قرفت من فودافون وعاوز اغير ياريت تفهموني القصة

[MRBEBO]

انا زهقت وقرفت من فوادفون

شبكة زبالة بمعنى الكلمة

المهم عاوز احول اتصالات بنفس الرقم ... اعمل ايه

اوراق .... اجراءات ..... هل الموضوع سهل ولا هيقرفوني ويزهقوني .... الوقت المتوقع للتحويل ... هل فيه اي مصاريف .... هل هغير ال sim ولا لا ولو ايوه تكلفتها كام ومنين ؟؟

ياريت تقولولي على الخطوات بالظبط وهل ممكن احول خط ولدتي برضوا ولا لازم هي تروح بنفسها ؟؟ وهل لازم العقد ولا مش ضروري ؟؟

[mailo]

اتصل بخدمة العملاء واولهم إن الشبكة عندك زفت
أنا كلمتهم في فترة كان الموبيل مش شغال فالشارع عندي وشرطة واحدة جوه البيت

بعدها بفترة الشبكة بقت فل والكلام ده بعد الثورة

[wahba87]

بص يا باشا انا هقولك اللى اعرفه , اول حاجة لازم الخط يكون بأسمك و مش لازم العقد , و اعتقد ان مينفعش تحول خط والدتك , بس اسأل فى الموضوع ده

هتجيب رقم الحساب بتاعك من فودافون , من خدمة العملاء او من على الموقع لو ليك حساب على الموقع , و بالمرة تعرف اسمك متسجل عندهم بالعربى ولا بالانجليزى

بعد كده هتروح اى فرع لأتصالات , هتقولهم انك عايز تحول من فودافون , و هتقولهم على رقم حسابك فى فودافون و اسمك عندهم بالعربى ولا الانجليزى

هيصور بطاقتك و تكتب العقد و هيديك sim اتصالات , هيقولك اول ما خط فودافون يفصل , هتركب اتصالات هتلاقيه اشتغل

التحويل المفروض بياخد 4 ايام , بس طبعا انت و حظك و فى ناس بتتأخر , و طبعا ببلاش

[أحمد كمال]

خلي والدتك تتصل ب 01111234567 (زيرو تلات وحايد - من 1 الى 7) و هييجي واحد ديليفيري ياخد صورة البطاقة منها و يمضيها عالعقد الجديد


و اما الخط يتنقل اتصالات ابقى انقل ملكيته بس لو نقلت ملكية و هو لسه فودافون لازم تستنى سنة قبل النقل

[MRBEBO]

اتصل بخدمة العملاء واولهم إن الشبكة عندك زفت
أنا كلمتهم في فترة كان الموبيل مش شغال فالشارع عندي وشرطة واحدة جوه البيت

بعدها بفترة الشبكة بقت فل والكلام ده بعد الثورة

مش مسئلت شبكة بس انا حاسس انها شركة نصب من كذا موقف

وفعلا الشبكة عندي زفت شرطة واحدة او مفيش داخل الشقة

بص يا باشا انا هقولك اللى اعرفه , اول حاجة لازم الخط يكون بأسمك و مش لازم العقد , و اعتقد ان مينفعش تحول خط والدتك , بس اسأل فى الموضوع ده

هتجيب رقم الحساب بتاعك من فودافون , من خدمة العملاء او من على الموقع لو ليك حساب على الموقع , و بالمرة تعرف اسمك متسجل عندهم بالعربى ولا بالانجليزى

بعد كده هتروح اى فرع لأتصالات , هتقولهم انك عايز تحول من فودافون , و هتقولهم على رقم حسابك فى فودافون و اسمك عندهم بالعربى ولا الانجليزى

هيصور بطاقتك و تكتب العقد و هيديك sim اتصالات , هيقولك اول ما خط فودافون يفصل , هتركب اتصالات هتلاقيه اشتغل

التحويل المفروض بياخد 4 ايام , بس طبعا انت و حظك و فى ناس بتتأخر , و طبعا ببلاش

انا ليا حساب على السايت بتعهم اللي بنعرف منه الرصيد ده ... ينفع ؟

وهل هيسئلوني اسمي متسجل عربي ولا انجلش ؟

طيب في حالة مرضوش يدوني بياناتي اعمل ايه :(

خلي والدتك تتصل ب 01111234567 (زيرو تلات وحايد - من 1 الى 7) و هييجي واحد ديليفيري ياخد صورة البطاقة منها و يمضيها عالعقد الجديد


و اما الخط يتنقل اتصالات ابقى انقل ملكيته بس لو نقلت ملكية و هو لسه فودافون لازم تستنى سنة قبل النقل

احمد باشا طب الدليفري ده مصاريفه كام ؟

لا انا مش هنقل ملكية انا معايا خط باسمي وخط باسم ماما بس المشكلة ان مش عارف العقود فين لو اتلككوا عليها :((

[أحمد كمال]

الديليفيري مجانا

العقود انت مش محتاجها طالما الخط باسم الوالدة على السستم عند فودافون

[MRBEBO]

احمد باشا وال sim الدليفري هيجيبه معاه ؟؟؟

[MRBEBO]

للاسف يا احمد اتصلت وبعد رغي كتيرررررر جداااااا قالي عملاء الكارت مش عندهم الميزة دي ولازم تروح الفرع :(

[أحمد كمال]

طيب يبقى قدامك حل من اتنين

يا الوالدة تروح الفرع

يا الوالدة تعمل لك توكيل و تروح انت الفرع

انهين اسهل لك؟

[MRBEBO]

طيب يبقى قدامك حل من اتنين

يا الوالدة تروح الفرع

يا الوالدة تعمل لك توكيل و تروح انت الفرع

انهين اسهل لك؟

انا فعلا معايا توكيل من ماما توكيل عام

بس كان توكيل مشترك يعني ماما وجدي وستي في نفس التوكيل ينفع ده ؟؟

وحاجة تاني هل التوكيل بيبقى ساري بدون انتهاء لان التوكيل ده من سنة 2005

[أحمد كمال]

انا فعلا معايا توكيل من ماما توكيل عام

بس كان توكيل مشترك يعني ماما وجدي وستي في نفس التوكيل ينفع ده ؟؟

وحاجة تاني هل التوكيل بيبقى ساري بدون انتهاء لان التوكيل ده من سنة 2005

عادي شغال يا باشا

[alfath8]

انا من شهر 8 ولسه الخط متحولش الى اتصالات ربنا يسهلك الامور والموضوع يمشى بسرعة

[MRBEBO]

انا من شهر 8 ولسه الخط متحولش الى اتصالات ربنا يسهلك الامور والموضوع يمشى بسرعة

معقول !!

دا قالولي 3 تيام عمل بس

طب انت خط ولا كارت ؟؟؟

[MRBEBO]

الحمد لله جبت رقم الحساب من فودازفت :))

[mailo]

مش مسئلت شبكة بس انا حاسس انها شركة نصب من كذا موقف

وفعلا الشبكة عندي زفت شرطة واحدة او مفيش داخل الشقة

طبيعي تحس بكده عشان إنت بتشتري سيرفيس مش سلعة
فـتبعي لما السيرفيس متكونش كويسة تتضايق

بص هم كل الشركات زي بعض والفرق بينهم العروض بس وإن كانت قريبا قوي من بعض

اتصل وبلغ عن مشكلة الشبكة أحسن ولو اتظبطت يبقى كويس لو لا حاول اتصالات ساعتها هتلاقيهم ظبطوها