رجاً رشحولي غسالة فوق اتوماتيك وسخان غاز

[cupid]

اخواني ياريت ترشحولي غسالة فوق اتوماتيك وسخان غاز
انا امكانياتي في الغسالة 1600 جنية
واللي متاح في السعر ده غسالتين
1- توشيبا 8 كيلو مكونات مصري تجميع مصري توشيبا العربي طبعا
بارد بس مفيهاش واصله للسخن اللي فيها السخن ابتداًمن ال10 كيلو وامكانياتي طبعا متسمحش
السعر : 1555

2- يونفرسال 9 كيلو مكونات ايطالي تجميع مصري
بارد وسخن واعتقد موضوع السخن ده مهم
السعر : 1625
ــــــــــــــــــــــــــــــــــــــــــــــــــ ـــــــــــــ
الجزء الثاني السخان الغاز
1- اوليمبك 10 لتر ضمان 5 سنوات
السعر : 640

2- يونفرسال 10 لتر ضمان 3سنوات
السعر : 700

[Ahmed A Rahman]

مش حتكلم على الغسالة حتكلم على السخان


بلااااااااااااااااااااااااااش يونيفرسال لو حضرتك في دور عالي بعد الثالث او ضغط الميا ضعيف
عشان ليا معاه مآسي

http://www.nilemotors.net/Nile/202593-a.html

[أبو عبدالله]

بس من الأخر وحاول توفر الفارق لأن مش هتندم ان شاء الله
لازم تجيب التوشيبا بجد حرام تجيب غيرها والله وعن تجربة
اما بخصوص السخان ولا يونيفرسال ولا اولمبيك شوف حضرتك في شارع عبد العزيز سخانات اريستون الأيطالي وانساها بجد محترمه جدا جدا وعن تجارب اكتر من 20 سنه

[cupid]

بس من الأخر وحاول توفر الفارق لأن مش هتندم ان شاء الله
لازم تجيب التوشيبا بجد حرام تجيب غيرها والله وعن تجربة
اما بخصوص السخان ولا يونيفرسال ولا اولمبيك شوف حضرتك في شارع عبد العزيز سخانات اريستون الأيطالي وانساها بجد محترمه جدا جدا وعن تجارب اكتر من 20 سنه

*بس التوشيبا مفيهاش وصلة للسخن
*الاريستون سعرة تقريبا كام وهل فية توكيل كويس عشان الصيانة

[friendship7897]

أنا أرشح لك منتجات إيديال أو أوليمبيك - لأن الشركة دي أتباعت لشركة أجنبية وأكيد خدماتها هتتظبت ومنتجاتها كمان هتكون أحسن - وأنا سألت عن السخان الغاز أوليمبيك على 19999 والتوصيل مجاناً 660ج - وفي شارع عبد العزيز 640ج .
وسخان إيديال ديجيتال 10 لتر 595ج (19999) وفي شارع عبد العزيز 590ج - يعني اللي هتوفره في ش عبد العزيز هتحطه في البنزين ولا العربية اللي هتنقل المنتجات .
وبالنسبة للغسالة أنا عندي من 12 سنة الغسالة الأوتوماتيك إيديال والحمد لله شغاله كويس رغم إني عزلت مرتين وأنا بنفسي ركبتها ومن غير مركز خدمة.

[medododo]

نصيحة لوجه الله ابعد عن غسالة مفهاش سخن هتندم بعد كده

[MOSHAKS]

انا جبت من شهرين سخان كهربا اوليمبيك الكتريك الاسطوانى ده 35 لتر ب420 جنيه وكان فيه موديل بيضاوى بس فيه ساعة حرارة ديجيتل ب640 جنيه و30 لتر بس قولت يواد كبر دماغك هو انا هتمنظر بيه ده فى الحمام وخدت 5 لتر زيادة وفلوس اقل كمان

[elpasha1]

مش حتكلم على الغسالة حتكلم على السخان


بلااااااااااااااااااااااااااش يونيفرسال لو حضرتك في دور عالي بعد الثالث او ضغط الميا ضعيف
عشان ليا معاه مآسي

http://www.nilemotors.net/Nile/202593-a.html

+1111111111111111111
ممكن سخان الايديال كويس جدا

[A.Saad]

يونيفرسال حاليا هتحاول تحسن خدمة العملا ومتوقع انها تكون كويسة فى خلال 5 شهور


الغسالة التوشيبا
ممكن تعمل خلاط للمياة تاخد منه سخن وساقع
بس المشكلة عندك ازاى تظبط الحرارة
ومدام نور القمر عملت كدة وليها عدة مشاركات عن الغسالة التوشيبا حاول تحث عنها

[cupid]

شكلها كده هترسي علي التوشيبا والمياه السخنة نضفها يدوي

[mohammedabdallh]

الغساله هات توشيبا والميه السخنه من السخان وخلاص
اما السخان
الاتنين عندى فى البيت والاتنين شغالين كويس جدا

[ابو سيف]

بص هوا مش عن تجربه شخصيه هوا عن تجربه احد الاصدقاء المقربين جرب التوشيبا و جرب الفريش و قال الفريش برقبتها و صيانه ممتازة !!!! لدرجه ان اخواته كلهم و والدته اشتروا الفوق اوتوماتيك الفريش بيقولي عليها فوق الممتازة

بالتوفيق ان شاء الله

[MOUSTAFA_SAAD]

ياجماعه ايه الفوق اوتوماتيك دية
هى زى الاوتوماتيك العاديه بتاعتنا ولا حاجه تانيه

[member]

أرشح التوشيبا يا باشا وحط خلاط بارد/سخن زي مانا عامل وزي ما الأعضاء وضحوا

[hani945]

ياجماعه ايه الفوق اوتوماتيك دية
هى زى الاوتوماتيك العاديه بتاعتنا ولا حاجه تانيه

غسالة اوتوماتيك بس الباب بتاعها من فوق وتعمل على اى ضغط مياه وبالمسحوق العادى