ازى تخترق ايميل فيس بوك ؟...!!!!

[abogogo]

في البداية ,, أنا بقول الموضوع ده للفائدة بس .....
وياريت ما حدش يستخدمه ف ضرر حد ... لأن زى ما انت تستخدمه مع صديقك .. ممكن حد ثاني يستخدم الطريقة معاك

يا جماعة بالله عليكم ... أنا بعلمكم الطريقة دى لتستخدمها مع حد بيزعجك او بيئذيك ...

بس قبل ما اقول الطريقة ... اقرأ العبارة دى...

(( أقسم وأتعهد أنني لن أضر أحدا من أصدقائي او من المسلمين والمسيحيين في بلدي مصر .....ولن استخدمها الا ضد اليهود او الكفار ... ولن أتجسس على معلوماتهم ))

ههههههههههههه......انت اقسمت خلاص يا حلو.......وبعد ما أقسمت ... انا دلوقتى واثق فيك

الخطوات :

1. أولا أرسل إيميل إلى صديقك - بحيث أنه لا بد أن يرد عليك بإيميل ، مثل أن تسأله سؤال ، فتجبره أنه يجيب .

2. بعد استلامك الرسالة التي أرسلها صديقك ... اضغط على زر replay

وبعد كدا

3. أكتب نص هذا الملف " habraa kadabraa "

انسخه احسن

4. أرسل هذا الملف إلى صديقك

5 . ثم . .

. . .

. .

:
:

. . .

. .

اذهب إلى بيت الشخص ده اللي انته عاوز تسرق ايميلو أنت ومعاك اربعة بلطجيه مأجرهم وتلبسوا شرابات فليه في دماغتكم وتكونوا متلثمين
وخليهم يمسكوه كويس......بس اوع يفلت ... وافضل اضرب فيه بشومه على ظهره........لازم شومة مينفعش عصاية مكنسة
واسأله .. الباسورد ايه يااااااااااااااد؟؟؟ ؟؟!!.. وزيد عليه الضرب ... لما تطلع سلسفينو.... هاااااااااااا الباسورد ايه ياااااااااااااااااااااااااااااد؟؟؟ لحد ما يعترف ويقولك الباسوورد !!..

6. اكتب الباسوورد وادخل على ايميله واتجسس عليه براحتك يا معلم


ملحوظة " الشتيمة بتلف تلف وترجع لصاحبها "

[MOSHAKS]

ياريت تبعتلى عنوانك علشان اجى ازورك ومعايا 4 بلطجية اقصد اصدقاء يعنى ههههههههههههههههه

[i_Boy]

تييييييييييييت
ههههههههههههههههههه
مش حرد عليك

[ahmed crash]

اوباااا انت محرض على الفتنه ... والسرقه حراااااااامي .. بلطجيه انت فلووووووول .. تجسس انت اسرائيلي ... هدبرا كدبرااا انت مشعووووووذ ولازم نقيم عليك الحد


هههههههههه شفت بقى اقدر البسك كام قضية لحد الوقتي ههههههههههههه

[mr_vampire]

طب ماتشوفلنا طريقة نعرف بيها عنوانه مادام مكتبش عنوانه .

والكاظمون الغيظظظظظظظظظظظظظظ.

[Eslam.Elrefaey]

habraa kadabraa

[nonetta]

تصدق انا قريت العنوان وكنت داخلة اقول لك كلمتين وعظ
وحرام واتق الله والذي منه
بس كان عندي احساس وانا باقرا ان في خدعة قبل ما اكمل

[Donzi]

انا عن نفسي مش هاقول حاجة

هاسيب الاخوة في المنتدى يقوموا بالواجب

[MOUSTAFA_SAAD]

هههههههههه
انت الشتيمه شويه عليك

[mohamedbook]

ههههههههههههههه
ولا سحر ولا شعوزة

[piezo]

شكل المنتدي كل هايزورك زياره انت مش حاببها ولا هاتحبها هههههههههههههههههههههههههههههههههههههههههههههههههه هههههههههههههههههههه

[medoghaly]

يا ريت بقي العنوان يا رجالة علشان انا طالعلة حالا معايا بتاع عربيتين مليانين صحاب و هنجيب الباسوورد و نيجى لو حد عايز حاجة تاني منة يقول ههههههههههه

[nouranwar]

يا جاااااااااامد انا قولت خلاص جاتلي الفرصة و هبقي هاكر كبييييييييير :)

[tarekzein]

هههههههه

يابنى أرحمنا شويه من إشتغالاتك دى

مش كفايه عالفيس

[abogogo]

هههههههه

يابنى أرحمنا شويه من إشتغالاتك دى

مش كفايه عالفيس

ههههههههه طارق باشا حتى الان تقريبا 360 واحد دخل يشوف الموضوع نقول 2% داخلين يقولوا نصيحة ان كده حرام 30 % دخلين يعرفوا الطريقة عشان مايقعوش فيها والباقي عايز يبقى هاكرز