عايز اشتري حاجة من علي النت ؟ انصحوني ؟؟

[AhmedGen2]

يا جماعة موضوع ارامكس هو حل اى واحد عايز يشترى من النت ...

علشان تشترى حاجات من النت لازم يكون معاك فلوس + عنوان تستقبل عليه المشتريات.

الفلوس = كريديت كارد يا إما بتجيبها من البنك وبتبقى مخصصة للشراء عن طريق الانترنت يا إما بتجيبها من اراميكس ودة الأفضل عشان تريح نفوخك + مصاريف الشحن + الضرائب (ومعظم الحاجات مش بيبقى عليها ضرائب زى الكتب والأكسيسوريز والكلام من دة انا مش فاكر بالظبط ايه اللى عليه ضرائب بس بتبقى بسيطة) ، المهم يعنى محصلة اللى هتدفعه فى الحاجة اللى هتشتريها أرخص بكتيييير من هنا فى مصر على سبيل المثال ال Iphone بيتباع بره ب 2280 يعنى لما يوصلك مصر وتدفع الفاتورة مش هتزيد عن 2500/2700 بالكتيييييير ، هنا فى مصر بيتباع ب 3500+ آخر مرة سألت عنه ..

العنوان = صندوق شحن وهنا بقى دور أراميكس ..
ببساطة بتدفع اشتراك أزلى قابل للتوريث بسعر 200 جنيه مدى الحياة بعدين اراميكس بتفتحلك صندوقين فى امريكا وبريطانيا تستقبل فيهم المشتريات بعدين اراميكس تقوم بشحن المشتريات من صنادقيك للبلد وانت بتدفع رسوم الشحن.

رسوم الشحن بالنسبة لمصر حضرتك بتدفع 55 جنيه على اول نص كيلو من حجم الباكج وبعدين 38 جنيه على كل نص كيلو اضافى ، يعنى ولنفرض إن الشحنة اللى هتيجى فيها كتب وإم بى فور وحوارات حجم الباكج ككل 5 كيلو إذن الفاتورة عند الاستلام هتساوى ثمن المشتريات + (55+(38*9)) ، وعموما حضرتك ممكن تحسب ثمن مصاريف الشحن بسهولة جدا من الرابط دة .

[aliabutaleb]

رسوم الشحن بالنسبة لمصر حضرتك بتدفع 55 جنيه على اول نص كيلو من حجم الباكج وبعدين 38 جنيه على كل نص كيلو اضافى ، يعنى ولنفرض إن الشحنة اللى هتيجى فيها كتب وإم بى فور وحوارات حجم الباكج ككل 5 كيلو إذن الفاتورة عند الاستلام هتساوى ثمن المشتريات + (55+(38*9)) ، وعموما حضرتك ممكن تحسب ثمن مصاريف الشحن بسهولة جدا من الرابط دة .

شكلي مش عارف أعبر أوي عن اللي عاوز أفهمه
بس على أي حال
لو شاري حاجة من فرنسا بـ 10 جنيه
كدة دافع تمن الحاجة (10 جنيه) + مصاريف شحن الحاجة لبريطانيا (10 جنيه مثلاً) + مصاريف شحنها من بريطانيا لمصر (10 جنيه) يبقى المجموع 30 جنيه
ولا مصاريف الشحن اللي باتحاسب عليها اللي قلتوها دي هي كل حاجة هاتدفع من الشركة لمصر؟

[boty50]

عزيزي محمد المشد

حبيت اوضح نطة جائت بكلامك علي النصب علي كروت الفيزا

- اولا لايوجد رقم سري للفيزا ، الا اذا حبيت تسحب من ماكينة الصراف الآلي
فقط تحتاج الي رقم سري ويعامل علي انة كارت صرف عادي من الماكينة (مع الفائدة طبعا")
اما اذا كنت تقصد رقم التوثيق ccv علي ظهر الكارت عادة فهو ليس رقم سري طبعا
والآ لم يكتبوة علي ظهر الكارت بالطبع

- الفيزا لا توقف الكروت علشان مادفعتش ، انما البنك الخاص بك واللي اصدر لك الفيزا
هو اللي بيوقفها لعدم الدفع
- اذا حصل وان الفيزا اتسرق رقمها وعرفت بذلك ، فأول شيئ مثلة مثل اي كارت صرف
انك بتبلغ البنك علي خدمة المساعدة العاجلة او موقعهم علي النت وتوقف الكارت دة اولا"

ثانيا بتطلب كشف حساب بكل العمليات اللي تمت الي ان اتسرقت البيانات منك

ثالثا بتعلم علي كل المعاملات اللي لم تقوم بها وسيتولي البنك نيابة عنك بتبليغ الفيزا
بالموضوع وبيرجعولك الفلوس لحسابك الجاري مرة اخري وبيعيدوا اصدار كارت
فيزا جديد علي حسابك طبعا"

الكلام السابق ليس كلام مرسل وانما حدث معي بالحرف الواحد كما سبق
وخلال شهرين كانت المبالغ اللي علمت عليها بالكشف كانت راجعة بحسابي
فقط دفعت 5 دينار = 100 جنية مصاريف اصدار كارت جديد

ومرة اخري العام الماضي الفيزا طلبت الغاء الكارت علي حسابهم لأنهم اكتشفوا ان العديد
من الكروت ارقامها اتسربت دوليا وأوقفوها واصدروا لأصحابها كروت جديدة

الخلاصة : التعامل مع الأمازون ياجماعة آمـــــــــــــــــــــــــــــــــــن جدا"
بل من أأمن المواقع علي الأنترنت ، مع طريقة الأرامكس للشحن
وانا اتعامل بهذة الطريقة منذ انشائها

[KarimAbulEla]

السؤال الان

من فعليا قام بشراء اشياء من الانترنت من امازون او غيرها وتم شحنها له داخل مصر و كم كانت الجمارك المقدرة على ما تم استقباله ، سوءا الكترونيات او اى شىء اخر

نرجو ممن واجه تجربة فعليا من داخل مصر ان يخبرنا لمعرفة المسألة من جميع الاوجه

[أبومعاذ]

ارامكس كدا مش غاليين في الشحن و يا ترى هيبقى في جمرك تاني في مصر

[Nile_Storm]

بالظبط اخبار الجمارك ايه

[goodwave]

السلام عليكم

بس يا جماعة في حاجة مهمة وهي طريقة الدفع.... عارف ختقولو بالفيزا او الكرديت كارد او الماستر بس للأسف على ebay لازم تسجل في ال paypal وده للأسف مش متوافر لمصر ... بمعنى إنك لما تدخل تعمل حساب أمن على الpaypal مش حتلاقي إسم مصر متسجل في القائمة.... شوفت الخيبة !

انا حاولت كام مرة بس منفعش والوسيلة الوحيدة إنك تبعت الفلوس بالبريد او تحويل شيك وده بيكون مصاريفه كتير.

[hani945]

لو كمبيوتر محمول وزنه مثلا 4 كيلو جرام

عليه جمارك ولا مفيش

أرجووووووووووووووووووكم

[Ahmed Samy]

ابحث في موقع الحكومة الاليكترونية
هاتلاقي كل حاجة

[MoToRiZeR]

فيه خدمة تانية من ارامكس لو حد عايز يشتري حاجة واحدة و مش هيعمل حاجة بالعنوان ده تاني .. فا بدل ما يدفع 300 جنيه عشان يشتري العنوان اللي هيشحن عليه

بيروح فرع ارامكس و بيديهم لينك الموقع اللي عايز يشتري منه .. و السلعة اللي عايز يشتريها .. و هما بيعملوا الاوردر كله تبعهم (مش لازم تعمله بالكريدت كارد بتاعك) و يجيبوه لحد مصر و انت تدفع كل حاجة كاش في الفرع

الحسبة بتبقي : ثمن السلعة + ثمن شحنها لعنوان ارامكس في امريكا + ثمن شحنها لمصر + 25% من ثمن السلعة عمولة علي عملية التعاقد بدلا من ان تتعاقد بنفسك

ملحوظة : الخدمة دي لفروع معينة لأرامكس بالقاهرة مش كل الفروع .. معرفش ايه الفروع بالضبط لكن متأكد انها سارية في فرع سيتي ستارز (المكتب في الدور الارضي بجانب سبينس )

[loai-omar]

والله يا جماعه انا تجربتي مع الجمارك زي الزفت

كان اخويا باعتلي ام بي ثري من 4 سنين و حجزوه في الجمارك لحد ما روحت تي ان تي دفعت 750 جمرك

و جابوهولي

[أبومعاذ]

السلام عليكم

بس يا جماعة في حاجة مهمة وهي طريقة الدفع.... عارف ختقولو بالفيزا او الكرديت كارد او الماستر بس للأسف على ebay لازم تسجل في ال paypal وده للأسف مش متوافر لمصر ... بمعنى إنك لما تدخل تعمل حساب أمن على الpaypal مش حتلاقي إسم مصر متسجل في القائمة.... شوفت الخيبة !

انا حاولت كام مرة بس منفعش والوسيلة الوحيدة إنك تبعت الفلوس بالبريد او تحويل شيك وده بيكون مصاريفه كتير.

أصل حضرتك متعرفش إن كل المواقع بتاعت الـ shopping كانت فاتحة عادي و بتبعت لمصر بس الحرامية هنا في مصر خلوهوم يبطلو يبعتو لمصر تاني

[zeyad1810]

لو كمبيوتر محمول وزنه مثلا 4 كيلو جرام

عليه جمارك ولا مفيش

أرجووووووووووووووووووكم

هتدفع 10% ضريبة مبيعات بس

بس لية نصيحة انا لسة باعت اشترى لابتوب من بريطانيا واتنصب عليا فى الفلوس بعد ما حولت ب وستيرن يونيون
محدش يتعامل مع اى حد فى بريطانيا او دول افريقيااااااااااااااااااا نهائى

الافضل انك لو تعرف حد برة تبعتلة الفلوس وهو يشترى ويشحنهولك

[ara]

انا جربت أمازون كتير..amazon.com و amazon.co.uk وبصراحة ممتازين.
انا بشحن كتبو أفلام لمصر عادى ومفيش هنا جمرك! بس فيه حاجات غلسة زى إنى ممكن اشحن فيلم Dvd بس مينفعش اشحن game! رغم ان اللعبة نفس حجم وشكل الافلام!
طبعا كل الموبايلات الmp3 و الاجهزة وحتى كروت الذاكرة مينفعش تتشحن!

انا مرة حاجات ضاعت وموصلتش كلمت امازون وبعتوها تانى :)
حكاية اراميكس ديه كمان ممتازة بس بصراحة مجربتهاش.. انا سالت ارامكس قبل كدة وقالولى فيه جمارك على بعض الاجهزة

[tamohsen]

طب حد جرب يشتري هدوم او اكسسوارات
ساعه مثلا او نضاره
الجمارك عليها كانت قد ايه؟