رماها من فوق كوبري 6 اكتوبر

[sanhory]

والله ما تشكيك نهائى فى القصة بس انا لا يمكن اصدق حكاية زى دى مش عارف عقلى مش قادر يصدقها نهائى موتوسيكل اية اللى اخدة ومين اساسا ركبة وراة واساسا مكملش بعربيتة لية ومعقول الكوبرى كان فاضى لدرجة تسمح بمتابعة الحدث دة من اولة لاخرة بالتفصيل دة
محدش يزعل منى انا اسف للمرة المليون والله ما تشكيك نهائى بس فعلا مش قادر ابلعها خالص
تحياتى لصاحب الموضوع

تحياتي ليك يا استاذ ميدو

اللي حصل ان زوجتى كانت فالاول قدامهم هما الاتنين و بعدين لما خافت سبتهم يعدوا(تصرف غريب منها المفروض تمشي و هما كدا كدا وراها بس اللي حصل)

ولما كانو قدامها ولان كوبري اكتوبر مش فاضي زي ما حضرتك بتقول و لان الدنيا زحمة فكل موقف كان بيحصل قدامها و هي كانت بتقف غصب عنها لما هما بيقفوا و لما استفسرت منها بالتفصيل عن قصة الموتسيكل قالتلي الراجل جه على واحد راكب فيسبا و وركب وراه و قاله امشي وراها مش عارف ايه اللي خلا بتاع الفييسبا يسمع كلامه بس بتقولي الراجل كان بيزعق و شكله يخض المهم برضه عشان هي كانت وقفه وراهم علطول و لان زي ما حضرتك قولت برضه كوبري اكتوبر مش فاضي فكدا ازحمة بقت ورا و في حته قدامهم فضيت و عربيته موقفه الشارع ,

اللي حصل ان هي عشان اول عربية مشيت و بعد شوية لقت عربية الست (تويوتا كرولا نبيتى) واقفة في نص الكوبرى و الراجل بيزق الست عند السور لحاد ما حصل اللي حصل و حتي بعد مالناس و الشرطة مسكوه قعد يزعق و يتعصب و برضه مش همه حد .

اي حد معدي من اكتوبر يقف عند النقطة بتاعة الشرطة دي و يسال هو ايه اللي حصل هنا امبارح ,
لان يا جماعة معلش لو المنتدى بيدي جايزة نوبل في التاليف مش هى دي القصة اللي حنافس بيها ,
و الله على ما اقول شهيد , انا عن نفسي عاذركم والله لاني انا شخصيا اكاد لا اصدق بس دي حقيقة والله , و الغريب في الموضوع انه لا يصدق من بشاعته . لو كان موضوع عادي او حادثة عادية مكنتش اهتميت اني اروي تفاصيلها هنا للناس .

[sanhory]

مع احترامى لسعادتك صعب اصدق القصة دى

هي صعبة التصديق و لكن هذا ما حدث , اشكرك

[ahmad--ezzat]

خدعوك فقالوا احنا أجدع ناس ..

كذبة تاريخية فاضحة كاذبة

والله كلام زى الفففففففففففففل
بلطجه وقله ادب وادمان وصياعه وقاتلين قتله كمان وكل حاجه موجوده
بس برده مفيش حاجه اسمها راماها...اكيد فى سر

[newcar2011]

هوة يقصد كنا احسن ناس

[AmatoALLAH]

ايه رماها؟
انت بتتكلم جدا
دا مجنوووووووووون رسمي
لا حول و لا قوة الا بالله

و لا واحد رااااااااااااااااجل ينقذها منه

[tutankhamoun]

ممكن تكون مراته وخانته [gdwl]انا لو مكانه وكانت مراتى وخانتنى كنت هرميها من فوق ابراج عثمان او برج الجزيرة وممكن اربطها على شريط قطر[/gdwl] هبقه افكر وقتها وبعدين الناس لم تتحرك لانه من المستحيل ان حد يفكر انه هيرميها من على الكوبرى دة خيال يا ناس

و لو راجل خان مراته ...... هي كمان تعمل كدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[No Comment]

كل حادثة بسمعها غير منطقية بقول أكيد فى وراها سر غير معلن أو لم يتم الكشف عن باقى ملابساتها حين الاعلان عن الحادث ... وفى زماننا ده كل شئ جائـــز .....!
وإذا عُرف السبب ... بطـــل العجـــــــــــــــــب .

[AmatoALLAH]

و لو راجل خان مراته ...... هي كمان تعمل كدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا طبعا حضرتك هو راااااااجل يخون براحته , يكفي انه تنازل اصلا و اتجوزها , كمان هتيجي هي و تحاسبه

[Nistelrooy]

خدعوك فقالوا احنا أجدع ناس ..

كذبة تاريخية فاضحة كاذبة

+1

[i_Boy]

يا خبر اسود ومهبب!!!!!!!

[مصراوي جدا]

اعتقد التفسير المنطقي شوية للي حصل ان الراجل يعرفها من الأول وفيه مشكلة بينهم

انما صعب جدا يكون اللي حصل ده ناتج عن ان الست كسرت عليه مثلا او ماشية ببطء وهو ميعرفهاش واتنرفز من طريقة سواقتها قام عمل كده لكن بالتأكيد هو يعرفها كويس وفيه بينهم مشكلة وهو كان طالع بيجري وراها بعربيته

وبالطبع ده مش مبرر للقتل انما تفسير منطقي للي حصل

وده للأسف بيدل على ان الوضع الأمني الحالي خللى ناس كتير بتتصرف بمنتهى البلطجة لشعورها ان مفيش حد هيتدخل وكويس ان الناس مسكته علشان ياخد جزائه ولو كان الناس زي زمان عندهم الشهامة والمروءة مكانتش الجريمة حصلت اصلا او على الأقل مكنتش تحصل في الشارع وعلى كوبري زحمة

ولا حول ولا قوة الا بالله

[sanhory]

اعتقد التفسير المنطقي شوية للي حصل ان الراجل يعرفها من الأول وفيه مشكلة بينهم

انما صعب جدا يكون اللي حصل ده ناتج عن ان الست كسرت عليه مثلا او ماشية ببطء وهو ميعرفهاش واتنرفز من طريقة سواقتها قام عمل كده لكن بالتأكيد هو يعرفها كويس وفيه بينهم مشكلة وهو كان طالع بيجري وراها بعربيته

وبالطبع ده مش مبرر للقتل انما تفسير منطقي للي حصل

وده للأسف بيدل على ان الوضع الأمني الحالي خللى ناس كتير بتتصرف بمنتهى البلطجة لشعورها ان مفيش حد هيتدخل وكويس ان الناس مسكته علشان ياخد جزائه ولو كان الناس زي زمان عندهم الشهامة والمروءة مكانتش الجريمة حصلت اصلا او على الأقل مكنتش تحصل في الشارع وعلى كوبري زحمة

ولا حول ولا قوة الا بالله

بالظبط ده برده اللي جيه في مخيلتي و دا الاقرب للحقيقة انه يعرفها من قبل كدا , بس بغض النظر يعرفها ولا مايعرفهاش مفيش كام واحد شهم ينزلو من عربياتهم يعرفو ايه الموضوع !!!!!

[icehearted girl]

مستحيل الشخص دا يكون متزن نفسيا

[sara2001]

في بلد الأمن والأمان
واحد ينزل واحده من عربيتها ويجرجرها ويطلعها على السور ويحدفها في النيل من غير ما حد يتحرك

[bmya]

انا بصرحه وانا بقرا الموضوع افتكرت تيتو لما نط من فوق الكوبري وهو بيهرب من الشرطه
بجد دي حاجه صعب الواحد يتخيلها اصلا !!!!!!!!!!!!!!