احلى نكته

[mohammedabdallh]

طبعا بعد ضغط الشغل كلنا يبقى فى نفسنا حاجه حلوه تضحكنا فعاوزين تكون الحاجه دى نكته حلوه
واحد قرفان من الشغل او مديره او من مراته يخش هنا
يخش فا هينبسط ويضحك بدل ما يجله الضغط
بس بشرط اى حد يخش يقراء لازم يسيب نكته حتى لو كانت قديمه
ويارب نشوف البسمه على وجهه اعضاء المنتدى كلهم

[mohammedabdallh]

طبعا انا هبتدى
واحده ست تخينه اوىى اوى بتشاور لحنطور السايس قلها اركبى بسرعه قبل ما الحصان يشوفك

[maryano]

مره واحد مستعبط اتجوز وحده مستعبطه… خلفو عيال مستهبله… استعبط الاب وعمل نفسه ميت..استهبلو العيالودفنوه.

[rocker]

راجل دخل على مراته وفارد صدره وقال لها حوته طلق مراته
رد عليه لييييييه
قال لها زعقت فى وشه وقالت له اييييييييييييييييييييييه لقى بقها كبير
ردت عليه
يا حوووورام

[mohamed_rhem]

واحدة ست صحت جوزها

اصحي يا راجل انا سامعه صوت

قالها نامي يا وليه جنبك راجل

قالتله الصوت بيقرب

قالها متخافيش ياوليه جنبك راجل

قالتله ناس داخلين علينا

قالها ولا يهمك يا وليه جنبك راجل

خدوها من جنبه

الست بتقول لجوزها دول حيخدوني اعمل حاجه



قالها

روحي معاهم يا وليه انتي سايبه في البيت راااااااااااااااجل

[Nistelrooy]

واحد تاكسجى: نايم مراتة دخلت علية بالليل وقفلت الباب بشويش..صحى قال لها افتحية واقفلية تانى

[mado83]

راجل دخل على مراته وفارد صدره وقال لها حوته طلق مراته
رد عليه لييييييه
قال لها زعقت فى وشه وقالت له اييييييييييييييييييييييه لقى بقها كبير
ردت عليه
يا حوووورام

ممكن الترجمه لو سمحت

[Seifmando]

مره واحد مستعبط اتجوز وحده مستعبطه… خلفو عيال مستهبله… استعبط الاب وعمل نفسه ميت..استهبلو العيالودفنوه.

دي احلى واحدة لحد دلوقتى

ممكن انقل اللينك دا

http://www.nilemotors.net/Nile/12048-a.html

ودا

http://www.nilemotors.net/Nile/63171-a.html

[أبو إياد]

هل تعلم إن ذاكرة الذبابه خمس ثواني فقط ؟

عشان كده كل ما تهشها ترجعلك تاني

[mohammedabdallh]

واحد فشار قاعد بيفشر على واحد صاحبه
قال : تصدق اني يوم ما رحت لافريقيا كنت ساكن فى فندق فى وسط الغابه
فتحت الشباك لقيت المناظر حلوه
قلت لمراتي البسي نطلع نتمشى بالغابه لبست (فى دقيقتين) ونزلنا
و احنا بنتمشى طلعلنا نمر عاووز ياكلنا
... ... ... جريت عليه واديته شلوط وموته
ثواني وطلعلنا 5 نمور طلعو صحاب النمر اللي قتلته عاوزين ينتقمو مني
بوكس ف بوكس ف شالوت عالماشي حصلوا صاحبهم
الراجل التانى وقع من الضحك
قاله الفشار : ايه يا عم مالك ؟.
قاله: يحرقك ده انت كداب كدب ... مراتك لبست فى دقيقتين بس؟

[mohammedabdallh]

حرامي رخم دخل يسرق وحده عجوز استخبى تحت السرير واستناها لما تنام

،،قعدت تسرح شعرها ثلات ساعات لحد ما الحرامي زهق،،فخلصت ونامت،راح طلع من تحت السرير..قعد يدور على حاجه يسرقها مالقاش،،
اضايق كثير ،،راح ناكش لها شعرها وجرى

[mohammedabdallh]

اينشتاين مسافر فى طياره فأعد جنب واحد مصرى
انشتاين قال للمصري: هسألك سؤال لو معرفتش تجاوب عليه تديني 5 دولار وانت تسألني
سؤال ولو أنا معرفتش أجاوب هديك 500 دولار المصري وافق
اينشتاين:ايه سر الجاذبيه الأرضيه؟
راح المصري طلع من جيبه 5 دولار وادهاله
...المصري:ايه الشئ اللي بيطلع الجبل ب3 رجول وينزل برجل واحده؟
انشتاين قعد يفكر معرفش راح ادى المصري ال 500 دولار راح انشتاين سأله ايه بقا الشئ ده راح المصري طلعله 5 دولار

[mohammedabdallh]

زاى بتحكم أم العريس ع العروسة اللي حايخطبها ابنها؟

إذا كانت:


بتضحك : دى قليلة ادبٌ

مكشره : دى نكديه ودلعها مرئ

لو متكلمة ولبقه: دى بلسانين وحاتطلع عينك

ساكتة : دى ما عندهاش شخصية

بتخرج مع صحباتها: دى صآيعه يابنى

دايما قاعدة بالبيت : دى معقده

مستقبلاهم احسن استقبال : دى حاتموت ع العريس

مطنشاهم : دى شايفه نفسها ع الفاضي ومغروره

وطبعا مش كل الحموات كده ...(((كلهم أمهاتنا وع راسنا واحنا بنهزر اكييييد,

[mohammedabdallh]

مدرس سأل طلابه: حيوان بيزحف ببطء؟
.
محمد: السلحفاة
.
المدرس برافو والدك بيشتغل ايه؟
... ... ... .
محمد: دكتور

المدرس شوفتوا اولاد الدكاترة اذكياء ازاى.
.
...
سأل سؤال تاني: طائر يبدأ بحرف الباء?
.
سيف: البقرة
.
المدرس: قوم يا غبى والدك بيشتغل ايه؟
.
سيف: فى مباحث امن الدولة
.

المدرس : برافو برافو البقرة لو شدت حيلها هتطير

[mohammedabdallh]

طلع مجموعة صيادين يصطادو وكل ما يصطادو حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني
.
.
أول ما ضرب نار الكلب اعد يزغرط