الوجه الاخر للحب (الزوااااااج)

[ahmed crash]

ازيكم يا احلى اعضاء

طبعا نفسكو تعرفو يعني ايه الوجه الاخر للحب وليه يعني هو الجواز

تخيلو معايا كده بقى ....

بعد قصة حب عنيييييييفة في فتره الجامعه مليااانه بالتجارب الكبيرة والكتيره والمؤثرة الي بتعرفنا فعلا شخصية الي قدمنا في المواقف الصعبه زي خروجة الساقيه ولا كوستا كافيه ورحلة العين

السخنه ولا اسكندرية ومطروح وقعدتكو مع بعض في الجامعه وكلام الناس عليكم .. وخناقتك مع الواد زميلها حمبوزو

وزميلتها عنايات وصحبتها فتكات وامها عطيات وابوها عفيفي

وبقى يا بابا انا بحبها ومش عايز غيرها .. يا ماما متقوليش عليها كده دي توأم روحي وحب حياتي وحلمي الاول والاخير

ودي الي عايز اكمل معاها بقيت حياتي واموت وانا بين ايديها وكلام الافلام الهندي الي كلنا عارفينه

تخيل بقى ربنا كرمكو بقى واتجوزتو وفرح بقى وهيصه وانت يا عم مين قدك اخدت الي بتحبها ومش عارف ايه وانت يا عيني مدريان بالمصيبه الي وقعت فيها

ولا الكارثه الي جيالك .. قاعد توزع ابتسامات على الي تعرفو ومتعرفوش وعدى 3 ايام العسل ( اصل الدنيا غليت اوي ومبقاش فيه شهر عسل خلوها 3 ايام بس (سنه يعني)

وقول مثلا كده بعد اسبوعين دلع بقى في البيت

واول يوم شغل ليك بقى .. يعني اول يوم في حياتك الروتينيه النكديه الي منيله ومطينه بطين

تيجي قبل الشغل بليل .. حبيبتي ممكن تغسليلي البدله الي انا لسه جايبها جديد عايزها تبقى على سنجة عشرة بكره بقى الزملة هيشوفوني بعد الجواز وعايز ابقى متلمع وبنور

عنيا يا حبيبي طبعا ده الرد الطبيعي في الفتره دي .. وتصحى الصبح تلقى صانية الفطار جاهزة ومترستاه تقول بس اوعى يا واد يا حرنكش حبيبيتك هتدلعك في الاكل طالما الفطار متظبط يبقى الغدا هيبقى 5 نجوم

فين يا حبيبتي البدله عشان الحق البس .. تلاقي وشها جاب الوان وراحت مقربالك وبصوت رقيق بقى وطفولي حبيبي انا غسلتها غلط والبدله باظت وبهتت

وطبعا هي متعرفش ان البدله دي ان طلع عينك عما جبتها ويكون في الغالب سعرها مش اقل من 2000 جنيه

بس مش مشكله يا سيدي حب حياتك ولسه يعين في الاول عدي عشان الحياه تحلو ... ولا يهمك يا حياتي فداكي الف بدله

وتروح الشغل بقميص وبنطلون عاديين .. وتاخدلك كام كلمة كده من الكلام القرعه ايه الشياكه ايه النضافه ايه مش عارف ايه على كام كلمة قر وانت طبعا فرحان بنفسك ويا ارض اتهدي مين الوقتي قدي

خلصت يوم الشغل المتعب والطويل ترجع البيت وطول الوقت وانت راجع بتفكر مراتي حبيبتي طبخالي ايه النهرده اكييد اكييد هتظبطني

تفتح الباب تدخل ريحة شياااط

حبيبتي ايه ريحة الشياط دي هو فيه حاجه اتحرقت .. حبيبي انت رجعت حمدلله على سلامتك وحشتني .. بقى كده 8 ساعات سايبني لوحدي .. طبعا انت بطنك على اخرها بتصوصو وهتقلها كام كلمة حلوة من تحت المعده عشان تخلص

طبخلنا ايه النهرده بقى يا حبيبتي .. نفس الصوت الطفولي والنظرة السحريه .. كنت عملالك طاجن بامية باللحمه ورز بالفريك وشوربة خضار وبط ... طبعا انت مسمعتش من كل ده غير كلمت كنت تروح رادد يعني ايه كنت

اصلي يا حبيبي البوتجاز جديد وانا مش متعوده عليه (قال يعني) والاكل اتحرق .. معلش اطلب دليفرش النهرده بقى ولا اقلك تعالى نخرج نتغدى بره .. وطبعا انت مهدود وطالع عينك في الشغل ويا فرحة ما تمت بس هتقولها ايه دي لسه في الاول غصب عنك هتخرجها

هتقولها فداكي يا روحي ميت اكله عل الفين بوتجاز المهم متزعليش نفسك .. وانت من جواك قلبك حارقك على البط

خرجت وطفحت بالهنا اولشفا ورجعت .. ولقيت ماتش بقى يعني فشارك وشايك وشبسيك بقى وروقانك

يا حبيبتي اعمليلي فشار وكوباية شاي كده من ايديكي الي عايزين الاكل .. من عنيا يا حبيبي هوااا

وتروح تعملك الشاي الاول وبعد عشر دقايق عقبال ما طلعت الكوبايات من النيش الي مليان الف كوبايه وطبعا الي هتستخدمهم فوووووووق خااالص والباقي للفرجة

وعملتلك الشاي والسكر لوحده بقى وصانية واشغل ده وجايالك تاته تاته اصلها مش متعوده على الطريق في الشقه الجديده انها تمشي فيه بصانية استحمل بقى

ووصلت الحمدلله وبتنزلك الشاي هووووووب بقدرة قادر الصانية فطت من ايديها والشاي اتكب والسكر وقع على الارض

حبيبتي حصلك حاجه خير خير انشالله .. لا يا حبيبي انا كويسه انا بجد سوري اني وقعت الشاي انا مش عارفه ازاي حصل ده

ولا يهمك يا حبيبتي يا مراتي فداكي الف كوبايه شاي على طن سكر اعمليلي الفشار ويبقى تمام كده

حاضر يا حبيبي هوااا

وطبعا المدام مبتعرفش تعمل فشار .. الو ازيك يا ماما اعمل الفشار ازاي .. ايوة انهي حاله الي ايديها خضرا ولا زرقا ايوة .. وهاتك بقى يا رغي وبعد نص ساعه من النص ساعه الي عدو اصلا وصلك الفشار

يكون الماتش خلص والحكم روح بيته كمان .. طبعا هتقول ايه معلش لسه عروسه وبعدين دي حبيبتك يا اخي استحمل بقى

هي تقلك ايه ده هو الماتش خلص يااااااه دنا عملت الفشار ... طبعا انت عايز ترد رد وحش بس عييب انت لسه في الاول .. ولا يهمك يا حبيبتي هاتيته وتعالي نتفرج على فيلم

طبعا هتقعد تقلب تقلب لحد ما هتلاقي فيلم ياددوب اتفرجت عليه 30 مره بس وده اقل واحد في الفرجه هتجيبه وتقعد تضحك وتعيط وتبتسم وتتنطط كانك اول مره تشوفه .. يعني عشان قال ايه بتتفرج معاها على الفيلم وعايش اللحظة

خلص الفيلم بس اليوم لسه مخلصش .. اصل الايام الي زي دي الوقت فيها بيبقى فيه بركه حبيبي معلش انا كنت عايزة كام حاجه من بره ضروري ونسيت اقلك عليهم ولسه فاكره الوقتي

طبعا انت نفسك تقولها متنزلي يا روح طنط تجبيهم انتي بس عيييب انت لسه في الاول .. تقلها اكتبيهوملي في ورقة يا عمري وانا طياره هجيبهملك .. انتي تامري بس .. هي لا اكتبهملك على ايه دول كام حاجه بس هتقدر تحفظهم ... بص عايزة علب مناديل ومقشة ومساحه ومسحوق غسيل وفرختين و كيلو طماطم وكيلو خيار للسلطه بكرة وقزازة بيبسي وعصير عشان الضيوف لما يجو و خل وكيس مح و هوهوز اصلي بحبه

طبعا انت هتقعد متنح شوية .. ومخك هيروح لبعييييييييييييييد وقلبك بيترقص يا حلاوة الحجات القليله يا حلاوة .. لا يا حبيبتي انا ذاكرتي ضعيفه جداا ثواني اجيب ورقة وقلم اكتبهم عشان افتكر .. وانت رايح تجيبهم بتدعي ان ايدك تتشل ولا رجلك تتقطع عشان الحجات الي انت نازل تجيبها دي

بس برضه عيييييب انت لسه في الاول .. ويا حبيبتي حضرلنا العشا عقبال اما اجي بقى .. حاضر يا حبيبي هعملك عشا انما ايه تاكل صوابعك وراه ( قال كان بط يعني )

وتنزل وتقعد تلف زي صبي الدليفري تجيب الحجات يا عيني عليك وكله باسم الحب

وترجع وانت بقى عامل حسابك على عشا ايه جهنمي .. بس يا فرحة ما تمت

تحط الكيس وايه ده دي نفس صانية الفطار وايه ده نفس الاصناف بس الي ناقصه حاجه اتزودت بس

يلا يا حبيبي بالهنا والشفا عما اروح اخد فمين هدوم كده ( طبعا تراكمات 3 ايام العسل) قال يعني

انت طبعا قاعد مش مصدق ونفسك بجد تاكل صوابعك قبل ما تعمل جريمة في البيت

وفجاه حبيبي معندكش حاجه تتكوي .. وانت بتاكل والجوع بقى لاهيك عن مصايبك دي .. اه يا حبيبتي القميص اللبني عندك اكويه كويس وظبطيه عشان ده لوني المفضل انتي عارفه

طبعا يا قلبي عارفه من ايام اول فالنتاين ... وشوية تخلص اكل تدخل الاوضه .. تلاقي واحده ياتيمه قاعده .. مالك يا حبيتي ايه الي مزعلك .. تبصلك نفس البصه الطفوليه بنفس الملامح الساحره .. القميص اتحرق وانا مش عارفه حصل كده ازاي الماكوة جديده ومبفهمش فيها .. طبعا انت هتعمل ايه هتهديها ... بس من جواك نفسك تجيب المكوة دي وتكويها بيها

وتقلها ولا يهمك يا روحي روحي روحي فداكي مصنع قمصان متزعليش نفسك .. وتصالحها بقى وهي طبعا بتنسى علاطول اصل الحجات الوحشه دي الي بتعملها لازم تتنسي ( عشان هي الي عملاها ) لكن لو حضرتك عوجت الشرشوبة بتاعت السجاده يا ويلك يا ظلام ليلك

وهتتجه للنوم وهو المفر الوحيد انك توقف مخك عن التفكير في الي حصل ولو لدقيقه مع انك متاكد انك هتحلم بالي حصل ومش هيسيبك في حالك

تخيلو بقى لو نفس الوضع الماسوي ده اتكرر بعدها لمدة اسبوعين مثلا .. السؤال بقى هتستحمل ده ؟؟ ولا ؟؟؟؟

ومحدش يقلي مبيحصلش الكلام ده .. اقلك والله يا حج بنات الايام دي عووووكل مبتعرفش تعمل غير ان صوابعها بتطيير طيران يا على كيبورد الكمبيوتر يا على كيبورد البيري ده لو عندها ووحياتك لو معاها موبايل بشاشه خضراا هتشيت احلى شات بيه كمان

انا ممرتش بالحوار ده الحمدلله وانا لسه متعقدتش بس على وشك من الي بشوفه يعني ههههههههههه وانا الحمدلله عندي 20 سنه ولسه متخبلتش ومتجننتش عقلي لسه في الكارتونه بتاعته وبالضمان

انا مش عارف جه الموضوع ده على بالي كده وقلت اشاركو بيه اما اشوف رد الفعل .. مع احترامي لكل بنت اهلها مشغلنها سيده في البييت ودي ارفعلها القبعه انها هتبقى ست بيت .. بس للاسف بقو ندره الوقتي

كان معكم ahmed crash

[icehearted girl]

هههههههههههههههههههههههههههههههه ..حلو اوي الموضوع دا

[korkor]

ايه ياعم اليوم الطويل اوى ده وفيه فطار وغذاء وعشاء كمان

[bmw323]

مين عندة الصبر دا كلة قلبك أبيض دا لو كدا أنا مينفعش أتجوز خالص بس الأحداث over :D

[sara2001]

هههههههههههههههههههههههه
ده حقيقي جدا وبيحصل بس مش بيستمر اسبوع واحد
بيستمر كتييييييييييييييييييييييييير
وبعدين في حاجه غلط في الموضوع
البدله مش بتتغسل في البيت ........ بتروح المغسله تتنضف وهما بينسوها هناك

[elmkaneeki]

هو الى جابو لنفسه

[wesam_salom]

انت بتحلم انك تعيش فى السعاده دى
اللى انت بتقوله والمشاكل الهايفه دى الحلم اللى ممكن تحلمه قيل ما تصحى على الحقيقه

[M7amD_7amDy]

ههههههههههههههههههههههه معلم

[ahmed crash]

هههههههههههههههههههههههههههههههه ..حلو اوي الموضوع دا

ربنا يخليييييك يارب ونورته والله

ايه ياعم اليوم الطويل اوى ده وفيه فطار وغذاء وعشاء كمان

هههههههههههههههههههه كعلش عشان لسه في الجوزا جداد انت عارف بقى الاسراف لاي بيحصل في الاول

مين عندة الصبر دا كلة قلبك أبيض دا لو كدا أنا مينفعش أتجوز خالص بس الأحداث over :D

ههههههههههههههههههههه لا فيه والله ناس كده

هههههههههههههههههههههههه
ده حقيقي جدا وبيحصل بس مش بيستمر اسبوع واحد
بيستمر كتييييييييييييييييييييييييير
وبعدين في حاجه غلط في الموضوع
البدله مش بتتغسل في البيت ........ بتروح المغسله تتنضف وهما بينسوها هناك

(وشهد شاهدا من اهلها) ههههههههههههههههه يعني الحمدلله وانا الي مفكر نفسي ببالغ .. قااابل يا باشا ... لا مهما بقى بيحاولو يغسلوها عشان لسه ميعرفوش انها في المغسله ومن بابا التوفير بقى قال يعني

هو الى جابو لنفسه

ههههههه بالظببببط دي الخلاااااااصه

انت بتحلم انك تعيش فى السعاده دى
اللى انت بتقوله والمشاكل الهايفه دى الحلم اللى ممكن تحلمه قيل ما تصحى على الحقيقه

ههههههههههههههههههه ربنا يبشرررررك يا معلم ياااارب ههههههههه

ههههههههههههههههههههههه معلم

ربنا يخلييييييييك يا باشاااا








بجد الف شكر لكل واحد قرا الموضوع وكتبلي كلمة شجعتني

[alfath8]

ايه يا عم احمد العقد دى ده انا اقعد فى بيتى بلا جواز بلا فقر

[M.Alaa92]

خراب يا جووووواز عمار يا دماغى :)

يعنى ادفع الفلوس دى كلها شبكة و مهر و قايمة و شقة ...الخ و اخسر قميصى و بدلتى و راحة بالى!!! ع اية يعنى ؟؟؟

[nonetta]

هههههههههههه هوا في بدلة بتتغسل في البيت بردو
حتى لو بدلة من بتوع كارفور ام 100 جنيه اللي بدلتين وعليهم بدلة

وبعدين هوا مفيش اي جانب مشرق خالص في الموضوع

المفروض الشاب قبل ما يتجوز يعمل للعروسة كشف هيئة وامتحان عملي لكل المهام المنزلية

ربنا يخليكي ليا يا ماما ويديكي الصحة
لما كانت تنده لي عشان اتعلم حاجة
انا ارفض واقول لها عارفة والله كل حاجة
كانت تقول لي
اما تتجوزي هتفضحينا
هههههههههه
بس الحمدلله رفعت راسها

[ahmed crash]

ايه يا عم احمد العقد دى ده انا اقعد فى بيتى بلا جواز بلا فقر

ههههههههههههههههه انا بقول كده برضه ههههههههههههه

خراب يا جووووواز عمار يا دماغى :)

يعنى ادفع الفلوس دى كلها شبكة و مهر و قايمة و شقة ...الخ و اخسر قميصى و بدلتى و راحة بالى!!! ع اية يعنى ؟؟؟

ههههههههههه نفس مبدا بلا وجع قلب وجيب ياراجل

هههههههههههه هوا في بدلة بتتغسل في البيت بردو
حتى لو بدلة من بتوع كارفور ام 100 جنيه اللي بدلتين وعليهم بدلة

وبعدين هوا مفيش اي جانب مشرق خالص في الموضوع

المفروض الشاب قبل ما يتجوز يعمل للعروسة كشف هيئة وامتحان عملي لكل المهام المنزلية

ربنا يخليكي ليا يا ماما ويديكي الصحة
لما كانت تنده لي عشان اتعلم حاجة
انا ارفض واقول لها عارفة والله كل حاجة
كانت تقول لي
اما تتجوزي هتفضحينا
هههههههههه
بس الحمدلله رفعت راسها

هههههههههههههه لا مهو بقى ميعرفش وهي برضه نماشالله خبره في الموضوع عشان كده وافقته على كلامه ... ممكن الست الوالده تفتح مدرسة تعليم وانا اول احد هيدعم المشروع ده ههههههههههههههههههه

[MNabeih]

هههههه, حلوة
بس لازم نقول بردو ان في بنات فراودة و يشيلوا بيت بصباعهم الصغير

[ahmed crash]

هههههه, حلوة
بس لازم نقول بردو ان في بنات فراودة و يشيلوا بيت بصباعهم الصغير

ايووووووووة انا عايز من الي بيبقو ليبرو في البيت دول .. باصيلييييييي هههههههه هو فيه فعلا بس يعني عاملين زي البرد في عز الصيف حاول تفهمها بقى