يا جماعه أنا شفت النهارده منظر بشع ... من كتر الغل اللي جوايا حبيت أقوله

[liquidator]

السلام عليكم ...
النهارده أنا شفت منظر بشع علي الأقل من وجهة نظري قطع قلبي و خلاني أخرج عن شعوري و أشخط في الناس ...
العماره اللي قدامنا يظهر كان فيها كلبه والده كلاب كتير صغيرين و يظهر ان الكلاب دي كانت مصدر ازعاج للسكان ...
المهم يظهر برده ان أحد سكان العماره تطوع و قرر انه يخلص من الكلاب الصغيره ( أوي ) اللي لا حول لها و لا قوه و لكن بطريقه في منتهي الوحشيه ...
طلع لم الكلاب الصغيره دي في جردل كبير و تخيلوا عمل ايه .. رماهم من الدور السادس علي الأرض و لك أن تتخيل صوت الكلاب و هي بتأن و بتطلع في الروح لحد ما ماتت ...
متهيألي كان ممكن يخدهم يوديهم أي حته و يسبهم ياكلوا ويشربوا حتي من الزباله و يبقي نصيبهم علي ربنا ...
ناس كتير ممكن تقول يا عم ده البني أدم في بلدنا رخيص اشمعنا يعني الكلاب ...
بس هو احنا لو شعب محترم ما كانش البني أدم الوحشي السادي ده عمل ف الكلاب دي كده ... و البني أدم ده يستحق يتعمل فيه أكتر من كده و يستحق انه يبقي رخيص لانه مش محترم و مش متخيل هو عمل ايه في روح ربنا خلقها ..
المشكله ان كان بيبصلي و هو بيرميهم و هو بيبتسم و كأن انه مش بيعمل حاجه غلط ولا حاجه ....
معلش اعذروني يمكن ألفاظي كانت قويه شويه بس اصلي محروق و باتخنق من كل اللي بيئذي حيوان بريء و خصوصا يعني الكلاب الصغيره دي يعني مش مفترسه و هاتاكل الناس في الشارع ..
أنا الحقيقه قلتله في وشه حرام عليك و حسبي الله و نعم الوكيل ...
هو أنا يا جماعه غلط ؟ هو الحكايه دي انتوا شايفين انها عادي و ما كنش المفروض أقول له كده ؟ دا أنا يا جماعه جسمي بيقشعر لما باشوف أصحاب الكارو بيعملوا ايه في الحمير بتاعتهم و طبعا حدث ولا حرج ...
ما هو يا جماعه صاحب الكارو ده أو البني أدم اللي أنا شفته النهارده ده النهارده بيعمل كده في كلب وللا حمار ... بكره لو مسك منصب مهم هايعمل أكتر من كده في الناس ...
و بعدين الغرب اللي بينادي برعاية الحيوان و بيدعوا ان عندهم قيم و مباديء أكتر مننا في الموضوع ده لو احنا عرفنا ان الاسلام بيؤمرنا برعاية الحيوان أكتر من أي قم دنيويه تانيه ما بتقول و عملنا بكده هانبقي أحسن منهم كتير ...
عارف ان في ردود كتير هاتيجي تقول كل ده عشان الكلاب و ناس ممكن تتهمني بالتفاهه بس بجد أنا متغاظ أوي و كان نفسي أحكي لحد و ما لقتش أحسن منكم أحكيله ...
و أكيد عطشان ان أسمع ردودك عشان نقدر نعرف احنا بنفكر ازاي ...
أسف اني طولت عليكم ...

[CryptonX]

السلام عليكم ...
النهارده أنا شفت منظر بشع علي الأقل من وجهة نظري قطع قلبي و خلاني أخرج عن شعوري و أشخط في الناس ...
العماره اللي قدامنا يظهر كان فيها كلبه والده كلاب كتير صغيرين و يظهر ان الكلاب دي كانت مصدر ازعاج للسكان ...
المهم يظهر برده ان أحد سكان العماره تطوع و قرر انه يخلص من الكلاب الصغيره ( أوي ) اللي لا حول لها و لا قوه و لكن بطريقه في منتهي الوحشيه ...
طلع لم الكلاب الصغيره دي في جردل كبير و تخيلوا عمل ايه .. رماهم من الدور السادس علي الأرض و لك أن تتخيل صوت الكلاب و هي بتأن و بتطلع في الروح لحد ما ماتت ...
متهيألي كان ممكن يخدهم يوديهم أي حته و يسبهم ياكلوا ويشربوا حتي من الزباله و يبقي نصيبهم علي ربنا ...
ناس كتير ممكن تقول يا عم ده البني أدم في بلدنا رخيص اشمعنا يعني الكلاب ...
بس هو احنا لو شعب محترم ما كانش البني أدم الوحشي السادي ده عمل ف الكلاب دي كده ... و البني أدم ده يستحق يتعمل فيه أكتر من كده و يستحق انه يبقي رخيص لانه مش محترم و مش متخيل هو عمل ايه في روح ربنا خلقها ..
المشكله ان كان بيبصلي و هو بيرميهم و هو بيبتسم و كأن انه مش بيعمل حاجه غلط ولا حاجه ....
معلش اعذروني يمكن ألفاظي كانت قويه شويه بس اصلي محروق و باتخنق من كل اللي بيئذي حيوان بريء و خصوصا يعني الكلاب الصغيره دي يعني مش مفترسه و هاتاكل الناس في الشارع ..
أنا الحقيقه قلتله في وشه حرام عليك و حسبي الله و نعم الوكيل ...
هو أنا يا جماعه غلط ؟ هو الحكايه دي انتوا شايفين انها عادي و ما كنش المفروض أقول له كده ؟ دا أنا يا جماعه جسمي بيقشعر لما باشوف أصحاب الكارو بيعملوا ايه في الحمير بتاعتهم و طبعا حدث ولا حرج ...
ما هو يا جماعه صاحب الكارو ده أو البني أدم اللي أنا شفته النهارده ده النهارده بيعمل كده في كلب وللا حمار ... بكره لو مسك منصب مهم هايعمل أكتر من كده في الناس ...
و بعدين الغرب اللي بينادي برعاية الحيوان و بيدعوا ان عندهم قيم و مباديء أكتر مننا في الموضوع ده لو احنا عرفنا ان الاسلام بيؤمرنا برعاية الحيوان أكتر من أي قم دنيويه تانيه ما بتقول و عملنا بكده هانبقي أحسن منهم كتير ...
عارف ان في ردود كتير هاتيجي تقول كل ده عشان الكلاب و ناس ممكن تتهمني بالتفاهه بس بجد أنا متغاظ أوي و كان نفسي أحكي لحد و ما لقتش أحسن منكم أحكيله ...
و أكيد عطشان ان أسمع ردودك عشان نقدر نعرف احنا بنفكر ازاي ...
أسف اني طولت عليكم ...

ِشخص **** فعلا .. و حرام عليه .. دي روح .. ولم تؤذيه في شيء ..

معرفش في جمعية لحماية الحيوان ولا لآ في مصر بس ممكن تسأل و تبلغ عنه .

انا والله العظيم مرة لبست سيارتين فيا من الخلف بسبب اني افرمل علشان كان في قطة صغيرة جدا .. بتعدي الشارع !

و حجة ان البني ادم رخيص .. ملهاش ادنى علاقة بالانسانية ..
والا منفرقش حاجة عن الحيوانات ....

و لازم اذكر موقف شفته بعيني في سيتي سنتر - مكرم عبيد :

كان نفسي اصور الموقف ::

راجل كبير ( 40 سنة مثلا ) معاه 4 اطفال و زوجته .. معدي قدام نافورة سيتي سنتر في مكرم عبيد ..

وكلنا ذهلنا لقينا قطة صغيرة جدا بتحاول تتسلق سور النافورة علشان تشرب شوية ماء ..

طبعا كلنا تعاطفنا ... بس محدش عمل حاجة علشان الامراض والي مش فارق معاه .. والي و الي ..

لقيت الراجل ( لابس بدلة ) جري علي القط . مسكه في ايده .. و خلع جزمته السوداء .. حطها في النافورة .. و طلع شوية ماء .. و قعد يشرب القط ( والله كنت متضايف من نفسي جدا ) و شرب القط و راح لقة حتة فيها نجيلة كدة ,, و حطه فيه ..
و رجع غسل ايده من ماء النافورة و نشفها و لبس الجاكت و دخل السنتر كانه لم يفعل شيء و لم ينتظر اي حاجة من اي شخص .




تنبيه للعضو بالإلتزام بقواعد المنتدى

[fahd_628]

*** شرطة محترمة

تليفون بس و الموضوع يخلص !

بس للأسف مفيش حل

بس برضة تصرف الراجل د خاطئ جدا و انا كمان بيصعب عليا جدا الحمير من الى بيتعمل فيهم

انا مرة شفت عربية كارو شايلو حمولة بشعة و الحمار مكانش قادر و قام واقع على الأرض الراجل قعد يشتمة بألفاظ بزيئة و بعدين قعد يضرب فية بغل شديد جدا جدا و فى اماكن صعبة قوى قوى و الحمار مش عارف يقوم و هوة شغال ضرب فى مناطق معينة و الحمار صعبان عليا قوى و بعد حوالى 5 دقائق من الضرب المبرح قام الحمار و الراجل كمل الطريق بجد كان نفسى انزل اضربة و اموتة كمان لأنة معندوش قلب بجد !!!!!

زى الراجل دة كان المفروض يوديهم اى حتة او يبيعهم مثلا و الفلوس يطلعها للفقراء او اى حاجة
===============
تنبيه للعضو بالإلتزام بقواعد المنتدى

http://www.nilemotors.net/Nile/announcement.php?f=60

[tutankhamoun]

لو الناس تتقي ربنا في معاملة بعض و معاملة مخلوقات الله
مكوناش نشوف المناظر دي

و هي دي شعب انتركتيكا المهلبية البالوظة اللي أنا بقول عليه

شعب لا يملك أدنى متطلبات الحضارة الإنسانية و البعد الديني الإسلامي

و ثأر هؤلاء الكلاب منه سيكون في اليوم الذي لا يهرب فيه أحد و لا يملك أحد من نفسه شئ
و حسبي الله و نعم الوكيل
اللهم أرحنا برحمتك و أنزل رحمتك على عبادك الذي أنُتزعت من قلوبهم الرحمة
اللهم استجيب

[hamedo0]

الراجل ده *** معندوش اي انسانيه خالص بس جزاءه عند ربنا
=============
تنبيه للعضو بالإلتزام بقواعد المنتدى

http://www.nilemotors.net/Nile/announcement.php?f=60

__________________

[kemoelord]

والله شوف زي ما حضرتك تفضلت وقولت ان الناس في مصراساسا مش بتحترم بعضها
ولا بتحترم القوانين المفروضه عليهم ولا الشوارع ولا الاماكن العامه ولا الممتلكات الخاصه فبالتالي ولا الحيوانات ده حتى المفروض زي ما قال الاستاذ " crypton "
من كتر الحيوانات الي ماشيه في الشوارع بلا مؤى وبلا اكل او شــــــرب المفروض جميعه حمايه الحيوان تهتم بالموضوع ده اذا كان في مؤسسه او جهة ترعى الحيوانات دي لكن مادام اللا مبالاة وعدم تحمل المسؤوليه هيزيد من حاله الامر من سئ الى اسوء المفروض اساسا اننا ما نشوف عربيات الكارو ماشيه في الشوارع كده واكلها وفضلاتها مليانه في كل شارع موجود في مصر والناس تتأذى من الروائح والمناظر وأكتر حاجة استغربت ليها في كلام الاستاذ " liquidator " ان في ناس كتير منافقه وبتنافق نفسها قبل ما تكون منافقه مع الناس ,,,,,,,,, يلا الله المستعان ولا حول ولا قوة الا بالله واسف على الاطاله

[aliabutaleb]

مَن لا يرحم لا يُرحم

ًٌَُ

[OlaOsman]

حسبي الله و نعم الوكيل في أشباه البني آدمين دول

و فعلا زي ما قال فهد لو كان في البلد *** ما كانش الشخص ده عمل كده.


===========
تنبيه للعضو بالإلتزام بقواعد المنتدى

http://www.nilemotors.net/Nile/announcement.php?f=60

__________________

[أبو عبدالله]

عن أبي يعلى شداد بن أوس رضي الله عنه ،
عن رسول الله صلى الله عليه وسلم قال :
( إن الله كتب الإحسان على كل شيء ، فإذا قتلتم فأحسنوا القتلة ، وإذا ذبحتم فأحسنوا الذبح ، وليحد أحدكم شفرته ، وليرح ذبيحته )
رواه مسلم .

[Karim_Monir]

عن ابو هريرة رضي الله عنة قال
قال رسول الله صلى الله علية وسلم
ان امرأة دخلت النار في هرة ربطتها فلم تطعمها ولم تدعها تأكل من خشاش الأرض
مستوعبين
قطة دخلت انسان النار
فما بالكم بالانسان ده عقابة ايه

[Akram]

يا استاذ liquidator انت بتقول ان الراجل ده و هو بيعمل كده:
(((كان بيبصلي و هو بيرميهم و هو بيبتسم و كأن انه مش بيعمل حاجه غلط ولا حاجه)))
يعني انت كنت شايفة و عارف هو بيعمل ايه .........
طيب محاولتش تمنعه ليه؟؟؟؟؟؟؟؟؟؟؟؟؟؟؟؟؟؟

[bassam nagy]

لاحول ولاقوة الابالله
دة اكيد مختل عقليا عشان يعمل كدة ربنا ينتقم منوا

[mbluethunder]

ينهار إسود

أنا متهيألي لو انا شوفت المنظر ده كنت ممكن أرمي البني أدم ده وراهم علطول

لا حول ولا قوة إلا بالله ... حسابه عند ربنا هايكون عسير جدا جدا جدا .. ومش بعيد هايتحاسب في الدنيا قبل مايتحاسب في الآخره.. ومش بعيد وهو ماشي في الشارع ربنا يبعتله كلب ولا إتنين ما يعتقهوش لغاية مايجيبوا روحه .. ***

حسبي الله ونعم الوكيل في الأمخاخ المتخلفه ده

حسبي الله ونعم الوكيل في البشر اللي فكره الحيوانات ده مخلوقه علشان تعذبها وبس

والمشلكه إن ممكن يكون حد شافه قبل ما يعمل العمله ده وسابه .. والشخص ده هايتحاسب برده علشان مامنعشي الفعل ده

=========
تنبيه للعضو بالإلتزام بقواعد المنتدى

http://www.nilemotors.net/Nile/announcement.php?f=60

__________________

[liquidator]

يا استاذ liquidator انت بتقول ان الراجل ده و هو بيعمل كده:
(((كان بيبصلي و هو بيرميهم و هو بيبتسم و كأن انه مش بيعمل حاجه غلط ولا حاجه)))
يعني انت كنت شايفة و عارف هو بيعمل ايه .........
طيب محاولتش تمنعه ليه؟؟؟؟؟؟؟؟؟؟؟؟؟؟؟؟؟؟

أخي الكريم أنا كنت واقف في الشباك و شايفه وهو بيعمل كده .. قلتله حاسب حرام عليك .. كان الباشا للأسف رماهم و بعدين بصلي و ابتسم أوي فاقلتله حسبي الله و نعم الوكيل .. لو كان بايدي كنت ضربته بالنار من غيظي و غلي ...

[SEATLOVER]

يا باشا الكلاب غلبانة ملهاش ذنب
هو كان جاب اللى جايب الكلاب دى ..وحطة فى جردل برضو .. وطلع فوق السطح احسن من الدور السادس ورماة فى الشارع

دة التصرف السليم

هى ناقصة ازعاج اصلاً