقت فى الرصيف ففاديت الرصيف بمرايتك ومرايتى.قوللى ازاز مرايتك يتكلف كام.

ولا حاجة وخلى بالك وبراحة

لا من افسد شئ عليه اصلاحه.الدين قال كده

وهو رد عليا والدين برده قال ألعفو وانا عفيت.

ومشينا احنا الاتنين.

الخلاصة يا استاذ طارق لو عاوز تعفو ومش متضرر من التكلفة يبقى تعفو ولكن لو هتضرر يبقى يصلح ما افسد.

[tarek_2005]

انا احب ان اكتم تصرفي حتي معرفة باقي اراء الزملاء ومن الواضح ان الموضوع ده بقي منتشر اوي وانا اول من طبقه بس كان بالعكس
انا سايق عربيتي في باركنج المطار وبعدين باربط حزام الامان وانا سايق مرضيش يعشق مكانه امت ايه ببص علي مكان الحزام لقيت عربيتي واقفة في عربية اوبل استرا وواقفة في الباب الخلفي بتاعها وبردوا كانت اول كلمة مني لصاحب العربية انا غلطان والي تامر بيه وانتها الموضوع باني دفعت مبلغ من المال اياً كان قيمته
في ناس تقول دا عوض
وناس تانيه تقول علشان المرة الجاية يخلي باله انه هيدفع تمن غلطته ومش هتعدي بالساهل وناس تالته هتقول من افسد شيئ عليه اصلاحة
انتوا مع مين من دول ولا فيه حد رابع وحد خامس
انا اعتقد ان فيه حد عاشر

[ahmed_mido1889]

طارق باشا ممكن تمشيها النص بالنص


بس يا ريت تقول ايه الخساير غير الفانوس علشان انا شايف الكابوت فاتح والاكصدام مقشر بويه

[fepsceasar]

خدوا بالكوا ان الرجل اكرم من الامثلة اللى اتقالت لانه كان فى امكانه يمشى ولا من شاف ولا من درى
انما لو انت خبطت واحد وشك فى وشه فدى فضيلة انك اعترفت بالخطا وما بجحتش كما هو سائد
لكن الاكثر كرما اللى اعترف بخطاه وكان فى امكانه يمشى.
على الاقل هو هون عليك حرقة الدم لما اعترف انه الغلطان لكن لو انت نزلت ولاقيتها مخبوطة ومش عارف مي اللى خبطها شوف حرقة الدم والاعصاب
ده كله مبنى ان هو وقف من نفسه مش الناس اللى فى الشارع اجبرته على الوقوف

[blazer]

لو تصليحها مش هيأثر على بيتك
صلحها انت
وانا رايى انه لازم يدفع جزء لانه غلط برده وانت ملكش ذنب

[Ashraf_Ibrahim]

في الحقيقة اخلاقه وذوقه شيء رائع جدا
لو انا قادر على التصليح ومش هتأثر معايا في حاجة يبقا قدر الله وما شاء فعل
لو مش هقدر على تصليحها يبقا لابد يشارك في التصليح لأنه لا يكلف الله نفسا إلا وسعها
ومن أفسد شيئا فعليه اصلاحه
بس كدة!
انا كنت ماشي في روكسي تقريبا وفجأة فرمل قدامي لانوس مفاجيء بدون اي سبب مطلقا!
نزلت لقيت الاكصدام عندي مشروخ !
هو نزل قلي انا غلطان واللي انت عايزه
قلتله خلاص حصل خير واتوكل على الله وامشي براحتك
بتحصل كتير ولو كلنا مسكنا على اخطاء بعضنا هتبقا مشكلة !
بس هذا لا يمنع اني مسكت في سواق نقل كسر عليا كان هيلبسني في الحائط الخرساني على طريق سريع ومسبتهوش غير لما خدت منه ثمن المراية بتاعة عربيتي كاملة !
كل موقف بيختلف عن التاني
بس الموقف دا بصراحة الراجل يشكر على انه وقف وجالك واعترف بخطؤه
في انتظار اعرف انت عملت ايه بالظبط!؟

[samyyousef]

انا احب ان اكتم تصرفي حتي معرفة باقي اراء الزملاء ومن الواضح ان الموضوع ده بقي منتشر اوي وانا اول من طبقه بس كان بالعكس
انا سايق عربيتي في باركنج المطار وبعدين باربط حزام الامان وانا سايق مرضيش يعشق مكانه امت ايه ببص علي مكان الحزام لقيت عربيتي واقفة في عربية اوبل استرا وواقفة في الباب الخلفي بتاعها وبردوا كانت اول كلمة مني لصاحب العربية انا غلطان والي تامر بيه وانتها الموضوع باني دفعت مبلغ من المال اياً كان قيمته
في ناس تقول دا عوض
وناس تانيه تقول علشان المرة الجاية يخلي باله انه هيدفع تمن غلطته ومش هتعدي بالساهل وناس تالته هتقول من افسد شيئ عليه اصلاحة
انتوا مع مين من دول ولا فيه حد رابع وحد خامس
انا اعتقد ان فيه حد عاشر

لا يوجد صح مطلق و خطأ مطلق
حقا من أفسد شيء فعليه إصلاحه
و في ذات الوقت العفو أمر جميل
لكن الخطأ حقا هو التشنج. بمعنى أنك تعتذر لمن أتلفت له شيء بسيط في سيارته و كمان دفعت ثمنه و تجده رغم ذلك قليل الأدب
و الكارثة لو لم تتلف له شيء لكنه يريد افتعال مشاجرة. أو اراد أكثر مما يستحق
و كل ما نحن نتحاور فيه سببه اننا لا نعيش في دولة
فلو اننا نعيش في دولة فيها مقومات الدولة لما تركت مثل هذه الأمور للإجتهادات و لما شاهدنا مشاجرات في الشوارع

[samyyousef]

السلام عليكم
يجب أن يعلم الجميع أننا نقود السيارات في سيرك و ليس في طرق مرورية
و أن من تتلف سيارته بفعل آخر, بعد لحظات قد يتلف هو نفسه سيارة غيره
و لذلك كانت هناك فترة من الزمان انتشر فيها التسامح على اعتبار انا النهارده مخبوط بكرة خابط
ثم ظهرت فئة مؤخرا, فئة ناقمة على كل ما هو شائع في المجتمع المصري
أحيانا تكون نقمتهم في محلها و أحيانا أخرى تكون في غير محلها. يقولون نعم نحن نقبل العوض
و قولهم هذا ليس فيه مخالفة لشرع او قانون, و لكن يقولونها بتناكة و استعلاء, بزعم ضرورة التخلص من تخلف الشعب, و هنا تكمن المشكلة