مش لاقي عنوان

[MOUSTAFA_SAAD]

ربنا يسلمكم جميعا
وشكرا للسؤال .. بس النتيجة مش مؤكدة لسه
ولعلها تكون صحيحة .
أخوكم أحمد مش شايف حياته لها أي معنى
أخوكم أحمد مش عارف يعيش وسط الناس للأسف
ببساطة مش عارف أكون تقليدي زي باقي الناس الي حواليا .. حياتي صعبة عليا زيادة عن اللزوم
ومش بتكلم عن ناحية مادية .. بتكلم عن كل النواحي التانية
كل الأيام بالنسبة ليا حلقات في سلسلة طويلة الألم
مفيش متعة دايمة ,,لكن الألم دايم
مهما عملت كويس للناس , دايما بيقابلني الناس بالظلم
ظلم على شكل كلام عليا , أو سرقة مني , أو سخرية .
مرة واحد جالي باليل علشان أروح أعلق لبنته محلول في البيت , روحت معاه
وتاني يوم قال للناس إني أنا عرضت أروح أعلق المحلول لبنته في البيت علشان أعاكسها
مع إن الدوا أساسا مش من صيدليتي ........... يعني هوا جاب الدوا من بره وجالي بالليل علشان أركبه
واحد تاني .. وتالت .. ورابع
تقريبا كل أصحابي إستندلوا معايا ,مش عارف أفرح أهلي
دماغي على تردد مختلف عن البشر .. وده مش ذنبي
بعشق الوحدة علشان بكون مع الشخص الوحيد في الدنيا إلي فاهمني ... أنا
مريت بأكتر من قصة حب , وكل مرة لازم البنت يكون هدفها المظهر الإجتماعي أو المادة
جربت أنجح في حاجات كتير .. وللأسف فشلت في كل حاجة حاولتها

لو كنت أقدر أعيش في مكان معزول عن كل الناس .. كنت عملتها
بس إزاي
الموت او الحياة عندي سواء
الحياة مالهاش معنى بالنسبة ليا
أنا مش الراجل إلي ممكن يتجوز أو يدخل على مراته بكيس فاكهة وهو راجع من الشغل...أنا مش كده خالص
بحب ربنا أوي ..
كتير دعيته يرسيني على بر
بحب ربنا أوي
وبحمده على نعمته عليا ..
يعلم ربنا إني دعيته كتير يرحمني
دعيت ربنا كتير إني أحس إني كيان له قيمة .. أو يختصر عليا المشوار للنهاية المحتومة
أنا تعبان بجد
مفيش شئ في الدنيا له أهمية
ولو الموضوع ده طلع أكيد .. صدقوني هكون مبسوط

روق ياابوحميد كده امال
انا كنت حمبلى زيك كده ولقيت انها مش حتنفع ولازم تكبر دماغك شويه
الفشل فى حياتنا اكتر من النجاح ولازم تحاول دايما
سيبها على الله وان شاء الله الامور حتتظبط

[sarawe511]

تفائلو خيرا تجدوه
ان شاء الله خير
اكثر من الدعاء

[Medo007]

ربنا يسلمكم جميعا
وشكرا للسؤال .. بس النتيجة مش مؤكدة لسه
ولعلها تكون صحيحة .
أخوكم أحمد مش شايف حياته لها أي معنى
أخوكم أحمد مش عارف يعيش وسط الناس للأسف
ببساطة مش عارف أكون تقليدي زي باقي الناس الي حواليا .. حياتي صعبة عليا زيادة عن اللزوم
ومش بتكلم عن ناحية مادية .. بتكلم عن كل النواحي التانية
كل الأيام بالنسبة ليا حلقات في سلسلة طويلة الألم
مفيش متعة دايمة ,,لكن الألم دايم
مهما عملت كويس للناس , دايما بيقابلني الناس بالظلم
ظلم على شكل كلام عليا , أو سرقة مني , أو سخرية .
مرة واحد جالي باليل علشان أروح أعلق لبنته محلول في البيت , روحت معاه
وتاني يوم قال للناس إني أنا عرضت أروح أعلق المحلول لبنته في البيت علشان أعاكسها
مع إن الدوا أساسا مش من صيدليتي ........... يعني هوا جاب الدوا من بره وجالي بالليل علشان أركبه
واحد تاني .. وتالت .. ورابع
تقريبا كل أصحابي إستندلوا معايا ,مش عارف أفرح أهلي
دماغي على تردد مختلف عن البشر .. وده مش ذنبي
بعشق الوحدة علشان بكون مع الشخص الوحيد في الدنيا إلي فاهمني ... أنا
مريت بأكتر من قصة حب , وكل مرة لازم البنت يكون هدفها المظهر الإجتماعي أو المادة
جربت أنجح في حاجات كتير .. وللأسف فشلت في كل حاجة حاولتها

لو كنت أقدر أعيش في مكان معزول عن كل الناس .. كنت عملتها
بس إزاي
الموت او الحياة عندي سواء
الحياة مالهاش معنى بالنسبة ليا
أنا مش الراجل إلي ممكن يتجوز أو يدخل على مراته بكيس فاكهة وهو راجع من الشغل...أنا مش كده خالص
بحب ربنا أوي ..
كتير دعيته يرسيني على بر
بحب ربنا أوي
وبحمده على نعمته عليا ..
يعلم ربنا إني دعيته كتير يرحمني
دعيت ربنا كتير إني أحس إني كيان له قيمة .. أو يختصر عليا المشوار للنهاية المحتومة
أنا تعبان بجد
مفيش شئ في الدنيا له أهمية
ولو الموضوع ده طلع أكيد .. صدقوني هكون مبسوط

الف سلامة عليك ياباشا وان شاء الله هتبقى تمام التمام
كل واحد مهموم والله وفيه اللى مكفيه
كل شخص لازم يبقى عنده مشاكل هيا الدنيا كده
مفيش حد مرتاح (خلق الانسان في كبد)

وان شاء الله الاشعة تطلع غلط مية في المية كمان وساعتها هتبقى مبسوط
حرام بجد تقول لو طلعت كده هبقى مبسوط . بعد الشر عنك ان شاء الله


على فكرة انا كنت في مقابلة اسكندرية اللى قبل اللى فاتت من سنة وشوية
وكنت عايز اكلمك بس خفت تضربني ولا حاجة هههههههههههههه
اصلك كنت مع 3 من صحابك تقريبا ومش معانا طول اليوم

[Akram]

انت مشكلتك ان مفيش هدف ليك ,
تعرف لو ارتبطت و ربنا رزقك بأولاد ,
أعتقد انك هتشوف الدنيا بشكل مختلف ,
و ممكن تعمل حاجة كمان ,
تعمل عمرة ,
.

[A7MED_PHARMA]

وحتى الهدف
مفيش أي هدف حتى له معنى
يعني إيه معنى إنك يكون معاك بكالوريوس في العلوم الصيدلية ..إيه معنى إن يكون معاك عربية
إيه معنى أي حاجة في الدنيا
مفيش شئ في الدنيا مهم ولا له أهمية ..

[nicegypt]

وحتى الهدف
مفيش أي هدف حتى له معنى
يعني إيه معنى إنك يكون معاك بكالوريوس في العلوم الصيدلية ..إيه معنى إن يكون معاك عربية
إيه معنى أي حاجة في الدنيا
مفيش شئ في الدنيا مهم ولا له أهمية ..

لا يا احمد فية حاجات مهمة كتيييييييير
اول حاجة انت محتاج تفضفض
تانى حاجة فضي لى نفسك يوم بس
يا اجي لك يا تجي لى يأما مكان محايد
اللى يعجبك .. هكحرتك ههههههه

[Medicalist]

يا باشا انا مش عارف ليه انت اصلا عملت الاندوسكوب
مين الى قالك تعمله واستحملته ازاى ؟
ثانيا الماس دى الوصف بتاعها مش وصف محترم يعنى لا قال شكلها ايه ولا حجمها اد ايه ما ممكن تكون شويه gastritis
رأيى تعيد المنظار تانى عند حد محترم و تعرض عليه التقرير القديم
وموضوع الاورام ده انا مستبعده تماما والمفروض لو فعلا فيه الى الدكتور الولانى شافه كان خد biobsy
لو عايز تيجى المنصوره و نعملك منظار فى الجامعه انا تحت امرك وهكون معاك
بالنسبه للحموضه ممكن يكون سببها helicobacter باكتيريا ومش هترتاح الا لما تاخد ال triple therapy زى ال helicure بس هو قايل فى المنظار الاولانى انه فيه التهابات فالمفروض تمشى على proton pump محترم وغالى لمده شهر على الاقل مع حاجه prokinetic قبل الاكل
مع ممنوع منعا باتا
السجاير
الشاى
القهوه
الشيكولاته
المسبكات والفاستفودز والمقليات والحاجات الحاره
والمسكنات بانواعها

[أبو صلاح]

أحمد بجد انت لازم تفكر في الجواز
والله ساعتها هتحس ان حياتك بقى ليها هدف وقيمة مختلفة

[misoalex]

ألف سلامه عليك يا أبو حميد وإن شاء الله ربنا يعافيك

[DR/WAFEK]

تقرير الـــ upper git endoscopy
كالأتي

complaint:Epigatsric pain ,repeated vomiting,heart burn,anorexia
case history: The condition started ayear earlier...moderate smoker..caffeine drinker
Clinical examination: Epi-gastric tenderness
Pre-medication:Rantidine 150+300...Omeprazole...Testosterone250mg
Oesophagus: Moderate cardiac incomoetence with GERD Grade I..Grade II
No eosophageal varix
Slightly increased mucous Secretion
Stomach: Severe corporal and pre-pyloric Gastritis
Cellular mass of tumour cell well diagnosed(further exam. required)..
Pyloric: Rounded , Regular ,reactive
Duodenum:Free down to the second part

الف سلامه عليك وان شاء الله يطلع غلط ومتبقاش متشائم تفائلوا بالخير تجدوه وخلى هدفك فى الحياه انك تقرب من ربنا اكتر واعمل لدنياك كانك تعيش ابدا واعمل لاخرتك كانك تموت غدا وفعلا لو اتجوزت حتلاقى اتخلقلك اهداف كتير فى حياتك وبالنسبه للتقرير المفروض لو فى mass تبين حجمه ومكانه وشكله عامل ازاى ولكن ده تقرير مايع مش دقيق اتمنى يكون غلط

[MOUSTAFA_SAAD]

وحتى الهدف
مفيش أي هدف حتى له معنى
يعني إيه معنى إنك يكون معاك بكالوريوس في العلوم الصيدلية ..إيه معنى إن يكون معاك عربية
إيه معنى أي حاجة في الدنيا
مفيش شئ في الدنيا مهم ولا له أهمية ..

احمد
انا حاسس ان الموضوع مش موضوع تحليل وبس رغم ان الصحه اهم حاجه عند الواحد وانا عن نفسى ببقى مرعوب وانا داخل عند دكتور
بس شاكلك كنت خاطب من قريب والموضوع باظ او كنت بتحب واحده والقصه مكملتشى
اتمنى يكون تحليلى غلط لان مش المفروض حاجه زى دية تزعلك وتحبطك بالمنظر ده

[MaZaGAngeE]

فارما باشا
الف سلامة عليك .... بس المبايض دي بتكون عند الستات بس .. و لا موجودة عندنا كمان ؟

المرض في الأغلب بيكون بسبب الحالة النفسية السيئة و ده واضح جدا في كلامك و ده عكس المعروف عنك ...
لازم تطلع الأول من الحالة السيئة دي ....

شوف انت ربنا ادالك ايه و حرمك من ايه ............... و قارن ده بواحد تاني من أغلبية الناس ...
هتلاقي ربنا اداك نعم كتير تستحق انك تكون مبسوط و سعيد بيها ..... أكتر بكتير من اللي انت محروم منه اللي انت زعلان عليه .

و لازم تتجوز قريب جدا جدا لأن الزواج ( مع ان الستات تقصر العمر ) ليه ميزة مهمة جدا هيه انك بيكون ليك هدف تكون اسرة و تجيب اولاد و تربيهم عشان يكونوا اعضاء صالحين في المجتمع ( و في المنتدى كمان ) .

و من تجربتي البسيطة المتواضعه أقولك .... كل ما فشلت كل ما أخدت خبرة أكتر كل ما عرفت أكتر كل معدل الفشل بيقل في المحاولة التالية كل ما فرزت المجتمع من حواليك و عرفت مين بيعرفك عشان شخصك و مين بيعرفك عشان سبوبة و لا مصلحة ....
و بالتأكيد هتنجح و توصل للحاجة اللي انت عايزها لما ربنا يسهلك الأمور ...

بس لازم تكون متفائل و تشوف الجانب الحلو في الدنيا ..... اياك تشوف السلبيات و تقف عندها لو الناس عملت كده هتلاقي الأغلبية تنتحر من القهرة

[nonia]

الف سلامة عليك

[A7MED_PHARMA]

تفائل إيه ياشباب
مفيش حاجة عدلة بتعدي ع الواحد في اليوم
بداية من التعامل مع العقول المتخلفة + الشغل المتقلب + التعب في شغلانة مقرفة والمقابل مش مناسب للتعب + مفيش حاجة بتبسط في أي حاجة
+ الخوف من بكره والكبر في السن
يعني مثلا
أنا خايف من سن الشيخوخة جدااا علشان دي مصير محتوم مفيش منه مفر إلا الموت
لما تشوف ممثل (كمثال) زي كريم عبدالعزيز
كان من وقت قليل شاب صغير , وفجأة في أخر فيلم ليه ظهرت عليه علامات الكبر في السن
انا بقول مثلا علشان محدش يتهمني بالتفاهه

عمري الي بيعدي بسرعة رهيبة .. حاجات إمبارح كنت تقدر تعملها , دلوقتي لأ مستحيل
من كام سنة (زي أي شاب ذكر) كنت أشوف بنوتة في ثانوي , كنت أتفرج على جمالها(مثلا)
دلوقتي أتكسف من نفسي(كراجل عجوز) لو بصيت لبنت حتى لو في الجامعة
إبن عمتي من نفس سني , النهاردة كانت شبكته
عروسته اصغر منه بـــ 9 سنين
هو 28 سنة , وهي ماكملتش الـــ 19 سنة
الناس فرحانة وهو فرحان والبنت فرحانة .. أنا واقف شايف الوضع(حسب دماغي) سخيف جدااا
البنت بالنسبة له عيلة صغيرة
قصدي من الكلام ده
إني كبرت
ومش لاقي فايدة من أي حاجة في الدنيا
والهدف الوحيد في الحياة .. إنك ماتغلطش كتير علشان ميزانك مايتقلش عليك في أخرتك
غير كده... كل حاجة في الحياة وقتية
يعني لما تكون مثلا دكتور ومحترم وسط الناس ,هتفيدك بإيه لما مثلا تكون مريض بمرض صعب
تفيد بإيه لو كنت وسيم أو عندك إمكانيات مادية .. وإنت مش قادر تعيش وسط الناس

نفسي أرررررررررغي وأطلع كل الي جوايا

[احمد ابراهيم]

اولا الف سلامة عليك و ربنا يشفيك و يعافيك
ثانيا بقى شوف يوم تكون فاضى فيه و نتقابل