انا مش ها صدق بعد كده غير عنيا

[aminibrahim]

بعد كل اللي الواحد بيقراه في الجرايد وفي المنتديات وهنا

والتليفزيون وغيره الخخخخخخخخخ

كنت في اسوان بقالي قتره وجالي شغل بره البلد وسا فرت شرم الشيخ ولقيت كله بيس

رحت القاهره وبحكم الشغل ليل ونهار ومتأخر ودايري الساعه 3 باليل وغيره وعلي رجليا وباالتاكسي كله تمام ابص شمال ويمين وصحابي يقولولي في ايه اقول لهم فين البلطجيه يضحكوا
كنا باليل الساعه 3 ع الدائري قلولي انت بتصدق هو في بس مش للدرجه

وغيره وقلت الله امال في ايه الناس مالها ما كله تمام والناس ولا في دمغها الثوره والعجيب اسال واحد اقوله سمعت اللي اتقتل في الحته الفلانيه يقولي لأ ماعنديش فكره

وبنات ليل ونهار واولاد ولا الهوي

وسيراتو في كل حته والناس ولا في دمغها انا قلت بس يبقي خلاص يا معلم مش هاصدق حد تاني

[MOUSTAFA_SAAD]

هو فعلا فيه مبالغات كتير
بس برده فى حاجات بتحصل
وعموما برده ايام مبارك والعادلى كانت فيه بلاوى بس ماحدش كان بيتكلم عنها بالشكل المبالغ فيه
لكن دلوقتى شوية الرعب اللى عندنا مخلينا ندور على الاخبار دية

[ArafatEHegazy]

هو فعلا فيه مبالغات كتير
بس برده فى حاجات بتحصل
وعموما برده ايام مبارك والعادلى كانت فيه بلاوى بس ماحدش كان بيتكلم عنها بالشكل المبالغ فيه
لكن دلوقتى شوية الرعب اللى عندنا مخلينا ندور على الاخبار دية

+11111

[midoabdeen]

وكمان المفروض تحمد ربنا انك ماتحتتش فى موقف زى دا
ربنا يسترها معانا كلنا

[mustafavet]

مناطق مناطق يافندم
الاقاليم وي القليوبية والشرقيه مليانة دلوقتي بالاضافة للدقهلية

[sayed911]

انا صديق عمري اتثبت اول امبارح في مدينة العبور امام جامعة عين شمس يا سيدي الفاضل ولو حبينا ناخدها نسبة احنا الدفعة 180 طالب واحد اتثبت تعتبر النتيجة معقولة قبل وبعد الثورة !! والحمد لله محصلوش حاجة ولكن الواد بيحلف انه العيال الـ 3 كانو مش موجودين عقليا اصلا !! مغيبين تماما !! وكان الساعة 9 الصبح والعربيات ماشية عادي جدا وهوة واقف بيدور على ميكروباص !! ولكن شرم معتقدش تلاقي فيها حاجة زي كده لأنه الأماكن اللي بيبقى فيها نسبة إشغال اجنبي بتبقى الدرجة الأمنية فيها مرتفعة نسبيا ولكن انا فعلا من انصار انني محكيش عن حاجة زي دي لأني فعلا بثبت أنه فيه عدم استقرار امني !! وببث الخوف في قلوب الناس فعلى ايه دي جالة فردية والحمد لله على كل شئ

[mahmoud_afifi]

مش شرط يكون في بلطجيه عشان نقول مفيش امن ونظام !
كفايه يا أخي الهرجله وعدم الانتظام الي الناس ماشيه فيها.

[Mshawky]

الدنيا هديت عن الاول بكتيييييير على فكره ولكن كل واحد دلوقتى ماشى شايل سلاح متفهمش ليه
لكن انا شايف ان حتى التثبت انت لو قلبك جامد وقفشت عليهم مش هيعملولك حاجه لانهم جبنا وعقلهم مش فيهم
لكن لو معاهم اسلحه ناريه الموقف مختلف وديه نادره لانهم بيتسخدموها مع عربيات الفلوس والكلام الكبير ده

[misoalex]

[color="rgb(255, 140, 0)"]حد يجيب صوره عربيه محمد مصطفى اللى اتضرب عليها رصاص على الصحراوى والنمر اتخرمت

عشان مش عارف اوصل للموضوع

يا باشا المصيبه بتحصل فى لحظه وممكن متشوفهاش كمان يعنى مش شرط وانت ماشى تاخد بالك ان واحد متثبت على الطريق او اتضرب عليه نار

مش حنضحك على بعض فعلا حكاوى فشنك بس فيه مصايب حقيقيه كتيييييييييييير والبلد ساييبه واللى متحكم فيها دلوقتى البلطجيه

[/color]

[Strong]

انا عملت زيك وطول مانا ماشي اقول فين الحرامية والبلطجية لغاية لما اتعرضت لسطو مسلح في وسط النهار وفي شارع عمومى وحواليا ناس كتير والحمد لله ربنا قدرني وعرفت اهرب وفي نفس الاسبوع حصل 3 حالات سرقة قدامى ومقدرتش اتحرك من مكاني احمد ربنا ومتتمناش الشر

[تامر.محمد]

لا هو موجود طبعا
اللي بتقوله التقارير (الغير حكومية طبعا) ان نسبة الجريمة ثابتة لكن الاداء الامني هو اللي اقل
و وزير الداخلية بيقول لك مسكنا في الشهور اللي فاتت 200 بلطجي من اصل 11 الف :))))))))

الله اعلم

[abdo_general]

بص يا فندم
انا كنت زيك كده بالظبط
من ايام مبارك وبقول الناس بتبالغ وامن دولة وتعذيب ولا شفنا اي حاجة
وكل تعاملي مع الشرطة تعاملات محترمة جدا ومن غير اي واسطة

وبرضه بعد الثورة بقول مافيش بلطجة كلها ترويج اشاعات لبث الخوف في نفوس المصرين

بس الخلاصة اني شفت البلطجة دي وجربته يوم الثلاثاء الي قبل الي فات
وفي عز الظهر الساعة 1

ومطاوي علي رقبتك وجنبك ومتكتف
بس مش حابب احكي الموضوع بالتفصيل لاني مخنوق منه

بس عامة كونك ماشوفتش اي حاجة من دي يبقي انت محظوظ
واحمد ربنا وقول اللهم ما دمها نعمة واحفظها من الزوال

انا كنت بقول ( ماتصدقش الي تسمعه وصدق نص الي تشوفه )
بس لما تسمع حاجة برضه اتعلم منها وخد حزرك حتي لو مش مصدقها

[SheNo0o]

التجربه خير دليل والحمدلله انك متحطتش ف الموضوع ده
انا امبارح قزاز العربيه اليمين اتكسر ولولا الانزار واني واخد حذري كان دخل العربيه
وقعد وعاش حياته وظبط الدنيا وكان زماني هنا ف مواضيع العربيات المسروقه بدور عليها xD
بس الحمدلله ربنا ستر وركبت قزاز قبل دخله العيد واجازات الناس

ف احمد ربنا وخد حذرك كويس لان البلد مش مظبوطه والدليل الاخوة الي ردوا عليك بتجاربهم والي شافوة

[م.احمد زكريا]

انت حظك حلو احمد ربنا

من يومين صاحبي قطروة من البنك لحد التجمع وغاب عن العربية 10 دقايق

رجع لقي العربية مكسور ازازها واتكسر التابلوه واتاخد منها الفلوس

وشكرا

[rockana9112007]

بحكم شغلى بنزل مناطق كتير منها الشعبى والعشوائيات ومدن الصفيح والاحياء الهاى كلاس
العصابات فى الاحياء الراقية بتنزل تصطاد صيدة وتخلع على منطقة اختباءها عشان كدة محدش بيشوف حاجة بيسمعو بس
ومن يومين بالظبط شوفت حرامية راجعين بصيدة تخيلو اية ؟؟
عربية تويوتا بتاعت السفارى الجيب وقاطرة جيت سكى على المقطورة بتاعتة

فى العشوائيات ومدن الصفيح الالكتريك مع اطفال الابتدائى والالى والطبنجات علنى على النواصى مع الشباب وبيع المخدرات والبرشام فى وضح النهار
والمضحك انك تلاقى الشرطة على اول الشارع رافعين شعار لا ارى لا اسمع لا اتكلم

عشان كدة انا مؤمن ومتأكد مليووون المية ان فية تقاعس متعمد من الداخلية
لانى كذا مرة اكلم افراد وامناء فى اماكن مختلفة عن موضوع الانفلات الامنى يردو عليا برد شبة واحد
وهو ان الشعب يستاهل ......مش هما عملو ثورة وعاوزين حرية
ودة بيعكس الفكر السائد عندهم وعند قياداتهم ..................اننا نستاهل
وبصراحة ربنا هما مبقوش بيتحاسبو على الجرائم اللى بتحصل فى مناطق عملهم
ف ازاى تجبرهم انهم يشتغلو ؟؟؟؟؟؟