بجاحة من ميكروسوفت

[Karim_Monir]

هيا وصلت البجاحة بميكروسوفت انها تحط صورة نجمة داود جوة ملفات الميديا بتاعت الاوفيس
وصلني الميل واتاكدت انه صح



كيفية العثور عليها :

-1 قم بالذهاب إلى My Computer .

2- قم بإختيار القرص C .

-3 ثم قم بفتح مجلد Program Files .

-4 ثم قم بفتح مجلد Microsoft Office .

-5 ثم مجلد MEDIA .

-6 ومن ثم CAGCAT10 .

7- الصوره إسمها J0285926

قم بإزالة هذه القذاره من جهازك

[محمد المشد]

الحمد لله لم اجد هذه القذارة بجهازى 00 واضح انهم بالسعودية يمنعوها من المنبع مش سايبين الامور سبهللة زينا
شكرا لسعادتكم للتنبية

[ahmedsamir79]

يا نهار أسود
أنا أول مره أخد بالي

[goodwave]

علم وينفذ يا فندم
تم تحديد موقع الهدف وتصفيته نهائيا بإستخدام السلاح الفتاك Ctrl + Alt + Delete

بس في حاجة يا كريم ..... في صورة تانية في نفس الملف رقم J0301050
ودي صورة للكعبة الشريفة ... ولذلك.... فمع تفهمي لغيرتنا وكرهنا لهؤلاء اليهود يظهر ان واضع نسخة الويندوز قد اخذ في الإعتبار معظم الرموز الدينية لكل الديانات زي صورة بوذا مثلا .... رؤية النجمة شئ مستفز انا معاك ولكن لا أتفق معاك يا كريم إنها مقصودة كما نفهمها نحن.

[solycar]

طب هى صورة زى دى لزمتها اية عندى؟؟؟؟؟؟

اكيد ليهم هدف من كدة غير انهم يحرقوا دمى

[emadno1]

الصور دى موجودة علشان الكليب ارت بتاع الاوفيس

[solycar]

الصور دى موجودة علشان الكليب ارت بتاع الاوفيس

يعنى اية

[Akram]

تم حذف (القذارة) , و سيتم إنذار العضو بل جيتس ........

[solycar]

الصور دى موجودة علشان الكليب ارت بتاع الاوفيس

خلاص ياباشا
واحد صحبى فهمنى

[فادى]

الى عايز ميستعملش أوفيس فيه بديل لا يقل عنه كفاءة, و متوافق معاه يعنى بيفتح نفس امتداد ملفات الأوفيس, و أنا شخصيا بستعمله منذ فترة و شغال زى الفل و هتعرف تستخدمه بسرعه, لأنه شبه الأوفيس و الأحسن من كل ده انو مجانى تماما.

https://www.openoffice.org

هتلاقو Download فوق الصفحة, الملف حوالى 50 ميجا بايت مش فاكر, بس فعلا فيه كل حاجة ممكن تحتاجها.

[yasserayad]

الى عايز ميستعملش أوفيس فيه بديل لا يقل عنه كفاءة, و متوافق معاه يعنى بيفتح نفس امتداد ملفات الأوفيس, و أنا شخصيا بستعمله منذ فترة و شغال زى الفل و هتعرف تستخدمه بسرعه, لأنه شبه الأوفيس و الأحسن من كل ده انو مجانى تماما.
www.openoffice.org
هتلاقو Download فوق الصفحة, الملف حوالى 50 ميجا بايت مش فاكر, بس فعلا فيه كل حاجة ممكن تحتاجها.

شكرا شكرا جزيلا يافادى
دى معلومه جميله

[ahmedateya]

سؤال بسيط للكل..

هوة وجودها جوة الكليب ارت بتاع الاوفيس ده هيعمل ايه بالظبط؟
و هل مسحها من هناك هيقلل من الهيمنة الإسرائيلية على المنطقة مثلا؟
و هل وجود اي رمز لأي ديانة او أي طائفة جوة الاوفيس يجعل من ميكروسوفت "بجحة"؟
و اللطيف في الأمر ان من ينادوا بسب ميكروسوفت و انها بجحة هم انفسهم مستخدمين لتطبيقاتها و نظم تشغيلها و التي نسرقها بالمناسبة ولا ندفع فيها مليم واحد!!

اخي الكريم كريم
للأسف اضعت وقتك و وقتنا فيما لا يفيد و هذه وجهة نظري الشخصية و ارجو الا تضايقك

[hamedo0]

تم تصفيه الهدف والي عمليات اخرى باذن الله

[wild_man]

عندك حق

سؤال بسيط للكل..

هوة وجودها جوة الكليب ارت بتاع الاوفيس ده هيعمل ايه بالظبط؟
و هل مسحها من هناك هيقلل من الهيمنة الإسرائيلية على المنطقة مثلا؟
و هل وجود اي رمز لأي ديانة او أي طائفة جوة الاوفيس يجعل من ميكروسوفت "بجحة"؟
و اللطيف في الأمر ان من ينادوا بسب ميكروسوفت و انها بجحة هم انفسهم مستخدمين لتطبيقاتها و نظم تشغيلها و التي نسرقها بالمناسبة ولا ندفع فيها مليم واحد!!

اخي الكريم كريم
للأسف اضعت وقتك و وقتنا فيما لا يفيد و هذه وجهة نظري الشخصية و ارجو الا تضايقك

أستاذ أحمد... أحييك على رأيك العملي جدا و أضم صوتي لصوتك...
و يالا ناخدلنا ساتر عشان هنلاقي هجوم بالطيران دلوقتي من عدد كبير من الأعضاء اللي هيزعلهم لرأينا :)

[M_HaFeZ]

الموضوع ده قديم جدا ياكريم
الموضوع ده اتنشر فى مواقع من حوالى 3 سنين تقريبا
وعادى دى صوره
طبعا انا ضد اسرائيل وقذارتها بس لازم نكون منطقيين
لانها برضه صوره