اللي ليه في الديكور

[khaloooda]

محتااااااااااااار في الوان الريسبشن
انا الريسبشن عندي طويل طوووووووول
حوالي 9 متر في عرض 3.5 - 4 متر
عاوز الوان ظريفة وفي نفس الوقت تكسر حدة الطول ده
مع الاخذ في الاعتبار اني مش هعمل اي شغل ديكور خلاص
انا بتكلم علي الدهان
ياريت حد عنده خبرة يفيدني

[midoabdeen]

بيج
كافية
ممكن درجة راسية من الاصفر
دى الالوان اللى هاتمشى مع العفش فى الغالب لانك باردوا مقيد بلون العفش

[Medo.Malek]

هو ده ريسيبشن شركة ولا عيادة و لا بيت ولا اية ؟
عموما عندى فكرة ممكن تمشى مع كله بس هاتعتمد على اختيارك للالوان و هاتحتاج ديكور بسيط
بكل بساطة تقسم ال 9 متر دول جزئين او تلاتة يعنى تخلى اخر الريسيبشن مثلا يبقى فيه انترية او مكتب او الاتنين و تعمل حواليهم اضائة زيادة ( ده جزء )
الجزء التانى من الريسيبشن هايكون عبارة عن ورد او طرابيزات و عليها اباجورات او اى اشكال هندسة او او
الجزء التالت هاتعلق على الحيطة لوحات جميلة ( العدد الى تشوفه مناسب ) و فوق كل لوحه سبوت ( لمبة وناسة ) و ممكن تدمج الجزئين التانى و التالت مع بعض
اه نسيت اقول ان كل جزء يبقى ليه لون دهان خاص بيه و يبقى مفصول عن الجزء اللى جنبه ببرواز خشب ( معرفش اسمه ايه بصراحه )
ملحوظة انا مليش فى الديكور مجرد سرحت بخيالى و طلعت الفكرة دى :)

[i_Boy]

اعمله كله ابيض :)
وسيب حيطه اعملها كحلي
اللي هي حتعلق عليها براويز والتليفزيون حيتحط عندها
:)

[nonetta]

لون الموبيليا ايه؟

ممكن تعمل احد الحوائط اللي بالعرض مش بالطول لون غامق
وليكن طوبي او نبيتي مثلا
روح للراجل بتاع لدهانات تقول له عاوز ورنيش حوائط
بيديك ورنيش هوا شفاف وتختار شكل تعمله بالورنيش عالحيطة الغامقة بيدي شكل رائع
وممكن تعمل الحيطة بالشكل دة
والورنيش باين عالجزء الابيض والجزء الغامق

[MohssenRashed]

انا عامل عندي الجدران جراي فاتح و السقف ابيض و حيطين ورق حائط