الفرق بين الطفل الأول والثاني والثالث بالنسبة للأم ...!!!

[abogogo]

كلام لذيذ ويا ريت بعد ما تقراه تقول لنا ترتيبك كام في اخواتك

.
.
... ... .
.
.
.
الملابس

الطفل الاول: تلبس هدوم الحمل من اول لما تعرف انها حامل.
الطفل الثاني: تحاول تلبس هدومها العادية لاطول فترة ممكنة.
الطفل الثالث: هدوم الحمل هي هدومها العادية اليومية.

الاعداد للطفل

الطفل الاول: كل دقيقة تغيير للطفل.. وتحاول تخلي ريحته حلوة.
الطفل الثاني: كل ثلاث ساعات.
الطفل الثالث: لما ريحته تطلع.

القلق

الطفل الاول: من اول خبطة تجري عليه و تشيله.
الطفل الثاني: تشيله لو حست ان خلاص فيه عربية حتخبطه.
الطفل الثالث: احسن..علشان تتربى... خلي العربية تدوسك.

الاكل

الطفل الاول: ترمي أى حاجة تقع على الارض.
الطفل الثاني: تغسلها بشوية مية.
الطفل الثالث: تمسحها فى هدومها وتسمى وتديهالو.

الفسح

الطفل الاول: الملاهي..المراجيح..النادي.
الطفل الثاني: زيارات.
الطفل الثالث: السوق.

الخروج

الطفل الاول: تسيبه مع أختها و تتصل تطمن عليه كل خمس دقايق.
الطفل الثاني: تسيبه مع أختها... و هي على الباب تفتكر تسيب رقم التليفون بتاع المكان اللي هي رايحاه.
الطفل الثالث: تسيبه مع أى حد.. مع تحذير بان محدش يتصل بيها إلا فى حالة يكون فى الموضوع دم.

فى البيت

الطفل الاول: كل دقيقة تتفرج على ابنها وهو نايم.
الطفل الثاني: من وقت للتاني تتاكد ان الكلب ماكلش دراع الولد.
الطفل الثالث: تستخبي منه على قد ما تقدر.

لو بلع فلوس

الطفل الاول: تطلب عمل أشعة للولد.
الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ لأ؟
الطفل الثالث: تخصمه من مصروفه

النوم

الطفل الأول بينام ف غرفة نوم الأهل .
الطفل الثاني بينام مع أخوه في غرفته.
الطفل الثالث بينام ف اى مكان ف البيت

[medododo]

جامدة هههههههههههههههههههههههههههههههههههههههههههههههههه

[dr.amr]

الاول :d

بس للاسف اللي بيحصل للاول بيحصل مع اخويا الصغير

وانا لع :)

[icehearted girl]

مش شرط علي فكرة الاولوية مش بس للأول

الاولوية كمان علي حسب النوع لو بنت وحيدة علي ولد...او ولد وحيد علي بنات

كمان الاولوية بتكون للطفل الاصغر لو في فرق كبير بينه وبين أخوه الاكبر منه

[nabaster]

مش شرط علي فكرة الاولوية مش بس للأول

الاولوية كمان علي حسب النوع لو بنت وحيدة علي ولد...او ولد وحيد علي بنات

كمان الاولوية بتكون للطفل الاصغر لو في فرق كبير بينه وبين أخوه الاكبر منه

ودايما حاساه مظلوم وسط اخواته

ودايما متصوره ان الاب والاخين الكبار وحوش عايزه دايما تنال من الملاك الصغير

متعرفش ولا وبتاخد بالها من الي بيعمله من تحت لتحت

انتي قاعده معانا في البيت ولا ايه؟؟؟

A.Yakout

[icehearted girl]

هههههههههههههههههههههه....لا بس اصل نفس حالتي :d

[yoko]

وسطاني والولد الوحيد
لأ مش فرق إحنا ال3 زي بعض بالملي
بنت أختي هي الي مدلعة دلوقتي

[icehearted girl]

جودي حبيبتي

[MNabeih]

طيب انا بقي الاول و الاخير, عاوز اقولك ان لحد دلوقتي الاهتمام بيا دوبل لأ قول تريبل كأني لسة مولود,
ربنا يخليكي ليا يا امي.
بس غاوز بردو اقولك علي حاجة انا ربنا رزقني بطفلين و توفاهم الله (الحمد لله)
التالت بقي يا اخي العزيز لو اقولك ان احنا لو نطول نحطه في صندوق مصفح عشان ما يحصلوش الهوا,
الملابس يا حلولي ناقص نجيبله من sarar واللا حاجة
البامبرز, المستورد طبعا
و لو كح بتبقي كارثة, ربنا يبارك فيه و يحفظه
و علي فكرة كمان امه (اللي هي مراتي) كانت في الطفل الاول ممكن مثلا علي الفجر لما يكون بيعيط او مش عاوز ينام تتعصب شوية بتاع, لكن في التالت (اسمه سليم علي فكرة) تقوم تتنفض لو عيط واللا ممكن تفضل تنيم فيه ساعة شايلاه و مبسوطه فعلا. و الكلام بردو بالنسبالي.
فعلا الطفل الذهبي ادعولي ربنا يباركلي فيه و يحفظه هو و اطفالنا جميعا.
تحياتي

[abogogo]

جودي حبيبتي

جودي بنتي الثانية ربنا يبارك فيها عندها سنة هي كانت ولد تقريبا والنوع اتغير على اخر لحظه انا مسميها " شبطه " حاجة كده ... جر شكل.. انما جنة اولى ابتدائي هي الصغيرة والدلع كله

طيب انا بقي الاول و الاخير, عاوز اقولك ان لحد دلوقتي الاهتمام بيا دوبل لأ قول تريبل كأني لسة مولود,
ربنا يخليكي ليا يا امي.
بس غاوز بردو اقولك علي حاجة انا ربنا رزقني بطفلين و توفاهم الله (الحمد لله)
التالت بقي يا اخي العزيز لو اقولك ان احنا لو نطول نحطه في صندوق مصفح عشان ما يحصلوش الهوا,
الملابس يا حلولي ناقص نجيبله من sarar واللا حاجة
البامبرز, المستورد طبعا
و لو كح بتبقي كارثة, ربنا يبارك فيه و يحفظه
و علي فكرة كمان امه (اللي هي مراتي) كانت في الطفل الاول ممكن مثلا علي الفجر لما يكون بيعيط او مش عاوز ينام تتعصب شوية بتاع, لكن في التالت (اسمه سليم علي فكرة) تقوم تتنفض لو عيط واللا ممكن تفضل تنيم فيه ساعة شايلاه و مبسوطه فعلا. و الكلام بردو بالنسبالي.
فعلا الطفل الذهبي ادعولي ربنا يباركلي فيه و يحفظه هو و اطفالنا جميعا.
تحياتي

ربنا يبارك فيه ويجعله بار بوالديه

[MNabeih]

ربنا يبارك فيه ويجعله بار بوالديه[/quote]
امين

[Mahmoud Mosaad]

أنا بقى التالت بس الولد الوحيد (يعني مدخلتش جيش دي للناس اللي فالجيش ) أنا كنت مدلع ومازلت برضه مدلع من والدتي ووالدي ربنا يخليهملي يا رب وأقدر أخليهم راضيين عني علطول

إياد ابني بقى مقولكوش،عنده سنتين ومراتي بتعامله على إنه بسكوته لدرجة انها مرضيتش تخليني اوديه لحلاق غير اما إشتريتله عده حلاقه كامله ومبترضاش تخليني استعملها أما بروح أحلق

[M7amD_7amDy]

طب وبالنسبة للرابع؟؟ على كلامك كده

يترمى فى الزبالة بقه :d

[nabaster]

طب وبالنسبة للرابع؟؟ على كلامك كده

يترمى فى الزبالة بقه :d

اخواته بيربوه

A.Yakout

[kar!m]

طيب انا بقي الاول و الاخير, عاوز اقولك ان لحد دلوقتي الاهتمام بيا دوبل لأ قول تريبل كأني لسة مولود,
ربنا يخليكي ليا يا امي.
بس غاوز بردو اقولك علي حاجة انا ربنا رزقني بطفلين و توفاهم الله (الحمد لله)
التالت بقي يا اخي العزيز لو اقولك ان احنا لو نطول نحطه في صندوق مصفح عشان ما يحصلوش الهوا,
الملابس يا حلولي ناقص نجيبله من sarar واللا حاجة
البامبرز, المستورد طبعا
و لو كح بتبقي كارثة, ربنا يبارك فيه و يحفظه
و علي فكرة كمان امه (اللي هي مراتي) كانت في الطفل الاول ممكن مثلا علي الفجر لما يكون بيعيط او مش عاوز ينام تتعصب شوية بتاع, لكن في التالت (اسمه سليم علي فكرة) تقوم تتنفض لو عيط واللا ممكن تفضل تنيم فيه ساعة شايلاه و مبسوطه فعلا. و الكلام بردو بالنسبالي.
فعلا الطفل الذهبي ادعولي ربنا يباركلي فيه و يحفظه هو و اطفالنا جميعا.
تحياتي

ربنا يبارك لك فيه و يحفظهولك .. و يقر عينكما به و يجعله من عباده الصالحين