احلى نكته

[abogogo]

مصــري بيكلـم سـودانــي بيقـــولــه تعــرف ان ابــن خـــالتــي مــات مـــن كتــر الهمـــوم
الـسودانـي قـالـه يـا آخـي طالمـــا هـو مـــش قـــد الهمــوم بيستهمــــى ليــــــــــــه ..!!!

................*
واحد بيقول للمدير بتاعه انا عاوز علاوه عشان في تلات شركات بيجرو ورايا
. قاله مين دول بقا التلات شركات دول ...؟؟؟
. قالو شركة الميه والغاز والكهرباء

....................
مره واحد بيشتغل فى سنترال فاجاتله ست كبيره وجابتله نوته فيها اسماء كتيرة وقالتله
اطلبلى ابو اشرف يابني لوسمحت ...؟؟
وفضل الراجل يدور فى الاسماء ملقاش حد خالص بالاسم ده
فقالها مفيش يا حجه الاسم ده قالتله امال مين اللى عندك قلها
محمد عبد السميع ولسه بيكمل قالتله ما هو ده ابو اشرف يابنى،

................*
محشش بيغسل عربيته فبدأ من عند النمرة (لوحة السيارة) سألوه ليه؟
قالهم عشان المرة اللي فاتت ابتديت من السقف علي ماوصلت للنمرة اكتشفت انها مش عربيتي

[Zika9909]

واحد مسطول كان سايق بسرعة جنونية
فجأة لقى قدامه فرح قافل الطريق و خمسة قاعدين في الجزء الفاضي من الطريق
و مافيش مسافة يفرمل
يعمل إيه؟ يدخل في الفرح و لا الخمسة؟
دخل في الخمسة
داس ثلاثة و اثنين نطوا جوه الفرح
.
.
دخل وراهم

[MOSHAKS]

مرة واحد بيكسل ينزل يصلى الجمعة ويسمع الخطبة قال للشيخ يا شيخ ينفع اسمع الخطبة فالبيت واصلى فالبيت قالة ومالة يابنى بالمرة حط قماشة سودة عالتلاجة واعمل عمرة

[wael30003]

طلع مجموعة صيادين يصطادو وكل ما يصطادو حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني
.
.
أول ما ضرب نار الكلب اعد يزغرط

هى ده القنبلة

[wael30003]

نكت | واحد راح لدكتور نفسانى ,,,, بيقوله يادكتور انا كل يوم بحلم بماتش فراخ
:الدكتور قاله ,,,, حاول تيجى على نفسك ومتنامش انهارة

قاله :ازاى ؟النهاردة النهائى

لسه فى ناس دمها خفيف احمدك يارب

[wael30003]

مرة اتنين مساطيل ماشيين بالليل طلع فى دماغهم اول واحد يقابلوه يقطعوا راسه ويلعبوا بيها الكرة
اول واحد قابلوه كان محشش ومسطول قالوا للمحشش احنا هنقطع راسك ونلعب بيها الكورة
قام المحشش طلع مطوه وضربها فى دماغه وقال ده انا افسيها قبل ما تلعبوا بيها

[wael30003]

بمناسبه 6 اكتوبر

أشهر مشهد فى كل أفلام حرب أكتوبر 1973 الناس قاعدة على القهوة بيشدو شيش وبيشربوا شاى وحلبة وينسون والذى منه ...!

وفجأة يطلع المذيع على الراديو يقول : نجحت قواتنا المسلحة فى عبور قناة السويس وإسقاط خط بارليف المنيع وتدمير جميع المواقع العسكرية للعدو بنجاح !
... ...
تقوم الناس مهيصة ومصقفة ويطلع واحد ويقول : يا جماعة كل مشاريب القهوة دى على حسابى !
...
طب أنا عايز أفهم حاجة واحدة بس وأنا راضى ضميركم | مش إحنا المفروض حاربنا يوم 10 رمضان فى عز الضهر ولا القهوة دى كانت فى تل أبيب ؟

والله انت زى العسل

[wael30003]

واحد غبي اوي بيقول لمهندس كمبيوتر
كل ما بكتب الباسورد لما اجى افتح الفيس بوك بيظهرلى بدالها نجوم نجوم قاله ماهى
النجوم دى علشان لو حد واقف وراك مثلا مايعرفش ايه الباسورد بتاعتك اللى بتكتبها بجد
قاله بس النجوم دى بتظهر حتى لو مافيش حد واقف ورايا بردو

مش بقول انت عسل

[Donzi]

الفلاحين اتغاظو اوي عشان كل النكت عالصعايدة و هما مش مشهورين و مش متسيطين

قالو لازم نعمل حاجة غبية جدا عشان يطلع علينا نكت بقى و نتشهر

قامو رايحين بانين كوبري في وسط الصحرا و قالو بسسسسسسسسس بكرة بقى هانلاقي البلد غرقانة نكت علينا

.
.
.
.
.
.
.
.
.
.
صحيوا تاني يوم لاقو الصعايدة واقفين يصطادو من فوق الكوبري

[ahmed crash]

ههههههههههههههههههههههههههههه بجد موضوع تحفففففففففففففففففففففففففففففففففففففففه


ربنا يبارك لكل واحد كان السبب في اني اضحك :)

[mohammedabdallh]

لسه فى ناس دمها خفيف احمدك يارب

ده بجد ولا بحق وحقيقى

[mohammedabdallh]

-------------
يرجى مراعاة الاداب العامة ......تم الاكتفاء بالتنبية

مشرف 3ب
24/10/2011
4.23pm

دى نكته والله ما اقصد حاجه طيب

التعليق على المشاركات الادارية خارج ساحة الشكاوى مخالف لقواعد المنتدى
تم التنبيه للمرة الثانية وسيتم تطبيق العقوبة مضاعفة اذا تكررت المخالفة
مشرف الاجتماعي
ب9
25/10/2011

[mohammedabdallh]

اينشتاين مسافر فى طياره فأعد جنب واحد مصرى
انشتاين قال للمصري: هسألك سؤال لو معرفتش تجاوب عليه تديني 5 دولار وانت تسألني
سؤال ولو أنا معرفتش أجاوب هديك 500 دولار المصري وافق
اينشتاين:ايه سر الجاذبيه الأرضيه؟
راح المصري طلع من جيبه 5 دولار وادهاله
...المصري:ايه الشئ اللي بيطلع الجبل ب3 رجول وينزل برجل واحده؟
انشتاين قعد يفكر معرفش راح ادى المصري ال 500 دولار راح انشتاين سأله ايه بقا الشئ ده راح المصري طلعله 5 دولار

[M.Elgergawy]

واحد تعبان عندوا مشكلة ان كل حاجة بينساها على طول مش بيفتكرها

راح لدكتور وقاللوا يا دكتور كل حاجة عندي بنساها على طووول مش بفتكرها خالص

الدكتور سألوا قاللوا طيب والحالة دي بتجيلك كل أد إيه

رد عليه المريض وقاللوا حالة إيه ؟؟

[Dr. Elsaadani]

ازيدونا اضحك الله سنكم

جزيل الشكر لكل من ساهم فى ادخال البسمة علينا جميعا