أصحاب خبرات المجالات الاستيراديه فى السوق

[Mshawky]

انا عندى شركه استيراد وتصدير وحابب افتح مجال استيرادى جدىد فى الشركه عندى فحابب اخد رايكم الاول فىا فضل مجال ممكن اشتغل فيه

طبعا المجالات اللى هاخد رايكم فيها انا بفهم فيها اكيد لكن عايز افضل مجال يكون شغال كويس فى السوق


اول حاجه هو مجال الملابس

اول مجال الالكترونيات وبخاصة الكابلات والفلاشات وكروت الميمورى والشواحن والبطاريات

مجال المستلزمات الديكوريه زى الابواب الاكورديون والاباجورات والكماليات ديه


ايه رايكم ايه فى المجالات ديه وهل سوقها كويس وشغال ؟

[Dr_Mido]

انت هتستورد وتوزع ولا هتستورد لحد

[minicooper20]

فى نقطه احب انبهك ليها ال 3 مجلات دول فيهم حيتان بيشتغلو فيهم و بيجيبو كميات و اسعار جامده جدا
انا لفيت كتير جدا فى الحوارات دى لانى بفتح حاجه مشابه لده
الهيحكمك هتجيب بكام و منين و لمين
و انا شايف ان افضلهم مجلات الكمبيوتر لانها مش بتتعمل فى مصر زى الملابس و مستلزمات الديكور

[Mshawky]

لا انا هستورد واوزع انا

[Dr_Mido]

يبقى تعمل حسابك هتخبط فى حيتان الاستيراد لو اللى بتستوردة يخصهم فى حاجه ده غير رخامه الجهات الحكوميه عادة فى التخليص الجمركى واحسب الوقت من اول مالحاجه توصل مصر لحد متخرجها ممكن يحط عليك حمل مالى زايد فى الجمارك وهتضطر تعلى سعرك علشان تغطى خسارة الجمارك ولو انت هتوزع كميات لازم شبكه توزيع كويسه او تتفق مع شركه شحن توزعلك حاجتك على العملاء ومستوردش حاجه الا اما تكون زى مابقولو بالبلدى تبقى عارف القرد مخبى ابنه فين فيها

[madyyuri]

مع كل الاحترام لحضرتك

هو كله بيستورد ما فيش حد بيصدر؟

[Mshawky]

يبقى تعمل حسابك هتخبط فى حيتان الاستيراد لو اللى بتستوردة يخصهم فى حاجه ده غير رخامه الجهات الحكوميه عادة فى التخليص الجمركى واحسب الوقت من اول مالحاجه توصل مصر لحد متخرجها ممكن يحط عليك حمل مالى زايد فى الجمارك وهتضطر تعلى سعرك علشان تغطى خسارة الجمارك ولو انت هتوزع كميات لازم شبكه توزيع كويسه او تتفق مع شركه شحن توزعلك حاجتك على العملاء ومستوردش حاجه الا اما تكون زى مابقولو بالبلدى تبقى عارف القرد مخبى ابنه فين فيها

هو بالفعل الشركه قائمه وبنستورد وشغالين كويس الفكره بس انى عايز ادخل مجال تانى جنب شغلنا فى الشركه مش اكتر لكن مش لسه هبتبدى ولا حاجه

انا بحكم شغلى مايل اكتر لللمستلزمات الالكترونيه

[Dr_Mido]

مع كل الاحترام لحضرتك

هو كله بيستورد ما فيش حد بيصدر؟

اما نعمل منتج محلى نبقى عارفين نسوقه فى مصر الاول نبقى نصدر وانا بتكلم على مجال المستلزمات الطبيه

[Mshawky]

مع كل الاحترام لحضرتك

هو كله بيستورد ما فيش حد بيصدر؟

اغلب التصدير بيتم عن طريق المصانع فى مصر مش من اشخاص تجارين فقط لازم يكون عند حضرتك خطوط انتاج ومصانع علشان تقدر تصدر