بلا جواز بلا هم

[wesam_salom]

ماهما فعلا بيشترو راجل
الناس مضحكتش عليك انما انت اللي فهمت غلط
هو اللي بيشتري عبد بيعمل فيه ايه ؟؟؟؟؟
هما بيشتروك بالمعني الحرفي للكلمه مش تعبير مجازي
بس بيشتروك بفلوسك كمان مش بفلوسهم

وكما قال الشاعر ايهاب العبد
عجبى على عبد هو اللى اشترى سيده
مطقش يفضل حر حط الحديد فى ايده
اصل القضا لو حل ما بيخلف مواعيده
شاف البنيه بحسن نيه نجحت فى تثبيته
بالرقه دخل الرقه وراح اشترى قيده
فرح العبيط فكر انه الاختيار بايده
ده كله قسمه ونصيب وسابق فى تحديده
فى الخطبه عملت له البدع وبالغت فى تظبيطه
الاحمر والخضر وامها فضيت لتزغيطه
علشان يقوت ويقوى على اللى هيشيله
وفى فرحه قام رقص الولد قال جاله يوم عيده
البغل من كتر جوعه بالغ فى ترفيصه
عجبى على اللى اتفتن من بعد تدبيره
حب يكيد العوازل اترد له كده
فيه شهر اسمه عسل مفيش عسل غيره
بعديه يجيه البصل بالدمع من عينه
لقت ركوبه تشيلها عاوزنى قال اسيبه
سبحانه من سخره للف وسنينه

‫ط²ط¬ظ„ ط¬ظˆط§ط² ط§ظ„ط£ط³ظٹط§ط¯ ظ„ط¥ظٹظ‡ط§ط¨ ط§ظ„ط¹ط¨ط¯‬‎ - YouTube

اسمعوها هتعجبكم

[zago]

حلوه يا سمسم
:)
اكيد ده اللي اتقالك يوم فرحك ههههه

[wesam_salom]

حلوه يا سمسم
:)
اكيد ده اللي اتقالك يوم فرحك ههههه

انا وهو نسايب
متجوزين من عيله واحده
واضح ان المشكله مش فيا انا ده فى عيله مراتى
او فى الستات والجواز عامه
بس كمل الفيديو انا جايب مقتطفات بس

[SunSet]

موضوع ظريف يا نونيتا

[A7MED_PHARMA]

حل موضوع الجواز كالأتي

دبلة للعريس..وخاتم ومحبس للعروسة
البيت يكون على الطراز الياباني(إدخلوا على جوجل صور وشوفوا البيوت اليابانية عامله إزاي)
لما كنت خاطب..كنت متفق مع المرحومة إني هعمل البيت ياباني..وكنت حالف عمري ماهدخل حاجة إسمها (نيش) البيت
ويتلموا ف بيت واحد وخلاص
وبلاش التكاليف العبيطة تحت مسمى....دي ليلة العمر وعاوزين نفرح
قال يعني الفرحة مابتجيش غير بالهيافة

ده طبعا بالنسبة للناس
أنا دلوقتي رافع شعار..حرية بدون نملية

[Ashraf_Ibrahim]

والله كلام عقلاني ومنطقي جدا وانا متفق معاه تماما !

[mahgary]

انا عندما وجدت ما قلتيه صحيح قلت شكرا لان اتزوج وانا عايش لوحدى والحمد لله على كل شى

[أبو صلاح]

مفيش حد مبسوط في جوازه بيقول انا مبسوط خوفا من الحسد والمشاكل
(والله حصلت معايا عملت موضوع هنا في المنتدى بشجع الناس على الجواز والله مفيش يومبن طلعتلي مشكلة من تحت الارض ما بين اهلي ونسايبي واتخانقت مع مراتي والدنيا باظت لكن الحمد لله ربنا ستر )
من ساعتها والله ما بقيت اتكلم مع حد لا اقول كويس ولا وحش

واللي بيتكلم عن الجواز بشكل سيء يا اما هو بيهرج وده غالبا يا اما في مشكلة هو غير قادر على حلها

ومفيش حياة بدون مشاكل ولا منغصات حتى الحياة العزوبية مليانة مشاكل
لكن كله عنده رهبة من المسئولية بسبب ما يزرعه فينا آبائنا منذ الصغر على المبالغة في حجم المسئولية من ساعة لما تفكر انك ترتبط بزميلتك سواء في المدرسة او الجامعة تلاقي ابوك بيقولك انت فاكر الجواز ده ايه ؟ دا مسئوووووووولية كبيرة وعايزة راجل وعايزة عقل ومش عارف لغاية لما تتخنق
ولما ييجي الوقت المناسب للزواج مع الامكانيات المؤهلة تلاقي نفسك بتماطل ومش عايز هم وقرف ومصاريف حتى بص فلان (اللي طبعا بيهرج او عنده مش كلة فعلا) مش عارف يعيش وانا ايه اللي يخليني اجيبه لنفسي

لكن تعالى اسال اي واحد متزوج ومعاه اولاد وعمال يتكلم بقرف على الجواز ويقولك ياريت اللي جرى ما كان اساله عن اولاده وعن حبه ليهم هتسمع اشعار منه
قله لو رجع بيك الزمن هتتجوز ولا هتقول لأ بعد لما شفت اولادك ؟
هيقولك اكيد هتجوز بس هاحسن الاختيار واخطط لحياتي بشكل افضل

[أبو إياد]

اى زوج بيتكلم عن العزوبيه فهو بيتمناها فى خياله فقط
فلو خيروا مش هايتخلى عن مسئوليته كزوج ورب اسره

[أبو صلاح]

اى زوج بيتكلم عن العزوبيه فهو بيتمناها فى خياله فقط
فلو خيروا مش هايتخلى عن مسئوليته كزوج ورب اسره

الله ينور عليك
هو هه ملخص رايي السابق لردك

[mustafavet]

متعرفيش قد ايه موضوع الفرح دا مازمني جدا ومن ضمن الاسباب ان انا مش عاوز اتزوج والله علشانها

ممكن حضرتك بخبرتك تحطيلي سيناريو مناسب؟ ينفع فرح بحيث يبقي رصيت ربنا ثم رضيت العروسة و الناس؟

[nonetta]

متعرفيش قد ايه موضوع الفرح دا مازمني جدا ومن ضمن الاسباب ان انا مش عاوز اتزوج والله علشانها

ممكن حضرتك بخبرتك تحطيلي سيناريو مناسب؟ ينفع فرح بحيث يبقي رصيت ربنا ثم رضيت العروسة و الناس؟

والله اي فرح هيبقى فيه حاجة تغضب ربنا حتى لو مش منكو من الضيوف والمعزومين
احسن حاجة تلبسوا البدلة والفستان وتتصوروا صور محترمة
تحجز في باخرة مثلا اسرتك واسرتها بس ولو انها ممكن بروجرامه يبقى فيه رقص وغنا
وبفلوس الفرح تسافرو تركيا وللا ماليزيا ولا تايلاند
ولا حتى مطروح لوالامكانيات محدودة
والله كلها فلوس عالارض
وربنا يتمم لك بخير