استفسار طبى مهم ومستعجل بخصوص الحقن المجهرى وتدبيس المعده

[MOUSTAFA_SAAD]

السلام عليكم ورحمة الله وبركاته

ليا واحد صاحبى عمل عملية الحقن المجهرى 3 مرات واتكلف 50000 ولسه ملهوش نصيب فى الخلفه

عمل واحده فى دمنهور واتنين فى اسكندريه ونصحته انه يدور على دكتور فى القاهره لان القاهره هى الاساس فى كل حاجه

ياريت اللى صاحب تجربه فى الموضوع ده او يعرف يدلنى على دكتور كويس يكتب بياناته هنا

سبق وعملت الموضوع ده من عدة اشهر فى عيادة نايل موتورز ومحدش رد عليا


تانى حاجه بخصوص عملية تدبيس المعده

واحده قريبتى عاوزه تعملها

ايه ظروفها وتكلفتها وهل ليها مخاطر شديده وايه احسن الدكاتره سواء فى القاهره او الاسكندريه

ياريت يارجالة نايل موتورز تقفوا جنبى فى الموضوع ده لانه يهمنى جدا

[sara2001]

تانى حاجه بخصوص عملية تدبيس المعده

واحده قريبتى عاوزه تعملها

ايه ظروفها وتكلفتها وهل ليها مخاطر شديده وايه احسن الدكاتره سواء فى القاهره او الاسكندريه

ياريت يارجالة نايل موتورز تقفوا جنبى فى الموضوع ده لانه يهمنى جدا

المخاطر من الناحيه الطبيه لا أعلم
بخصوص عملية تدبيس المعده كان في زميله في العمل عملتها من عدة سنوات وكان بيحصلها حالات من الإعياء المفاجأه كتير وتتنقل للمستشفى فتره وتخرج بعدها كويسه وهكذا
ومظهرياً العمليه لها بعض العيوب للناس شديدة السمنه
ده من واقع الحاله اللي شفتها معايا في العمل

[MOUSTAFA_SAAD]

المخاطر من الناحيه الطبيه لا أعلم
بخصوص عملية تدبيس المعده كان في زميله في العمل عملتها من عدة سنوات وكان بيحصلها حالات من الإعياء المفاجأه كتير وتتنقل للمستشفى فتره وتخرج بعدها كويسه وهكذا
ومظهرياً العمليه لها بعض العيوب للناس شديدة السمنه
ده من واقع الحاله اللي شفتها معايا في العمل

طب حالتها دلوقتى ايه
هل بتحس بنفس التعب والمشاكل بعد السنين دية
وزنها رجع زاد تانى ولا زى ماهو

[MOUSTAFA_SAAD]

ياريت يادكاترة المنتدى وهما كتير جدا
اى حد يعرف يسال دكتور صاحبه او زميله متخصص فى المواضيع دية ويقدر يفيدنى يبقى كتر خيره

[AmatoALLAH]

بالنسبه للحقن المجهري خليه يروح يستشير دكتور حسام في مركز جنين اللي في المعادي

دكتور محترم و المركز كويس جدا بس خليه يحجز عند كتور حسام مش اي دكتور تاني و طبعا كله بامر الله ما هي الا اخذ بالاسباب

[SHNORY]

السلام عليكم ورحمة الله وبركاته

ليا واحد صاحبى عمل عملية الحقن المجهرى 3 مرات واتكلف 50000 ولسه ملهوش نصيب فى الخلفه

عمل واحده فى دمنهور واتنين فى اسكندريه ونصحته انه يدور على دكتور فى القاهره لان القاهره هى الاساس فى كل حاجه

خلي مراته هي اللي تعملها
وباذن الله حيكون ليه نصيب في الخلفه
ههههههههههههههههههههههههههههه

[i_Boy]

بالنسبه للحقن المجهري خليه يروح يستشير دكتور حسام في مركز جنين اللي في المعادي

دكتور محترم و المركز كويس جدا بس خليه يحجز عند كتور حسام مش اي دكتور تاني و طبعا كله بامر الله ما هي الا اخذ بالاسباب

+1

[i_Boy]

خلي مراته هي اللي تعملها
وباذن الله حيكون ليه نصيب في الخلفه
ههههههههههههههههههههههههههههه

صح ممكن يكون هي دي المشكله هههههههههههههههههههه

[amr011111]

السلام عليكم ورحمة الله وبركاته
طبعا موضوع الأطفال رزق من الله ولكن علينا الاخذ بالاسباب

الأول تروح لدكتور عادل فاروق وعيادته فى 25 أ الدقى (مش عارف ينفع اضع رقم الموبايل ولا قوانين المنتدى لا تسمح بذلك ) الدكتور عادل بيجى كل يوم جمعه بعد الصلاه فى برنامج بشرة خير على قناة الصحه والجمال وهو دكتور متميز بإذن الله تعالى. هيه هتروح للدكتور عادل يشوف ممكن تكون حالتها محتاجه علاج قبل الحقن المجهرى وممكن يكون عندها مشكله تتحل بإذن الله تعالى وإن لم يكن فسيتم تجهيزها لعملية الحقن

وان احتاجت الحقن بعد رأى الدكتور عادل . فيوجد امامك الدكتور عمرو الحسينى 60 شارع الخليفه المأمون برج كوين سنتر أو مستشفى أدم بالمهندسين وبالتوفيق. ويمكن الحصول على ارقام التليفونات من الدليل . وبالتوفيق

ولا تنسانى من الدعاء

[Egyzizo]

فيه واحدة معرفة عملتها فى مركز آدم اللى فى المهندسين ، وحملت بتوأم من أول مرة.

[sara2001]

طب حالتها دلوقتى ايه
هل بتحس بنفس التعب والمشاكل بعد السنين دية
وزنها رجع زاد تانى ولا زى ماهو

الحقيقه مش عارفه انا سيبت الشغل وما شفتهاش بعد كده
هي المشاكل دي كانت ظاهره خلال سنه من العمليه ممكن تكون الحاله الصحيه بعد كده اتحسنت
بس مش عارفه المظهر الخارجي ممكن يتحسن مع الوقت ولا لأ

[adel1212]

كل شيئ قسمه ونصيب
الاطفال دول رزق وكل منا يسعى لرزقه
د/شريف باشا
32 ش سوريا-المهندسين
عن تجارب ناس اعرفهم ربنا كرمهم عن طريقة
تحياتى

[dr.hazem]

افضل العمليات حاليا للسمنه هي عملية قص المعده او طي المعده

قص المعده ماهو الا الاسم الصحيح لما يتعارف عليه تدبيس المعده
وان كان مصطلح تدبيس المعده خاطئ الا انه تعارف عليه بالاسم ده

تدبيس المعده نوعان
نوع منتشر جدا ورخيص ولكن نتايجه سيئه ولا كأن الواحد عمل حاجه
وده اللي هو التدبيس الافقي
وفي الحقيقه النوع ده منتشر جدا في مصر مع انه خلاص معدش حد بيعمله بره,.,,
النوع التاني اسمه التدبيس الكمي او تكميم المعده وانا بفضل استخدام قص المعده
وده نسبة حدوش مشاكل بسبب 4% من كل اللي عملو العمليه

طبعا عمليه غاليه جدا ومنتشره وفنفس الوقت فعاله جدا جدا
وعلى ايديا كطبيب فأنا شفت حالات كان وزنها 250 كيلو وخلال سنتين بعد العمليه اصبح الوزن 80 كيلو فقط!!

البديل الجديد والاغلى حاليا والاقل مخاطر هو طي المعده
وده نفس مميزات القص الا انه بمشاكل اقل...

طبعا جميع هذه العمليات تجرى بمنظار وبالتالي لا اثر للجروح...
تحتاج الى صبر شديد حيث ان النتائج كما قلت تأخذ وقت
العمليه ليست سحرا!!!
يعني اللي هيعملها ميفتكرش انه هيرجع ياكل ويشرب زي مهو عايز وزي مكان بيحب
انما للاسف لان العمليه بيتم فيها تصغير المعده بشكل كبير جدا فتصبح لا تستوعب اي كميات وعلى سبيل المثال
كوب من الماء لا يستطيع من عمل العمليه ان يشربه دفعه واحده
ولكنه يحتاج الى 5 دقايق حتى يشرب هذا الكوب
ويحتاج الى نصف الساعه لاكل سندوتش فينو!!!!!!!!!!

كما انه بعد العمليه هناك حمية غذائيه لابد ان يلتزم بيها المريض طول العمر وليس لسنه او سنتين والا ستعود الحال لما كان عليه ولن نستفيد من العمليه

واخيرا هناك بعض الادويه (فيتامينات) سيتطلب ان صاحب العمليه ياخدها باستمرار نتيجة القص الحاصل...

اما عن تضييق المعده او تحويل مسار المعده فخلاص معدش ليهم لازمه بسبب مشاكلهم الكثيره وفي الخارج نادرا حاليا اما حد يعملهم...



لو في اي استفسارات اكثر تحت امرك ياعزيزي


تحياتي

[dr.hazem]

نسيت ان اذكر ان التدبيس الكمي او قص المعده مفضل لمن يأكلون كميات كبيره من الاكل فعليا

اما الذين يأكلون قليلا من المأكولات ولكنهم يفضلون المأكولات ذات الكالوريات العاليه كالسكريات والنشويات فهنا تكون الحاله التي يتم فيها عمل تحويل مسار المعده.....



تحياتي

[MOUSTAFA_SAAD]

خلي مراته هي اللي تعملها
وباذن الله حيكون ليه نصيب في الخلفه
ههههههههههههههههههههههههههههه

صح ممكن يكون هي دي المشكله هههههههههههههههههههه

مسيرى فى مره ازنقكم فى موضوع وساعتها مش حاعتقكم ابدا
هههههههههههههههه

السلام عليكم ورحمة الله وبركاته
طبعا موضوع الأطفال رزق من الله ولكن علينا الاخذ بالاسباب

الأول تروح لدكتور عادل فاروق وعيادته فى 25 أ الدقى (مش عارف ينفع اضع رقم الموبايل ولا قوانين المنتدى لا تسمح بذلك ) الدكتور عادل بيجى كل يوم جمعه بعد الصلاه فى برنامج بشرة خير على قناة الصحه والجمال وهو دكتور متميز بإذن الله تعالى. هيه هتروح للدكتور عادل يشوف ممكن تكون حالتها محتاجه علاج قبل الحقن المجهرى وممكن يكون عندها مشكله تتحل بإذن الله تعالى وإن لم يكن فسيتم تجهيزها لعملية الحقن

وان احتاجت الحقن بعد رأى الدكتور عادل . فيوجد امامك الدكتور عمرو الحسينى 60 شارع الخليفه المأمون برج كوين سنتر أو مستشفى أدم بالمهندسين وبالتوفيق. ويمكن الحصول على ارقام التليفونات من الدليل . وبالتوفيق

ولا تنسانى من الدعاء

الف شكر استاذ عمرو ياريت حضرتك تحط رقم التليفون مفيش اى مشاكل لان ده مش اعلان او ابعته على الخاص والى انا فاهمه من كلامك كده ان الدكتور عادل بيعالج فقط ويجهز والدكتور عمرو هو اللى بيقوم بالعمليه

فيه واحدة معرفة عملتها فى مركز آدم اللى فى المهندسين ، وحملت بتوأم من أول مرة.

فعلا هو قالى انه سمع عن المركز ده وبيقولوا عليه كويس بس بحاول اتاكد

الحقيقه مش عارفه انا سيبت الشغل وما شفتهاش بعد كده
هي المشاكل دي كانت ظاهره خلال سنه من العمليه ممكن تكون الحاله الصحيه بعد كده اتحسنت
بس مش عارفه المظهر الخارجي ممكن يتحسن مع الوقت ولا لأ

الف شكر لحضرتك

كل شيئ قسمه ونصيب
الاطفال دول رزق وكل منا يسعى لرزقه
د/شريف باشا
32 ش سوريا-المهندسين
عن تجارب ناس اعرفهم ربنا كرمهم عن طريقة
تحياتى

طبعا كل شىء قسمه ونصيب بس الانسان بيجتهد ويحاول
وشكرا على اسم الدكتور وعنوانه

افضل العمليات حاليا للسمنه هي عملية قص المعده او طي المعده

قص المعده ماهو الا الاسم الصحيح لما يتعارف عليه تدبيس المعده
وان كان مصطلح تدبيس المعده خاطئ الا انه تعارف عليه بالاسم ده

تدبيس المعده نوعان
نوع منتشر جدا ورخيص ولكن نتايجه سيئه ولا كأن الواحد عمل حاجه
وده اللي هو التدبيس الافقي
وفي الحقيقه النوع ده منتشر جدا في مصر مع انه خلاص معدش حد بيعمله بره,.,,
النوع التاني اسمه التدبيس الكمي او تكميم المعده وانا بفضل استخدام قص المعده
وده نسبة حدوش مشاكل بسبب 4% من كل اللي عملو العمليه

طبعا عمليه غاليه جدا ومنتشره وفنفس الوقت فعاله جدا جدا
وعلى ايديا كطبيب فأنا شفت حالات كان وزنها 250 كيلو وخلال سنتين بعد العمليه اصبح الوزن 80 كيلو فقط!!

البديل الجديد والاغلى حاليا والاقل مخاطر هو طي المعده
وده نفس مميزات القص الا انه بمشاكل اقل...

طبعا جميع هذه العمليات تجرى بمنظار وبالتالي لا اثر للجروح...
تحتاج الى صبر شديد حيث ان النتائج كما قلت تأخذ وقت
العمليه ليست سحرا!!!
يعني اللي هيعملها ميفتكرش انه هيرجع ياكل ويشرب زي مهو عايز وزي مكان بيحب
انما للاسف لان العمليه بيتم فيها تصغير المعده بشكل كبير جدا فتصبح لا تستوعب اي كميات وعلى سبيل المثال
كوب من الماء لا يستطيع من عمل العمليه ان يشربه دفعه واحده
ولكنه يحتاج الى 5 دقايق حتى يشرب هذا الكوب
ويحتاج الى نصف الساعه لاكل سندوتش فينو!!!!!!!!!!

كما انه بعد العمليه هناك حمية غذائيه لابد ان يلتزم بيها المريض طول العمر وليس لسنه او سنتين والا ستعود الحال لما كان عليه ولن نستفيد من العمليه

واخيرا هناك بعض الادويه (فيتامينات) سيتطلب ان صاحب العمليه ياخدها باستمرار نتيجة القص الحاصل...

اما عن تضييق المعده او تحويل مسار المعده فخلاص معدش ليهم لازمه بسبب مشاكلهم الكثيره وفي الخارج نادرا حاليا اما حد يعملهم...



لو في اي استفسارات اكثر تحت امرك ياعزيزي


تحياتي

الف شكر يادكتور على المعلومات القيمه

انا سمعت عن اسم التدبيس وكمان قالها عن عمليه تانيه انه ممكن يحول مسار المعده للامعاء الدقيقه مباشرة

مش عارف انا فهمت صح الكلام ده ولا لا لانى مش متخيل ان ممكن الواحد معدته تتحول على الامعاء الدقيقه بدون المرور على الامعاء الغليظه

تقريبا لو تقدر تقولى اسعارالتلات عمليات كام اللى هما
التدبيس الافقى
التدبيس الكمى
طى المعده
انا عارف انهم حيختلفوا من مكان للاخر بس انا عاوز اعرف متوسط السعر

عموما حضرتك لو ترشح دكتور كويس فى الموضوع ده سواء فى القاهره او الاسكندريه ياريت تبعتلى اسمه وتليفونه
ولو ممكن تليفون حضرتك على الخاص علشان لو احتجت استفسر على حاجه لما نبداء الاجراءات الضروريه للعمليه يبقى كتر الف خيرك