اريد افكار جديده لموضوع اذاعى

[MoHaMed HaMeD]

السلام عليكم
ازيكم ياجماعه الموضوع باختصار انى ان شاء الله احتمال انا ومجموعه من الاصدقاء نعمل برنامج
ع احدى الاذاعات ع الانترنت وكل واحد فينا المفروض يقول شويه افكار عن رامج نقدر نقوم بها
وتكون ليها فائده ومضمون وانا بصراحه عندى شويه افكار حابب اشاركم معايا
والى عنده افكار ياريت يقوللها و اكون جزيل الشكر ليه
وده شويه من افكارى
1- عمل برامج حوارية هادفة مع فئة الشباب .

2- اختيار مواضيع نقاشية تهم فئة الشباب .

3 التنسيق مع ضيوف ومفكرين على مستوى عالي .

4- الاهتمام بطرح مسابقات جديدة لم تطرح من قبل - كمسابقات تحديات في التفكير .

[grand hand]

* برنامج يستضيف شباب المدارس الثانوية ويخليهم يعبروا عاللى جواهم ويقولوا احلامهم ومشاكلهم بكل حرية وجراة وطبيعة الفئة المستهدفة وكبر حجمها هتجذب عدد كبير جدا "فئة المراهقين".

* برنامج يستضيف ناس من اصحاب المهن البسيطة (عامل نظافة، ملمع احذية، بياع سريح ... وهكذا) وكل حلقة تاخد ساعتين عشان هتكون مساحة حرة يناقش فيها المذيع الضيف ويخليه يتكلم عن طبيعة شغلانته بكل التفاصيل والحاجات اللى بتضايقه واطرف المواقف اللى شافها وتفتحوا الاتصالات وتعيشوا واتوقع البرنامج ده يحقق شعبية جامدة، وتخلوا المستمع يختار ضيف الحلقة كل اسبوع من خلال رسايل ال sms مثلا او اى وسيلة اخرى.

* برنامج "ارخم عشر اغانى وليه" هو اسمه كده "ارخم عشر اغانى وليه" البرنامج اسبوعى يعتمد على اتصالات المستمعين واخذ اراءهم عن ارخم اغنية الاسبوع ده وليه يعنى يقول ايه اللى مش عاجبه اللحن ولا الكلمات ولا التوزيع ولا التصوير لو كان كليب وفى نفس الوقت البرنامج هيكون فرصه لاكتشاف موهوبين فى مجالات الكتابة والتلحين والنقد وبرضه هيحقق شعبية جامدة بس الاهم فى كل ده الحرية والجراة فى مناقشة الافكار والحوار مع المتصلين. ولو عايز افكار تانية قولى.

[MoHaMed HaMeD]

جميل وشكرا ليك ياريت نشارك كلنا منتظر منك اكثر